Natango okombinga yomagano gOmbepo Ondjapuki
1 Lalakaneni, mu kale mu na ohole. Ihaleleni omagano gopambepo, unene omagano gokupopya elaka lyaKalunga. 2 Omuntu ngoka ta popi omalaka gaa shiwike, ita lombwele aantu, ihe ota lombwele Kalunga. Oshoka kaku na ngoka u uvite ko shoka ta ti. Ye ota popi iiholekwa koonkondo dhOmbepo. 3 Ihe ngoka ta popi elaka lyaKalunga, ota lombwele aantu note ya pe ekwatho, omukumo netalaleko. 4 Omuntu ngoka ta popi omalaka gaa shiwike, oti itungu owala ye mwene, ihe ngoka ta popi elaka lyaKalunga, ota tungu egongalo alihe.
5 Onda hala, ando amuhe mu popye omalaka gaa shiwike; ihe unene onda hala, ando amuhe mu pewe omagano gokupopya elaka lyaKalunga. Oshoka omuntu ngoka ta popi elaka lyaKalunga, oku vule ngoka ta popi omalaka gaa shiwike, unene ngele kapu na gulwe ta vulu okufatulula shoka ta popi, opo egongalo alihe li tungwe. 6 Aamwameme, ando ondi ye kune tandi popi omalaka gaa shiwike, otashi mu kwatha tuu sha? Itashi mu kwatha sha, ngele kandi na oku mu pa ehololo lyaKalunga nenge owino washa nenge elaka lya zi kuKalunga nenge elongo lyasha.
7 Niihikomwa wo mbyoka yaa na omwenyo, ngaashi ohiya nokashandja, oku na tuu omuntu ta vulu okutseya ewi ndyoka tali hikwa, ngele omuhiki ita hiki nawa? 8 Nosho tuu wo, ngele oku na ngoka ta hiki enkuma lyokulondodha aantu, ya ye kiita, ndele ita hiki ewi lya yela, olye ta vulu okwiilongekidhila iita? 9 Onda hala okutya: omuntu otu uvu ko ngiini, ngele mokupopya kweni omalaka gaa shiwike iitya yeni inayi yela? Oohapu dheni otadhi kanene owala mombepo. 10 Muuyuni omu na omalaka ogendji gi ili nogi ili, ihe kaku na nando olimwe ihaali uvika ko. 11 Ihe ngele elaka ndyoka tali popiwa kandi li shi, nena omuntu ngoka te li popi, otandi mu tala omukwiilongo, ngaashi naye wo ta tala ndje omukwiilongo. 12 Ano mokulalakanena kweni omagano ngoka taga gandjwa kOmbepo, unene ihaleleni omagano ngoka taga tungu egongalo alihe.
13 Omuntu ngoka ta popi omalaka gaa shiwike, na galikane Kalunga, e mu pe omagano gokufatulula omalaka ngoka shoka taga ti. 14 Oshoka uuna tandi galikana nokupopya omalaka, nena ombepo yandje oyo ayike tayi galikana, ihe omadhiladhilo gandje itagi itula mo. 15 Ondi na okuninga ngiini ano? Ondi na okugalikana nombepo yandje nosho wo nomadhiladhilo gandje. Otandi imbi nombepo yandje nosho wo nomadhiladhilo gandje. 16 Ngele oto galikana Kalunga nombepo yoye ashike, nena mukweni ngoka ihaa popi omalaka, ota vulu ngiini okukoleka egalikano lyoye lyehambelelo a tye, “Amen?” Ita vulu okuuva ko shoka to ti. 17 Nonando omagalikano goye gokuhambelela Kalunga omawanawa, mukweni itage mu kwatha sha.
18 Otandi pandula Kalunga, sho ndi mu vule amuhe mokupopya omalaka gaa shiwike. 19 Ihe melongelokalunga lyaayehe okupopya iitya itano yu uvitike oshi vulile ndje okupopya iitya omayuvi yaa shiwike, opo ndi vule okulonga yalwe.
20 Aamwameme, inamu kala mwa fa uunona mokudhiladhila. Kombinga yuuwinayi kaleni mwa fa uunona, ihe ningeni aakuluntu mokudhiladhila. 21 MOmanyolo otamu tiwa:
“Otandi ka lombwela aantu mbaka, Omuwa osho ta ti:
Otandi ke ya lombwela momakana gaantu taa popi omalaka omakwiilongo.
Otandi ka popitha omilungu dhaakwiilongo.
Ihe nando ongaaka, aantu yandje itaa ka pulakena ndje.”
22 Onkee ano omagano gokupopya omalaka gaa shiwike ogo endhindhiliko lyaamboka inaa itaala, halyaamboka yi itaala. Ihe omagano gokupopya elaka lyaKalunga ogo endhindhiliko lyooyitaali, halyaamboka yaa shi ooyitaali.
23 Ngele ano egongalo alihe tali gongala, nangele gumwe ota tameke okupopya omalaka gaa shiwike, nena yakweni mboka ihaa popi omalaka nosho mboka kaaye shi ooyitaali, ngele taye ya mo, otaye mu dhiladhilile ngiini? Ndishi otaa ti: “Omwa piyagana?” 24 Ihe uuna ayehe taa popi elaka lyaKalunga, e tamu ya omuntu ini itaala nenge ngoka ihaa popi omalaka, nena ota hololelwa oondjo dhe keuvitho lyu uvitike. 25 Omadhiladhilo ge ngoka ga holama, otaga etwa puuyelele, nota tameke okutsa oongolo koshipala shaKalunga e ta ti: “Eeno, Kalunga oku li mpaka mokati keni.”
Megongalo namu kale elandulathano ewanawa
26 Aamwameme, onda hala okupopya shike ano? Sho hamu gongala melongelokalunga, ohamu kala ngeyi: Gumwe oti imbi eimbilo, gumwe ota longo yakwawo, gumwe oku na ehololo lyaKalunga, gumwe ota popi omalaka gaa shiwike namukwawo ota fatulula shoka taga ti. Kehe shimwe oshi na okukala ekwatho lyegongalo. 27 Melongelokalunga ngele omu na gumwe ta popi omalaka gaa shiwike, nena yaali nenge yatatu otaa vulu okupopya wo melandulathano ewanawa, ihe omu na okukala gumwe ta fatulula shoka taa ti. 28 Ihe ngele kapu na omuntu ta vulu okufatulula, nena inaku kala nando ogumwe ta popi megongalo, shila na kale owala ta popi puye mwene nenge ta popi kuKalunga. 29 Yaali nenge yatatu mboka ya pewa elaka lyaKalunga, naa popye, manga yakwawo yalwe taa konakona shoka taa popi. 30 Ihe gumwe gwaamboka ya kuutumba ngele okwa pewa elaka kuKalunga, nena ngoka a adhika ta popi, na mwene manga. 31 Amuhe otamu vulu okupopya elaka lyaKalunga, ihe shi ningeni koogumwe nagumwe, opo ayehe yi ilonge noya tsuwe omukumo. 32 Omagano gokupopya elaka lyaKalunga oge na okukalwa nago nawa komupopi. 33 Oshoka Kalunga ine tu ithanena okukala kwaa na elandulathano, ihe okukala tu na ombili.
Momagongalo agehe gaantu yaKalunga omu na okukala omukalo nguka: 34 Aakiintu naa kale ya mwena miigongi yegongalo. Inaa pitikwa okupopya; ongaashi ompango yAajuda tayi ti kutya kaye na okuwilika. 35 Ihe ngele oya hala okutseya sha, naa pule aalumentu yawo megumbo. Omukiintu ngoka ta popi moshigongi shegongalo, oti isitha ohoni.
36 Nenge one amuke aapopi yoohapu dhaKalunga? Nenge one amuke mu na okupopithwa kudho? 37 Ngele oku na ngoka ti itala kutya oye omutumwa gwaKalunga nenge e na omagano gopambepo, oku na okutseya kutya mpaka otandi mu nyolele shoka sha zi kOmuwa. 38 Ngele ke na ko nasha nasho, osho tuu wo nOmuwa ke na ko nasha naye.
39 Aamwameme, ihaleleni okupopya elaka lyaKalunga, ihe inamu indika ngoka ta popi omalaka gaa shiwike. 40 Kehe shimwe nashi ningwe palandulathano nopamukalo omwaanawa.
Eeshali dopamhepo nhumbi tadi longifwa meongalo
1 Lalakaneneni ohole, nye mu lihalele shili eeshali dopamhepo, ndele unene oshali youxunganeki. 2 Osheshi ou ta popi omalaka ita popi novanhu, ota popi naKalunga; osheshi kape na ou e mu udite, osheshi ota popifwa kOmhepo oiholekwa. 3 Ndele ou ta xunganeke ota lombwele ovanhu oku va longa noku va kumaida noku va hekeleka. 4 Ou ta popi omalaka ote litungu ye mwene, ndele ou ta xunganeke ota tungu eongalo. 5 Onda hala ngeno amushe mu popye omalaka, ndele unene nda hala mu xunganeke; osheshi ou ta xunganeke oye e dule winya ta popi omalaka, okuninga ta fatulula, eongalo opo li tungwe.
6 Ndelenee ovamwatate, ngeno ondi uye kunye, handi popi omalaka, ohandi mu kwafa shike, ngeenge itandi popi mehololo ile mokushiiva ile mokuxunganeka ile mokulonga? 7 Ongaashi oinima ihe nomwenyo oyo tai yandje ewi, ngaashi ofilita ile onyalilo; nande tai yandje ewi, olyelye ou ta shiiva osho tashi shikwa, ngeenge ita yandje ewi la tongoka? 8 Nosho tuu enghuma, ngeenge tali yandje ewi inali yela, olyelye te lilongekidile okuya koita? 9 Osho nanye yo; ngeenge itamu popi nomalaka eendjovo di uditike, omunhu ota udu ko ngahelipi osho tamu popi, okupopya kweni otaku i omhepo. 10 Mounyuni omu na omalaka e lili nae lili, olyelye a shiiva kutya, angapi, ndele kape na nande limwe li neendaka dihe uditike. 11 Ndele omatumbulo elaka ngeenge kandi a shii, ame omunailongo koshipala shomupopi, nomupopi omunailongo koshipala shange. 12 Osho nanye yo, eshi tamu lalakanene okupewa eeshali dopaMhepo, lihaleleni mu di pewe dihapu, mu tunge eongalo.
13 Onghee hano ou ta popi omalaka, na indile a dule yo oku a fatula. 14 Osheshi ngeenge handi ilikana nokupopya omalaka, omhepo yange oyo aike tai ilikana, ndele eendunge dange itadi imike sha. 15 Ongahelipi hano? Onda hala okwiilikana nomhepo yange, nonda hala yo okwiilikana neendunge dange; ondi nokwiimba nomhepo yange, nondi na yo okwiimba neendunge dange. 16 Osheshi ngeenge to pandula nomhepo, ou e li omutumba ina shiiva sha, ota dulu ngahelipi okwiitavela epandulo loye a tye: “Amen” ngeenge ke udite ko eshi to popi? 17 Heeno, ove oto pandula nawa, ndele omukweni ita tungwa kulo. 18 Onda pandula Kalunga eshi handi popi omalaka ndi dule amushe, 19 ndelenee meongalo onda hala komesho yaaishe ndi popye oitya itano neendunge, ndi longe yo vamwe, i dule oitya omayovi omulongo mokupopya omalaka.
20 Ovamwatate, inamu kala ounona meendunge, kaleni ounona mowii; ndelenee kaleni ovalumenhu meendunge. 21 MOmhango omwa shangwa: “Ovadumi nomilungu dovanailongo handi di popififa oshiwana eshi, ndelenee natango tuu itashi udu nge, Omwene osho ta ti.” 22 Hano, okupopya omalaka kaku fi edidiliko kovaitaveli, ndelenee okwaava vehe neitavelo; ndelenee okuxunganeka okwo edidiliko lovaitaveli ndelenee halaava vehe neitavelo. 23 Eongalo alishe ngeno tali ongala, naaveshe ngeno tava popi omalaka, ndele tamu uya ava inamu longwa, ile ava vehe neitavelo, ovo itava ti mbela: “Onye omwa pilalala meendunge?” 24 Ndele ngeenge aveshe otava xunganeke notamu uya umwe ou ehe neitavelo ile ou ina longwa, opo aveshe tave mu hololele oushima waye noku mu tomha, 25 nosho oiholekwa yomutima waye tai hololwa, ndele ote lipwipwike oshipala shaye nomokwiilikana Kalunga ota hepaulula nokutya: “Kalunga oku li shili mokati keni.”
26 Ongahelipi hano, ovamwatate? Ngeenge tamu ongala, keshe umwe oku na sha shokweeta po, umwe e neimbilo, namukwao e nelongo, naumwe e nehololelo, umwe a hala okupopya omalaka, namukwao ta fatulula; aishe nai kwafe okutunga. 27 Ngeenge taku popiwa omalaka, naku popye vavali ile vatatu, vo va shikulafane, naumwe na fatulule. 28 Ndele ngeenge kape nomufatululi, nava mwene meongalo, vo ve lipopile voovene naKalunga. 29 Ovaxunganeki nava popye vavali ile vatatu, noovakwao nave di yeleke, 30 ndele ngeenge umwe womwaava tava kala omutumba, ota hololelwa sha, opo ou wotete na mwene. 31 Osheshi onye amushe mu nomhito okuxunganeka mwa shikulafana, opo aveshe va longwe naaveshe va kumaidwe. 32 Neemhepo dovaxunganeki ohadi dulika kovaxunganeki, 33 osheshi Kalunga Ye ke fi Kalunga kedongakano, ndelenee okombili.
Ngaashi momaongalo aeshe ovayapuki, 34 ovakainhu veni nava mwene moiongalele yomaongalo, osheshi ova shilikwa okupopya, ndele nava dulike yo, ngaashi omhango tai shi ti. 35 Ngeenge va hala okushiiva sha, nava pule kovalumenhu vavo momaumbo, osheshi ohoni komukainhu okupopya meongalo. 36 Ile eendjovo daKalunga da dja munye? Ile okunye amuke de uya?
37 Ngeenge ope na ou e shii oye omuxunganeki ile omunamhepo na kale e shi shii, eshi handi mu shangele osho oshipango shOmwene. 38 Ndelenee ngeenge ope na ou ine shi koneka, na kale ine shi koneka.
39 Onghee hano ovamwatate, kondjeni shili mu shiive okuxunganeka, ndele okupopya omalaka inamu ku kelela. 40 Ndelenee aishe nai ningwe keenghedi diwa nokushikulafana.
