Ekwato nehalakanithopo lyaAi
1 Omuwa okwa lombwele Josua a ti: “Kutha aakwiita ayehe, u ye nayo kuAi. Ino tila ngoye ino tyololoka. Otandi ke ku pa esindano lyokusinda omukwaniilwa gwaAi; aantu ye, oshilando nevi otayi ningi yeni. 2 Ai nomukwaniilwa gwasho oto mu ningi, ngaashi wa ningi Jeriko nomukwaniilwa gwasho, ihe nena otamu ka likola iinima niimuna. Longekidha, u matukile oshilando ombaadhilila kosindo yasho.”
3 Josua okwa pyakudhukwa okuya kuAi pamwe naakwiita ye ayehe. Okwa kutha po aakwiita ya pyokoka omayuvi omilongo ndatu e te ya tumu uusiku 4 nelaka ndika: “Holameni kombinga ndjiya yoshilando, ihe hakokule unene; ilongekidheni oku ya matukila. 5 Aantu yandje nangame otatu ki ikokela moshilando. Shimpa Aayai ya zi mo taye tu matukile, otatu finyuka tatu fadhuka po, ano ngaashi twe shi ningi moshikando shotango. 6 Otaye ke tu tidha, sigo twe ya heke okuza ko koshilando. Otaa ka dhiladhila kutya otatu ya yi ontuku, ngaashi twa ningile nale. 7 Nena ne otamu hololoka mo miilangela yeni e tamu kwata po oshilando. Omuwa Kalunga keni ote ke shi mu pa. 8 Shimpa mwa kwata po oshilando, shi tomekeni omulilo, ngaashi Omuwa a ti. Omalombwelo ogo ngaka.” 9 Josua okwe ya tumu e taa yi kiilangela pokati kaAi naBetel, kuuninginino waAi, noya tegelele nkoka. Josua okwa tokelwa uusiku mboka montanda.
10 Ongulangula Josua okwa penduka e ta gongele aakwiita. Oye naawiliki yaIsrael oye ya kwatele komeho okuya kuAi. 11 Aakwiita pamwe naye oya yi popepi noshilando e taa yungu ontanda kuumbangalantu washo. Pokati kawo naAi opwa li olusilu. 12 Josua okwa kutha konyala aalumentu omayuvi gatano e te ya holeke kuuninginino woshilando, pokati kaAi naBetel. 13 Aakwiita oya longekidhilwa olugodhi. Ontanda onene oya li kuumbangalantu woshilando noshihupe shaakwiita osha li kuuninginino washo. Josua okwa tokelwa molusilu uusiku mboka. 14 Omukwaniilwa gwaAi sho a mono aantu yaJosua, oku uluma. Oye naantu ye oya hwanuka yu ukilila olusilu lwaJordan, ya ka kondje nAaisraeli, ngaashi ya ningile nale. Oya li inaa tseya kutya otaa vulu okumatukilwa okuza konima. 15 Josua naantu ye oya shuna ya fa taa yi ontuku noya fadhuka po yu uka kombuga. 16 Aalumentu ayehe yomoshilando oya lombwelwa, ye ke ya landule. Sho ya tidha Josua, oya yi kokule kashona noshilando. 17 Aalumentu ayehe yomuAi nenge Betel, oya ka tidha Aaisraeli; moshilando inamu kala we omupopili.
18 Nena Omuwa okwa ti kuJosua: “Ganeka egonga lyoye kuAi, otandi shi ku pe.” Josua okwa ningi, ngaashi a lombwelwa. 19 Ohaluka sho a yelutha oshikaha she, aalumentu mboka ya li ya holama, oya hituluka mo mbala e taa yi moshilando e taye shi kwata po. Ohaluka oye shi tomeke omulilo. 20 Aalumentu yomuAi sho ya tala konima, oya mono olwithi lwa tsinagala kegulu. Kaya li we ye na ompito yokuhenuka, oshoka Aaisraeli mbeyaka ya li yu uka lwokombuga, oya piluka, opo ye ya homone. 21 Josua naakwiita ye sho ya mono kutya yakwawo mbeya oya kwata po oshilando notashi tsinagala olwithi, oya piluka e taa dhipaga aalumentu yaAi. 22 Aaisraeli yomoshilando oye ya wo kolugodhi. Aalumentu yaAi oya dhimbulula kutya oya kondekwa kAaisraeli, noya dhipagwa ayehe. Inapu za nando ondhi po inapu kala ngoka e na omwenyo, 23 shila omukwaniilwa gwaAi, okwa kwatwa nokwa falwa kuJosua.
24 Aaisraeli oya dhipaga kehe gumwe gwaatondi yawo meyalala kombuga, nkoka ye ya tidhile. Nena oya galukile ishewe kuAi e taa dhipaga ayehe. 25-26 Josua okwa kala a taganekela egonga lye kuAi noine li tenteka pohi, manga aantu ayehe inaaya pwa po okudhipagwa. Oshigwana ashihe shaAi osha dhipagwa esiku ndyoka — aalumentu naakiintu omayuvi omulongo nagaali. 27 Aaisraeli oyi ihupithile iimuna niinima mbyoka ya hakana moshilando, ngaashi Omuwa a lombwele Josua. 28 Josua okwa fike po Ai e te shi lokotitha po ashihe. Osha ningi eputu nosho shi li sigo onena. 29 Okwa mangeleke omukwaniilwa gwaAi komuti okusa e te ethele omudhimba gwe nkoka sigo ongulohi. Peningino lyetango Josua okwa lombwele, omudhimba gu kuthwe ko, nogu umbilwa posheelo shoshilando. Oye gu siikile nondumba yomamanya, ndjoka tayi monika natango nkoka.
Ompango tayi leshwa kondundu Ebal
30 Josua okwa tungile Omuwa, Kalunga kaIsrael, oshiyambelo kondundu Ebal. 31 Okwe shi tungu pamaudhikilo ngoka Moses, omumati gwOmuwa, e ga pe Aaisraeli, ngaashi tashi popiwa mompango yaMoses taku tiwa: “Oshiyambelo nashi kale shomamanya inaaga hongwa niiyela.” Oya yambele ko Omuwa omafikilondjambo noye mu etele omakwatathanondjambo. 32 Josua okwa kutha emanya e li hongo montaneho yAaisraeli e ta nyola mo oohapu dhompango yaMoses. 33 Aaisraeli pamwe naawiliki yawo, aambala naatokolihapu naakwiilongo mboka ya li mokati kawo, oya li ya thikama koombinga noombinga dhoshikethahangano ya tongolola aayambi Aalevi mboka ye shi humbata. Etata limwe lyaantu oya li ya thikama ya pilamena kondundu Garizim, manga etata limwe lya thikama lya pilamena kondundu Ebal. Omumati gwOmuwa Moses okwe ya lombwelele, ya ninge ngeyi, ngele ethimbo lyeyambeko lyawo lya thiki. 34 Josua okwa lesha mokule ompango ayihe mwa kwatelelwa omayambeko nomatulomutima, ngaashi naanaa sha nyolwa membo lyompango. 35 Oshipango kehe shaMoses osha leshwa kuJosua pokugongala kwaayehe, nkoka kwa kwatelele mo aakiintu naanona nosho wo aakwiilongo mboka ya kala mokati kawo.
Ai tashi hanaunwa po
1 Opo nee Omwene okwa lombwela Josua ndele ta ti: “Ino tila, ino mbadapala! Kufa omatanga aeshe ovakwaita pamwe naave, fikama inda kuAi. Tala, ohandi yandje momake oye ohamba yaAi novanhu vayo noshilando shayo noshilongo shayo. 2 Ndele ove u nokuninga Ai nohamba yasho ngaashi wa ningile Jeriko nohamba yasho. Ashike oixuulwa yasho noimuna yasho otamu i litinhile. Tula ehonyeno konima yoshilando.” 3 Opo nee Josua okwa fikama pamwe nomatanga aeshe ovakwaita a ka homone Ai. Ndele Josua okwa hoolola ovalumenhu ovakwanyati omayovi omilongo nhatu nokwe va tuma ko oufiku. 4 Ndele ye okwe va lombwela ndele ta ti: “Taleni, nye mu nokutula ehonyeno konima yoshilando. Inamu ya kokule moshilando ndele kaleni nye amushe mwe lilongekida. 5 Ndele ame nomatanga aeshe ovakwaita ava ve li pwaame, fye ohatu ke uya koshilando. Vo eshi tava di mo oku tu lwifa ngaashi shito, fye ohatu ke va ya onhapo. 6 Ndele vo otave tu shikula fiyo fye twe va ehenifa kokule noshilando, osheshi vo otava ka diladila: Venya tave tu i onhapo ngaashi shito. Ndele fye ohatu ke va ya onhapo. 7 Opo nee nye mu nokudja mo mehonyeno nokutotela oshilando, osheshi Omwene Kalunga keni ote ke shi mu pa. 8 Ndele nye ngeenge mwa totela oshilando mu noku shi tomeka, pandjovo yOmwene mu noku shi ninga. Taleni, ame ohandi shi mu lombwele.” 9 Osho ngaha hano Josua okwe va tuma ko, ndele vo ova ya kehonyeno ndele va kala pokati kaBetel naAi, kombinga yokouninginino waAi. Ndelenee Josua okwa li oufiku winya pamwe novanhu.
10 Josua okwa meneka nokwa ongela omatanga ovakwaita nokwa ya pamwe novakulunhu vaIsrael komesho yomatanga kuAi. 11 Ndele omatanga aeshe ovakwaita aa a li puye a fikama ndele a ehena ndele a fika komesho yoshilando. Ndele vo ova onga onhanda kombinga yokoumbangalanhu woshilando shaAi. Efilu ola li pokati kavo naAi. 12 Osho ngaha hano ye okwa kufa ngeno ovakwaita omayovi atano nokwe va tula mehonyeno pokati kaBetel naAi kombinga yokouninginino woshilando. 13 Ndele vo ova tula ovakwaita, onhanda aishe mekondekelo kombinga yokoumbangalanhu woshilando neengudu dao dokonima kombinga yokouninginino woshilando, ndelenee Josua okwa ya oufiku winya pokati kefilu. 14 Nohamba yaAi eshi ye shi mona, ovalumenhu vomoshilando ova endelela ongula inene, ndele yo oya dja mo ya ka shakeneka Israel molwoodi, yo nomatanga ayo aeshe ovakwaita monhele ya pangelwa poluhaela. Ndelenee yo inai shiiva nokutya, opa li ehonyeno konima yoshilando shayo. 15 Ndele Josua nOvaisraeli aveshe ve lifefa va dengwa ndele ova faduka po Ovaai ndele tava yuka langhele kombuwa. 16 Opo nee ovanhu aveshe vomoshilando va shiiva oku va shikula. Ndelenee fimbo tava shikula Josua oshilando sha fyaala kokule navo. 17 MuAi nomuBetel inamu kala nande umwe, ou ina dja mo a ka taatae Ovaisraeli. Ndele va efa oshilando sha yeululwa ndele va shikula Israel.
18 Ndele Omwene okwa lombwela Josua ndele ta ti: “Eonga li li meke loye li nanena Ai, osheshi Ame nda hala oku shi yandja meke loye.” Opo nee Josua okwa nanena oshilando eonga la li meke laye. 19 Nomatanga ovakwaita aa, a li mehonyeno okwa fikama diva monhele yao ndele a tota, eshi a mona ye a nana eke laye, ndele enya a ya mo moshilando ndele e shi kwata ndele a tomeka diva oshilando. 20 Opo nee ovalumenhu vaAi, eshi va tala konima yavo, ova mona omwifi womoshilando nhumbi tau litumbu keulu. Ndelenee va li vehe na nande omhito yokufaduka po, ngee oko ile kwinya, osheshi omatanga ovakwaita ava va ya onhapo kombuwa, ova piluka ndele va lwifa ovataatai vavo. 21 Josua nOvaisraeli aveshe eshi va mona nokutya ovakwaita vomehonyeno va kwata oshilando ndele omwifi womoshilando tau litumbu pombada, ova aluka ndele ve lidengifa ovalumenhu vaAi. 22 Opo nee venya ova dja moshilando nokushakena navo, opo Ovaai ova kondekelwa pokati kOvaisraeli, vamwe kombinga ei vakwao kombinga inya. Ndelenee vo ove va ta fiyo inapa kala nande umwe a xupifwa ile a ya onhapo. 23 Ndelenee vo ova kwata ohamba yaAi, ndele ve i twala i nomwenyo kuJosua. 24 Ovaisraeli eshi va dipaa neongamukonda ovanhu vaAi aveshe ava va li moluhaela nomombuwa oko ve va taataela, ndele venya aveshe va fya fiyo okomulumenhu waxuuninwa, opo nee Ovaisraeli aveshe va aluka ndele va ya kuAi ndele venya va hanga mo ove va dipaa neongamukonda. 25 Naaveshe ava va fya mefiku olo, ovalumenhu novakainhu, ova li ve fike pomayovi omulongo nomayovi avali, oonakukalamo aveshe muAi. 26 Ndele Josua ina shunifa poshi eke laye li neonga, fimbo oonakukalamo muAi aveshe inava pwa po okudipawa. 27 Ovaisraeli ove litinhila oimuna aike noixuulwa ei ya monika moshilando palombwelo lOmwene, ngaashi Ye a lombwela Josua. 28 Opo nee Josua okwa xwika po Ai nokwe shi ninga onduba yomakuma fiyo alushe, ofuka fiyo onena eli. 29 Ndele ohamba yaAi ye okwe i endjelelifa momuti fiyo okonguloshi. Ndelenee etango eshi tali ningine mo, Josua okwe va lombwela ndele va kufa ko komuti oshimhu shayo ndele ve shi ekela poshivelo shoshilando ndele ve shi ndubila onduba inene yomamanya, ei i li ko nonena eli.
Eleshelo lOmhango keemhunda daGerisim naEbal
30 Opo nee Josua okwa tungila Omwene Kalunga kaIsrael oaltari komhunda yaEbal, 31 ngaashi Moses, omupiya wOmwene, a lombwelele ovana vaIsrael, nongaashi sha shangelwa membo lomhango yaMoses nokutya: “Oaltari ya tungwa nomamanya inaa hongwa,” aa inaa kumwa koshilongifo shoshivela. Ndele kusho va yambela Omwene omaxwikiloyambo ndele va toma omapanduloyambo. 32 Ndele oko ye okwa shangela momamanya omushangululwa womhango yaMoses, ei ye okwe i shangela ovana vaIsrael, 33 fimbo Ovaisraeli aveshe pamwe novakulunhu vavo novapashukili vavo novatokoli vavo va kala ofika kombinga nombinga yoshikefa, va shaama novapristeli Ovalevi, ovahumbati voshikefa shehangano lOmwene, heeno, omunailongo ngaashi omudalelwamo moshilongo, etata limwe lavo la taalela komhunda yaGerisim, netata likwao la taalela komhunda yaEbal, ngaashi Moses, omupiya wOmwene, a lombwelele shito oshiwana shaIsrael shi nangekwe noupuna. 34 Opo nee ye okwa lesha eendjovo adishe domhango, enangeko noupuna netulomutima, naanaa ngaashi da shangelwa membo lomhango. 35 Meendjovo odo da tongwa kuMoses inamu kala nande imwe Josua ine i leshela oshiongalele ashishe shaIsrael, pamwe novalikadi nounona novanailongo ava va enda pamwe navo.
