Paulus muMakedonia nomuGreka
1 Ano euyagano ndika sho lya mwena, Paulus okwi ithana ooitaali nokwe ya laleke noohapu dhomakumagidho. Nena okwe ya thigi po ihe e ta yi kuMakedonia. 2 Oye okwe endaenda nomikunda ndhiyaka adhihe nokwa tsu aantu omukumo noohapu odhindji. Opo ihe okwe ya kuGreka e ta kala ko uule woomwedhi ndatu. 3 Ano manga a li ti ilongekidha, a ye kuSiria, okwa dhimbulula kutya Aajuda oye mu langela. Onkee okwa tokola okushuna nokupitila muMakedonia. 4 Sopater yaPirro, Omuberea, okwa yi pamwe naye; osho wo Aatessalonika, Aristarkus naSekundus, Gaius Omuderbe, Timoteus nAayasia yaali, Tikikus na Trofimus. 5 Oyo oya tetekele e taye tu tegelele muTroas. 6 Konima yoshituthi shiikwiila inaayi fulikwa otwa thikama nosikepa muFilippi notwa thiki kuyo muTroas, sho twe ende omasiku gatano e tatu kala mo oshiwike shimwe.
Etalelopo lyaPaulus lyahugunina muTroas
7 Ongulohi yOlyomakaya otwa gongala pamwe, opo tu lye uulalelo wuukumwe. Paulus okwa popitha aantu. Molwaashoka okwa li e na okuza po esiku lya landula, okwa tsikile okupopya sigo opokati kuusiku. 8 Moshinyanga shopombanda, moka twa li twa gongala, omwa li mu na oolamba odhindji dha minikila.
9 Omulumentu gumwe omugundjuka, edhina lye Eutikus, okwa li a kuutumba pekende. Ano Paulus sho a popi olule, Eutikus okwa tameke okusa oomposi. Oye okwa gu ko kontala ontintatu e ta gwile pevi nokwa toolwa a sa. 10 Ihe Paulus okwa kulukile pevi e ti iyumbile kombanda ye nokwe mu papatele e ta ti: “Inamu tila, oku na natango omwenyo.” 11 Opo ihe okwa shuna ishewe pombanda, a topola oshikwiila nokwa li e ta tsikile natango okupopya, sigo etango lya piti, nokwa yi. 12 Nena oyo oya kutha po omugundjuka nguka e taye mu fala kegumbo e na omwenyo, naashika osha talaleke oomwenyo dhawo.
Paulus ta yi kuMileto
13 Otse otwa tetekele nosikepa notwa yi kuAsso, tu ka pitule Paulus. Oshoka oye okwa li a hala okweenda kolupadhi, nokwe tu lombwele, tu ke mu pitule hoka. 14 Ano sho e tu tsakaneke muAsso, otwe mu taamba mosikepa notwa yi kuMitilene. 15 Esiku lya landula otwa li ontega naKios, nesiku etiyali otwe ya kuSamos nesiku etitatu otwa thiki muMileto. 16 Oshoka Paulus okwa li a tokola okupitilila Efeso, opo kaa manene ethimbo muAsia. Oye okwa li meendelelo, a hala ando, ngele tashi vulika, a thike kuJerusalem esiku lyaPentekoste.
Paulus ta popitha aakuluntu yegongalo Aaefeso muMileto
17 MuMileto Paulus okwa tumu elaka kuEfeso nokwi ithana aakuluntu yegongalo, ye ye kuye. 18 Ano sho ye ya, okwe ya lombwele ta ti: “One omwa tseya, nkene nda kala ethimbo alihe pune okuza kesiku lyotango, sho nda thiki kuAsia. 19 Mokati komamakelo ogendji ngoka ga tsakaneke ndje omolwondumbo yAajuda, onda longele Omuwa neifupipiko enene nonomahodhi ogendji. 20 One omwa tseya kutya mokuuvitha nomokulonga kwandje montaneho yaantu ayehe nomomagumbo geni onde mu ulukile iinima ayihe mbyoka tayi mu kwatha. 21 Onda lombwele aantu ayehe, Aajuda naapagani kutya naa itedhulule, ya galukile kuKalunga noyi itaale Omuwa gwetu Jesus.
22 “Ano ngashingeyi mokuvulika kwandje kOmbepo Ondjapuki otandi yi kuJerusalem nokandi shi wo kutya oshike tashi ka tsakaneka ndje nkwiyaka. 23 Onda tseya ashike kutya miilando ayihe Ombepo Ondjapuki ota tseyithile ndje kutya oomango nomahepeko otayi tegelele ndje. 24 Ihe ngame mokugwanitha eithano lyandje kandi na nando uutende nomwenyo gwandje. Onda hala ashike okutsakanitha oshilonga shoka nde shi pewa kOmuwa Jesus shokuuvitha elaka etoye tali hokolola esilohenda lyaKalunga.
25 “Nokuli ngashingeyi ondi shi shi kutya ne mboka nde ende mokati keni, sho ndu uvitha Oshilongo shaKalunga, itamu ka mona we oshipala shandje. 26 Onkee ano otandi mu tseyithile nena ndjika kutya ngele ope na gumwe gwomune ta ka kana, kashi shi nando ondjo yandje. 27 Oshoka ngame inandi thiga ko nando osha, ihe onde mu tseyithile ashihe shoka Kalunga a hala oku shi mu ningila. 28 Itonateleni ano, ne mu tonatele wo oshigunda ashihe shoka mwe shi pewa kOmbepo Ondjapuki. Litheni egongalo lyaKalunga ndyoka e li ilikolele neso lyOmwana. 29 Oshoka ondi shi shi kutya, ngele nda zi po, omambungu haga lyana otaga ka gwayela mokati keni, gaa na nando ohenda noonzi. 30 Nokuli ethimbo otali ke ya, uuna aalumentu yamwe yomokati keni taa ka kala nokupopya iifundja, yi ihilile aalongwa. 31 Onkee ano kotokeni, ne mu dhimbulukwe, nkene nde mu kumagidha amuhe nomahodhi gandje uule woomvula ndatu.
32 “Onkee ano ngashingeyi otandi mu gandja mesiloshimpwiyu lyaKalunga nokoohapu dhesilohenda lye. Oye oku na oonkondo oku mu koleka noku mu pa omayambeko ngoka e ga pungulila aantu ye ayehe. 33 Ngame inandi ihalela nando oshinima shaa shi shandje, oshisiliveli nenge oshingoli nenge oonguwo dhomuntu. 34 One yene omwa tseya kutya ngame onda longo mwene niikaha yandje nondi imonene oompumbwe dhandje nodhooyakwetu. 35 Miinima mbika ayihe ngame onde mu ulukile kutya mokulonga noonkondo adhihe pamukalo nguka otatu vulu okukwatha aankundi. Dhimbulukweni oohapu ndhoka Omuwa Jesus mwene e dhi popi, sho a ti: ‘Okugandja oku na elago ku vule okutaamba.’ ”
36 Ano Paulus sho a mana okupopya, okwa tsu oongolo pamwe nayo ayehe e ta galikana. 37 Oyo ayehe oya lili, oye mu papatele noye mu laleke noku mu thipa komilungu. 38 Oyo oya li ya nika oluhodhi, unene omolwoohapu ndhoka e dhi popi, sho a ti kutya itaye ke mu mona we. Opo ihe oye mu thindikile kosikepa.
Paulus muMakedonia nomuTroas
1 Ndele euyaano olo eshi la mwena, Paulus okwa ifana ovalongwa, ndele eshi e va lombwela eendjovo dehekeleko, okwe va lekela ndele ta di po, ta i kuMakedonia. 2 Ndele eshi a tokola oikandjo aishe, ndele e va lombwela eendjovo dihapu domakumaido, okwe uya kuGreka. 3 Ndele okwa ninga ko eehani nhatu, nokwa hala a ka konde a ye kuSiria. NOvajuda eshi ve mu nangela, ye okwa tokola a shune nokupitila muMakedonia. 4 Ndele ovalumenhu ava va enda pamwe naye, ovo: Omuberea Sopater yaPirrus, nOvatessalonika Aristarkus naSekundus, Omuderbe Gaius, naTimoteus, novokuAsia: Tikikus naTrofimus. 5 Ovo ve tu tetekela, ndele ve tu teelela muTroas. 6 Ndele fye twa yauka okudja kuFilippi omafiku omungome munyenye eshi a pita, mefiku etitano otwe uya kuvo muTroas, omo twa menekela omafiku aheyali.
Paulus ta nyumuna Eutikus
7 Ndele mefiku lotete loshivike, eshi twa li twa ongalela okutukula omungome, naPaulus ou a hala oku ka enda mefiku lomongula okwa popya navo, neendjovo daye okwe di twikila fiyo opokati koufiku. 8 Ndele mondjuwo yopombada omo twa li twa ongalela, omwa li mu neelamba dihapu. 9 Ndele omunyasha umwe, edina laye Eutikus, okwa li omutumba pekende, okwa lolokela po keemhofi, Paulus eshi a popya efimbo lile, nomokukumuka okwa wa kondjuwo onhinhatu yokombada nokwa toolwa po a fya. 10 Opo nee Paulus okwa londolokela poshi, te liwilike kuye, e mu papatela ndele ta ti: “Inamu piyaana, omwenyo waye omo u li muye.” 11 Ndele ye okwa londa ko vali, ndele ta tukula omungome, ndele ta li, nokwa twikila okupopya fiyo eluwa la tenda, ndele ye ta i. 12 Ndele omumati ou ove mu twala keumbo e nomwenyo, ndele va hekelekwa unene.
Paulus muMileto
13 Ndele fye otwa li twa tetekela okuya moskepa notwa ya kuAsso, tu ka pitule ko Paulus, osheshi oye e shi tu lombwela ye mwene kutya okwa hala okweenda kolupadi. 14 Hano eshi twa shakena naye muAsso, otwe mu tambula moskepa, ndele twa ya kuMitilene. 15 Ndele mokudja oko mefiku lomongula twa fika opo twa shaama naKios, nefiku la shikula otwe uya kuSamos, ndele twa kala muTrogillium, ndele mefiku likwao otwe uya kuMileto. 16 Osheshi Paulus okwa tokola okupitilila Efeso, aha manene efimbo muAsia, osheshi okwa li ta endelele, a ka kale ngeno kuJerusalem mefiku laPentekoste.
Oshiongalele shovakulunhu muMileto
17 Ndele muMileto okwa tuma kuEfeso, ndele ta ifana kuye ovakulunhu veongalo. 18 Ndele vo eshi ve uya kuye, okwa tya kuvo: “Nye omu shi shii okudja kefiku lotete eshi nda lyata eemhadi dange muAsia, nhumbi nda kala punye efimbo alishe, 19 nhumbi nda li nda longela Omwene nelininipiko alishe nomahodi nomokushindwa kwa dila nge momanangelo Ovajuda; 20 nonhumbi nda li inandi fya ounye oku mu lombwela keshe tuu osho sha wapala noku mu longa povanhu nomomaumbo 21 fimbo nda hepaululila Ovajuda nOvagreka, ve nokulidilulula nokwaalukila kuKalunga nokwiitavela Omwene wetu Jesus Kristus. 22 Ndele taleni, paife ohandi i kuJerusalem nda mangwa momhepo yange, ndele ame nghi shii eshi tashi ka hanga nge kwinya. 23 Shimwe ashike ndi shi shii, okoilando aishe, Omhepo Iyapuki ota hepaululile nge ndele ta ti: eemhango nomahepeko taa teelele nge kwinya. 24 Ndele ame kombinga yange nghi na nasho komwenyo wange, shamha tuu handi wanifa nehafo okweenda kwange noshilonga eshi nde shi pewa kOmwene Jesus, ndi hepaululile evaengeli longhenda yaKalunga.
25 “Ndele taleni, paife ondi shi shii, nye itamu mono vali oshipala shange, nye amushe ava nda endaenda mokati keni nonda udifa ouhamba waKalunga. 26 Onghee hano ohandi mu hepaulile efiku eli lonena, ame ndihe netimba nande olohonde yomunhu. 27 Osheshi ame inandi fiya po sha, ndelenee onde mu udifila omhangela aishe yexupifo laKalunga. 28 Litaleni hano nye vene, nye mu pashukile oshuunda ashishe, omo mwa nangekwa kOmhepo Iyapuki, eshi e mu ninga ovafita vokulifa eongalo laKalunga, e li lilikolela nohonde yaye mwene. 29 Osheshi ame ondi shi shii, ngeenge nda di po, omambungu haa lyana otae uya ndele taa pumine mokati keni, nao kae na nande onghenda noshuunda.
30 “Heeno, munye tamu di yo ovalumenhu tava popi oinima inai yuka, ve lishilile ovalongwa. 31 Onghee hano pashukeni nye mu dimbulukwe, nhumbi nda ninga eedula nhatu eshi nda kumaida nomahodi keshe umwe womunye oufiku nomutenya.
32 “Ndele paife ame ohandi mu yandje kuKalunga nokeendjovo donghenda yaye. Oye e neenghono oku mu pa efyuululo pamwe naavenya aveshe va yapulwa. 33 Ame inandi konga oshisiliveli noshingoldo ile oikutu yovanhu. 34 Ndelenee nye vene omu shi shii, omake aa ange okwa wanifa eemhumbwe dange nodavakwetu. 35 Moinima aishe onde mu ulikila, osho ngaha tu nokulonga nokukwafa oingone nokudimbulukwa eendjovo dOmwene Jesus e di popya Ye mwene: ‘Okuyandja oku nelao komesho yokutambula.’ ”
36 Ndele eshi a li ta popi ngaha okwa twa eengolo, ndele ta ilikana pamwe navo aveshe. 37 Ndele vo aveshe ova lila nokulililila nova dingatela kofingo yaPaulus, ndele ve mu fipa komilungu, 38 unene ova lilila eendjovo, eshi a tile: vo itava mono vali oshipala shaye. Ndele vo ove mu findikila koskepa.
