Okuza konḓiro okuyenda komuinyo
1 Moruveze ndwa kapita eṋe mwa kokere, tjinga amu ha ri nonḓuviro ku Ndjambi nu tjinga amwa tjitire ourunde. 2 Momayuva ngo aa mu ryanga mongaro yourunde youye mbwi, neṋe mwa ri nonḓuviro komuhonapare womasa wombepo mevaverwa, indji ombepo nambano ndji ungura movandu mbe hi nonḓuviro ku Ndjambi. 3 Rukuru eṱe atuhe twa ri tjimuna wo, nu aa tu hupu otja kozonḓuma zetu zonyama; eṱe aa tu tjiti ozonḓero zotutu nozozondunge zetu oveni. Neṱe otja ovandu ovakwetu avehe twa sokuverwa i Ndjambi momazenge we.
4 Nungwari Ndjambi we ura notjari norusuvero rwe orunene tjinene. 5 Nu ngunda atwa ṱa mokuhinanḓuviro kwetu eye we tu kotora komuinyo puna Kristus. Nu motjari tja Ndjambi eṋe mwa yamwa! 6 Nu moruwano na Kristus Jesus eye we tu pendura puna ye ne tu pe oruveze puna ye meyuru. 7 Komuhingo mbwi moruveze ndu maru ya Ndjambi ma vanga okuraisa ounene wotjari tje ouhimise morusuvero eye ndwa kara na ro na eṱe mu Kristus Jesus. 8 Orondu eṋe, tjiri, mwa yamwa i ongamburiro mena rotjari tja Ndjambi. Nondjamo ndji kai zire mu eṋe oveni, nungwari oyo otjiyandjewa tja Ndjambi. 9 Oyo kai zu moviungura vyeṋu oveni, notji pe hi nokusokukara omundu ngu me rihivi omuini. 10 Ndjambi we tu uta otja tji tu ri nai, nu moruwano na Kristus Jesus eye we tu utira kutja mongarero yetu mu ze oviungura oviwa mbye tu ṱunina kutja tu hupe mu vyo.
Avehe ivemwe mu Kristus
11 Zemburukeye kutja rukuru mwa ri ovakwatjike. Okuza kongwatero yeṋu eṋe mwa ri ovehina Ndjambi, nu Ovajuda ave mu tja oweṋe “ovahasukara”, owo oveni ngunda ave ritja “ovasukare”, nandarire kutja ingwi okusukara ku tjitwa i ovandu korutu. 12 Momayuva ngo eṋe mwa ri kokure na Kristus. Eṋe mwa ri ovozonganda nu kamwa ri owotjiwaṋa otjitoororwa tja Ndjambi. Eṋe kamwa ri norupa momerikutiropamwe na momakwizikiro wawo, nu mwa kara nokuhinomaundjiro nokuhina Ndjambi mouye. 13 Nungwari nambano moruwano na Kristus Jesus eṋe mbu mwa ri kokure mwa kotorwa popezu i ombinḓu ya Kristus. 14 Orondu Kristus tjinga e ri ohange yetu; neye wa tjita kutja Ovajuda na imba mbe he ri Ovajuda ve rire otjiwaṋa tjimwe. Nu mokuṱa kwe eye wa teya orumbo ndwe ve haṋene nu ndwe ve tjitire ovanavita kumwe. 15 Eye wa yandeka Omatwako wOvajuda nomazikamisiro nomaraerero wawo kokutja omihoko vivari mbi a tjite vi rire otjiwaṋa tjimwe otjipe moruwano na ye, nu komuhingo mbwi a twe po ohange. 16 Nu monḓiro ye kotjikoroise eye wa yandisa ovita pokati komihoko vivari mbi, e vi hanganisa na Ndjambi ne vi wanisa avi rire orutu rumwe. 17 Kristus otje ya na zuvarisa Ombuze Ombwa yohange kovandu avehe, okutja ku eṋe mbu mu he ri Ovajuda nu mbu mwa ri kokure na Ndjambi na kOvajuda mba ri popezu na ye. 18 Nu mu Kristus eṱe atuhe, okutja Ovajuda na mbu tu he ri Ovajuda, matu yenene okuya mOmbepo imwe komurungu wa Tate.
19 Neṋe kaweṋe owozonganda novambangu rukwao; nambano oweṋe oworuuto rumwe notjiwaṋa tja Ndjambi nouṋepo wonganda ya Ndjambi. 20 Eṋe mwa tungwa kombanda yomazikameno wovaapostele novaprofete, nu Kristus Jesus omuini e ri ngu ri indji ongunḓe yomatungiro. 21 Eye ongu ṱizira inga omatungiro aehe kumwe, nu mu ye owo ye hapa okurira ondjuwo ondjapuke mu Muhona. 22 Nu moruwano na ye eṋe wina mu tungwa mumwe novakweṋu avehe okurira omatungiro Ndjambi ma tura mOmbepo ye.
From Death to Life
1 In the past you were dead because you sinned and fought against God. 2 You followed the ways of this world and obeyed the devil. He rules the world, and his spirit has power over everyone who doesn't obey God. 3 Once we were also ruled by the selfish desires of our bodies and minds. We had made God angry, and we were going to be punished like everyone else.
4-5 But God was merciful! We were dead because of our sins, but God loved us so much he made us alive with Christ, and God's gift of undeserved grace is what saves you. 6 God raised us from death to life with Christ Jesus, and he has given us a place beside Christ in heaven. 7 God did this so in the future world he could show how truly good and kind he is to us because of what Christ Jesus has done. 8 You were saved by faith in God, who treats us much better than we deserve. This is God's gift to you, and not anything you have done on your own. 9 It isn't something you have earned, so there is nothing you can brag about. 10 God planned for us to do good things and to live as he has always wanted us to live. This is why he sent Christ to make us what we are.
United by Christ
11 Don't forget that you are Gentiles. In fact, you used to be called “uncircumcised” by those who take pride in being circumcised. 12 At that time you did not know about Christ. You were foreigners to the people of Israel, and you had no part in the promises God had made to them. You were living in this world without hope and without God, 13 and you were far from God. But Christ offered his life's blood as a sacrifice and brought you near God.
14 Christ has made peace between Jews and Gentiles, and he has united us by breaking down the wall of hatred that separated us. Christ gave his own body 15 to destroy the Law of Moses with all its rules and commands. He even brought Jews and Gentiles together as though we were only one person, when he united us in peace. 16 On the cross Christ did away with our hatred for each other. He also made peace between us and God by uniting Jews and Gentiles in one body. 17 Christ came and preached peace to you Gentiles, who were far from God, and peace to us Jews, who were near God. 18 And because of Christ, all of us can come to the Father by the same Spirit.
19 You Gentiles are no longer strangers and foreigners. You are citizens with everyone else who belongs to the family of God. 20 You are like a building with the apostles and prophets as the foundation and with Christ as the most important stone. 21 Christ is the one who holds the building together and makes it grow into a holy temple for the Lord. 22 And you are part of that building Christ has built as a place for God's own Spirit to live.
