1 Vakwetu ovasuverwa, omakwizikiro aehe nga wina ya tjitirwa eṱe. Ngatu rikohorore koviṋa avihe, mbi zunḓa orutu nomuinyo, nu mondira ku Ndjambi ngatu rire ovayapuke ku ye okuura.
Enyando noruhoze rwa Paulus
2 Tu ṱunineye oruveze momitima vyeṋu! Katu tjitire ouhasemba komundu, katu tjitire otjipo komundu, katu tjitire ovineya komundu! 3 Omambo nga hi nokuyehungirira okumuvera. Ami mba hungire rukuru kutja eṋe mu ri momitima vyetu okukara nomuinyo pamwe na eṱe nokuṱa pamwe na eṱe. 4 Ami me hungire ongahukiro na eṋe; nu wina mbi rihivira eṋe tjinene. Momauzeu wetu aehe ami mba yanḓipara nu mbe ura nenyando.
5 Nu tji twe ere mOmakedonie katu munine orusuvo. Kominda avihe kwa ri omaumba; ngunda amatu ru novandu varwe, aa tu kondjo nondira momitima vyetu. 6 Nungwari Ndjambi ngu yarura pehi omitima vyovanandjenda we tu panḓiparisa nomeero wa Titus. 7 Nu kawo nga omeero we porwe onge tu nyandisa omitima, nungwari okongwi okutja eṋe wina mwe mu vanḓiparisa. Eye we ndji serekarera kutja eṋe mu nonḓero tjinene okundjimuna, nokutja mu noruhoze na imbi mbya tjitwa, nokutja mu kondja okundjiyeura. Avihe mbi vye ndji nyandisa omutima tjinene.
8 Nandarire kutja ami morutuu rwandje mbe mu pe oruhoze, hi nokurikenda ko notjiṋa hi. Ngahino mbe rikenda okaruveze okasupi tji mba muna kutja orutuu ndwi rwe mu pa oruhoze. 9 Nungwari nambano ami mbi nenyando, nu kakutja orondu tji mbe mu pa oruhoze, nungwari omotjimbe tjokutja oruhoze rweṋu rwa eta ondanaukiro momitima vyeṋu. Eṋe hapo mwa ṱoruhoze otja Ndjambi punga a vanga. Neṱe otji tu he mu tjitire otjipo. 10 Orondu oruhoze ndwa etwa i Ndjambi ru eta ondanaukiro yomutima, ndji twara kondjamo, nu kamu nomerikendero worive motjiṋa hi. Nungwari oruhoze otja komuhingo wovandu ru eta onḓiro. 11 Tareye ihi oruhoze tji rwa tjita ku eṋe otja kombango ya Ndjambi: Oro rwa pendura oupyuke mu eṋe okurundurura oviṋa, nonḓero yokuraisa okuhinandjo kweṋu, nokupindikira ingwi ngwa rira omunandjo, nemuma komazenge wandje, nonḓero yokundjimuna, nongondjero yeṋu yokuvera ingwi ngu nondjo. Momuhingo auhe eṋe mwe riraisa nawanawa kutja oweṋe ovehinandjo motjiṋa hi.
12 Nu nandarire kutja ami mba tjanga orutuu ndo, hi ru tjangerere ingwi ngwa tjita ouhasemba poo ingwi ku kwa tjitwa ouhasemba. Nungwari mbe ru tjangera kutja ongondjero yeṋu mena retu i munika komurungu wa Ndjambi. 13 Neṱe opu twa zokuyanḓipara.
Nu kako ngwi okupanḓiparisiwa porwako, nungwari wina twa nyandisiwa omitima kutja Titus u nenyando pu pe ṱa mba; eṋe amuhe mwe mu tarareka ombepo tjinene. 14 Ami mbe rihivira eṋe ku ye, neṋe kamu ndji ṱisire ohoṋi. Otja tjinga atwa hungira ouatjiri aruhe puna eṋe, otjinga ape ri nao nambano kutja a ri ouatjiri tji twe rihivira eṋe ku Titus. 15 Norusuvero rwe na eṋe opu maru ririre ko orunene, eye tji ma zemburuka kutja eṋe amuhe mwa ri nonḓuviro komarongero we, nokutja mwe mu yakura nondiriro nomazezerero. 16 Ami mbi nenyando tjinene kutja mu avihe me sora okuriyameka ku eṋe.
1 My friends, God has made us these promises. So we should stay away from everything that keeps our bodies and spirits from being clean. We should honor God and try to be completely like him.
The Church Makes Paul Happy
2 Make a place for us in your hearts! We haven't mistreated or hurt anyone. We haven't cheated anyone. 3 I am not saying this to be hard on you. But, as I have said before, you will always be in our thoughts, whether we live or die. 4 I trust you completely. I am always proud of you, and I am greatly encouraged. In all my trouble I am still very happy.
5 After we came to Macedonia, we didn't have any chance to rest. We were faced with all kinds of problems. We were troubled by enemies and troubled by fears. 6 But God cheers up people in need, and this is what he did when he sent Titus to us. 7 Of course, we were glad to see Titus, but what really made us glad is the way you cheered him up. He told how sorry you were and how concerned you were about me. And this made me even happier.
8 I don't feel bad anymore, even though my letter hurt your feelings. I did feel bad at first, but I don't now. I know that the letter hurt you for a while. 9 Now I am happy, but not because I hurt your feelings. It is because God used your hurt feelings to make you turn back to him, and none of you were harmed by us. 10 When God makes you feel sorry enough to turn to him and be saved, you don't have anything to feel bad about. But when this world makes you feel sorry, it can cause your death.
11 Just look what God has done by making you feel sorry! You sincerely want to prove you are innocent. You are angry. You are shocked. You are eager to see that justice is done. You have proved that you were completely right in this matter. 12 When I wrote you, it wasn't to accuse the one who was wrong or to take up for the one who was hurt. I wrote, so God would show you how much you do care for us. 13 And we were greatly encouraged.
Although we were encouraged, we felt even better when we saw how happy Titus was, because you had shown he had nothing to worry about. 14 We had told him how much we thought of you, and you did not disappoint us. Just as we have always told you the truth, so everything we told him about you has also proved to be true. 15 Titus loves all of you very much, especially when he remembers how you obeyed him and how you trembled with fear when you welcomed him. 16 It makes me really glad to know I can depend on you.
