MuMalta
1 Ano sho twa thiki nawa komunkulo, otu uvu kutya edhina lyontuntu ndjiyaka oMalta. 2 Aakali yokontuntu oye tu taamba nuukuume uunene. Oyo oya tema omulilo noye tu ithana, tu ka huhulukwe, oshoka omvula oya li tayi loko nokwa li ku na uutalala. 3 Nena Paulus okwa tyaya oshihampi shiikuni nomanga a li te yi tula peziko, eyoka olya zi miikuni omoluupyu womulilo e tali mu kanyatele koshikaha. 4 Aantu yokontuntu sho ya mono eyoka lye endjelela koshikaha shaPaulus, oya lombwelathana ya ti: “Omulumentu nguno oye omudhipagi, oshoka nando a hupithwa mefuta, Kalunga kuuyuuki ina pitika, a kale e na omwenyo.” 5 Ihe Paulus okwa pupulile eyoka meziko ye ina mona nando oshiponga shasha. 6 Oyo oya li ya tegelela, Paulus a zinde nenge i ihate pevi e ta si. Ihe sho ya tegelele ethimbo ele noya dhimbulula kutya Paulus oku li nawa kee na nando oshiponga shasha, oya lundulula omadhiladhilo gawo noya ti: “Oye kalunga!”
7 Popepi neha ndyoka opwa li pu na omapya gomukuluntu gwontuntu Publius. Oye okwe tu taamba nombili e tatu menekele puye uule womasiku gatatu. 8 He yaPublius okwa li ta alukwa e na olwiidhi noshimela shombinzi. Nena Paulus okwa yi mondunda ye, a galikana, e te mu tenteke iikaha nokwe mu aludha. 9 Ano omolwoshiningwanima shika aavu yalwe ooyakwawo yokontuntu oye ya kuPaulus, oye nokwe ya aludha. 10 Oyo oye tu pe omagano ogendji, naasho twa yi mosikepa, oye tu pe oompumbwe dhomondjila.
Okuza muMalta nokuya kuRoma
11 Oomwedhi ndatu sho dha piti po, otwa yi mosikepa yokuAleksandria hayi ithanwa “Ookalunga aakwanambwiyu”, ndjoka ya kala montuntu ndjika okufu akuhe. 12 Otse otwa thiki koshilando shaSirakusa notwa kala mo omasiku gatatu. 13 Okuza mpoka otwa yi nosikepa notwa thiki kuRegio. Esiku lya landula ombepo oya tameke okupepa tayi zi kuumbugantu noye tu thikitha momasiku gaali koshilandotulilo Puteoli. 14 Otwa adha mo ooitaali yamwe noye tu pula, tu kale puyo uule woshiwike shimwe. Opo ihe otwa thikama, tu ye kuRoma. 15 Ooitaali ooyakwetu yomuRoma oyu uvu kutya otu li mondjila, onkee oye ya oku tu tsakaneka opOshilandelo shaAppius nopOondjendingulu ndatu. Paulus sho e ya mono, okwa hambelele Kalunga nokwa tsuwa omukumo.
MuRoma
16 Ano sho twa thiki muRoma, Paulus okwa pitikilwa okwiikalela e na omukwiita te mu tonatele.
17 Omasiku gatatu sho ga piti po, Paulus okwi ithana aakuluntu yAajuda koshigongi. Sho ya gongala, okwe ya lombwele ta ti: “Aamwameme! Ngame nando inandi yona sha koshigwana shetu nenge koompango ndhoka twe dhi thigulula kootate, aantu yomuJerusalem oya gandja ndje miikaha yAaroma. 18 Aaroma oya pulapula ndje noya li ya hala okumangulula ndje, oshoka oya mono kutya inandi ninga nando osha sha gwana okudhipagitha ndje. 19 Ihe Aajuda sho ya tamaneke oshinima shika, onda thiminikwa okwiigameka komupangeli Omuroma, nonando kandi na sha shokutamanana naantu yoshigwana shaandjetu. 20 Onkee ano ondi indile, ndi mu mone, tse tu popyeni, oshoka ngame ondi li momalyenge ngaka omolwaangoka a tegelelwa koshigwana shAaisraeli.”
21 Nena Aajuda oye mu lombwele ya ti: “Tse inatu mona nando oontumwafo dhasha dha za kuJudea tadhi ku popi. Osho wo kape na nando ogumwe gwomooyakwetu mboka ya zi hwiyaka a popi nenge a hokolola sha oshiwinayi kombinga yoye. 22 Ihe tse otwa hala okuuva omadhiladhilo goye, oshoka otwa ndhindhilika kutya akuhe aantu otaa popi nokutamaneka ongundu yeni.”
23 Onkee ano oyu uvathana esiku lyokutsakanena ishewe naPaulus, nomesiku ndyoka ongundu onene yaantu yi vule ndjiyaka yotango, oye ya kehala hoka kwa li Paulus. Okuza ongula sigo ongulohi Paulus okwe ya fatululile nokwe ya hokololele Oshilongo shaKalunga. Oye okwa totha mo omatumbulo mompango yaMoses nomiinyolwa yaahunganeki, e ya tompo, yi itaale Jesus. 24 Yamwe yomuyo oya tompwa koohapu dhe, ooyakwawo oya li inaa hala okwiitaala. 25 Osho ngeyi oya zi po puye yaa uvitathane. Paulus okwe ya lombwele owala a ti: “Nani Ombepo Ondjapuki okwa popitha omuhunganeki Jesaja oohapu dha tsa, sho a lombwele oohokulu 26 a ti:
‘Inda, u ka lombwele aantu yoshigwana shika, u tye:
One otamu ka kala nokupulakena, ihe itamu uvu ko.
Otamu ka kala nokutala, ihe itamu mono ko.
27 Oshoka omadhiladhilo gaantu yoshigwana shika oga simpa,
omakutsi gawo oye ga thitika.
Nomeho gawo oga thithikila.
Oshoka ando hasho,
ando omeho gawo otaga mono ko,
omakutsi gawo otaga uvu ko,
nomadhiladhilo gawo ando otaga pyokoka,
ando otaa itedhulula e taa galukile kungame.
Ongame notandi ya aludha.’ ”
28 Hugunina Paulus okwa ti: “Ano kaleni mu shi shi kutya elaka lyaKalunga lyehupitho olya tuminwa kaapagani; oyo notaye ke li uva ko.” 29 [Paulus sho a popi oohapu ndhika, Aajuda oye mu thigi po noya yi nomaludhi omanene mokati kawo.]
30 Paulus okwa kala megumbo e li thithwa nohe li futile uule woomvula mbali nokwa kundathana naayehe mboka ye ya oku mu talela po. 31 Nuulaadhi uunene oye oku uvithile aantu Oshilongo shaKalunga nokwe ya hokololele Omuwa Jesus Kristus, ye ina keelelwa nando okomuntu.
Paulus muMalta
1 Eshi twa xupa, otwa uda nokutya, onhunhu ei oya lukwa Malta. 2 Ovanhu vayo ove tu yakula nombili youkaume. Ova shakala omundilo wakula nove tu ifanena kuwo atushe, osheshi okwa li ku nodula noutalala. 3 Ndele Paulus eshi a ka tyava oikuni okwe i tula mediko, opo nee euta ola nhukifwa mo koupyu, ndele le mu dama keke. 4 Opo nee ovanhu vamo eshi va mona euta la endjelela keke laye, ova popya tava ti: “Omulumenhu ou shiimba oye omudipai, osheshi kalungakadona kehandukilo inake mu efa, nande a xupifwa mefuta, a kale e nomwenyo.” 5 Ndele oshinamwenyo osho okwe shi nipila mediko, ye ina mona nande oshiponga. 6 Ndele venya ova li va teelela a dinde ile a wile poshi a fye ohangelela, ndele eshi va li va teelela efimbo lile nove mu wete ye ina ningilwa nande owii washa, opo nee ove lialuluka, ndele tava ti: “Oye kalunga.”
7 Popepi nonhele ei okwa li ku nofaalama, ndele mwene wayo okwa li omukulunhu wonhunhu ei, edina laye Publius, ye okwe tu tambula nokwe tu menekelifa po nombili omafiku atatu. 8 Opa ningwa, xe yaPublius okwa vela oudu wolwiidi nowoshimela shohonde. Ndele Paulus okwa ya kuye, a ilikana nokwa tenheka omake aye kuye, ndele te mu velula. 9 Ndele eshi, eshi sha ningwa, ovanaudu vamwe vomonhunhu ove uya kuye, ndele va velulwa. 10 Vo ove tu fimaneka yo unene, ndele eshi twa dja ko, ove tu pa ashishe twe shi pumbwa.
Paulus muRoma
11 Eshi pa pita eehani nhatu, otwa dja ko noskepa yaAleksandria ya panga mo okufu, ya didilikwa nefano laKastor naPolluks. 12 Ndele otwe uya kuSirakusa notwa kala ko omafiku atatu. 13 Eshi twa dja ko, otwa kunghula notwe uya kuRegio. Nomhepo yokoumbuwanhu eshi ya penduka konima yefiku limwe otwe uya kuPuteoli. 14 Oko nee twa hanga ovamwatate, ovo ve tu indila, tu menekele puvo omafiku aheyali. Opo nee twa ya kuRoma. 15 Ovamwatate vaakwinya eshi ve tu uda, ove tu teta ko, ove uya fiyo okoshilandelo shaAppius nokEengulu Nhatu Dovaenda oku tu shakeneka, ndele Paulus eshi e va mona, okwa pandula Kalunga nokwa ladipalekwa.
Paulus ta udifile ovakulunhu vOvajuda
16 Ndele eshi twe uya muRoma, omunefele okwa yandja eenghwate daye kelenga lakula letanga lomukesari. Paulus okwa pewa omhito okulikongela apa ta kala, te lifutile mwene, ndele ta kala nomukwaita ou te mu nangele.
17 Opo nee eshi pa pita omafiku atatu, Paulus okwa ifana ovakulunhu vOvajuda, naashi va ongala okwa tya kuvo: “Ovalumenhu nye ovamwatate, ame nande inandi nyona sha koshiwana shetu ile keenghedi dootate, ame onda dja muJerusalem nda mangwa nonda yandjwa momake Ovaroma. 18 Vo eshi va pula nge nawa, va hala okweefa nge, shaashi nghi netimba lokufya. 19 Ndele Ovajuda eshi ve shi kondjifa, onda li ndi nokuliameka komukesari, hakutya, ndi hokololife oshiwana shetu ngeno. 20 Onghee hano nde mu ifana, opo ndi mu mone ndi mu popife, osheshi omolweteelelo laIsrael ndi li momalyenge aa.” 21 Vo ova tya kuye: “Fye inatu mona nande eenhumwafo da dja medu laJudea tadi ku popi, novamwatate ovo ve uya mo nande oumwe ine tu hepaululila owii washa noku ku popya nai. 22 Ndele fye otwa hala okuuda tu shiive eshi to shi diladila, osheshi fye otwa uda oshimhanga eshi hashi tuwa eemhata akushe.”
23 Ovo ve mu pa efiku, ndele eshi la fika, vahapu ve dule voshito ove uya kuye monduda yaye. Ndele ye okwe va fatululila ndele te va hepaululile ouhamba waKalunga, ndele te va longo okuhovela ongula fiyo onguloshi, nokwa hetekela oku va tomhifa omhango yaMoses novaxunganeki, va koneke Jesus. 24 Vamwe ova tomhwa keendjovo daye, ndelenee vamwe ova anya okwiitavela. 25 Opo nee vo eshi vaha li kumwe, ove lihana Paulus eshi a popya ondjovo ei nokutya: “Oda yuka odo Omhepo Iyapuki ya tongifa okanya komuxunganeki Jesaja, eshi a lombwela ooxo, 26 ndele ta ti:
‘Inda koshiwana eshi ndele to ti:
Okuuda ohamu udu, nye kamu udite ko,
nokumona ohamu mono,
ndele kamu wete ko, nye inamu koneka sha.
27 Osheshi omitima doshiwana eshi da kukuta,
nomatwi avo ve a fitika,
nomesho avo ve a fifikinifa;
vaha mone ko nomesho avo
novaha ude ko nomatwi avo
novaha koneke komitima davo,
vehe lidilulule, Ame ndihe va velule.’ ”
28 Opo nee kaleni mu shi shii: “Exupifo eli laKalunga ola tuminwa ovapaani, ndele vo otave li udu.” 29 Opo nee ye eshi a popya odo, Ovajuda ova dja po ndele tave litwifa eemhata unene.
30 Paulus okwa kala mongulu he i futile omido mbali di yadi nokwa kunda aveshe ovo ve uya kuye. 31 Ndele okwe va udifila ouhamba waKalunga nokwa longa ovanhu nouladi unene nokuhepaulula Omwene Jesus Kristus; ye ina kelelwa nande okulyelye.
