Tu galikaneneni
1 Hugunina, aamwameme, tu galikaneneni, opo oohapu dhOmuwa dhi taandele mbala nodhi simanekwe, ngashika naanaa mokati keni. 2 Galikaneni wo, Kalunga e tu hupithe maantu aadhudhu naawinayi, oshoka haantu ayehe yi itaala elaka lye.
3 Ihe Omuwa oye omwiinekelwa, oye ote mu koleke e te mu gamene kuuwinayi. 4 Omuwa ne tu pe einekelo mune. Otu shi shi kutya ohamu longo, ngaashi twe mu lombwele, notamu ke shi ninga nokomeho. 5 Omuwa na thikithe oomwenyo dheni mohole yokuhola Kalunga nomeidhidhimiko lyaKristus.
Inamu kala aananyalo
6 Aamwameme, otatu mu lombwele medhina lyOmuwa Jesus Kristus: Ikalekeni kokule naantu mboka inaa hala okulonga sha noitaa landula omakumagidho getu. 7 Ne omwa tseya nawa kutya omu na okulonga, ngaashi twe mu pe oshiholelwa. Tse inatu kala aananyalo mokati keni. 8 Inatu taamba nando okulya iikwatha yasha inaatu yi futila. Ihe otwa longo nokwiihepeka uusiku nomutenya, opo twaa etele nando ogumwe gwomune uupyakadhi. 9 Shika inatu shi ninga ando, sho twaa na epitikilo lyokukala tatu kwathwa kune, ihe otwe shi ningi, opo tu mu pe oshiholelwa. 10 Sho twa li pune, otwe mu lombwele tatu ti: “Ngoka inaa hala okulonga, ina ethiwa a lye.”
11 Otatu popi ngeyi, oshoka otu uvu kutya mokati keni omu na aantu aananyalo inaa hala okulonga sha, ihe oye na owala ethimbo lyokwiitula miinima yayakwawo. 12 Medhina lyOmuwa Jesus Kristus otatu ganda nokukumagidha aantu ya tya ngeyi, naa kale ya ngungumana e taa longo, yi imonene iipalutha.
13 Aamwameme inamu vulwa okulonga uuwanawa. 14 Otashi vulika ku na gumwe ngoka inaa hala okuvulika kelaka ndyoka twe mu tumine montumwafo ndjika. Ngele oku na omuntu a tya ngaaka, mu konekeni ne inamu endathana naye, opo a se ohoni. 15 Ihe inamu mu tala omutondi gweni, ihe mu pukululeni ongomumwanyoko.
Omakundo
16 Omuwa ngoka oluthithiya lwombili yetu, ne mu pe aluhe ombili pamikalo adhihe. Omuwa na kale pamwe nane amuhe.
17 Otandi nyola ngeyi noshikaha shandje mwene: Omakundo ga zi kuPaulus. Nguka ogwo omukalo gwandje gwokushaina ontumwafo kehe; osho handi nyola ngaaka.
18 Esilohenda lyOmuwa gwetu Jesus Kristus nali kale nane amuhe.
Eilikano molwetandavelo levaengeli
1 Ndele natango, ovamwatate nye, tu ilikaneneni, opo ondjovo yOmwene i tondoke i ka fimanekwe pamwe ngaashi punye, 2 nafye opo tu xupifwe kovapwidi novai, osheshi eitavelo kali fi lomunhu keshe. 3 Ndelenee Omwene Oye omudiinini; Oye te mu pameke ndele te mu amene kowii. 4 Nohatu mu lineekele mOmwene, nokutya, otamu ningi paife nokomesho yo oinima oyo twe i mu lombwela, 5 NOmwene na yukife omitima deni mohole yaKalunga nomelididimiko laKristus.
Kukumeni ovambodo Diinineni oilonga yeni
6 Ndelenee medina lOmwene wetu Jesus Kristus ohatu mu lombwele, Ovamwatate nye, mu amuke kukeshe tuu omumwatate ta ende moupote ndele iha shikula omapukululo oo mwe a pewa kufye. 7 Nanye vene omu shi shii nhumbi tu nokuhopaelelwa kunye, osheshi inatu kala mo nokukala ovahefi mokati keni; 8 fye kakwa li twa lya omungome oshali pomunhu nande umwe, ndele otwa kala nokulonga noudjuu oufiku nomutenya, tuha twike nande umwe mokati keni oudjuu. 9 Inatu shi ninga, tuhe neenghono ngeno oku shi ninga, ndelenee otwa hala oku mu pa oshihopaelelwa mu tu hopaelele. 10 Osheshi fimbo twa li punye, otwe shi mu lombwela nokutya: “Ou ina hala okulonga, ina lya yo nande.”
11 Ndele ohatu udu oku na vamwe vomokati keni hava ende monyalo, kave na eshi tava longo, otava shelemba ashike. 12 Ava ve li ngaha ohatu va lombwele nohatu va kumaida mOmwene Jesus Kristus, va kale nokulonga nokungungumana va lye omungome wavo vene. 13 Ndelenee onye, ovamwatate, mokulonga ouwa inamu fya ounye.
14 Ndele ngeenge oku na ou iha udu ko eendjovo detu monhumwafo ei, mu didilikeni, nye inamu endafana naye, opo a fye ohoni. 15 Ndele inamu mu tala ngaashi omutondadi weni, ndele mu pukululeni ngaashi omumwaxo.
16 Ndele Oye, Omwene wombili, ne mu pe ombili alushe opaenghedi adishe. Omwene na kale nanye amushe.
17 Omakundilo ange neke lange mwene Paulus, olo edidiliko lange meenhumwafo dange adishe, osho ngaha handi shange. 18 Efilonghenda lOmwene wetu Jesus Kristus nali kale nanye amushe! Amen.
