Jesus oye ondjila yokuya kuHe
1 Jesus okwa lombwele aalongwa ye a ti: “Oomwenyo dheni inadhi kala dha ziyalala. Itaaleni Kalunga ne mu itaale ndje wo. 2 Megumbo lyaTate omu na omahala gokukala ogendji. Ando kasha li ngeyi, ando otandi mu lombwele kutya otandi ke mu longekidhila ehala. 3 Nongele nda yi e tandi mu longekidhile ehala, otandi ka galuka ishewe, ndi mu ile, opo mu ka kale wo nkoka ndi li. 4 Ondjila yaankoka tandi yi, omu yi shi.”
5 Tomas okwa ti kuye: “Omuwa, tse katu shi ko nkoka to yi. Ondjila otatu vulu ngiini oku yi tseya?”
6 Jesus okwe mu lombwele: “Ongame ondjila noshili nomwenyo. Kape na ngoka ta vulu okuya kuTate, okuninga ta pitile mungame. 7 Ngele omu shi ndje, otamu ka tseya wo naTate. Okuza ngashingeyi omu mu shi nomwe mu mona.”
8 Filippus okwa ti kuye: “Omuwa, tu ulukila Ho, shika osho shoka twe shi pumbwa.”
9 Jesus okwe mu lombwele: “Ngame onda kala nane amuhe ethimbo ele, ihe nani ku shi ndje, Filippus? Kehe ngoka a mono ndje, okwa mona wo Tate. Omolwashike ano to ti: ‘Tu ulikila Ho?’ 10 Ino itaala nani, Filippus, kutya ngame ondi li muTate naTate oku li mungame?” Jesus okwa ti ihe kaalongwa ye: “Oohapu ndhoka tandi mu lombwele, itandi dhi popi mungame mwene; ihe Tate, ngoka e li mungame, oye ta longo iilonga ye. 11 Itaaleni ndje kutya ngame ondi li muTate naTate oku li mungame. Ihe ngele inamu hala okwiitaala, itaaleni molwiilonga. 12 Ngame otandi mu lombwele oshili: Kehe ngoka i itaala ndje, ota ka longa wo iilonga mbyoka tandi longo. Eeno, oye ota ka longa nokuli iilonga iinene yi vule mbika, oshoka ngame otandi yi kuTate. 13 Nena shaa shoka tamu shi indile medhina lyandje, otandi shi ningi, Tate opo a simanekithwe mOmwana. 14 Ngele otamu indile ndje sha medhina lyandje, otandi shi ningi.”
Ombepo Ondjapuki tayi uvanekwa
15 “Ngele omu hole ndje, nena otamu vulika komalombwelo gandje. 16 Ngame otandi ki indila Tate, oye note ke mu pa Omupopili gulwe, Ombepo yoshili, a kale pamwe nane aluhe. 17 Uuyuni itau vulu oku mu taamba, oshoka owo kau mu wete nokau mu shi. Ihe ne omu mu shi, oshoka ota kala pamwe nane noku li mune.
18 “Ngame itandi mu thigi po one amuke, ihe otandi ke ya kune. 19 Ngele pwa piti okathimbo okafupi kowala, uuyuni itau mono ndje we, ihe ne otamu mono ndje. Molwaashoka ngame ondi na omwenyo, nane wo otamu ka kala mu na omwenyo. 20 Esiku ndyoka nge lya thiki, nena otamu ke shi tseya kutya ngame ondi li muTate nane omu li mungame, ngashi naanaa ngame ndi li mune.
21 “Kehe ngoka ta taamba omalombwelo gandje nota vulika kugo, oku hole ndje. Tate wo ota kala e hole ngoka e hole ndje, nangame otandi kala ndi mu hole notandi mu ihololele.”
22 Judas haangoka yaIskariot, okwa ti kuye: “Omuwa, omolwashike wa hala oku tu ihololela, ihe hauyuni?”
23 Jesus okwe mu yamukula ta ti: “Oongoka e hole ndje, ota vulika koohapu dhandje. Tate ota kala e mu hole, tse naTate notatu ya kuye e tatu kala muye. 24 Oongoka kee hole ndje, ita vulika koohapu dhandje. Ihe oohapu ndhika nde dhi mu lombwele, kadhi shi dhandje mwene, odha Tate, ngoka a tuma ndje.
25 “Iinima mbika onde yi mu lombwele, manga ndi li pune. 26 Ihe Omupopili Ombepo Ondjapuki, ngoka Tate ta ka tuma medhina lyandje, ote ke mu longa iinima ayihe, note ke mu dhimbulutha iinima ayihe mbyoka nde mu lombwela.
27 “Ombili otandi yi mu thigile. Ombili yandje mwene otandi yi mu pe. Ngame itandi yi mu pe, ngashi uuyuni hau gandja. Oomwenyo dheni inadhi ziyalala, ne inamu tila. 28 Ne omu uvu, sho nde mu lombwele kutya otandi yi, ihe otandi ka galukila kune. Ngele omu hole ndje, nena ando otamu nyanyukwa, sho tandi yi kuTate, oshoka Tate oye omunene e vule ndje. 29 Ngame otandi shi mu lombwele ngashingeyi, manga inaashi ningwa, opo mu itaale, ngele tashi ka ningwa. 30 Itandi vulu we okupopya nane olule, oshoka omupangeli gwuuyuni mbuka oku li pokuya. Ye ke na nando oonkondo dhasha dhi vule dhandje. 31 Ihe uuyuni ou na okutseya kutya ngame ondi hole Tate. Onkee otandi longo ayihe, ngashi a lombwele ndje.
“Tikameni, tu zeni po mpaka.”
Eendjovo delilekelo laJesus
1 “Omitima deni inadi nyika oluhodi. Itaveleni Kalunga nye mu itavele nge yo. 2 Meumbo laTate omu na eendjuwo dihapu, ndele ngeno kapa li ngaha, ngeno handi mu lombwele, ohandi ke mu longela onhele. 3 Nande ohandi i ndi ke mu longele onhele, ohandi aluka, ndele handi mu ile, nanye yo mu kale apa Ame ndi li. 4 Apa handi i, ondjila omu i shii.” 5 Tomas ta ti kuye: “Omwene, katu shii apa to i, nondjila otu i shii peni?” 6 Jesus okwe mu nyamukula: “Aame ondjila noshili nomwenyo; kape na ou te uya kuTate, ngeenge hamwaame ta pitile. 7 Ngeno mu shii nge ngeno naTate mu mu shii. Kokudja paife onye tamu mu shiiva ndele mwe mu mona.”
8 Filippus ta ti kuye: “Omwene, tu ulikila Xo, opo nee fye twa wana.”
9 Jesus te mu lombwele: “Ame onda li punye efimbo lile, ove ku shii nge, Filippus? Ou a mona nge, oye a mona Tate. Ove oto ti ngahelipi: ‘Tu ulikila Xo?’ 10 Iho itavele kutya, Ame ondi li muTate, naTate oku li mwaame? Eendjovo odo handi mu lombwele, itandi di popi mwaame mwene, ndele Tate ou a kala mwaame, Oye ta longo oilonga. 11 Itaveleni nge nokutya, Ame ndi li muTate, naTate oku li mwaame, ndele ngeenge mwa anya, itaveleni nge omolwoilonga yoovene.
12 “Oshilishili handi mu lombwele: Ou ta itavele nge, naye yo ota longo oilonga ei Ame handi i longo, ndele ta ka longa oilonga inene i dule inya, osheshi ohandi i kuTate. 13 Ndele keshe eshi tamu indile medina lange, ohandi shi ningi, Tate opo a fimanekifwe mOmona. 14 Ngeenge tamu indile sha medina lange, Ame ohandi shi ningi.
15 “Ngeenge omu hole nge, diinineni oipango yange. 16 Naame ohandi indile Tate, ndele Oye te mu pe Omupopili umwe, a kale punye alushelushe, 17 Oye Omhepo yoshili, ei ounyuni itau dulu oku i tambula, osheshi itau i mono ndele itau i shiiva. Ndele nye otamu i shiiva, osheshi opunye tai kala, nomunye i li.
18 “Itandi mu fiye po eefiye, ohandi uya vali kunye. 19 Okafimbo kaxupi, ounyuni itau mono nge vali, ndele nye otamu mono nge, osheshi Ame ondi nomwenyo, nanye yo tamu kala nomwenyo. 20 Efiku olo otamu ke shi shiiva nokutya, Ame ondi li muTate, nanye mwaame, naame munye.
21 “Ou e noipango yange ndele te i diinine, oye tuu ou e hole nge; ndele ou e hole nge, ota kala e holike kuTate, naame yo ondi mu hole, ndele handi mu lihololele.” 22 Judas, hayou Iskariot, okwe mu pula: “Omwene, omolwashike wa hala u tu lihololele, ndele haunyuni ou?” 23 Jesus okwe mu nyamukula ta ti: “Ngeenge ku na ou e hole nge, oye ta diinine eendjovo dange, naTate ota kala e mu hole, ndele fye ohatu uya kuye, ndele hatu diki onhele yokukala muye. 24 Ou ke hole nge, oye ita diinine eendjovo dange, neendjovo odo tamu di pwilikine, kadi fi dange, odaTate, ou a tuma nge.
25 “Eshi onde shi mu lombwela fimbo ndi li punye. 26 Ndelenee Omupopili, Omhepo Iyapuki, Oye Tate te ke i tuma medina lange, otai mu longo ashishe ndele tai mu dimbulukifa ashishe nde shi mu lombwela.
27 “Ombili ohandi i mu fiile, ombili yange ohandi i mu pe. Itandi mu pe ngaashi ounyuni tau yandje. Omitima deni inadi nyika oluhodi, nye inamu tila. 28 Onye mwa uda eshi nde mu lombwela: Ame ohandi i ko, ndele handi uya vali kunye. Ngeno mu hole nge, otamu hafe, shaashi ohandi i kuTate, osheshi Tate oku dule nge. 29 Ndele paife onde shi mu lombwela fimbo inashi ningwa, opo mu itavele, ngeenge tashi ningwa. 30 Itandi popi vali nanye dihapu, osheshi omupangeli wounyuni ou te uya, oye ke na nande sha mwaame. 31 Ndelenee ounyuni ou opo u shiive nokutya, Ame ondi hole Tate, ndele ohandi ningi ngaashi Tate a lombwela nge; fikameni, tu djeni po apa.
