1 Okuza ku Simon Petrus, omukarere nomuapostele wa Jesus Kristus.
Ami me tjanga ku imba mba pewa ongamburiro ohuze ndja sana na indji oyetu otja kombango ya Ndjambi nOmuyame wetu Jesus Kristus.
2 Otjari nohange ngavi takavarisiwe mu eṋe mondjiviro yeṋu ya Ndjambi noya Jesus, oMuhona wetu.
Omaisaneno nomatoororero womukriste
3 Momasa we otja ngu ri Ndjambi, eye we tu pa avihe mbi twa hepa mongarero, ndji tjata ku ye. Nomayandjero nga ye za mokutja eṱe tu tjiwa Ndjambi, ingwi ngwe tu isana kutja tu kare noruwano mounene na momasa we. 4 Mokutjita nao eye we tu pa oviyandjewa ovihuze novinene tjinene mbya kwizika. Komuhingo mbwi eṋe otji mamu sora okutaurira omazunḓarero nge ungura mouye momuano wozonḓuma, nokuwanekwa mongaro ya Ndjambi. 5 Eṋe opu mwa sokukondja tjinene okuweza ko ousore kongamburiro yeṋu; nu kousore mu weze ko ondjiviro; 6 nu kondjiviro mu weze ko omeritjaerero; nu komeritjaerero mu weze ko onḓaro orure; nu konḓaro orure mu weze ko oupore; 7 nu koupore mu weze ko orusuvero kovakweṋu; nu korusuvero kovakweṋu mu weze ko orusuvero kovandu avehe. 8 Noviṋa mbi avihe tji mwa kara na vyo navi takavara mu eṋe, mavi mu tjiti kutja mu rire omapatje novaungure vakatjotjiri mokutjiwa nawa Muhona wetu Jesus Kristus. 9 Nungwari ingwi ngu hi noviṋa mbi eye ka munu, ii, eye, tjiri, omupoṱu, nu wa zemba kutja wa kohororerwe kourunde we oukuru.
10 Vakwetu ovasuverwa, otji mamu sokukondja tjinene komeho okuraisa mongarero yeṋu kutja Ndjambi we mu isana nu we mu toorora. Tji mwa tjiti oviṋa mbi, tji mwa tjiti nao kamaamu poka ko kongamburiro yeṋu. 11 Komuhingo mbwi otji mamu yakurwa nomayakuriro omawa omamanise mouhona waaruhe wa Muhona nOmuyame wetu Jesus Kristus.
12 Ami aruhe opu me zu okumuzemburukisa oviṋa mbi, nandarire kutja mamu vi tjiwa nu mwa zeuparisiwa mouatjiri mbwa tjiukisiwa ku eṋe. 13 Nungwari me tjangovasi mbi nousemba okumuzemburukisa oviṋa mbi nokumuyanḓiparisa mu vyo ngunda ambi nomuinyo. 14 Ami me tjiwa kutja onḓiro yandje i ri popezu otja Muhona wetu Jesus Kristus punga e ndji raera ongahukiro. 15 Notjinga ame kondjo tjinene kutja mu zemburuke oviṋa mbi kombunda yonḓiro yandje wina.
Ovandu, mba munine ounene wa Kristus
16 Eṱe katwa ri nouripura wovimbaharere indu tji twe mu tjivisa omasa wa Muhona wetu Jesus Kristus nomakotokero we. Eṱe twa muna ounene we nomeho wetu oveni. 17 Eṱe opu twa ri, eye tja perwe ondjozikiro nounene i Ndjambi Ihe, neraka tji re ere ku ye okuza ku Ndjambi Omunamasa wOkombandambanda, amari tja: “Eye Omuna wandje omusuverwa ami mu mbi nonyuṋe!” 18 Neraka ndi eṱe twe rizuvire oveni, tji ra zire meyuru, indu tji twa ri puna ye kondundu indji ondjapuke.
19 Notjiṋa hi otji tja tjita kutja tu rire ovazikame tjinene komeho mombuze ndji ndja zuvarisirwe i ovaprofete. Nu ma rire kokuwa tji mwa kara ko na tja na yo; oyo i ri otja emunine, ndi yera monḓorera nga tji pa tji, nu nga Hingauṱuku tji mai yere momitima vyeṋu. 20 Nu kombanda yaavihe tjiweye kutja kape nomundu ngu ma handjaura nozondunge ze omuini inga omaprofetero womatjangwa. 21 Orondu kape nomaprofetero nga zire mombango yomundu. Nungwari imba ovandu aave hingwa i Ombepo Ondjapuke, tjaave hungire ombuze ndja zire ku Ndjambi.
1 From Simon Peter, a servant and an apostle of Jesus Christ.
To everyone who shares with us in the privilege of believing that our God and Savior Jesus Christ will do what is just and fair.
2 I pray that God will be kind to you and will let you live in perfect peace! May you keep learning more and more about God and our Lord Jesus.
Living as the Lord's Followers
3 We have everything we need to live a life that pleases God. It was all given to us by God's own power, when we learned he had invited us to share in his wonderful goodness. 4 God made great and marvelous promises, so his nature would become part of us. Then we could escape our evil desires and the corrupt influences of this world.
5 Do your best to improve your faith by adding goodness, understanding, 6 self-control, patience, devotion to God, 7 concern for others, and love. 8 If you keep growing in this way, it will show that what you know about our Lord Jesus Christ has made your lives useful and meaningful. 9 But if you don't grow, you are like someone who is nearsighted or blind, and you have forgotten that your past sins are forgiven.
10 My friends, you must do all you can to show God has really chosen and selected you. If you keep on doing this, you won't stumble and fall. 11 Then our Lord and Savior Jesus Christ will give you a glorious welcome into his kingdom that will last forever.
12 You are holding firmly to the truth you were given. But I am still going to remind you of these things. 13 In fact, I think I should keep on reminding you until I leave this body. 14 And our Lord Jesus Christ has already told me that I will soon leave it behind. 15 This is why I am doing my best to make sure that each of you remembers all of this after I am gone.
The Message about the Glory of Christ
16 When we told you about the power and the return of our Lord Jesus Christ, we were not telling clever stories someone had made up. But with our own eyes we saw his true greatness. 17 God, our great and wonderful Father, truly honored him by saying, “This is my own dear Son, and I am pleased with him.” 18 We were there with Jesus on the holy mountain and heard this voice speak from heaven.
19 All of this makes us even more certain that what the prophets said is true. So you should pay close attention to their message, as you would to a lamp shining in some dark place. You must keep on paying attention until daylight comes and the morning star rises in your hearts. 20 But you need to realize that no one alone can understand any of the prophecies in the Scriptures. 21 The prophets did not think these things up on their own, but they were guided by the Spirit of God.
