Okutanga oviungura ovinene vya Muhona
1 Tanga Muhona!
Ami me hivirike Muhona
nomutima wandje auhe mombongo
yotjiwaṋa tje.
2 Oviungura vya Muhona, tjiri, ovinene!
Avehe mbe norutjato mu vyo,
ve ripura na vyo.
3 Avihe eye mbye tjita,
vye ura nounene nongeṋangeṋeno;
ouṱakame we u karerera nga aruhe.
4 Muhona aruhe u tu zemburukisa
oviungura vye ovihimise.
Eye u nomutima omuwa nu unotjari.
5 Eye u parura imba mbe mu yozika,
nu u zemburuka omerikutiropamwe
we nga aruhe.
6 Wa raisa omasa we kotjiwaṋa tje
mokutjipa omahi wovandu wozonganda.
7 Avihe eye mbye tjita, vi hongonona
ouṱakame nousemba we;
omarakiza we aehe ya zikama.
8 Owo ya zikama aruhe nga aruhe,
nu ya yandjewa mouatjiri na mousemba.
9 Eye wa kutura otjiwaṋa tje,
nu wa tjita omerikutiropamwe
omakarerere na tjo.
Ena re eyapuke netirise.
10 Ondira ku Muhona oyo ombutiro younongo;
avehe mbe nonḓuviro komarakiza we,
ve nozondunge ozombwa.
Ondangero ya Muhona i karerera nga aruhe.
Praise the Lord for All He Has Done
1 Shout praises to the Lord!
With all my heart
I will thank the Lord
when his people meet.
2 The Lord has done
many wonderful things!
Everyone who is pleased
with God's marvelous deeds
will keep them in mind.
3 Everything the Lord does
is glorious and majestic,
and his power to bring justice
will never end.
4 The Lord God is famous
for his wonderful deeds,
and he is kind and merciful.
5 He gives food to his worshipers
and always keeps his agreement
with them.
6 He has shown his mighty power
to his people
and has given them the lands
of other nations.
7 God is always honest and fair,
and his laws can be trusted.
8 They are true and right
and will stand forever.
9 God rescued his people,
and he will never break
his agreement with them.
He is fearsome and holy.
10 Respect and obey the Lord!
This is the first step
to wisdom and good sense.
God will always be respected.
