Oshitopolwa sha pewa Juda
1 Omaludhi gomezimo lyaJuda oga pewa oshitopolwa shevi, ngaashi tashi landula:
Kuumbugantu evi olya li lya taandela sigo onkotso yahugunina yombuga Zin pongamba yaEdom. 2 Ongamba ndjika yokuumbugantu oya tameke kohulo yEfuta lya sa, 3 yu uka lwokuumbugantu okuza pomulondo gwondundu Akrabbim, sigo oZin, sigo oKadesh Barnea, tayi pitilile Hezron, tayi londo yu uka kuAddar, tayi goyokele lwokuKarka, 4 yu uka kuAzmon nokulandula ihe okalonga pongamba yaEgipiti, sigo okEfuta lyopokati, mpoka ongamba tayi hulile. Ndjika oyo ongamba yokuumbugantu yaJuda.
5 Ongamba yokuuzilo oyo Efuta lya sa, sigo oompoka Jordan tagu yi mulyo.
Oko nkoka ongamba yokuumbangalantu tayi tameke. 6 Oya adha kuBet Hogla nokupitilila Bet Araba kuumbangalantu washo. Okuza nkoka oyu uka kemanya lyaBohan (omuna gwaRuben), 7 okuza kEsilu lyomalwa otayi londo yu uka kuDebir nokugoyokela kuumbangalantu yu uka lwokuGilgal, shoka sha taalela omulondo gwaAdummim handiyaka yolusilu kuumbugantu. Nena otayi tsikile yu uka koothithiya dhaEnshemesh nokuhulila muEnrogel. 8 Okuza nkoka ongamba otayi londo ya lambalala olusilu lwaGe Ben Hinnom kuumbugantu woshikulundundu, nkoka kwa li Jerusalem shAayebusi. Opo ihe otayi londo komutse gwoshikulundundu kuuninginino wolusilu lwaHinnom, kombinga yokuumbangalantu wolusilu lwaRefaim. 9 Okuza nkoka otayi uka komaluthithiya gaNeftoak nokiilando yi li popepi nondundu Efron. Nkoka otayi piluka yu uka kuBaala (kokutya Kiriat Jearim), 10 mpoka otayi goyokele kuuninginino yu uka kevi lyokiikulundundu yaSeir, tayi kunkula nondundu yaKiriat Jearim (kokutya Kesalon) kuumbangalantu nokusilukila kuBet Shemesh nokuTimna. 11 Opo ihe ongamba tayi tsikile yu uka koshikulundundu kuumbangalantu waEkron, tayi goyokele lwokuShikkaron, tayi pitilile ondundu Baala yu uka kuJamnia. Oya hulile mEfuta lyopokati, 12 ndyoka tali ningi ongamba yokuuninginino.
Meni lyoongamba ndhika aantu yomaludhi gaJuda oya kala mo.
Kaleb ta kwata po Hebron naDebir
(Aat. 1:11-15)13 Kaleb kaJefunne, ogwomezimo lyaJuda, okwa pewa okambinga moshitopolwa shaJuda, ngashi Omuwa a lombwele Josua. Okwa pewa Hebron, oshilando shaArba, he yAayanak. 14 Kaleb okwa tidha mo oluvalo lwaAnak — oludhi lwaSheshai, lwaAhiman, nolwaTalmai. 15 Okuza nkoka okwa ka matukila aantu yomuDebir. (Oshilando shika osha li hashi ithanwa Kiriat Sefer.) 16 Kaleb okwa ti: “Omulumentu ngoka ta tompola okusinda Kiriat Sefer, otandi mu pe omumwandje omukadhona Aksa, e mu hokane po.” 17 Otniel yaKenas, omuna gwamumwayina Kaleb, okwe shi sindi; osho ngaaka Kaleb okwe mu pe omwana Aksa, a ninge omukadhi. 18 Mohango Otniel oku ulumike omukadhi, i indile he epya. Aksa okwa londoloka kokasino ke, naKaleb okwe mu pula sho a hala. 19 Okwa yamukula: “Onda hala omithima dhimwe dhomeya. Evi ndyoka we li pe ndje, oli na enota.” Nena Kaleb okwe mu pe omatope gokiiheke noonyombo dhomomadhiya.
Iilando yaJuda
20 Ndika olyo evi omaludhi gezimo lyaJuda ge li taamba, li ninge eliko lyago. 21 Iilando yawo mbyoka ya tsa kokule kuumbugantu popepi nongamba yaEdom, oyo Kabzeel, Eder, Jagur, 22 Kina, Dimona, Adada, 23 Kedesh, Hazor, Jitnan, 24 Sif, Telem, Bealot, 25 Hazor Hadatta, Kerijot-Hezron (kokutya Hazor), 26 Amam, Shema, Molada, 27 Hazar Gadda, Heshmon, Bet Pelet, 28 Hazar Shual, Beersheba, Biziotia nomikunda dhasho, 29 Baala, Ijim, Ezem, 30 Eltolad, Kesil, Horma, 31 Ziklag, Madmanna, Sansanna, 32 Bet Lebaot, Shilhim, Ain naRimmon: iilando omilongo mbali nomugoyi nomikunda dhayo.
33 Iilando yoponyonga yoondundu oyo mbika: Eshtaol, Soar, Ashna, 34 Sanoa, En-gannim, Tappua, Enam, 35 Jarmut, Adullam, Soko, Aseka, 36 Shaarajim, Aditajim, Gedera, Gederotajim: iilando omulongo niine nomikunda dhayo.
37 Okwa li wo Zenan, Hadasha, Migdal Gad, 38 Dilean, Mispe, Jokteel, 39 Lakish, Bozkat, Eglon, 40 Kabbon, Lakmas, Kitlish, 41 Gederot, Bet Dagon, Naama naMakkeda: iilando omulongo niihamano nomikunda dhayo.
42 Okwa li wo Libna, Eter, Ashan, 43 Jiftak, Ashna, Nezib, 44 Keila, Aksib, Maresha: iilando omugoyi nomikunda dhayo.
45 Okwa li Ekron niitayilando yasho nomikunda dhasho, 46 niilando ayihe nomikunda adhihe popepi naAshdod okuza kuEkron, sigo okEfuta lyopokati.
47 Okwa li Ashdod naGaza niitayilando yayo nomikunda dhayo dha adha sigo okalonga kongamba yaEgipiti nokomunkulo gwEfuta lyopokati.
48 Mevi lyokoondundu omwa li Shamir, Jattir, Soko, 49 Danna, Kirjat Sanna (kokutya Debir), 50 Anab, Eshtemoa, Anim, 51 Goshen, Holon naGilo: iilando omulongo nashimwe nomikunda dhayo.
52 Okwa li Arab, Duma, Eshan, 53 Janim, Bet Tappua, Afek, 54 Humta, Hebron naZior: iilando omugoyi nomikunda dhayo.
55 Okwa li Maon, Karmel, Sif, Jutta, 56 Jesreel, Jokdeam, Sanoa, 57 Kain, Gibea naTimna: iilando omulongo nomikunda dhayo.
58 Okwa li Halhul, Bet-Sur, Gedor, 59 Maarat, Bet Anot, naEltekon: iilando ihamano nomikunda dhayo.
60 Okwa li Kirjat Baal (kokutya Kiriat Jearim) naRabba: iilando iyali nomikunda dhayo.
61 Mombuga omwa li Bet Arab, Middin, Sekaka, 62 Nibshan, Oshilando shOmongwa, naEn-gedi: iilando ihamano nomikunda dhayo.
63 Ihe oshigwana shaJuda inashi wapa okutidha mo Aayebusi mboka ya kala muJerusalem. Natango tuu Aayebusi omo ya kala pamwe nAajuda.
Eengaba noilando yomoshitukulwalongo shaJuda
1 Noshitukulwa shepata lovana vaJuda pamaludi avo pashihoololifo osheshi: okongaba yaEdom kombinga yokoumbuwanhu wombuwa yaSin fiyo okomunghulo moumbuwanhu 2 nomufinda wongaba yokoumbuwanhu oo okudja pomunghulo wEfuta lOmongwa okudja poshikumbi tashi yukilile koumbuwanhu, 3 ndele tau ende langhele lwokoumbuwanhu woshikulundudu shaAkrabim, ndele tau ende langhele lwokuSin ndele tau litumbu kombinga yaumbuwanhu yaKades-Barnea, tau i kuHesron, tau litumbu kuAddar ndele tau ngolyokele kuKarka; 4 opo tau ende langhele lwokuAsmon ndele tau i kokamulonga kaEgipiti, opo omufinda wongaba tau xulile mEfuta Lopokati. Oo hano tau ka ninga ongaba yavo yokoumbuwanhu.
5 Ndelenee omufinda wongaba wokoushilo oyou: Efuta lOmongwa fiyo opexulilo laJordan. Nomufinda wongaba wokombinga yaumbangalanhu: koshikololo shefuta okexulilo laJordan 6 omufinda tau ende kuBet-Hogla ndele tau i kombinga yokoumbangalanhu yaBet-Araba. Opo nee omufinda tau litumbu kemanya laBohan, omona waRuben. 7 Opo nee omufinda tau ende kuDebir okudja kefilu laAkor ndele tau ngolyokele koumbangalanhu waGilgal osho sha shaama naAdummim, kombinga yokoumbuwanhu wokamulonga. Opo nee omufinda tau taulula omeva olufifiya laSemes fiyo tau xulile polufifiya laRogel. 8 Opo nee omufinda tau ende mefilu laBen-Hinnom, poshakati shomhunda yOvajebusi, osho Jerusalem. Opo nee omufinda tau londo koxulo yeemhunda di li kouninginino wefilu laHinnom, lo li li kombinga yokoumbangalanhu wefilu laRefaim, 9 okudja koxulo yomhunda, omufinda tau kulukile molufifiya lomeva aNeftoah, ndele tau i koilando yokeemhunda daEfron. Opo nee omufinda tau ngolyokele Baala nokutya Kiriat-Jearim. 10 Opo nee omufinda tau ngolyokele kouninginino waBaala, tau i keemhunda daSeir ndele tau ende pefina lomhunda yaJearim oyo Kesalon lokoumbangalanhu ndele tau di kuBet-Semes ndele tau i kuTimna. 11 Opo nee omufinda tau ende koumbangalanhu wefina lomhunda yaEkron, opo omufinda tau ngolyokele kuSikron ndele tau londo komhunda yaBaala, tau i kuJabneel, fiyo omufinda tau xulile mEfuta Lopokati. 12 Ongaba yokouninginino oyo hano Efuta Lopokati nomunghulo walo. Oo hano omufinda wongaba tau dingilile oshitukulwalongo shovana vaJuda pamaludi avo.
13 Ndelenee ye okwa yandja kuKaleb yaJefunne oshitukulwa mokati kovana vaJuda, ngaashi Omwene a lombwela Josua nokutya, Kiriat-Arba, xe yaAnak, osho Hebron. 14 Ndele Kaleb okwa ta mo musho ovana ovamati vatatu vaAnak: Sesai, Ahiman naTalmai, vo oludalo laAnak. 15 Ndele oko ye a dja nokwa homona oonakukalamo muDebir. Ndelenee edina laDebir la li nale Kiriat-Sefer. 16 Ndele Kaleb okwa tile: “Ou ta te Kiriat-Sefer, ndele te shi nangala, oye ohandi mu pe omona wange okakadona Aksa a ninge omwalikadi waye.” 17 Opo nee Otniel yaKenas, ondenge yaKaleb okwe shi nangala. Ndele ye okwe mu pa omona waye okakadona Aksa a ninge omwalikadi waye. 18 Ndele Aksa eshi e uya, okwe mu heka a indile kuxe epya. Ndele ye eshi a londoloka kondongi, Kaleb okwe mu pula: “Owa hala shike?” 19 Ndele ye okwa tya: “Pe nge oshali. Osheshi ove wa pa nge edu likukutu, u nokupa nge yo eefifiya.” Opo nee Kaleb okwe mu pa eefifiya keemhunda nomefilu.
20 Osho hano oshitukulwafyuululwa shepata lovana vaJuda pamaludi avo. 21 Noilando yokominghulo depata lovana vaJuda fiyo okongaba yaEdom ya li kombinga yokoumbuwanhu: Kabseel naEder naJagur, 22 naKina naDimon naAdada, 23 naKedes naHasor naJitnan, 24 naSif naTelem naBealot, 25 naHasor-Hadatta naKeriot-Hesron nokutya, Hasor. 26 Amam naShema naMolada, 27 naHasar-Gadda naHesmon naBet-Pelet, 28 naHasar-Sual naBerseba naBisiotia. 29 Baala naIijim naEsem, 30 naEltolad naKesil naHorma, 31 naSiklag naMadmanna naSansanna, 32 naLebaot naSilhim naAin naRimmon. Oilando aishe kumwe ya li omilongo mbali nomugoi pamwe nomikunda dayo.
33 Medu la lalakana: Estaol naSorea naAsna, 34 naSanoa naEn-Gannim, Tappuah naEnam, 35 Jarmut naAdullam, Sogo naAseka, 36 naSaaraim naAditaim naGedera naGederotaim: oilando omulongo naine pamwe nomikunda dayo. 37 Senan naHadasa naMigdal-Gad, 38 naDilean naMispa naJokteel. 39 Lakis naBoskat naEglon, 40 naKabbon naLagmas naKitlis, 41 naGederot, Bet-Dagon naNaama naMakkeda: oilando omulongo naihamano pamwe nomikunda dayo. 42 Libna naEter naAsan, 43 naJiftah naAsna naNesib, 44 naKeila naAksib naMaresa: oilando omugoi pamwe nomikunda dayo. 45 Ekron noipangelwa yasho nomikunda dasho, 46 okudja kuEkron langhele lwokouninginino fiyo okEfuta Lopokati, aishe oyo i li kombinga yaAsdod nomikunda dayo: 47 Asdod noipangelwa yasho nomikunda dasho. Gasa noipangelwa yasho nomikunda dasho fiyo okokamulonga kaEgipiti nEfuta Lopokati nomunghulo walo.
48 Ndele keemhunda: Samir naJattir naSogo, 49 naDanna naKiriat-Sanna nokutya, Debir, 50 naAnab naEstemo naAnim, 51 Gosen naHolon naGilo: oilando omulongo nashimwe pamwe nomikunda dayo. 52 Arab naDuma naEshan 53 naJanum naBet-Tappuah naAfek, 54 naHumta naKiriat-Arba nokutya, Hebron naSior: oilando omugoi pamwe nomikunda dayo. 55 Maon naKarmel naSif naJutta, 56 naJisreel naJokdaem naSanoa, 57 Kain, Gibea naTimna: oilando omulongo pamwe nomikunda dayo. 58 Halhul, Bet-Sur naGedor, 59 naMaarat naBet-Anot naEltekon: oilando ihamano pamwe nomikunda dayo. 60 Kiriat-Baal nokutya, Kiriat-Jearim naRabba: oilando ivali pamwe nomikunda dayo.
61 Mombuwa: Bet-Araba, Middin naSegaga. 62 Nibsan noshilando shomongwa naEngedi: oilando ihamano pamwe nomikunda dayo.
63 Ndelenee ovana vaJuda va nyengwa okuta mo Ovajebusi, oonakukalamo muJerusalem. Onghee hano Ovajebusi va kala pamwe novana vaJuda muJerusalem fiyo onena eli.
