Oompango dhaKalunga dha nyolelwa momamanya
1 Moses naawiliki yaIsrael oya lombwele aantu ya ti: “Dhiginineni iipango ayihe tandi yi mu lombwele nena ndjika. 2 Uuna tamu ka tokola Jordan, mu ye mevi ndyoka Omuwa Kalunga keni te li mu pe, omu na okudhika omamanya omanene e tamu ga gwayeke nokaalaka. 3 Nyoleleni kugo oompango ndhika adhihe nomalongo. Uuna mwa thiki kevi ndyoka lya tondoka omahini nomagadhi goonyushi, Omuwa Kalunga koohokulu e li mu uvanekele, 4 nomwa yi handiyaka yaJordan, dhikeni omamanya ngaka kondundu Ebal, ngaashi tandi mu lombwele nena ndjika, ne mu ga gwayeke nokaalaka. 5 Tungilii ko oshiyambelo shomamanya inaaga gumithwa osheela, 6 molwashoka oshiyambelo kehe tamu tungile Omuwa Kalunga keni, oshi na okutungwa nomamanya inaaga hongwa. Oko nkoka tamu yambele Omuwa Kalunga keni omafikilondjambo, 7 noko nkoka tamu yambele ko nokulya omakwatathanondjambo e tamu nyanyukilwa koshipala shOmuwa Kalunga keni. 8 Komamanya ngoka ga gwayekwa nokaalaka, otamu nyolele ko iitya ayihe ya tonata nawa yoompango dhaKalunga.”
9 Moses pamwe naayambi Aalevi oya lombwele ihe Aaisraeli ayehe ya ti: “Aaisraeli ne, mweneni ne mu pulakene ndje. Onena tuu ndjika mwa ningi oshigwana shOmuwa Kalunga keni. 10 Vulikeni ano kuye ne mu dhiginine oompango dhe adhihe tandi dhi mu pe nena ndjika.”
Etulomutima kaatangalali
11 Moses okwa lombwele Aaisraeli e ta ti: 12 “Shampa mwa tokola Jordan, omazimo ngoka ge na okuthikama kondundu Garizim, uuna omayambeko taga tumbulilwa aantu, ogo: Simeon, Levi, Juda, Issaskar, Josef naBenjamin. 13 Omazimo taga thikama kondundu Ebal, uuna etulomutima tali tumbulwa, ogo: Ruben, Gad, Aser, Sebulon, Dan naNaftali. 14 Aalevi otaa ka popya oohapu ndhika mokule taa ti:
15 “ ‘Kalunga na tule omutima kehe ngoka ta hongo oshimenka shemanya, shoshiti nenge shosheela note shi saagele meholamo; Omuwa oha tondo iimenka.’
“Aantu ayehe naa yamukule taa ti: ‘Amen!’
16 “ ‘Kalunga na tule omutima shaa ngoka ta dhini he nenge yina.’
“Aantu ayehe naa yamukule taa ti: ‘Amen!’
17 “ ‘Kalunga na tule omutima shaa ngoka ta lundulula ongamba yamukwawo.’
“Naantu ayehe naa yamukule taa ti: ‘Amen!’
18 “ ‘Kalunga na tule omutima shaa ngoka ta pukitha omuposi.’
“Naantu ayehe naa yamukule taa ti: ‘Amen!’
19 “ ‘Kalunga na tule omutima shaa ngoka ta goyokitha uuyuuki waakwiilongo, woothigwa nowaaselekadhi.’
“Naantu ayehe naa yamukule taa ti: ‘Amen!’
20 “ ‘Kalunga na tule omutima shaa ngoka ta lala nomukulukadhi gwahe, oshoka okwa sitha he ohoni.’
“Naantu ayehe naa yamukule taa ti: ‘Amen!’
21 “ ‘Kalunga na tule omutima shaa ngoka ta lala noshimuna.’
“Naantu ayehe naa yamukule taa ti: ‘Amen!’
22 “ ‘Kalunga na tule omutima shaa ngoka ta lala nomumwayina nenge nomumwahe.’
“Naantu ayehe naa yamukule taa ti: ‘Amen!’
23 “ ‘Kalunga na tule omutima shaa ngoka ta lala nayinamweno.’
“Naantu ayehe naa yamukule taa ti: ‘Amen!’
24 “ ‘Kalunga na tule omutima shaa ngoka ta dhipaga meholamo.’
“Naantu ayehe naa yamukule taa ti: ‘Amen!’
25 “ ‘Kalunga na tule omutima shaa ngoka ta taamba ombumbo, opo a dhipage omukeenandjo.’
“Naantu ayehe naa yamukule taa ti: ‘Amen!’
26 “ ‘Kalunga na tule omutima shaa ngoka itaa vulika koompango nomalongo gaKalunga agehe ngaka.’
“Naantu ayehe naa yamukule taa ti: ‘Amen!’ ”
Oipango ya shangelwa meengudi domamanya
1 Ndele Moses pamwe novakulunhu vOvaisraeli okwa lombwela ovanhu ndele ta ti: “Diinineni oipango aishe ei ame handi mu lombwele nena eli. 2 Mefiku tuu olo nye tamu ka tauluka Jordan ndele tamu i moshilongo Omwene Kalunga keni ta ka yandja, nye mu nokudika omamanya manene noku a kolongifa nomunoko. 3 Ndele ove ngeenge to tauluka u nokushangela mo eendjovo adishe domhango ei, opo u shiive okuya mo moshilongo osho Omwene Kalunga koye te ke shi ku pa, sho tashi tondoka omashini nomaadi eenyiki, ngaashi Omwene Kalunga kooxo, e ku udanekela. 4 Hano ngeenge tamu tauluka Jordan, nye mu nokudika omamanya aa, handi mu lombwele nena eli, komhunda yaEbal, ndele mu noku a kolongifa omunoko. 5 Ndele oko u nokutungila Omwene Kalunga koye oaltari, oaltari yomamanya. Ino i hongifa noilongifo oivela. 6 Oaltari yOmwene Kalunga koye u noku i tunga nomamanya inaa hongwa; ndele ove u nokuyambela ko Omwene Kalunga koye omaxwikiloyambo. 7 U nokutoma yo omapanduloyambo nokulila ko nokunyakukwa koshipala shOmwene Kalunga koye. 8 Ndele ove u nokushangela momamanya eendjovo adishe domhango ei di wetike nawa.”
9 Moses novapristeli Ovalevi ova lombwela vali Ovaisraeli aveshe, ndele tava ti: “Akutu Israel, ngungumana ndele pwilikina! Onena eli ove wa ninga oshiwana shOmwene. 10 Onghee hano ove u nokupwilikina ondaka yOmwene Kalunga koye nokuwanifa oipango yaye neenghedimhango daye, odo handi ku lombwele nena eli.”
Eendjovo detulomutima tadi vilikilwa komhunda yaEbal
11 Ndele Moses okwa lombwela ovanhu efiku tuu olo ndele ta ti: 12 “Omapata aa oo e nokukala komhunda yaGerisim a ka nangeke noupuna ovanhu, shamha va tauluka Jordan: Simeon naLevi naJuda naIsaskar naJosef naBenjamin. 13 Ndele aa oo otaa ka kala komhunda yaEbal okutula omutima: Ruben, Gad naAsser naSebulon, Dan naNaftali.
14 “NOvalevi nava popye nokutonga mokule kovalumenhu aveshe vaIsrael tava ti:
15 “ ‘Omulumenhu ou ta ningi oshihongwafano ile oshitelekwafano, oixuna kOmwene, oshilonga shomake omunongo, ndele te shi kaleke ofika meholeko, na tulwe omutima.’ Novanhu aveshe nava nyamukule nava tye: ‘Amen!’
16 “ ‘Ou ta dini xe ile ina, na tulwe omutima.’ Novanhu aveshe nava tye: ‘Amen!’
17 “ ‘Ou ta lundulula omufinda wongaba yomukwao, na tulwe omutima.’ Novanhu aveshe nava tye: ‘Amen!’
18 “ ‘Ou ta pumhifa omupofi mondjila, na tulwe omutima.’ Novanhu aveshe nava tye: ‘Amen!’
19 “ ‘Ou ta pengifa ouyuki womunailongo nowofiye nowomufiyekadi, na tulwe omutima.’ Novanhu aveshe nava tye: ‘Amen!’
20 “ ‘Ou ta nangala nomwalikadi waxe, na tulwe omutima, osheshi ye a tuvukulula oshituvikwa shaxe.’ Novanhu aveshe nava tye: ‘Amen!’
21 “ ‘Ou ta nangala noshinamwenyo, na tulwe omutima.’ Novanhu aveshe nava tye: ‘Amen!’
22 “ ‘Ou ta nangala namumwaina, omona waxe ile omona waina, na tulwe omutima.’ Novanhu aveshe nava tye: ‘Amen!’
23 “ ‘Ou ta nangala nainamweno, na tulwe omutima.’ Novanhu aveshe nava tye: ‘Amen!’
24 “ ‘Ou ta dipaa mukwao omudimbaholeka, na tulwe omutima.’ Novanhu aveshe nava tye: ‘Amen!’
25 “ ‘Ou ta tambula ombubo a ka dipae omunhu ehe netimba, na tulwe omutima.’ Novanhu aveshe nava tye: ‘Amen!’
26 “ ‘Ou iha diinine eendjovo domhango ei e di wanife, na tulwe omutima.’ Novanhu aveshe nava tye: ‘Amen!’
