Ongumbiro yondjamo
Komuimburise. Epsalme rovazandu va Kora.
1 Ndjambi, eṱe twa zuva nomatwi wetu oveni,
ootate mukururume ve tu
serekarera oviungura ovihimise,
mbi wa tjitire moruveze rwawo,
momayuva warukuru;
2 Ove wa ramba ovanavisenginina,
narire tji wa turisa otjiwaṋa tjoye mehi rawo.
Ove wa teya omasa woviwaṋa vyarwe,
nu o ṋingaparisa otjiwaṋa tjoye.
3 Otjiwaṋa tjoye katji kamburire
ehi nomangaruvyo watjo;
nomasa watjo kaye tji vaterere;
nungwari yari kehi yomasa nomasorero woye,
mokukambura moukarepo woye,
ove tjinga awe tji suverere.
4 Oove ombara yandje na Ndjambi wandje;
yandja outoṋi kotjiwaṋa tjoye.
5 Momasa woye matu havere ovanavita na eṱe,
nu mena roye matu tombo ovetupirukire.
6 Ami hi nokuriyameka kouta wandje,
poo kengaruvyo randje okundjiyama;
7 nungwari ove we tu yama kovetupirukire,
nu wa ṱisa ovetutonde ohoṋi.
8 Eṱe aruhe matu hivirike Ndjambi,
nu matu tanga ena re aruhe nga aruhe.
9 Nungwari nambano ove we tu nakaura
nu we tu esa kutja tu haverwe;
ko nokuuhara amo kayenda puna
ovimbumba vyetu vyovita.
10 Ove we tu taurisa komurungu wovanavita na eṱe,
novetutonde opu va za okutuhuura.
11 We tu yandja ku wo kutja tu ṱe tjimuna ozonḓu,
nu we tu rimba mokati kovanavisenginina.
12 Ove wa randisa otjiwaṋa tjoye kotjisuta otjiṱiṱi,
nu ko mwine mo ovitjoziwa mokutjirandisa.
13 Ove we tu twa mohoṋi kovararanganda na eṱe,
nu we tu nyekererisa
nokutuhembisa kovopopezu na eṱe.
14 We tu tjita ovanyengurwa
mokati kovanavisenginina,
noviwaṋa vi tu takera oviuru mokutunyekerera.
15 Ami aruhe mbi kara mondjambu,
nu mbi ṱisiwa ohoṋi,
16 mo ku zuva ovanavita nami na imba
mbe ndji tonda tji mave ndji
nyekerere nokundjiyamburura.
17 Oviṋa avihe mbi vya tjitwa ku eṱe,
nandarire kutja eṱe katu ku zembire,
nu katu teyere omerikutiropamwe
ngu wa tjita ku na eṱe.
18 Omitima vyetu kavi pokere kove,
nu katu yepere mondjira yoye.
19 Nungwari ove we tu esa
mokati kovipuka ovinyondorore
nokuhinombatero no tu
vandeke nomuzororema.
20 Andakuzu eṱe twa isire
okurikotamena ku Ndjambi wetu
natu kumbu komukuru wotjisenginina,
21 ove, tjiri, otjiṋa hi otjo tjimuna,
tjinga au tjiwa oviundikwa vyo momitima vyetu.
22 Nungwari omena roye eṱe tji tu ṱa eyuva arihe,
nu tu varwa otja ozonḓu nḓu maze kaṱa.
23 Penduka, Muhona! Mo rarere tjike?
Yanḓimuka! Nu o tu nakaura nga aruhe.
24 Omurungu woye mo u horekere tjike ku eṱe?
O zembi ondjenda nombameno yetu!
25 Eṱe twa ṋiṋikizirwa moruuma,
nu twa saravara mehi atwa ṱukuṱurwa.
26 Sekama u tu vatere! Nu tu yama
mena rorusuvero rwoye orukarerere!
(A special psalm by the clan of Korah and for the music leader.)
A Prayer for Help
1 Our God, our ancestors told us
what wonders you worked
and we listened carefully.
2 You chased off the nations
by causing them trouble
with your powerful arm.
Then you let our ancestors
take over their land.
3 Their strength and weapons
were not what won the land
and gave them victory!
You loved them and fought
with your powerful arm
and your shining glory.
4 You are my God and King,
and you give victory
to the people of Jacob.
5 By your great power,
we knocked our enemies down
and trampled on them.
6 I don't depend on my arrows
or my sword to save me.
7 But you saved us
from our hateful enemies,
and you put them to shame.
8 We boast about you, our God,
and we are always grateful.
9 But now you have rejected us;
you don't lead us into battle,
and we look foolish.
10 You made us retreat,
and our enemies have taken
everything we own.
11 You let us be slaughtered
like sheep,
and you scattered us
among the nations.
12 You sold your people
for little or nothing,
and you earned no profit.
13 You made us look foolish
to our neighbors;
people who live nearby
insult us and sneer.
14 Foreigners joke about us
and shake their heads.
15 I am embarrassed every day,
and I blush with shame.
16 But others mock and sneer,
as they watch my enemies
take revenge on me.
17 All this happened to us,
though we didn't forget you
or break our agreement.
18 We always kept you in mind
and followed your teaching.
19 But you crushed us,
and you covered us
with deepest darkness
where wild animals live.
20 We did not forget you
or lift our hands in prayer
to foreign gods.
21 You would have known it
because you discover
every secret thought.
22 We face death all day for you.
We are like sheep on their way
to be slaughtered.
23 Wake up! Do something, Lord!
Why are you sleeping?
Don't desert us forever.
24 Why do you keep looking away?
Don't forget our sufferings
and all our troubles.
25 We are flat on the ground,
holding on to the dust.
26 Do something! Help us!
Show how kind you are
and come to our rescue.
