Aalongwa yotango yaJesus
(Mat. 4:18-22Mrk. 1:16-20)1 Esiku limwe Jesus sho a li a thikama pefuta lyaGenesaret, aantu oye mu gongalele, ya pulakene oohapu dhaKalunga. 2 Oye okwa mono oowato mbali dhi li pomunkulo gwefuta, ihe aayuli yoohi oya adhika ya za po, ya ka yoga iiyulitho yawo. 3 Jesus okwa yi mowato yimwe yaandhoka, omundjoka yaSimon, nokwe mu lombwele, e yi humithe momeya kashona. Opo Jesus okwa kuutumba mowato ndjoka e ta longo aantu.
4 Sho a mana okupopya, okwa lombwele Simon e ta ti: “Dhugila owato lwopuule, ne mu umbile iiyulitho yeni momeya, mu tameke okuyula.”
5 Simon okwe mu yamukula a ti: “Muhongi, otwi ihepeke uusiku auhe nokulonga, ihe inatu kwata nando osha. Ihe ngashingeyi iiyulitho otandi yi umbile mo molwelombwelo lyoye.” 6 Oyo sho ye shi ningi, oya kwata oohi odhindji noonkondo niiyulitho oya tameke okutomoka. 7 Oyo noya lapa aayuli ooyakwawo yomowato yilwe, ye ye oku ya kwatha. Oyo oye ya noyu udhitha oowato adhihe mbali noohi, nodha tameke okuningina kuudhigu. 8 Ano Simon Petrus sho a mono shoka sha ningwa po, okwa tsu oongolo koshipala shaJesus e ta ti: “Omuwa, za po pungame, oshoka ngame omulumentu omulunde!”
9 Oshoka Petrus nosho wo ayehe mboka ya li pamwe naye, oya kuminwa eyulo lyoohi ndyoka ye li yulu. 10 Osho tuu wo Jakob naJohannes, aana yaSebedeus, mboka ya li puSimon. Jesus okwa ti kuSimon: “Ino tila, okuza ngashingeyi oto ningi omuyuli gwaantu.”
11 Oyo oya dhugile oowato dhawo komunkulo noya thigi po iinima ayihe e taa landula Jesus.
Jesus ta aludha omunashilundu
(Mat. 8:1-4Mrk. 1:40-45)12 Jesus sho a li moshilando shimwe shaankoka, omwa li omulumentu a kanyata oshilundu. Omunashilundu sho a mono Jesus, okwa tsu oongolo koshipala she nokwe mu hehela ta ti: “Omuwa, ngele owa hala okwaaludha ndje, oto shi vulu.”
13 Jesus okwa ganeke oshikaha nokwe mu gumu e ta ti: “Onda hala, yela.” Mbalambala oshilundu noshe mu etha nokwa yele. 14 Jesus okwe mu kumagidha noonkondo a ti: “Ino shi popya nando okulye, inda owala, u ki iyulike komuyambi, ngoye u gandje omagano gealuko ngoka gu uthwa kuMoses, opo ge ya ningile onzapo kutya owa aluka.”
15 Ihe ehokololo ndyoka olya taandele owala mbala akuhe, naantu oyendji oye ya kuye oku mu pulakena, nokwa panga omavu gawo. 16 Opo ihe okwa yi komahala gaa na aantu nokwa galikana.
Jesus ta aludha omusilombanda
(Mat. 9:1-8Mrk. 2:1-12)17 Esiku limwe Jesus sho a li ta longo aantu, aafarisayi naalongimpango oya kuutumba mpoka, ya zi komikunda adhihe dhomuGalilea nodhomuJudea nosho wo kuJerusalem. Omuwa nokwa pe Jesus oonkondo dhokwaaludha aavu. 18 Aalumentu yamwe oye etele Jesus omusilombanda ye mu inda kontala. Oyo noya kambadhala oku mu fala meni lyegumbo ndyoka, ye mu langeke puJesus. 19 Ihe omolwowindji waantu oya nyengwa oku shi ninga. Onkene oya londo noyu ulula ombululu pombanda yondunda e taye mu kulukithile nontala ye pevi mokati kaantu noye mu tula puJesus. 20 Jesus sho a mono eitaalo lyawo, okwa lombwele omusilombanda: “Kuume kandje, oondjo dhoye odha dhimwa po.”
21 Ihe aalongimpango naafarisayi oya tameke okupopya taa ti: “Nguka olye ta sheke Kalunga? Kaku na nando omuntu ta vulu okudhima po oondjo, oKalunga awike.”
22 Jesus sho a dhimbulula omadhiladhilo gawo, okwe ya yamukula e ta ti: “Omolwashike tamu idhiladhilile ngawo? 23 Oshipu oshini po? Okulombwela omusilombanda: ‘Oondjo dhoye odha dhimwe po,’ nenge oku mu lombwela: ‘Thikama, ngu u ende?’ 24 Ihe opo mu kale mu shi shi kutya Omuna gwOmuntu oku na oonkondo kombanda yevi okudhima po oondjo,” okwa ti komusilombanda: “Otandi ku lombwele: Thikama, kutha ontala yoye, u ye kaandjeni.”
25 Oye okwa thikama mbala montaneho yaantu ayehe nokwa kutha ontala ye e ta yi kaandjawo te ende ta hambelele Kalunga. 26 Aantu ayehe oya kumwa nomokuudha etilo oya hambelele Kalunga ya ti: “Nena ndjika otwa mono iinyengandunge.”
Jesus ti ithana Levi
(Mat. 9:9-13Mrk. 2:13-17)27 Konima yaambika Jesus okwa zi mo moshilando nokwa mono omufendelithi, edhina lye Levi, a kuutumba pongulu yoompale dhopoongamba e ta ti kuye: “Landula ndje.” 28 Levi okwa thikama nokwa thigi po iinima ayihe e te mu landula.
29 Opo Levi okwa ningile Jesus oshituthi oshinene megumbo lye. Ongundu onene yaafendelithi nosho wo aantu yalwe oya kuutumba poshililo pamwe nayo. 30 Nena aafarisayi naalongimpango mboka yomongundu yawo oya nyenyetele aalongwa yaJesus ya ti: “Omolwashike tamu li notamu nu pamwe naafendelithi naalunde?”
31 Jesus okwe ya yamukula nokwa ti: “Aandjolowele inaa pumbwa omwaaludhi, ihe aavu tuu ayeke. 32 Oshoka ngame inandi ya okwiithana mboka yi iwete aayuuki, ihe aalunde tuu, yi itedhulule.”
Okwiidhilika iikulya
(Mat. 9:14-17Mrk. 2:18-22)33 Aantu yamwe oya ti kuJesus: “Aalongwa yaJohannes ohaa idhilike iikulya olwindji nohaa galikana. Nosho wo aalongwa yaafarisayi haa ningi, ihe aalongwa yoye ihaa idhilike iikulya.”
34 Jesus okwe ya yamukula a ti: “Ndishi ito tegelele, aahiywa yombushiki yi idhilike iikulya, manga ombushiki e li puyo? 35 Omasiku otage ke ya, uuna ombushiki taye yi kuthwa; nena otaye ki idhilika ihe iikulya.”
36 Jesus okwe ya lombwele natango eyele ndika: “Kaku na omuntu ta kutha oshaando konguwo ompe e te shi andeke konguwo onkulu. Ngele te shi ningi, ota tuulitha onguwo ompe. Osho wo oshaando oshipe itashi vulu okukalathana noshaando oshikulu. 37 Omaviinu omape ihaga zilwa moompunda oonkulu, ngele tashi ningwa, nena omaviinu omape otaga tuula oompunda e taga tika mo, noompunda otadhi yonuka. 38 Ihe omaviinu omape oge na okuzilwa moompunda oompe. 39 Kaku na ngoka i igilila omaviinu omakulu, ta hala ishewe omape, oshoka ota ti: ‘Omakulu omawanawa.’ ”
Eifano lovalongwa votete
1 Ndele opa ningwa, eshi a li ofika pefuta laGenesaret eengudu dovanhu de lifininikila puye, di pwilikine eendjovo daKalunga. 2 Ndele okwa mona eewato mbali da li pomunghulo, ndele ovayuli veeshi va hangika va dja mo, ndele va kosha oiyulifo yavo. 3 Ndele okwa ya muimwe yado, omwaai yaSimon, ndele e mu lombwela e i ehenife ko kanini i dje po pomunghulo, ndele okwa kala omutumba mowato, ndele a longa ovanhu.
4 Ndele eshi a mana okupopya, okwa lombwela Simon: “Ehena mokati kefuta mu ka lukile oiyulifo yeni.” 5 Ndele Simon okwe mu nyamukula ta ti: “Omuhongi, oufiku aushe twa longa, fye inatu kwata mo sha, ndele oiyulifo ohandi i lukile molweendjovo doye.” 6 Ndele eshi ve shi ninga ova kwata eeshi dihapu unene, oiyulifo yavo oya tokauka. 7 Vo ova lapa oovakwao va li mowato ikwao, ve uye, ve va kwafe. Vo ove uya, ndele ova yadifa eewato adishe mbali hinga da ningina mo. 8 Ndele Simon Petrus eshi e shi mona, okwa twa eengolo keemhadi daJesus ndele ta ti: “Omwene, dja po pwaame, osheshi aame omulunde.” 9 Osheshi ye naaveshe ovo va li pamwe naye, ova halukilila eyulo olo ve li yula, 10 ndele osho tuu yo Jakob naJohannes, ovana vaSebedeus oovakwao vaSimon. Jesus okwa lombwela Simon: “Ino tila, okonena tuu eli oto ningi omuyuli wovanhu.” 11 Ndele vo ova eta eewato davo komunghulo, va fiya po aishe, ndele ove mu shikula.
Jesus ta velula omunashilundu
12 Ndele opa ningwa, eshi a li koshilando shonhumba, omwa li mu nomulumenhu e yadi oshilundu, ye eshi a mona Jesus, okwa wila poshi koshipala shaye ndele okwe mu indila: “Omwene, ngeenge wa hala, Ove to dulu okuyelifa nge.” 13 Ndelenee Ye okwa nana eke laye, e mu kuma, ndele ta ti: “Onda hala, yela.” Opo pefimbo tuu olo oshilundu osha dja mo muye. 14 Ye okwe mu kumaida ehe shi hepaululile nande omunhu, ndele a tya: “Inda u ke liulikile omupristeli, ove u ka yandjele eveluko loye eyambo, ngaashi Moses a tile, opo li ninge ondobwedi kuvo.” 15 Ndelenee etumbalo laye ola tandavela, la ninga lihapu, novanhu vahapu ve uya oku mu uda nokuvelulwa kuye oudu wavo. 16 Ndelenee Ye okwe likalela Oye aeke mombuwa nokwiilikana oko.
Eshilafano lavo nOvafarisai molwokuvelula oshingudu
17 Ndele efiku limwe, eshi kwa li ta longo ovanhu, Ovafarisai novalongimhango ova li po omutumba, va dile komikunda adishe domuGalilea nodomuJudea nomuJerusalem, ndele eenghono dOmwene oda longa mokuvelula ovanaudu. 18 Ndele tala, ovalumenhu vamwe ova humbata omunhu oshingudu a nangala kolutala, vo va hala oku mu eta mo noku mu nangeka koshipala shaJesus. 19 Nouhapu wovanhu eshi we va nyenga oku mu eta mo, ova londa kombada yongulu, va panuna onhala ndele ove mu kulukifa nolutala laye mokati kavo, koshipala shaJesus. 20 Ye eshi a mona eitavelo lavo okwa tya: “Omunhu, omatimba oye owe a diminwa po.” 21 Ndele ovanongo vomishangwa nOvafarisai ova hovela nee okudiladila, ndele ova tya: “Olyelye ou, eshi ta popi ngaha omasheko? Olyelye ta dulu okudima po omatimba, ehe fi Kalunga, Oye aeke?” 22 Ndele omadiladilo avo eshi Jesus kwa li e a shii, okwe va nyamukula ta ti: “Tamu diladila shike momitima deni? 23 Shipu shi dule shikwao oshilipipo okulombwela: ‘omatimba oye e ku diminwa po,’ ile okutya: ‘fikama u ende?’ 24 Ndelenee opo mu shiive Omona wOmunhu e na eenghono kombada yedu okudima po omatimba,” okwa tya koshingudu: “Ohandi ku lombwele: Fikama, kufa po olutala loye, ove u ye keumbo.” 25 Opo nee ye okwa yambuka diva moipafi yavo, a kufa po olutala laye oko a li a nangala, ndele okwa ya keumbo nokuhambelela Kalunga. 26 Ndelenee aveshe ova kwatwa konghumwe, ndele ova hambelela Kalunga, ndele va yada oumbada, tava ti: “Nena otwa mona oinyengandunge.”
Levi ta ifanwa kuJesus
27 Ndelenee konima yaai okwa ya pondje, ndele okwa mona ko omufutifi nedina laye Levi, e li omutumba pongulu yomafutilo opeengaba, ndele te mu lombwele: “Shikule nge!” 28 Ye okwa fiya po aishe ndele okwe mu shikula.
29 Ndele Levi okwe mu ningila oshivilo shinene meumbo laye, ndele omo mwa li ongudu inene yovafendelifi noyavakwao va lila pamwe navo. 30 Ndele Ovafarisai novanongo vomishangwa vavo ova ngongotela ovalongwa vaye, ndele va tya: “Oshike tamu lile ndele tamu nwine pamwe novafendelifi novalunde?” 31 Ndele Jesus okwe va nyamukula ta ti: “Ava ve li nawa ihava pumbwa omuveluli, ndelenee ovanaudu ovo tuu aveke. 32 Ame inandi uya okwiifana ovayuki, ndele ovalunde ve lidilulule.”
Oshikulu noshipe
33 Opo vo va tya kuye: “Ovalongwa vaJohannes ohave lidilike eendja luhapu ndele hava ningi omailikano nosho yo vali ovo vOvafarisai, ndele voye ohava li nohava nu.” 34 Ndele Jesus okwa tya kuvo: “Otamu dulu tuu okufininika ookaume komuhomboli ve lidilike oikulya, omuhomboli fimbo e li puvo? 35 Ndelenee omafiku otae uya fiku omuhomboli a kufwa po puvo, opo nee pomafiku oo tave lidilike.”
36 Ndele Ye okwe va lombwela efaneko ta ti: “Kaku na ou ta tete mo moshikutu shipe oshivando, ndele te shi hondjele koshikutu shikulu, ndele ngeenge te shi ningi, ota nyono po oshikutu shipe, noshivando shomoshikutu shipe itashi wapalele osho shikulu. 37 Ndele kape na ou ta dili omaviinyu mape momakutu makulu, ndele ngeenge te shi ningi, opo nee omaviinyu mape otaa pombaula omakutu ndele aa otaa tika mo, nomakutu otaa nyonauka po. 38 Ndelenee omaviinyu mape oku na okudilwa momakutu mape. 39 Ndele kape na ou a ikilila omaviinyu makulu a hala mape, osheshi ota ti: ‘Makulu omawa.’ ”
