Omawongero wovimariva kombongo ya Jerusalem
1 Vakwetu, matu vanga kutja mu tjiwe ihi otjari ozombongo mOmakedonie tji za pewa i Ndjambi. 2 Nandarire kutja ozo za rorwa tjinene i omauzeu, enyando razo ra ri enyingi tjinene; nu nandarire kutja ozo za ri ozosyona tjinene, ozo za ri ozondumbe tjinene mokuyandja kwazo nouharupu. 3 Tjiri, me mu raere kutja ozombongo nḓa aaze yandja otja pu maze sora, ii, nandarire komeho ya imba pu maze sora. 4 Nombango yazo ozeni ze riheka ku eṱe nokuriyarikaṋa kutja ze kare norupa motjiungura tjokuvatera ovakambure mehi ra Judea. 5 Ihi tja ri okukapita imba pu twa ri amatu undju! Rutenga ozo ze riyandja ozeni ku Muhona; nu tjazumba otja kombango ya Ndjambi aze riyandja ozeni ku eṱe wina. 6 Opu twa zokuningira Titus kutja a yenenise otjiungura tjorusuvero hi, eye tja utire rukuru mokati keṋu. 7 Eṋe vari mu na avihe okukapita tjinene komeho: Ongamburiro nomambo nondjiviro nonḓero okuvatera norusuvero ndu mu na rwo na eṱe. Eṱe otji matu vanga kutja mu kare nouharupu motjiungura tjorusuvero hi.
8 Hi nokuyandja omarakiza ku eṋe; nungwari me mu raisire onḓero yovakweṋu yokuvatera kokutja mbi rorere po kutja orusuvero rweṋu oruatjiri. 9 Eṋe mamu tjiwa otjari tja Muhona wetu Jesus Kristus: Nandarire kutja eye wa ri omutumbe, we risyonaparisira eṋe, kokutja mu tumbisiwe i ousyona we.
10 Ami me mu rongo kutja okokuwa ku eṋe okumana nambano imbi mbi mwa uta ombura ndji ndja zu ko; eṋe mwa ri ovatenga, nu kako ngwi okutjita porwako, nungwari wina okongwi okuvanga okutjita. 11 Nambano nyinganyingeye nu mu mane ihi otjiungura. Kareye nonḓero okutjimana otja tji mwa ri na yo, indu tji mwe tji tyere, nu mu tji yenenise na imbi mbi mu na vyo nambano. 12 Atjihe tji mo yandja nouharupu, Ndjambi me tji yakura. Nu o yandja otja ku imbi mbi u hi na vyo nungwari yandja otja ku imbi mbi u na vyo. 13 Ami hi nakutwa ko omutwaro kombanda yeṋu, kokutja ovandu varwe ve mwine po ombatero; nungwari kokutja pe kare omutwaro mbu ṱeki pamwe, 14 eṋe nambano mbu mu na ovingi mu sokuvatera imba mbe nouhepe. Nu owo wina tji ve novingi, neṋe tji mwa hepa, ve sore okumuvatera. Komuhingo mbwi amuhe otji mamu ṱunwa pu pe ṱeki pamwe. 15 Otja tjinga apa tjangwa momatjangwa:
“Ingwi ngwa wongere ovingi,
ka ri novingi okukapita;
nu ingwi ngwa wongere ouṱiṱi,
ka ri nouṱiṱi tjinene.”
Titus novemuvatere
16 Eṱe matu tja okuhepa ku Ndjambi kutja wa yandja onḓero tjingewo ndji eṱe ndji tu na yo ku Titus okuvatera eṋe! 17 Eye ka yakurire omaningiriro wetu porwe, nungwari eye wa ri nonḓero onene tjinene okuvatera, nu eye wina wa ya ku eṋe nombango ye omuini. 18 Nu puna ye matu hindi omukwetu ngu tangwa mozombongo azehe motjimbe tjotjiungura tje tjokuzuvarisa Ombuze Ombwa. 19 Nu katjoho otjini porwe, nungwari omukwetu ngwi wina wa toororwa i ozombongo okuyenda puna eṱe, tji matu kaungura otjiungura tjorusuvero ihi tji twa tanda. Eṱe tu tji ungurira ondjozikiro ya Muhona notja otjiraisiro tjokutja tu nombango okuvatera.
20 Komuhingo mbwi eṱe tu paha okutjaera kutja ape ha ningi omundu ngu me ripurire ko kutja oweṱe ovanavineya motjimariva otjingi nai tji tu sokutwara. 21 Onḓero yetu okongwi okutjita ihi tji tji ri otjisemba, nu kakomurungu wa Muhona porwe, nungwari wina komurungu wovandu.
22 Nu puna wo eṱe matu hindi omukwetu warwe. Eṱe twe mu rora potuingi na momiano omingi, narire tji twa munu kutja eye aruhe u kara nonḓero okuvatera. Nu nambano eye u nonḓero tjinene komeho, tjinga e nouṱakame tjinene mu eṋe. 23 Nu Titus tje ri nai, eye omukwetu omuungure wapamwe na ami okumuvatera. Nu imba ovakwetu ovakwao vevari mbu mave i puna ye, owo ovahindwa vozombongo, nu ve etera Kristus ondjozikiro. 24 Raiseye orusuvero rweṋu ku wo, kokutja ozombongo azehe ze ru mune nu ze tjiwe kutja tu ri osemba, tji matu rihivire eṋe.
Generous Giving
1 My friends, we want you to know that the churches in Macedonia have shown others God's gift of undeserved grace. 2 Although they were going through hard times and were very poor, they were glad to give generously. 3 They gave as much as they could afford and even more, simply because they wanted to. 4 They even asked and begged us to let them have the joy of giving their money for God's people. 5 And they did more than we had hoped. They gave themselves first to the Lord and then to us, just as God wanted them to do.
6 Titus was the one who got you started doing this good thing, so we begged him to help you finish what you had begun. 7 You do everything better than anyone else. You have stronger faith. You speak better and know more. You are eager to give, and you love us better. Now you must give more generously than anyone else.
8 I am not ordering you to do this. I am simply testing how real your love is by comparing it with the concern that others have shown. 9 You know our Lord Jesus Christ treated us with undeserved grace by giving up all his riches, so you could become rich.
10 A year ago you were the first ones to give, and you gave because you wanted to. So listen to my advice. 11 I think you should finish what you started. If you give according to what you have, you will prove you are as eager to give as you were to think about giving. 12 It doesn't matter how much you have. What matters is how much you are willing to give from what you have.
13 I am not trying to make life easier for others by making life harder for you. But it is only fair 14 for you to share with them when you have so much, and they have so little. Later, when they have more than enough, and you are in need, they can share with you. Then everyone will have a fair share, 15 just as the Scriptures say,
“Those who gathered
too much
had nothing left.
Those who gathered
only a little
had all they needed.”
Titus and His Friends
16 I am grateful that God made Titus care as much about you as we do. 17 When we begged Titus to visit you, he said he would. He wanted to because he cared so much for you. 18 With Titus we are also sending one of the Lord's followers who is well known in every church for spreading the good news. 19 The churches chose this follower to travel with us while we carry this gift that will bring praise to the Lord and show how much we hope to help. 20 We don't want anyone to find fault with the way we handle your generous gift. 21 But we want to do what pleases the Lord and what people think is right.
22 We are also sending someone else with Titus and the other follower. We approve of this man. In fact, he has already shown us many times that he wants to help. And now he wants to help even more than ever, because he trusts you so much. 23 Titus is my partner, who works with me to serve you. The other two followers are sent by the churches, and they bring honor to Christ. 24 Treat them in such a way that the churches will see your love and will know why we bragged about you.
