1 Itaku ka kala ku na ompito yokuhenuka uudhigu mbuka.
Omukwaniilwa gwokomeho
Evi lyomazimo gaSebulon nogaNaftali olya li lya dhinika, ihe konakuyiwa esimano otali ke ya koshikandjo shika okuza kEfuta lyopokati sigo okevi lyohandiyaka yaJordan, nokuGalilea, moka aakwiilongo ya kala.
2 Oshigwana she ende momilema,
otashi mono uuyelele owindji.
Oomboka ya kala momilema thokothoko,
uuyelele otau ya minikile.
3 Aantu oto ya shambudha noonkondo, Omuwa,
oto ya pe enyanyu enene.
Otaa nyanyukilwa koshipala shoye,
ngaashi aantu haa nyanyukwa, uuna taa teya iilya nenge taa topola oshihakanwa.
4 Oshoka ongoye wa teya ondjoko yawo ndjoka ya li ye yi uvitile uudhigu,
nowa tokola ongola ndjoka ye ya dhenge komapepe.
Omuwa, owa dhenge iigwana mbyoka ya hepeke aantu yoye,
naanaa ngaashi wa dhengele Aamidiana nale ndjiyaka.
5 Oongaku dhaahomoni noonguwo dhawo dha yaywa mombinzi
otadhi fikwa po.
6 Otwa valelwa omunona!
Otwa pewa omumati!
Epangelo olye; oli li komapepe ge.
Ota lukwa Omupukululi omukumithi,
Kalunga omunankondo, He yomuukwaaluhe,
Omuwa gwombili.
7 Uukwaniilwa we kau na mpoka tau hulu po,
noshilongo she otashi kala aluhe shi na ombili.
Ota ka kuutumba koshipangelapundi shaDavid ta lele oshilongo she.
Oonkondo dhe odha kankamekelwa keutho nokuuyuuki,
okuza nena sigo aluhe.
Uulaadhi wOmuwa Omunankondoawike otau shi ningi.
Omuwa ta pangula Israel
8 Omuwa okwa tumbulile oshilongo shaIsrael epangulo, a pangule oluvalo lwaJakob. 9 Aaisraeli ayehe, shaa ngoka a kala moshilando Samaria, ota ka tseya kutya shika okwe shi ninga. Ihe otayi inomo noya lunduka. Otaa ti: 10 “Oondhopi odha kumuka po, ihe otatu ka tunga po omakuma gomamanya ga hongwa. Omikwiyu odha hokoka po, ihe tse otatu ka tsika mo omisedeli.”
11 Omuwa okwe ya shongele aatondi yawo ye ya matukile. 12 Siria kuuzilo naFilistia kuuninginino oye ekama omakana gawo ya nine po Israel. Nomushika ondjahi yOmuwa inayi lota; okwooko kwe onatango kwa taganana.
13 Aaisraeli inayi itedhulula natango. Nando Omuwa Omunankondoawike okwe ya geele, inaa galukila kuye. 14 Polumwe Omuwa ota ka geela Israel naawiliki ye; ote ke ya teta omutse nomushila. 15 Aakuluntu naanenentu oyo omutse, naahunganeki mboka taa longo omalongo giifundja, oyo omushila. 16 Aawiliki yaantu mbaka oya ningi aapukithi, naawilikwa oya piyaganekwa thiluthilu. 17 Omolwashoka Omuwa ina hokwa aagundjukamati yawo noita sile nando aaselekadhi yawo noothigwa ohenda, oshoka aantu ayehe oyo aakaanakalunga naakolokoshi, naashihe shoka taa popi, oshiwinayi. Nopushika ondjahi yOmuwa inayi lota natango; okwooko kwe onatango kwa taganana.
18 Uukolokoshi waantu owa hwama wa fa epeya tali lungunitha po omano noondjoho. Owa taandela wa fa okuti taku pi notaku gundumuka olwithi. 19 Molwaasho Omuwa Omunankondoawike a geya, ondjahi ye oya hwama ya fa omulilo tagu lilima noshilongo tagu lungunitha po aantu, noitaa silathana ohenda. 20 Shaa mpoka moshilongo aantu otaa hakana nokulya po uundjagumuke wiikulya mboka taa mono, ihe itaa kuta. Nando naa lye po oyana, aawe, onkene tuu itaa kuta. 21 Aamanasse nAaefraim otaa matukilathana, noyo kumwe ayehe otaa ponokele Juda. Natango ondjahi yOmuwa inayi lota; okwooko kwe onatango kwa taganana.
Ouhamba waMessias tau xunganekwa
1 Pomafiku onale okwa etela edu laSebulon nolaNaftali esheko nodino, ndelenee pomafiku okomesho ota ka fimanekifa ondjila yokuya kEfuta Lopokati; nedu lomoshikandjo shaJordan nokuGalilea omo mwa kala ovanailongo.
2 Oshiwana hashi endaenda momulaulu,
osha mona ouyelele muhapu,
naava hava kala medu lomudile wefyo,
ouyelele otau va minikile.
3 Ove to hapupalifa oshiwana
ndele to shi pe enyaku linene;
ndele vo otava hafele koshipala shoye,
ngaashi tapa hafelwa efiku leteyo
nongaashi tapa kuwililwa metukulo loitinhwa.
4 Osheshi ondjoko ei ye va djuupalela
noshimwati shokombuda yavo
nodibo yomuhepeki wavo,
oto i teya po ngaashi sha ningwa mefiku laMidian.
5 Osheshi keshe olukaku lomukwaita la lyatifwa meweelelo lolwoodi,
noikutu ya nyatekwa kohonde,
otai xwikwa po, ndele tai ningi eendja domundilo.
6 Osheshi okaana ke tu dalelwa,
Omona omumati e tu yandjelwa,
nepangelo oli li komapepe aye,
ndele ta ifanwa: Omukumwifa-Omupukululi,
Kalunga Omunaenghono,
Tate yaalushe, Ohamba yombili.
7 Epangelo laye tali ningi linene, nombili itai xulu po
okolukalwapangelo laDavid nomouhamba waye,
opo Ye e u kanghameke noku u pameka netokolo nouyuki
okefiku eli nofiyo alushe.
Ouladi waKalunga, Omwene womatanga ovakwaita
otau ke shi ninga.
Okuhandukilwa kwaIsrael
8 Omwene ta tumu ondjovo imwe kuJakob, ndele ya wila muIsrael, 9 novanhu aveshe naEfraim novakali muSamaria otave ke i shiiva, ava mokulinenepeka nomokufulalala tava ti komutima: 10 “Eedopi oda wila po, ndelenee fye ohatu ka tungulula nomamanya a hongwa, omikwiyu domofuka oda kewa po, ndelenee fye ohatu ka twika mo omisederi ponhele yado!” 11 Ndelenee Omwene okwe mu pendulila ovafininiki nokwa hongaifa ovatondi veni; 12 Ovaarami okoushilo nOvafilisti okouninginino, opo va lya Israel eemhanda mbali. Ndele mwaaishe ei ehandu laye inali kandulwa po, ndelenee natango eke laye ola yeluka. 13 Ndelenee ovanhu inava alukila kwaau te va denge, ngaashi itava kongo Omwene womatanga ovakwaita. 14 Onghee hano Omwene ota tete Israel omutwe nomushila, oluvale lomulunga noshihati sholumbungu, mefiku limwe. 15 Omukulunhu noshipuna oye omutwe, nomuxunganeki ou ta longo oipupulu, oye omushila. 16 Ovakwateli komesho voshiwana eshi ova ninga ovapukifi, novakwatelwa komesho ove lihanifwa. 17 Onghee hano Omwene ita ka hafela ovamati vavo, no ita file onghenda eefiye davo, novafiyekadi vavo, osheshi vo aveshe ovadinikalunga novakolokoshi, nakeshe okanya ohaka popi oulai wongaho. Ndele mwaaishe ei ehandu laye inali kandulwa po, ndelenee natango eke laye ola yeluka. 18 Osheshi oudinikalunga owa xwama ngaashi omundilo tau lungwinike po omano neeshosholo, owa xwameka ofuka nongoya, opo tai i pombada ngaashi okalungululu komwifi.
19 Edu ola xwama omolwoupyuhandu wOmwene womatanga ovakwaita, novanhu va ninga oikulya yomundilo, ndele vo itava filafana onghenda. 20 Ndele otava lumata kolulyo nove nondjala, otava li kolumosho, ndele vo itava kuta; keshe umwe ota li ombelela yokwooko kwaye mwene. 21 Manasse ota li Efraim naEfraim ota li Manasse, ndele aveshe ava vavali otava hangakene Juda. Ndele mwaaishe ei ehandu laye inali kandulwa po, ndelenee natango eke laye ola yeluka.
