Ongarero ndji tjata ku Ndjambi
1 Norukwao, vakwetu, eṋe mwe rihongera ku eṱe kutja ongarero yeṋu mai sokusana pi kutja Ndjambi a tjaterwe. Neṋe otjinga amu tjita nao. Nungwari nambano mena ra Muhona Jesus eṱe matu riyarikaṋa ku eṋe nokumuronga kutja mu ryamene ko tjinene mu imbi. 2 Eṋe mamu tjiwa inga omahongero ngu twe mu pa mouvara wa Muhona Jesus. 3 Ndjambi u vanga kutja mu rire ovayapuke, nokutja mu ritjaere oparukaze koruvakiro. 4 Omurumendu auhe u sokutjiwa kutja ma sokuhupa mouyapuke na mondjozikiro komukazendu we, 5 nu kamomananukiro wozonḓuma otja ovanavisenginina mbe ha tjiwa Ndjambi. 6 Nu ape ha ningi omundu ngu ma tjiti ouvi novineya komukwao. Eṱe twe mu raera rukuru nu twe mu ronga oukukutu kutja Muhona u vera imba mbe ri nao. 7 Ndjambi ke tu isanene kokuhupa mouhakohoke, nungwari we tu isanena kokuhupa mouyapuke. 8 Nu auhe ngu ma imbirahi omahongero nga, ke nokuimbirahi ovandu, nungwari ma imbirahi Ndjambi ngwe mu pa wina Ombepo ye Ondjapuke.
9 Nu kahepero okumutjangera kutja mu suvere ovakweṋu; eṋe oveni mwa hongwa i Ndjambi okusuverasana. 10 Eṋe hapo mwa tjita nao kovakweṋu avehe mehi arihe ra Makedonie; nungwari matu riyarikaṋa ku eṋe, vakwetu, kutja mu ryamene ko tjinene moviṋa mbi. 11 Ngarire onḓero yeṋu okukara nongarero ndja porimana nokuṱuna imbi ovyeṋu oveni nokuungurira ehupo reṋu oveni otja punga atwe mu raera rutenga, 12 komuhingo mbwi otji mamu munu ondjozikiro ku imba mbe ri pendje yombongo, notji mu hi nokurekareka kovandu varwe.
Omakotokero wa Muhona rukwao
13 Vakwetu, matu vanga kutja mu tjiwe ouatjiri ohunga na imba mba ṱa, kokutja amu ha ṱoruhoze otja ovandu mba mbe hi nomaundjiro. 14 Eṱe tu kambura kutja Jesus wa ṱa, nokutja wina wa penduka. Notji tu kambura kutja Ndjambi ma kotora ku ye omuini puna Jesus imba mba ṱa ave nongamburiro mu Jesus.
15 Imbi mbi matu mu hongo nambano ovyo mbi Muhona mbye tu raera: Eṱe mba mbu matu kara nomuinyo nga keyuva ndi Muhona ndi meya, katu nakutengera po imba mba ṱa. 16 Ondavaerero yomarakiza wa Ndjambi tji ya pose, neraka romuengeri omunene tji ra zuvaka, nohiva ya Ndjambi tji ya pose, Muhona omuini ma rauka keyuru. Nu imba mba ṱa ave nongamburiro mu Kristus mave tenge po okupenduka; 17 tjazumba eṱe mba mbu matu vazewa nomuinyo moruveze ndo matu toorwa pamwe na wo movikambe okukahakaena na Muhona, notji matu kakara aruhe puna Muhona. 18 Otji mamu sokuyarurasana pehi omitima nomambo nga.
A Life That Pleases God
1 Finally, my dear friends, since you belong to the Lord Jesus, we beg and urge you to live as we taught you. Then you will please God. You are already living that way, but try even harder. 2 Remember the instructions we gave you as followers of the Lord Jesus. 3 God wants you to be holy, so don't be immoral in matters of sex. 4 Respect and honor your wife. 5 Don't be a slave of your desires or live like people who don't know God. 6 You must not cheat any of the Lord's followers in matters of sex. Remember, we warned you that he punishes everyone who does such things. 7 God didn't choose you to be filthy, but to be pure. 8 So if you don't obey these rules, you are not really disobeying us. Instead, you are disobeying God, who gives you his Holy Spirit.
9 We don't have to write you about the need to love each other. God has taught you to do this, 10 and you already have shown your love for all his people in Macedonia. But, my dear friends, we ask you to do even more. 11 Try your best to live quietly, to mind your own business, and to work hard, just as we taught you to do. 12 Then you will be respected by people who are not followers of the Lord, and you won't have to depend on anyone.
The Lord's Coming
13 My friends, we want you to understand how it will be for those followers who have already died. Then you won't grieve over them and be like people who don't have any hope. 14 We believe Jesus died and was raised to life. We also believe that when God brings Jesus back again, he will bring with him all who had faith in Jesus before they died. 15 Our Lord Jesus told us that when he comes, we won't go up to meet him ahead of his followers who have already died.
16 With a loud command and with the shout of the chief angel and a blast of God's trumpet, the Lord will return from heaven. Then those who had faith in Christ before they died will be raised to life. 17 Next, all of us who are still alive will be taken up into the clouds together with them to meet the Lord in the sky. From that time on we will all be with the Lord forever. 18 Encourage each other with these words.
