Eso lyaSamuel
1 Samuel okwa si, nAaisrael ayehe oya gongala e taa lili oosa dhe. Nena oye mu fumvike pegumbo lye muRama.
David naAbigal
Konima yaambika David okwa yi kombuga yaParan. 2-3 Oko kwa li ku na omulumentu gwomoludhi lwaKaleb edhina lye Nabal. Okwa za moshilando Maon nokwa li e na ohambo ye popepi noshilando Karmel. Okwa li omuyambalela a likola oonzi omayuvi gatatu niikombo eyuvi limwe. Omukadhi Abigal okwa li omwaanawa nomunandunge, ihe Nabal okwa li inaa pwa nawa, nomugeyentu.
Nabal okwa li ta kulula oonzi dhe muKarmel, 4 naDavid mombuga okwe shi uvu. 5 Onkee okwa tumu aagundjuka omulongo nokwe ya lombwele, ya ye kuNabal kuKarmel noye mu kundile po 6 ya tye: “Kuume koye David te ku kundile po, te ku halele uuwanawa ngoye mwene, aangandjeni naayihe u yi na. 7 Oye okwa kundana kutya oto kulula oonzi dhoye nokwa hala, u tseye kutya aasita yoye oya kala natse inaatu ya hinda. Iinima yawo inayi yakwa po ethimbo alihe ya kala puKarmel. 8 Ya pula ashike, notaye ke ku lombwela. Otwe ya koshituthi, naDavid okwi indile, u tu taambe nombili. Tu kwatha ano, u tu pe shoka to vulu oku tu pa tse aapiya yoye nakuume koye David.”
9 Aantu yaDavid oya gandja elaka ndika kuNabal medhina lyaDavid. Nena oya tegelele nkoka. 10 Ihe Nabal okwa pula ta ti: “David? Oye lye? Inandi mu uva nale! Oshilongo oshu udha ngashingeyi embulukuto lyaapika! 11 Itandi ka kutha nando oshikwiila nomeya niimuna mbyoka nda tselele aakululi yandje, ngaye ndi yi pe aantu kaandi shi ho ya za!”
12 Aantu yaDavid oya galukile kuye noye mu hokololele shoka Nabal a ti. 13 Nena David okwe ya lombwele a ti: “Itapakanekeni omagongamwele geni!” Oye shi ningi, aalumentu konyala omathele gane oya yi pamwe naDavid, ihe aalumentu omathele gaali oya kala piinima montanda.
14 Omupiya gumwe gwomaapiya yaNabal okwa ti kuAbigal: “Owa uva ngaa kutya David okwa tumu aatumwa ya zi mombuga ye na omakundo gamwene gwetu, ihe okwa vavauka nayo? 15 Aantu yaDavid oya li ya gama kutse. Inaye tu imba sha, nethimbo alihe twa li nayo momakuti, iinima yetu inayi yakwa po. 16 Oye tu popile omutenya nuusiku. Ethimbo alihe otwa kala nayo tatu litha iimuna yetu. 17 Shi tala nawa, meme, u tokole shoka tashi ningwa. Otashi vulika, shi etele mwene gwetu omupya omwiinayi negumbo lye alihe. Oye omunanyati ihaa pulakene omuntu.”
18 Abigal okwa kutha nziya iikwiila omathele gaali, oombago ndatu dhu udha omaviinu noonzi ntano dha yothwa, oontungwa ntano dhiilya ya kangwa, omahila gomandjembele ethele nomakaka goondhiye omathele gaali, e te yi kutile kuusino. 19 Nena okwa ti kaapiya: “Tetekeleni, manga tandi mu landula.” Ihe komulume ina tya ko sha.
20 Okwa li a kayila okasino ke nokwa kulukile mesilu lyondundu, nohaluka okwa tsakaneke David naantu ye taa ziilile komeho ge. 21 David okwa li ta dhiladhila: “Akwetu, ondi ihepeke owala okugamena eliko lyomulumentu nguka mombuga. Kape na nando oshinima she sha yakwa po, ndele nena ota galulile ndje uuwinayi molwekwatho lyandje oku mu kwatha. 22 Kalunga na dhenge ndje, ndi se, ngele ite kala nda dhipaga aalumentu mbeyaka ayehe, manga inaaku sha!”
23 Abigal sho a mono David, okwa londoloka mbala e ti ihata pevi 24 poompadhi dhaDavid e ta ti kuye: “Tatekulu, pulakena ndje! Ondi na uusama, sho te popi nangoye. 25 Kwatha ndje, waa pulakene oohapu dhaNabal, oye egoya, ngaashi naanaa edhina lye tali ti. Kanda li po, aatumwa yoye sho yi ile ko. 26 Omuwa oye e ku gamene kokugalulila aatondi yoye ondjahi noku ya dhipaga. Ngashingeyi otandi ku ganene Omuwa omunamwenyo kutya aatondi yoye naayehe mboka ya li ya hala oku ku dhipaga, otaa ka geelwa ya fa Nabal. 27 Tatekulu, kwatha ndje, u taambe omulongelo nguka nde ku etele e to gu pe aantu yoye. 28 Tatekulu, dhima po oondjo dhandje mukehe shoka nda ningi. Omuwa ote ke ku ninga omukwaniilwa, noluvalo lwoye wo, oshoka oto kondjo olugodhi lwe noto ka ninga uusama washa, manga u na omwenyo. 29 Ngele ope na ngoka te ku matukile nota kambadhala oku ku dhipaga, Omuwa Kalunga koye ote ke ku gamena, ngaashi omuntu ta langele eliko li na ondilo. Aatondi yoye ote ya dhogele kokule, ngaashi omuntu tu umbu omamanya noshuumbitho. 30 Shampa Omuwa a tsakanitha iinima mbyoka ayihe iiwanawa e yi ku uvanekele nokwe ku ningi omukwaniilwa, 31 nena ito ka sa nando oluhodhi nenge u lile, tatekulu, molwasho wa dhipaga pwaa na etompelo lyasha nenge wa galulile aatondi yoye ondjahi. Nuuna nee Omuwa te ke ku yambeka, tatekulu, ino dhimbwa ndje.”
32 David okwa ti kuye: “Omuwa Kalunga kaIsrael na hambelelwe, sho e ku tumu, u tsakaneke ndje! 33 Kalunga na hambelelwe molwoondunge dhoye oombwanawa nomolwashoka wa ningi nena ndjika okugamena ndje kiihuna yedhipago nokugalulila aatondi yandje ondjo yawo. 34 Omuwa okwa gamene ndje ndaa ku alule. Ihe ote gana kuKalunga kaIsrael omunamwenyo kutya ando owa li inoo endelela u tsakaneke ndje, ando ongula pokupita kwetango aantu ayehe yaNabal oya adhika ya sa.” 35 Nena David okwa taamba shoka Abigal e mu etele nokwa ti kuye: “Shuna kegumbo nombili. Otandi ka ninga shoka wa hala.”
36 Abigal okwa shuna kuNabal, ngoka a li pegumbo e li metifa lyoshituthi ongomukwaniilwa. Okwa li a kolwa nomuutoye wa pwila po, onkee Abigajil ine mu hokololela sha, sigo taku shi ongula. 37 Nena sho a kololokwa, okwe mu hokololele ayihe. Okwa si onkumamuthika e ta kambuka. 38 Konima yomasiku omulongo Omuwa okwa dhenge Nabal e ta si.
39 David sho a kundana kutya Nabal a si, okwa ti: “Omuwa na hambelelwe! Okwa geele Nabal molwokuvavauka nangame nokwa gamene ndje omuntu gwe kokulonga iihuna. Omuwa okwa geelele Nabal uuwinayi we.”
Nena David okwe endele Abigal, a ninge omukadhi. 40 Aamati yaDavid oya yi kuye kuKarmel e taa ti kuye: “David okwe tu tumu, tu ku ile, u ka ninge omukadhi.”
41 Abigal okwi inyongamene pevi e ta ti: “Ngame omuntu gwe, ndi ilongekidhila okuyoga oompadhi dhaapiya ye.” 42 Okwa yambuka nziya e ta kayile okasino ke. Okwa thindikilwa kaadhike ye yatano a yi naantu yaDavid e ta ningi omukadhi.
43 David okwa li a hokana wo Ahinoam a za kuJesreel, ngashingeyi ayehe yaali oya ningi aakadhi. 44 Ihe Saul okwa adhika a gandja omwana Mikal, ngoka a li mukadhaDavid, kuPalti yaLajish, ngoka a za momukunda Gallim.
Efyo laSamuel
1 Ndele Samuel okwa fya. NOvaisraeli aveshe va ongala ndele va lila eefya daye, ndele ve mu paka meumbo laye muRama. Ndele David okwa fikama nokwa ya kombuwa yaParan.
David naNabal naAbigail
2 Ndele muMaon mwa li omulumenhu, eehambo daye da li muKarmel, nomulumenhu ou okwa li oshipunaelela. Ye okwa li e needi omayovi atatu noikombo eyovi limwe, ndele okwa li ta kulula eedi daye muKarmel. 3 Nedina lomulumenhu la li Nabal, nedina lomwalikadi waye la li Abigail. Nomwalikadi okwa li e neendunge diwa, muwa mokutala. Ndelenee omulumenhu okwa li mukukutu neenghedi daye dii, ndele ye okwa li womepata laKaleb. 4 David eshi a uda mombuwa nokutya Nabal ta kulula eedi daye, 5 a tuma ovamati omulongo, ndele David ta ti kovamati: “Indeni kuKarmel, ndele indeni kuNabal, ndele mu puleni medina lange nhumbi e li. 6 Ndele mu nokulombwela omulinawa ngaha: Ombili nai kale naave, nombili nai kale neumbo laye, nombili nai kale naashishe e shi kwete. 7 Ndele paife, ame nda uda u nekululo leedi. Heeno hano, ovafita voye va li pamwe nafye. Fye inatu va tuka ndele vo inava yongola sha momafiku aeshe va li muKarmel. 8 Pula kovapiya voye, ndele vo otave ke shi ku lombwela. Ovamati ava va fila onghenda momesho oye, osheshi fye twe uya mefiku lehafo. Hano pa ovapiya voye nakaume koye David eshi u shi na.” 9 Opo nee ovamati ava va tumwa kuDavid ve uya ndele va lombwela Nabal medina laDavid paendjovo adishe odo, ndele va teelela. 10 Ndelenee Nabal okwa nyamukula ovapiya vaDavid ndele ta ti: “David olyelye? Nomona waIsai olyelye? Mefimbo eli omu novapiya vahapu tave livake poovene vavo. 11 Ame ndi kufe ngeno omungome wange nomeva ange noimuna yange ei nde i tomena ekululo lange, ndi i yandje kovalumenhu ava inava shiivika apa va dile?” 12 Opo nee ovamati vaDavid va shuna nondjila yavo, va ya ndele ve uya ndele tave mu lombwele eendjovo adishe odo. 13 Opo nee David ta lombwele ovalumenhu vaye, ndele ta ti: “Keshe umwe munye na djale eongamukonda laye!” Opo nee keshe umwe muvo a djala eongamukonda, naDavid yo a djala eongamukonda laye, ndele ovalumenhu ve fike pomafele ane va shikula David, fimbo omafele avali va fyaala poinima.
14 Ndelenee umwe womovamati okwa shiivifila Abigail, omwalikadi waNabal, ndele ta ti: “Tala, David okwa tuma ovatumwa va dja kombuwa va ka kunde omwene wetu, ndelenee ye e va tuka. 15 Ndele ovalumenhu venya ve tu ningila ouwa. Inave tu tuka ndele inatu yongola sha momafiku aeshe enya twa li hatu lifa eedi nokweenda pamwe navo moixwa. 16 Vo va li ohotekuma yetu oufiku nomutenya efimbo alishe olo twa li koufita puvo 17 ndele paife ove mwene diladila u tale osho u noku shi ninga. Osheshi va pangelela omwene wetu neumbo laye alishe owii. Osheshi ye mwene omukolokoshi, onghee hano kape nomunhu ta dulu okupopya naye.” 18 Opo nee Abigail a kufa diva omingome omafele avali, oitoo ivali yomaviinyu, eedi nhano da telekwa, eekilograma omulongo naheyali doilya ya fengwa, oikuki efele limwe yeeviinyu da kukutikwa noikuki omafele avali yeenghwiyu nokwe i londeka keendongi. 19 Ndele ye okwa lombwela ovapiya vaye ta ti: “Pitilei nge komesho, ame ohandi mu shikula.” Ndelenee ina shiivifila sha omulumenhu waye Nabal. 20 Ndelenee fimbo ye ta londo ondongi ndele ta kuluka komhunda ta i mefilu, David novalumenhu vaye tave mu shakeneke divadiva, opo ye a li e nokushakena navo. 21 Ndelenee David okwa li a diladila: Ame nda amena ngaho emona laye mombuwa, onghee inapa kana nande sha shomemona laye. Ndele ye ta alulile nge owii kouwa. 22 Kalunga na handukile ovatondadi vaDavid nena nokomesho, ngeenge handi ka xupifa nande umwe wovalumenhu aaveshe vaye fiyo ongula kwa sha.
23 Abigail eshi a mona David okwa londoloka diva kondongi yaye, nokwa wila eombe koshipala shaDavid, nokwe linyongamena pedu 24 nokwa wila poshi peemhadi daye ndele ta ti: “Omwene wange, oushima owange, ndelenee efa omupiya woye omukainhu a popye momatwi oye, u pwilikine eendjovo domupiya woye omukainhu. 25 Omwene wange ina yavala omulumenhu omukolokoshi Nabal. Osheshi ngaashi edina laye li li, osho ye e li. Edina laye tali ti elai, noulai u li muye. Ndelenee ame omupiya woye omukainhu, inandi mona ovamati venya, ove wa tumine. 26 Ndele paife, omwene wange, oshili ngaashi Omwene e nomwenyo naave u nomwenyo, Omwene Oye tuu e ku kelela okutula etimba lohonde u likwafe neke loye mwene. Ovatondadi voye naava hava kongele omwene wange owii nava ningwe ngaashi Nabal. 27 Ndele paife oshali ei ya etelwa omwene wange komupiya waye omukainhu, nai yandjwe kovamati ava va shikula omwene wange. 28 Dima po hano etimba lomupiya woye omukainhu, osheshi Omwene ota ka dikila shili omwene wange eumbo tali kalelele, osheshi omwene wange ta shingi oita yOmwene nomokukala kwoye akushe inamu monika owii. 29 Ngeenge omunhu umwe ta fikama e ku twile ondubo a konge omwenyo woye, omwenyo womwene wange nau kale wa mangwa kumwe moshipandi shovanamwenyo pOmwene Kalunga koye. Ndelenee omwenyo womutondadi woye ne u kupwileshi noshiumbifo. 30 Ndele Omwene eshi ta ka ningila omwene wange pauwa aushe, Ye e ku udanekela, ndele te ku ningi ohamba yaIsrael, 31 opo nee ito pumbwa okunyika oluhodi nokulivela ombedi, eshi wa tilashi ohonde ihe netimba nomwene wange ye mwene e likwafa. Ndele dimbulukwa omupiya woye omukainhu, Omwene ngeenge ta ka ningila omwene wange ouwa.” 32 Opo nee David ta lombwele Abigail ta ti: “Omwene Kalunga kaIsrael na hambelelwe, ou e ku tuma nena okushakeneka nge! 33 Neendunge doye nadi nangekwe noupuna, naave mwene u nangekwe noupuna, eshi wa kelela nge nena okutula etimba lohonde nokulikwafa neke lange mwene. 34 Ndelenee oshili ngaashi Omwene Kalunga kaIsrael e nomwenyo ou a kelela nge oku ku ningila owii, ove ngeenge ino endelela okushakeneka nge, oshili, mwaaveshe vaNabal inamu kala omulumenhu nande umwe, ou ta kala nomwenyo fiyo ongula kwa sha?” 35 Ndele David okwa tambula meke laye osho ye e shi mu etela, nokwe mu lombwela: Inda nombili keumbo. Tala, ame nde ku uda ndele nde ku fila onghenda.
36 Abigail eshi e uya kuNabal, a hanga ye a teleka oitendele meumbo laye ngaashi oitendele yohamba. Nomutima waNabal wa hafa nokwa li a kolwa unene. Onghee hano Abigail ine mu lombwela sha shinini ile shakula fiyo ongula kwa sha. 37 Ndelenee ongula inene Nabal eshi a kololokwa, omwalikadi waye e mu hepaululila oinima oyo. Opo nee omutima waye wa fya meni laye, ndele ye a li ngaashi emanya. 38 Ndele omafiku ngeno omulongo eshi a pita po, Omwene okwa denga Nabal, ndele ye okwa fya. 39 David eshi a uda nokutya, Nabal okwa fya, ye ta ti: “Omwene na hambelelwe ou a handukila Nabal okushekwa kwange, ndele a kelela omupiya waye okuninga owii nokwa alula owii waNabal komutwe waye mwene.” Opo nee David okwa tuma kuAbigail, ye e mu hala, a ninge omwalikadi waye. 40 Opo nee ovapiya vaDavid ve uya kuAbigail muKarmel, ndele va popya naye ndele tava ti: “David e tu tuma kwoove, tu ku ile u ninge omwalikadi waye.” 41 Ndele ye a kala ofika nokwe linyongamena poshi ndele ta ti: “Tala, omupiya woye omukainhu a hala a ninge omupika womwene wange a koshe eemhadi dovapiya vomwene wange.” 42 Abigail e liungaana diva ndele a londa kondongi yaye pamwe novapiya vaye vatano ovakainhu ava ve mu shikula meemhadi daye, ndele a shikula ovatumwa vaDavid. Ndele ye a ninga omwalikadi waye. 43 David okwa kufa yo Ahinoam muJisreel, onghee hano vo aveshe vavali va ninga ovalikadi vaye. 44 Ndelenee Saul okwa yandja omona waye Mikal, omwalikadi waDavid, kuPalti yaLais wokuGallim.
