Kalunga ti ithana Kores
1 Kalunga ota popi ta ti:
“Mweneni ne mu pulakene ndje, one oontuntu dhokokule!
Ilongekidheni, tu ka kaleni moompangu;
otamu kala mu na ompito yokupopya.
Natu tokoleni, olye ngoka e li mondjila.
2 “Olye ano ngoka e etele omusindani a ziilile kuuzilo
nokwe mu ningi omusindani shaa nkoka ta yi?
Olye te mu pe esindano,
a sinde aakwaniilwa niigwana?
Egongamwele lye otali ya dhengele pevi ya fa ontsi yevi.
Iikuti ye otayi ya hwanukile ya fa iiyagaya tayi pepwa kombepo.
3 Ote ya tidha ta katuka kee na nando ombudhi,
ta kwinyola a fa itaa lyata pevi.
4 Olye ngoka e shi longa nokwe shi toto?
Olye u utha olweendo lwehistoli?
Ngame, Omuwa, onda li petamekolela,
ngame, Omuwa, otandi ka kala pehulilolela.
5 “Aantu yokokule oya mono shoka nda longo;
oya haluka nokukakama kuumbanda.
Omolwashoka ya gongala e taye ya.
6 Oonkulungu otadhi kwathathana nokutsaathana omukumo.
7 Engomba otali kumike omuhambuli gwoshingoli,
nomumbunzi gwoshimenka ota lombwele ngoka ta ndanda poshikalo ta ti:
‘Owa ninga nawa.’
Oyo notaa kwatele oshimenka peha lyasho noomboha.”
Kalunga oku li pamwe naIsrael
8 “Ihe omuntu gwandje Israel,
ngoye Jakob, ngoka nde ku hogolola,
ngoye oluvalo lwakuume kandje Abraham,
9 ngame onde ku kongolola kooha dhuuyuni;
onde ku ithana ko koombinga dhokokulekule,
nonde ku lombwele nda ti: ‘Ngoye omuntu gwandje.’
Inandi ku ekelahi nando, ihe onde ku hogolola.
10 Ino tila — ongame ndi li pungoye!
Ongame Kalunga koye — ino limbililwa!
Otandi ku kankameke e tandi ku kwatha;
otandi ku gamene notandi ku hupitha.
11 “Ayehe mboka taa tsu ondumbo nangoye,
otaa sithwa ohoni e taa sindika.
Ayehe taye ku kondjitha,
otaa ka sa po.
12 Ayehe mboka ya li aatondi yoye,
ito ke ya mona we, nando u ya konge.
Ayehe mboka ye ku hingile iita,
otaa ka pepuka po thilu.
13 Oshoka ongame Omuwa Kalunga koye;
otandi ku tsu omukumo te ti:
‘Ino tila; otandi ku kwatha.’ ”
14 Omuwa ota popi ta ti:
“Ino tila, ezinyo ngoye Israel,
nangoye Jakob, okanima okashuushuu,
oshoka ongame mwene tandi ku kwatha.
Ngame Omuyapuki, Kalunga kaIsrael
ongame tandi ku hupitha.
15 Otandi ku ningi omuhi gwokunyanyagula gu na ondjundo.
Oto ka nyanyagula oondundu noku dhi hanagula po;
oondundu otadhi ka vundulwa
dhi ninge ontsi.
16 Oto ke dhi gunda mombanda;
ombepo otayi dhi pepe po,
notadhi ka halakanithwa koshikungulu.
Nena ngoye oto ka kala u na enyanyu, oshoka ongame Kalunga koye;
oto ka hambelela ndje, ngame Kalunga kaIsrael omuyapuki.”
Iilongandhindhiliko yetembu epe
17 Uuna aantu yandje moluhepo lwawo taa kongo omeya,
uuna oondaathelo dhawo dha kangala kenota,
nena ngame Omuwa otandi ka yamukula omagalikano gawo;
ngame, Kalunga kaIsrael, itandi ke ya etha nando.
18 Otandi ka tondokitha omilonga miikulundundu yomamanya,
noothithiya otadhi ka kunguluka momasilu.
Ombuga otandi yi shitukitha omatope gomeya,
nevi lya kalanda tandi li shitukitha omadhiya.
19 Mombuga otandi ka tsika mo omisedeli,
omithiya, omihombo nomiolivi.
Oontale otadhi ka shituka omakuti gomikiperesi, omipopeli nomihongo.
20 Aantu otaye ke shi mona
notaa ka tseya kutya ngame Omuwa onde shi ningi.
Otaa ka uva ko kutya Omuyapuki, Kalunga kaIsrael oye e shi eta po.
Omuwa oye awike Kalunga
21 Omuwa, omukwaniilwa gwaIsrael ota ti:
“Ne ookalunga kiigwana,
eteni huka oontamanana dheni,
tumbuleni omatompelo geni.
22 Ileni huka ne mu hunganeke shoka tashi ka ningwa,
opo tu shi tseye, uuna tashi ka ningwa.
Fatululileni oompangu iiningwanima yonale,
ne mu tu lombwele kutya otayi ti ngiini.
23 Tu lombweleni, onakuyiwa shoka tayi tu etele,
opo tu ka tseye kutya one ookalunga!
Longeni po uuwanawa nenge uuwinayi;
tu tilitheni ne mu tu haluthe!
24 One yene kamu shi sha,
niilonga yeni osima yowala.
Yaye mboka taye mu hogolola!”
Omuwa ta hunganekele Kores esindano
25 “Onda hogolola omulumentu ngoka a kala kuuzilo
otandi ke mu eta a homone ta zi kuumbangalantu.
Ota ka lyata aapangeli ngaashi omunoko nongeloya lyomuhongi gwiiyuma.
26 Olye gwomune e shi hunganeke, nkene tashi ka ningwa,
opo tatu vulu okutya, omu li mondjila?
Kape na nando ogumwe gweni a popi sha kusho;
kape na ngoka u uva shoka tamu ti.
27 Ngame Omuwa onda lombwele tango Sion onkundana;
onda tumu omutumwa kuJerusalem a ka tye:
‘Aantu yeni otaa galuka!
Eeno, otaye ya kegumbo!’
28 Sho nda tala mokati kookalunga,
kamu na nando ogumwe gwomuyo ta vulu okutya sha;
kamu na nando ogumwe ta vulu okuyamukula omapulo gandje.
29 Tala, ayehe oyo aaniifundja yowala,
itaa vulu okuninga nando oshaashaa.
Iimenka yawo kayi na omwago, ombepo yowala.”
Kores ta xunganekwa
1 Udei nge mwa mwena, onye eenhunhu noiwana nai mone eenghono dipe; nava ehene oku, vo va popye; tu yeni pamwe moihokolola. 2 Olyelye a andula medu lokoushilo ou ta shikulwa moshikoti shaye keshe kouyuki? Olyelye ta yandje oiwana mepangelo laye, ndele ta lyataula eehamba koshi yeemhadi daye? Omaonga avo olyelye te a ningi ngaashi ondwi, nomauta avo ngaashi oimbodi tai i omhepo? 3 Ote va taataa, ta endaenda nelila inali lyatwa komhadi yaye, ta ende ehe na oshipo. 4 Olyelye e shi longa nokwe shi mana? Oye tuu ou a ifana omapupi ovanhu pehovelo: Aame, Omwene, omutetetete ndele Ame ou handi ka kala povaxuuninwa. 5 Eenhunhu domefuta ode shi mona, ndele da tila, ominghulo dedu oda kakama. Vo ova ehena ko, ve uya popepi. 6 Vo ova kwafafana, keshe umwe nomushiinda waye, nokeshe umwe okwa lombwela omukwao: Kala wa pama! 7 Omuhambwidi omuteleki monhelekelo ota nyatipalifa omuhambwidi woshingoldo, omuhambuli woshihambulwa sha pepwa, ota nyatipalifa omudengi wokoshikalo, ota ti: ‘Osha wapala!’ Opo nee te shi tula kumwe neembosha shihe linyengaanyenge.
8 Ndelenee oove omupiya wange Israel oove Jakob, ou Ame nde ku hoolola, oludalo lakaume kange Abraham, 9 onde ku kufa kominghulo dounyuni nonde ku ifana ko keengaba dedu, ndele Ame onda tya kwoove: “Oove omupiya wange, Ame onde ku hoolola noinandi ku ekelashi.” 10 Ino tila, osheshi Ame ondi li pamwe naave. Ino tala wa limbililwa, osheshi Aame Kalunga koye. Ame ohandi ku pameke ndele handi ku kwafa yo, Ame ohandi ku yambidida yo neke lolulyo louyuki wange. 11 Tala, aveshe venya tave ku twile ondubo, otava ka fifwa ohoni nokushekwa; ovo tave ku kondjifa, otava ningi oinima yongaho, ndele tava nyonauka po. 12 Ove to ke va konga, ndelenee ito va mono, nokutya ovo ve ku lwifa; Ava ve ku lwifa otava ka ninga vongaho noshinima shihe po. 13 Osheshi Aame Omwene Kalunga koye handi kwata eke loye lokolulyo, Ame ou handi ku lombwele: “Ino kala wa tila, Ame ohandi ku kwafa.” 14 Ino tila, einyo o ove, Jakob, okamhunga o ove Israel: “Ame ohandi ku kwafa, Omwene osho ta ti, nOmukulili woye Oye Omuyapuki waIsrael. 15 Tala, Ame ohandi ku shitukifa oshixwifolei shipe, shi na omayoo mahapu. Ove to ka xwa, ndele to ka nyanyaula eemhunda, nomitunda oto di ningi ngaashi olungu. 16 Oto di xu ndele tadi i omhepo, nokafudaela otake di lihanifa po. Ndele ove oto ka kala nokuhafela mOmwene, ndele to lifimanekele Omuyapuki waIsrael.”
17 Omapongo novafyoona ohava kongo omeva, ndelenee oo kae po, elaka lavo ola kukuta kenota. Ame, Omwene, onda hala oku va uda, Ame Kalunga kaIsrael ihandi ke va efa. 18 Ame ohandi ka yeululila omilonga meenhunda domamanya, nomomalufilu eefifiya. Ombuwa ohandi i shitukifa omatale nomafululu eenhele domeva. 19 Ame ohandi ka menifa omisederi mombuwa nomiyonde neemirti neemono. Nomomifitu Ame ohandi ka twika mo omisipresi nomyandi nomyoongo mumwe, 20 Opo va mone ndele va didilike, va ude ko nova tomhwe, vo va shiive kutya, eke lOmwene le i ninga, Omuyapuki waIsrael e i shita.
21 Eteni oihokolola yeni oku, Omwene osho ta ti. Eheneni oku, hololeni eendobwedi deni, ohamba yaJakob osho tai ti. 22 Nava holole noku tu shiivifila eshi tashi ka ningwa ko! Hololeni ei yoshito nale, kutya oyo oishike, tu i tale, fye tu i konakone, tu shiive shike sha dja muyo ile tu shiivifileni inya yokomesho. 23 Hololeni eshi tashi ka ningwa komesho, opo fye tu shiive kutya, onye oikalunga. Heeno, longeni sha, shouwa ile oshowii, tu shi tale nomesho fye tu shi kuminwe. 24 Tala, nye ovongaho, noilonga yeni oyongaho. Ou te mu lihoololele, oye oixuna! 25 Ame onda pendula umwe moumbangalanhu nokwe uya, nomedu leluwa ou ta ka ifana edina lange; ndele ta ka lyata ovapangeli ngaashi omunoko, ngaashi omuhongi woitoo ta myanghe elova. 26 Olyelye e shi shiivifa pehovelo, tu shi shiive, nofimbo sha li inashi uya, tu dule ngeno okutya: “Heeno, okwa popya da yuka!” Kapa li ou e shi popya, kapa li ou e shi vilikila, kapa li nande umwe a uda ondjovo yeni imwe. 27 Aame ou wotete handi lombwele Sion: “Tala, tala odo do, ndele handi tumu kuJerusalem omuudifi weenghundana diwa.” 28 Ndele Ame onda talatala, ndelenee kape na nande umwe; nomokati kavo nda talatala, ndelenee kamu na nande omupukululi, Ame ndi va pule ngeno, vo va nyamukule nge. 29 Tala, ovo aveshe ngaashi ve li, kave na oshilonga, oilonga yavo aishe oinima yongaho; omafanotelekwa avo okaulapepo nongaho aike.
