Esimano lyomunawino
1 Olye a fa omunawino, nolye a tseya okufatula iinima? Owino yomuntu otayi adhimitha oshipala she, nuukukutu woshipala she tau lundululwa kuyo.
2 Otandi ti: Vulika komalombwelo gomukwaniilwa, unene omolwegano we li ganene Kalunga. 3 Za po koshipala shomukwaniilwa, ngoye ino kalela po oshinima shoka inaashi mu opalela, oshoka ashihe shoka a hala, ote shi gwanitha. 4 Oshoka oohapu dhomukwaniilwa odhi na oonkondo, nolye ta vulu oku mu pula ta ti: “Oto ningi shike?” 5 Nakudhiginina iipango ye ita adhika kuuwinayi; nomwenyo gwomunandunge otagu tseya ethimbo netokolo lyu uka. 6 Oshoka oshinima kehe oshi na ethimbo lyasho neuthilo, nando uuwinayi womuntu otau mu thindile pohi. 7 Omuntu ke na owino yaashoka tashi ke mu adha komeho, olye te mu hololele shoka tashi ya konakuyiwa? 8 Kaku na omuntu ta vulu okupangela ombepo e yi keelele, kaku na ngoka e na oonkondo dhokuutha esiku lyeso nokaku na elaleko molugodhi; osho wo uukolokoshi itau hupitha ngoka te u ningi.
Omukolokoshi nomuyuuki
9 Ayihe mbika onde yi dhimbulula, sho omwenyo gwandje gwa koneke oshilonga kehe tashi ningwa kohi yetango methimbo uuna omuntu gumwe ta dhiladhilile mukwawo oshiponga. 10 Onda mono wo aakolokoshi taa fumvikwa taa yi mevululuko, manga mboka ye ende pauyuuki taa zi mehala eyapuki noya dhimbiwa moshilando. Naashika owalawala.
Epangulo tali kankekwa
11 Uuna epangulo lyaalongi yuudhudhu itaali endelele okupangulwa, omwenyo gwaana yaantu ogwa fula okulonga uudhudhu. 12 Omulunde nando na yone lwethele nota kala nomwenyo omule, ondi shi shi kutya mboka haa tila Kalunga oye li nawa, oshoka haye mu tila, 13 ihe omulunde ita kala nawa noita lelepaleke omasiku ngaashi omuzizimba, oshoka iha tila Kalunga. 14 Shoka hashi ningwa kombanda yevi, oshowala, owaleelela, aayuuki sho taa ningwa ngaashi aakaanakalunga, naakaanakalunga sho haa ningwa ngaashi aayuuki. Osho nda ti kutya owala, owaleelela.
15 Opo mpoka nda tanga enyanyu, oshoka kohi yetango kaku na sha sho opalela omuntu, shila okulya nokunwa nokwiinyanyudha. Oyo mbika ta vulu okuninga momaipyakidhilo ge, manga e li kombanda yevi mokukalamwenyo nkoka Kalunga e ku mu pa kohi yetango.
16 Sho nda pungulula omutima gwandje, ndi ilonge okutseya owino nokutala iinima mbyoka tayi ningwa kombanda yevi, eeno, nokuli omutenya nuusiku kaku na ngoka ta mono oomposi — 17 onda mono miilonga ayihe yaKalunga kutya omuntu ita vulu okuuva ko shoka tashi ningwa kohi yetango; omuntu ni ipyakidhile okukonakona, ihe itu uvu ko sha. Nando omunawino a dhiladhile e yi uve ko, ita tompola sha.
Ovapangeli nava fimanekwe
1 Olyelye e li ngaashi omunongo, nefatululo loinima ola shiivika kulyelye? Ounongo womunhu tau yeleke oshipala shaye, noukukutu woshipala shaye tau lundululwa kuwo. 2 Ame ohandi ti: Diinina oshipango shohamba, unene molweano we li anena Kalunga. 3 Ino endelela okuliteeka kuyo. Ino ama koshinima shii, osheshi yo tai ningi eshi ye shi hala. 4 Osheshi ondjovo yohamba i neenghono, ndele olyelye ta dulu oku i lombwela: “To ningi shike?” 5 Ou ta diinine oshipango ita ka mona oshinima shii. Omutima womunongo wa shiiva efimbo netokolo la yuka. 6 Osheshi keshe oshinima oshi nefimbo lasho netokolo lasho. Osheshi owii womunhu tau mu djuupaleke unene. 7 Osheshi keshi shii eshi tashi ke uya. Olyelye te mu hololele osho shi nokuuya komesho? 8 Kaku na nande omunhu ta dulu okupangela omhepo a kelele omhepo, ndele kaku na ou ta pangele efiku lefyo. Kaku nelekelo molwoodi. Nosho yo ouhenakalunga itau xupifa ou e u hole. 9 Ashishe eshi nde shi mona, eshi nda pungululila omutima wange koshilonga keshe tashi longwa koshi yetango mefimbo mulo omunhu ta pangelele mukwao omupya. 10 Ame nda mona yo nhumbi ovahenakalunga va pakwa ndele va ya metulumuko, fimbo ovo va enda pauyuki va li ve nokudja po ponhele iyapuki ndele va dimbuwa moshilando. Nasho yo ongahoelela. 11 Shaashi etokolo loshilonga shii itali endelele, onghee omutima wovana vovanhu u yadi okulonga owii. 12 Osheshi omulunde ta nyono lwefele ndele ta kala nomwenyo efimbo lile. Ndelenee ondi shi shii ava hava tila Kalunga, otava ka ningilwa nawa, shaashi tava tila koshipala shaye, 13 ndele omuhenakalunga ita ka mona elao, ndele omafiku aye itaa ka lepala ngaashi omudile, osheshi iha tila Kalunga. 14 Naasho yo onghonelela kombada yedu, eshi ope novayuki tava ningilwa pailonga yovahenakalunga, ndele ope novahenakalunga tava ningilwa pailonga yovayuki. Onghee handi ti: Nasho yo ongahoelela. 15 Onghee hano ame nda pandula ehafo, osheshi omunhu koshi yetango ke na shimwe shiwa, okulya nokunwa nokunyakukwa. Oyo tai mu shikula moshilonga shaye shidjuu pomafiku okukalamwenyo kwaye Kalunga e mu pa koshi yetango. 16 Ame eshi nda pungulula omutima wange okulilonga ounongo, nokutala oinima tai ningwa kombada yedu, heeno, nokuli oufiku nomutenya kaku na ou ta mono eemhofi, 17 opo nee moshilonga ashishe shaKalunga nda mona nokutya, omunhu moshilonga osho tashi ningwa koshi yetango, ita mono mo sha, ndele omunhu te lilolokifa mokukonga, ndelenee ita mono; heeno, omunongo nande ha diladila ye e shi shii, ite ke shi shiiva.
