Omuhunganeki ta gunu Jehosafat
1 Omukwaniilwa gwaJuda Jehosafat okwa galukile kuuwa we kuJerusalem nombili. 2 Omuhunganeki Jehu yaHanani okwa yi a ka tsakaneke omukwaniilwa e ta ti kuye: “Oto dhiladhila tuu kutya oshu uka okukwatha mboka aawinayi nokugama kumboka ye tonde Omuwa? Shoka wa longo, oshe ku tukuluthile ondjahi yOmuwa. 3 Ihe nando ongeyi, mungoye omu na ngaa uuwanawa washa. Owa kombolola po iiyelekela ayihe yoshikalungakiintu Asheera, shoka sha simanekwa kaantu, nowa kambadhala okulandula ehalo lyOmuwa.”
Omaopaleko gaJehosafat
4 Jehosafat nando okwa kalele muJerusalem, okwa endaenda olwindji mokati kaantu, okuza kuBeersheba muumbugantu sigo okooha dhoshilongo shokoondundu dhaEfraim muumbangalantu, opo a igidhile aantu, ya galukile kOmuwa, Kalunga koohekulu. 5 Okwa langeke aatokolihapu miilandohote ayihe yomuJuda 6 e te ya kumagidha ta ti: “Mokutomona ompangu kaleni mwa kotoka; itamu longo moonkondo dhuuntu, aawe, omoonkondo dhOmuwa. Omuwa oku li pamwe nane, uuna tamu utha oompangu. 7 Tileni Omuwa ne mu mu longele mwa kotoka, oshoka Omuwa, Kalunga ketu, iti idhidhimikile omakoto nenge ontondo nenge etaambo lyoombumbo.”
8 Jehosafat okwa langeke wo muJerusalem Aalevi, aayambi nayamwe yomaawiliki yoshilando, ya ninge aatokolihapu yokuutha oohapu mokutonatela ompango yOmuwa nenge oontamanana maakali yomoshilando. 9 Okwe ya kumagidha a ti: “Gwanitheni iilonga yeni mokutila Omuwa, mu vulike kuye nuudhiginini mwaayihe tamu yi longo. 10 Ngele aakwashilongo aakweni miilando yawo taye ya kune ye na iihokolola omolwedhipago nenge ya yono kompango nenge keutho lyontumba, ya kumagidheni, nkene ye na okukala mompangu, yaa kwate oshidhila shokuyona kOmuwa. Ngele itamu ya kumagidha, ne naakwashilongo aakweni otamu ka adhika kondjahi yOmuwa. Ihe ngele otamu gwanitha oshilonga sheni, itamu ka kala mu na ombudhi. 11 Omuyambimukuluntu Amaria ota ka kala omukuluntu mokutokola iinima ayihe yeitaalo, naSebadia yaIsmael, omunashikandjo gwaJuda, ota ka kala e na etokolo lyahugunina miinima ayihe yonkalathano. Aalevi oyo omalenga geni. Kaleni mu na omukumo, ne mu tameke iilonga yeni. Omuwa na kale naayuuki!”
Jehu ta tangunine Josafat
1 Ndelenee Josafat, ohamba yaJuda eshi ya aluka, i li nawa keumbo layo muJerusalem, 2 omumonikokule Jehu yaHanani okwa ya oku mu shakeneka ndele ta lombwele ohamba Josafat, ta ti: “Ove wa li tuu u nokukwafa omuhenakonasha naKalunga, ndele wa li tuu u nokuhola ou ta tondwa kuKalunga? Onghee hano ehandu laKalunga tali uya kombada yoye. 3 Ndele mwoove mwa monika oinima iwa, osheshi wa hanauna po omiti domalupwelele moshilongo ndele wa ameka omutima woye okukonga Kalunga.”
4 Ndele Josafat okwa kala muJerusalem, nokwa ya vali mokati koshiwana okudja kuBerseba fiyo okeemhunda daEfraim nokwe va alulila kOmwene, Kalunga kooxe. 5 Ndele okwa tula ovatokoli veendjovo moshilongo, moilando aishe i neehotekuma domuJuda, moshilando keshe. 6 Nokwa lombwela ovatokoli, ta ti: “Taleni, eshi tamu ningi, osheshi itamu tokola omatokolo ovanhu, ndelenee omatokolo Omwene. Ndele Ye oku li punye momatokolo. 7 Etilo lokutila Kalunga nali mu pangele hano. Taleni oilonga yeni, osheshi pOmwene pehe nowii ile nokatongotongo, ndele ita tambula ombubo.”
8 Ndele muJerusalem yo Josafat okwa tula vamwe vomOvalevi novomovapristeli novomovakulunhu vOvaisraeli vomapata momatokolo Omwene, nokutokola eendjovo doihokolola. Ndele vo va alukila muJerusalem. 9 Nokwe va lombwela, ta ti: “Osho ngaha mu nokulonga metilo lokutila Omwene noudiinini nomutima aushe. 10 Ndele moihokolola keshe tamu i etelwa koovakweni, ovo ve li moilando yavo, ngeenge edipao, eemhango, oipango, neenghedimhango nomalombwelo, nye mu noku va londwela, opo vo vehe lietele ombedi mokunyona kOmwene, nehandu lihe uye kombada yeni ile yavakweni. Osho mu nokuninga muhe lietele ombedi. 11 Ndele taleni, omupristeli omukulunhu Amarja, oye omukulunhu weni moinima aishe yOmwene, ndele Sebadja yaIsmael, elenga lomepata laJuda, oye omukulunhu woinima aishe yohamba, nOvalevi vo ovapashukili voku mu yakula. Kaleni mwa pama ndele hoveleni oshilonga. NOmwene na kale naava vawa.”
