Eimbilo lyaDavid lyesindano
Oohapu dhaDavid, omupiya gwOmuwa edhi imbile Omuwa esiku ndjoka Omuwa e mu hupitha kuSaul nokaakwiita ye yalwe
1 Omuwa, ondi ku hole ngiini!
Ongoye omupopili gwandje.
2 Omuwa oye omugameni gwandje;
oye epopilongulu lyandje lya kola.
Kalunga kandje oye omugameni gwandje,
puye ondi li nawa.
Oye oshikandekitho tashi gamene ndje;
ota shigi ndje e ta kaleke ndje nawa.
3 Otandi ithana Omuwa,
oye nota gamene ndje kaatondi yandje.
Omuwa na hambelelwe!
4 Oshiponga sheso osha kundukidha ndje;
omakuthikuthi geyonuuko oga gwilile ndje po.
5 Oshiponga sheso osha dhingilila ndje,
noshilambo shombila oshe ekamena ndje.
6 Muudhigu wandje ondi ithana Omuwa;
ondi ithana Kalunga kandje, a kwathe ndje.
Oku uvu ewi lyandje motempeli ye;
okwa pulakene okulilila kwandje ekwatho.
7 Nena evi olyi inyenge e tali kakama;
omakota goondundu oga tanduka e taga kakama,
oshoka Kalunga okwa li a geya.
8 Olwithi olwa gundumuka momayulu ge,
omalaka gomulilo nomakala ga hanya
oga zi mokana ke.
9 Okwa tuula eyalelo e ta kulukile pevi
noshikogo oshiluudhe kohi yoompadhi dhe.
10 Okwa tuka nondapo onene a kayila omukerubi;
okwe ende komawawa gombepo.
11 Okwi ikumbikile momilema;
iikogo iiluudhe yu udha omeya, oye mu kundukidha.
12 Oompawe nomashelo gomulilo oya zi meadhimo lyoshipala she
noya mbanduka miikogo iiluudhe.
13 Nena Omuwa, okwa ndunduma mewangandjo;
ewi lyagwokombandambanda
olyu uvika.
14 Oku umbu iikuti ye,
aatondi ye e taa halakana;
nomashelo goombadhi okwe ya halakanitha po.
15 Ondandelo yefuta oya mbenzuka ko,
nomakankameno gevi oge ya pontundulu,
Omuwa, sho wa ganda aatondi yoye
nowe ya ndundumine mondjahi.
16 Omuwa okwa ganeke okwooko kwe
e ta kwata ndje;
okwa hili ndje mo mombwili yomeya.
17 Oye a hupitha ndje maatondi yandje aanankondo
nomwaayehe mboka haa tondo ndje —
oyo ya tono ndje oonkondo.
18 Sho nda li moshiponga,
oya ponokele ndje,
ihe Omuwa okwa gamene ndje.
19 Oye a pititha ndje moshiponga;
okwa hupitha ndje, oshoka okwa hokwa ndje.
20 Omuwa ota futu ndje,
oshoka ohandi longo shoka shu uka;
ota yambeke ndje,
oshoka ine yona sha.
21 Onda vulika kompango yOmuwa;
inandi pilamena Omuwa gwandje.
22 Onda dhiginine iipango ye ayihe;
inandi iteka omalombwelo ge.
23 Omuwa a tseya kutya kandi na uusama,
nonda hala ndi ikeelela okulonga uuwinayi.
24 Nena ota futu ndje,
oshoka onda longo shoka shu uka,
oshoka oku shi shi kutya kandi na oondjo.
25 Omuwa, ongoye omwiinekelwa
mokukalathana naamboka ye ku inekela;
ngoye omwaanawalela
kumboka yaa na oshipo shasha.
26 Ngoye omuyogoki
kumboka aayogoki,
ihe ou tonde aadhudhu.
27 Oto hupitha mboka haa ishonopeke,
ihe oto shonopeke mboka ye hole uuntsa.
28 Omuwa, oto pe ndje uuyelele;
oto tidha po omilema pungame.
29 Oto tsu ndje omukumo
okuhomona aatondi yandje,
noonkondo okusinda omaigameno gawo.
30 Kalunga oha longo nawa!
Oohapu dhe odhi shi kwiinekelwa!
Oye a fa oshikandekitho kumboka taa kongo egameno.
31 Omuwa oye awike Kalunga;
Kalunga oye awike omupopili gwetu.
32 Oye Kalunga ngoka ta koleke ndje,
ngoka ta gamene ndje mondjila.
33 Ota koleke oompadhi dhandje, ndi tondoke ngompundja;
ota gamene ndje, ngele tandi ende koondundu.
34 Ota longo ndje olugodhi,
opo ndi longithe omatati ngo ga kola.
35 Omuwa, ongoye to gamene ndje e to hupitha ndje;
esiloshimpwiyu lyoye olya nenepekitha ndje,
noonkondo dhoye odha gamene ndje.
36 Owa gamene ndje, ndaa yiwe nangame,
noine gwila po.
37 Otandi landula aatondi yandje e tandi ya kwata;
itandi mwena, sigo nde ya thekeke po.
38 Otandi ya pundulile pevi,
yo itaa vulu we okuthikama;
oya gwile po nde ya sinda.
39 Oto pe ndje omukumo molugodhi,
ndi sinde aatondi yandje.
40 Oto fafagulitha po aatondi yandje;
otandi hanagula po mbo ye tonde ndje.
41 Otaa kugu onkugo,
ihe kaku na nando ogumwe te ya kwatha;
otaa ithana Omuwa,
ihe ite ya yamukula.
42 Otandi ya nyanyagula po,
e taa ningi ngaashi ontsi yevi, ndjoka tayi pepwa po kombepo.
Otandi ya lyatagula ngaashi enono lyomondjila.
43 Owa hupitha ndje miikaha yaadhudhu
nowa ningi ndje omupangeli gwiigwana;
aantu nda li ndaa ya shi,
oya ningi aalelwa yandje.
44 Aakwiilongo otaa tsile ndje oongolo;
ngele te popi, otaa vulika.
45 Otaa tyololoka
notaa zi moohote dhawo taa kakama.
46 Omuwa oku na omwenyo!
Omupopili gwandje na hambelelwe!
Uvitheni uunene waKalunga,
omuhupithi gwandje.
47 Ota sinditha ndje aatondi yandje;
iigwana ote yi tula mepangelo lyandje,
48 nota hupitha ndje miikaha yaatondi yandje.
Omuwa, oto sinditha ndje aatondi yandje;
oto gamene ndje miikaha yaapwidhi.
49 Onkee tandi ku simaneke mokati kiigwana;
otandi ku imbile omahambelelo.
50 Kalunga ota gandja omasindano omakumithi komukwaniilwa gwe;
ota holola ohole ye yaaluhe kungoka e mu hogolola,
oDavid noluvalo lwe sigo aluhe.
Eimbilohambelelo kOmwene
Epsalme laDavid, la pewa enyakwa lolwiimbo. David, omupiya wOmwene, ou e li mu imbila kefiku olo, Omwene e mu xupifa kovatondi vaye aveshe nomeke laSaul. Ye okwa tya:
1 Omwene, ondi ku hole nohole yokomutima,
Oove eenghono dange.
2 Omwene Oye emanya lange la pama,
nohotengulu yange, nomuxupifi wange.
Kalunga kange
Oye omhunda yange yehondamo
oko handi tondokele,
Oye oshikelelifo shange,
noluvinga lexupifo lange,
nohote ya kolelela.
3 Ohandi ifana Omwene,
nokovatondi vange ota xupifa nge;
Omwene na hambelelwe!
4 Eengodi defyo oda dingilila nge,
neemwiyo dehanauno oda halukifa nge.
5 Omapando omoshilongo shovafi a manga nge,
nomalulo efyo a wila nge.
6 Moudjuu wange nda ifana Omwene,
nda kuwila Kalunga kange onghuwo.
Ye okwa uda ondaka yange motembeli yaye,
nonghuwo yange ya fika momatwi aye.
7 Opo edu la hovela okukakama nokukakamenena,
nomafina eemhunda a nyenganyengifwa,
ndele tadi tengaukile keembinga neembinga;
osheshi Ye okwa li a uda onya.
8 Omwifi wa lundumuka meyulu laye,
nomundilo mokanya kaye,
nomutemo womakala wa ndwafuka muye.
9 Okwa endamekele eulu nokwa kolokela poshi,
nomulaulu woilemo wa li koshi yeemhadi daye.
10 Okwa enda kombada yomukerubi,
nokwa tukifwa nomavava omhepo;
11 Omulaulu okwe u ninga oshuuviko shaye,
omeva oilemo ilaula, e e lidingililifa.
12 Moshinge shokomesho yaye,
omo mwa li mwa undulwa eemhawe nomakala a hanya.
13 Opo Omwene okwa ndunduma meulu,
nondaka yaau wOkombadambada ya udika.
14 Nokwa umbile oikuti yaye, e va hanaune po,
ndele ta shelifa omaluvadi mahapu,
ndele te va halukifa.
15 Noukukutu woposhi womefuta wa monika,
omakanghameno ounyuni a holoka poluhaela
omolwomahanyeno Omwene,
16 Ye okwa li a lovelela nge neke laye,
e li pombada, a kwata nge,
ndele ta shili nge mo meyelu linene,
17 ndele okwa vakula nge
meke lomuyelani wange omunaenghono
nomovatondi vange,
ava va li ve dule nge eenghono unene.
18 Vo ova homona nge mefiku lomupya wange,
ndelenee Omwene okwa ninga
omuyambididi wange.
19 Okwa kufa nge pofina,
ndele ta twala nge poluhaela pa yela sheke,
okwa nakula nge mo,
molwaashi a hokwa nge.
20 Omwene okwa pa nge pauyuki wange
ndele ta punike nge paukoshoki womutima wange.
21 Osheshi eendjila dOmwene onde di diinina,
nokuKalunga kange inandi amuka po,
ndi ye mouhenakalunga.
22 Osheshi ame nda konenena oipango yOmwene;
noinandi twa omhata nomalombwelo aye.
23 Ndelenee mokukala naye
nda li ndihe na ombudi,
nonda li nde lilungamena koilonga ii;
24 onghee nee Omwene
a alulila nge pauyuki wange,
nopaukoshoki womutima wange.
25 Osheshi kwaau omunefilonghenda
oto limonifa oove mwene omunefilonghenda
nokomulumenhu omuyuki
oto kala yo omuyuki,
26 kovakoshoki oumukoshoki,
ndelenee kovanaihelele,
to limonifa mwene ove wa lunduluka.
27 Osheshi Oove ou to xupifa oshiwana she lininipika,
ndelenee kovalinenepeki oove omufifimani.
28 Osheshi Ove to efele olamba yange okuminikila;
Omwene Kalunga kange
ota minikile momulaulu wange.
29 Heeno, ngeenge ndi li pamwe naave,
ohandi totele ongudu yoimhulu;
pamwe naKalunga kange
ohandi nhuka engholo.
30 Ondjila yaKalunga oya wanenena;
ondjovo yaKalunga oya yelifwa;
Oye oshikelelifo shaaveshe
ava have liameke kuye.
31 Osheshi Kalunga kamwe
okelipipo mbela ponho yOmwene ou,
nemanya lexupifo olilipipo,
lihe fi Kalunga ketu aeke?
32 Kalunga ou ta dike nge eenghono,
ndele ta wapeke nokuwanifa ondjila yange,
33 nota pameke eemhadi dange
ngaashi oholongo,
ndele ta kaleke nge koikulundudu.
34 Nomake ange ote a longo okulwa,
opo omaoko ange a shiive
okulukila outa woshikushu.
35 Omwene owa amena nge nowa xupifa nge;
ekwafo loye ola nenepeka nge.
36 Omanha ange owe a longela
onhele ya mbwalangadja,
opo eemhadi dange diha fenhuke.
37 Ame nda taataa ovatondadi vange,
ndele nde va ta,
ndele inandi va aluka fiyo nde va mana po.
38 Onde va nyanyaula po, itava fikama po vali,
vo ova wila koshi yeemhadi dange.
39 Ove wa dika nge eenghono dolwoodi,
okufinda ovatondadi vange.
40 Ovatondi vange owe va kukumifa po,
va ya onhapo,
naaveshe ava hava tondo nge,
onde va halakanifa.
41 Ova kuwile onghuwo,
ndelenee kai tondokelwe komuxupifi;
ova ifana Omwene,
ndele ine va nyamukula.
42 Onde va lyataula va fa ondwi tai i omhepo,
nongaashi oushosho
tau kombwa momaluvanda.
43 Ndele Ove wa xupifa nge
meemhata dovanhu vange;
Ove wa ninga nge omupangeli woiwana.
Ovo inandi shiiva va ninga
ovapangelwa vange.
44 Ovanailongo tava komonene nge omitwe.
Mokuuda ondaka yange,
ova dulika kwaame.
45 Ova kanifa eenghono davo,
nomokukakama tava hondoloka
meehotengulu davo.
46 Omwene Oye omunamwenyo!
Emanya lange nali fimanekwe.
Udifeni pombada ounene waKalunga
omuxupifi wange!
47 Kalunga okwa pa nge okufinda
ovatondadi vange;
a tula oiwana koshi yange,
48 noto kufa nge movatondi vange,
ndele to tula nge kombada
yovashindanhu vange,
ndele to mangulula nge
momulumenhu oshimhulu.
49 Omwene, handi ku fimaneke mokati koiwana,
ohandi imbi etumbalo loye.
50 Ove ou to yandje kohamba yoye omafindano manene,
nomuvaekwa woye to mu ningile onghenda,
oDavid nodikwa yaye aishe fiyo alushe.
