Yakulathaneni omitenge
1 Aamwameme, ngele oku na ngoka ta gwile meyono lyontumba, nena aantu mboka yomokati keni yopambepo naye mu pukulule; ihe naye shi ninge nonge. Kala wa kotoka, opo nangoye wo waa hongololwe. 2 Kwathathaneni mokuhumbata omitenge. Osho ngeyi otamu gwanitha ompango yaKristus. 3 Ngele oku na ngoka ta dhiladhila kutya oye sha, nando ke shi sha, oti ifundjaleke. 4 Kehe gumwe na konakone ye mwene, iilonga ye nkene ya tya. Iilonga ye ngele iiwanawa, nena ota vulu okwiitangela shoka e shi longo, ihe ita vulu okuyelekanitha iilonga ye niilonga yamukwawo. 5 Oshoka kehe gumwe oku na okuhumbata ye mwene omutenge gwe.
6 Omuntu ngoka ta longwa oohapu dhaKalunga, oku na okutopola iinima ayihe iiwanawa mbyoka e yi na nomulongi gwe.
7 Inamu ifundjaleka, Kalunga iha nyekelwa. Oshoka shono omuntu te shi kunu, osho wo ta ka teya. 8 Ngele okwa kunu pauhalu we, nena eteyo olyo eso, ihe ngele okwa kunu mOmbepo, nena ota ka teya omwenyo gwaaluhe mOmbepo. 9 Ano inatu vulweni okulonga uuwanawa, oshoka ngele itatu seni uunye, nena ethimbo otali ke ya, uuna tatu ka teya iiyimati. 10 Onkee ano manga tu na ethimbo, natu ningileni kehe gumwe uuwanawa, ihe unene tuu mboka tu li nayo meitaalo limwe.
Omalondodho nomakundo
11 Taleni, nkene tandi mu nyolele noshikaha shandje mwene moondanda oonene. 12 Aantu ayehe mboka ya hala okwiisimanekela nokwiitangela iinima yi wetike, oyo wo mboka taa kambadhala oku mu thiminika, mu ifukalekithe. Oyo otaye shi ningi ashike, opo kaaya hepekelwe omushigakano gwaKristus. 13 Nokuli naamboka haa longitha efukaleko, nayo wo ihaa vulika kompango. Ihe oyo oya hala ashike, ne mu ifukalekithe, opo ya wape okwiitanga kutya oye mu vulikitha. 14 Ihe ngame kombinga yandje otandi itangele ashike omushigakano gwOmuwa gwetu Jesus Kristus. Oshoka mugwo uuyuni owa kwatunuka ko kungame, nangame onda kwatunuka ko kuwo. 15 Itashi kwatha nando osha okukala wa fukalekwa nenge inoo fukalekwa. Shoka ashike tashi kwatha, osho okuninga omushitwa omupe. 16 Ombili nohenda nayi kale naayehe mboka taa landula eutho ndika mokukalamwenyo kwawo, yo nayi kale naantu yaKalunga ayehe.
17 Inaku kala we nando oongoka te etele ndje uudhigu washa. Oshoka iiyadhi mbyoka ndi yi na kolutu lwandje, otayi ulike kutya ngame omupika gwaJesus.
18 Esilohenda lyOmuwa gwetu Jesus Kristus nali kale nane, aamwameme amuhe. Amen.
Omakumaido nomakundifo
1 Ovamwatate, omunhu ngeenge ta hangika a nyona, opo nee onye ava vopamhepo mu pukululeni nomhepo yonheni, ove u lungame naave yo uha hongaulwe. 2 Yakulafaneni omitengi, osho ngaha tamu wanifa omhango yaKristus.
3 Osheshi ngeenge ope na ou e shii oye omushike, nande oye wongaho, oye ote lipukifa mwene. 4 Ndele omunhu keshe na konakone oilonga yaye mwene nhumbi i li, opo a kale e nelitango molwaye mwene, hamolwamukwao, 5 osheshi keshe tuu oku nokuhumbata omutengi waye mwene.
Inamu loloka okulonga ouwa
6 Ndelenee ou ta longwa eendjovo, oye na tukulile omulongindjovo waye moinima yaye aishe iwa.
7 Inamu lifufya, Kalunga iha shekwa; osheshi eshi omunhu te shi kunu, osho tuu te shi teya yo. 8 Ou ta kunu mombelela yaye, ota ka teya enyonauko kombelela; ndele ou ta kunu mOmhepo, oye ta ka teya omwenyo waalushe okOmhepo. 9 Ndele mokulonga ouwa inatu lolokeni, osheshi efimbo ngeenge la fiki, ohatu ka teya yo, ngeenge itatu loloka. 10 Onghee hano fimbo tu nomhito, tu ningileni aveshe ouwa, ndelenee unene tuu ovo oovakwetu vomeitavelo.
Omushiyakano auke
11 Taleni eendada dinene di fike apa handi mu shangele neke lange mwene! 12 Aveshe ovo va hala okulimonikifa pambelela va wapala, otave mu fininike mu lipitife etanda, opo vaha hepekelwe omushiyakano waKristus. 13 Osheshi ovo yo tave lipitifa etanda, voovene ihava diinine omhango, ndele va hala nye mu lipitife etanda, opo ve litangele ombelela yeni. 14 Ndelenee ame, nashi kale nge kokule, ndi litangele ngeno oshinima shi lili, omushiyakano wOmwene wetu Jesus Kristus oo auke, molwao ounyuni wa valelelwa nge, naame nda valelelwa ounyuni. 15 Osheshi epitotanda nokuhapita etanda kaku nekwafo, ndelenee okushitululwa. 16 Naaveshe ava tava shikula eyukifomhango eli, ombili nonghenda nai kale navo nokombada yaIsrael waKalunga.
17 Osho hano paha kale vali nande umwe ta twike nge oudjuu, osheshi handi humbata oivadi yOmwene Jesus molutu lange.
18 Efilonghenda lOmwene wetu Jesus Kristus nali kale nomhepo yeni, ovamwatate! Amen.
