Egipiti tashi dhengelwa muKarkemish
1 Omuwa okwa lombwele ndje ehunganeko tali popi iigwana. 2 Momumvo omutine gwelelo lyaJehoiakim yaJosia, omukwaniilwa gwaJuda, Nebukadnezzar, omukwaniilwa gwaBabilon, okwa dhengele etangakwiita lyaNeko, omukwaniilwa gwaEgipiti, muKarkemish pomulonga Eufrat. Kombinga yetangakwiita ndika Omuwa okwa ti:
3 “Omalenga gaEgipiti taga kugu:
‘Homateni omahuuyanza geni,
tondokeni onkugo!
4 Kutileni uukambe weni, mu u kayile!
Thikameni mwa tegama mwa zala omagala giiyela!
Upikeni omagonga!
Zaleni omahuuyanza!’ ”
5 “Ondi wete shike?” Omuwa ta pula.
“Otaa shuna mehaluko.
Aakwiita yawo otaa shunithwa ko;
oya kwatwa kuumbanda,
oya yi ontuku yo itaa tala konima.
6 Aanandapolela itaa hunuka mo;
aakwiita itaa vulu okufadhuka po.
Muumbangalantu waEufrat otaa tantala e taa punduka.
7 Olye ngo ta tumbu ko a fa Niili,
a fa omulongafundja gwa tsa koontuni?
8 OEgipiti a tumba a fa Niili,
a fa omulongafundja gwa tsa koontuni.
Egipiti a ti: ‘Otandi yeluka, ndi siikile uuyuni;
tandi hanagula po iilando naantu ya kala mo.
9 Uukambe, homoneni;
aanamatemba, mu ngangalale!
Undukeni, ne aakwiita mboka mwa za kuEtiopia naPut mu na omahuuyanza,
noondjumbeta mwa yambuka muLud.’ ”
10 Esiku ndika olyOmupangeliawike
Omuwa Omunankondoawike;
onena tuu ta polithile ondjahi ye maatondi ye,
onenanena te ya geele.
Egongamwele lye otali ka kuta
notali ka kumwa okunwa ombinzi yawo.
Omuwa ota tsele oontselelandjambo muumbangalantu puEufrat.
11 Aayegipiti, indeni kuGilead;
indii ko mu ka konge omuti!
Omiti dheni adhihe odha tutuka,
kadhi na omwago oku mu aludha.
12 Iigwana oya kundana ohoni yeni;
shaa ngoka okwa uvu tamu kugu.
Omukwiita ota londakana mukwawo,
naayehe yaali otaa gwile pevi ongali.
Nebukadnezzar te ya
13 Omuwa okwa tseyithile ndje, nkene Nebukadnezzar, omukwaniilwa gwaBabilon, ta ka dhenga Egipiti. Okwa ti:
14 “Tseyitheni miilando yaEgipiti,
muMigdol, Memfis naTakpanhes.
Tyeni: ‘Langeleni komatati mu ipopile;
amuhe tamu ka hanagulwa po miita.
15 Oshikalungangombe shoye Apis oshike sha gwila po?
Inashi wapa okuthikama,
oshoka Omuwa e shi hata pevi.’
16 Aakwiita yoye oya tantala noya gwile pevi omulape.
Gumwe ota ti kumukwawo:
‘Thikama, tu ye koyaandjetu,
tu henuke egongamwele lyomutondi.’
17 “Omukwaniilwa gwaEgipiti na lukululwe edhina epe —
‘Munalwango a mana po ethimbo lye.’
18 Ongame Omuwa Omunankondoawike,
Omukwaniilwa, ongame Kalunga Omunamwenyo,
ngoka te ku homona, a fa ondundu Tabor ya lundalala mokati koondundu,
a fa ondundu Karmel ya tumbalala kombanda yefuta.
19 Ilongekidhileni okukwatwa po, ne Aayegipiti!
Memfis otashi shituka ombuga,
omakulukuma gowala mwaa na aantu.
20 Egipiti olya fa onzinzi yoshawo oshinene,
ya kolokelwa komatopola gokuumbangalantu.
21 Aakwiita yalyo aahehelwa oya fa oompunya.
Otaa ka piluka ya ye ontuku,
itaa tegama ya kondje,
oshoka esiku lyehanagulo lyawo olye ya,
esiku lyegeelo lyawo lya thiki.
22 Egipiti olya yele po, otali homa lya fa epili,
aakwiita yomutondi sho taa hedha ko.
Otaye li homona nomakuya ya fa aantu taa keke po omuti
23 e taa mbugaleke omugulu omunene.
Aantu yawo ya nyengana okuyalulwa;
aakwiita yawo oyendji ye vule oombahu.
24 Aayegipiti otaa sithwa ohoni;
otaa sindika kaaumbangalantu.
Ongame, Omuwa, nda popi.”
25 Omuwa, Omunankondoawike, Kalunga kaIsrael, ota ti: “Otandi geele Ammon, oshikalunga shomuThebes, pamwe naEgipiti, iikalunga yalyo naakwaniilwa yalyo. Otandi ka kutha po omukwaniilwa gwaEgipiti naayehe mboka ye mu inekela, 26 noku ya gandja kumboka ya hala oku ya dhipaga, komukwaniilwa gwaBabilonia Nebukadnezzar netangakwiita lye. Ihe konakuyiwa aantu onaa ka kala ishewe muEgipiti, ngaashi ya li ya kala mo nale. Ongame, Omuwa, nda popi.”
Omuwa ta hupitha aantu ye
27 “Omuntu gwandje Jakob, ino tila,
Israel, ino haluka.
Otandi ke ku yugulula ko koshilongo shokokule,
kevi ndyoka wa falwa ko omupongekwa.
Oto ka galukila kegumbo e to kala nombili;
oto ka kala megameno,
nopwaa na ngoka te ku halutha.
28 Otandi ya kungoye, ndi ku hupithe.
Otandi ka hanagula po iigwana ayihe
nkoka nde ku halakanithile ko.
Itandi ke ku yona po,
ihe otandi ku putudha nuuyuuki.
Ongame, Omuwa, nda popi.”
Ehanauno laEgipiti tali xunganekwa
1 Ondjovo yOmunene oya hanga omuxunganeki Jeremia tai popi oiwana: 2 Egipiti tashi popiwa: Oita yaFarao Neko, ohamba yaEgipiti, ei ya li pomulonga waEufrat kuKarkemis, ya tewa kuNebukadnesar, ohamba yaBabilon momudo omutine waJehoiakim yaJosia, ohamba yaJuda.
3 “Kaleni mwa longekida oikelelifo ei inini naai yakula! Ndele ileni kolwoodi! 4 Nye ovalondi, mangeni eenghambe! Londeni! Fikameni, mwa djala omambale oivela! Upikeni omaonga! Djaleni oikutu yoivela! 5 Omolwashike nda mona kutya va haluka ndele va shuna konima? Heeno, ovaladi vavo va dengwa ndele tava i onhapo, ndele itava tale vali konima. Ehaluko keembinga adishe, Omwene osho ta ti.”
6 Ou e nonhapo ita dulu okufaduka po, nomuladi ita dulu okulixupifa. Koumbangalanhu kwinya, komakuma omulonga waEufrat, ova punduka nova wila poshi.
7 Olyelye ou ta djuuka nokulundalala ngaashi omulonga waNil nomeva ao taa popola ngaashi omilonga. 8 Egipiti tashi lundalala pombada ngaashi omulonga waNil nomeva asho otaa popola ngaashi omilonga, ndele Ye ota ti: Ame ohandi ka fikama, ndi tuvike edu, onda hala ndi hanaune po oshilando noonakukala musho.
9 “Tondokeni nye eenghambe, maneni mo nye omatemba! Ovaladi nava tondoke! Onye vomuEtiopia novomuPut, ava ve noikelelifo naava vomuLud, ovo ve nomauta novalukili vomauta. 10 Ndelenee efiku olo olOmwene womatanga ovakwaita, efiku longhone, a kwatele ovatondadi vaye onghone. Ndele eongamukonda otali ka lya ndele tali ka kuta nokukolwa kohonde yavo. Osheshi Omwene Kalunga komatanga ovakwaita e netomenoyambo medu lokoumbangalanhu, pomulonga waEufrat. 11 Inda kuGilead u ka tale omaadi abalsam, oove okakadona omona waEgipiti. Ove oto ke lihepeka epwanga mokulikongela omiti dihapu, osheshi oipute yoye itai ka veluka. 12 Oiwana oya uda elengaifo loye, nedu ola yada omalilaano oye, osheshi omuladi ota pundukile komuladi naaveshe vavali otava wile poshi.”
13 Ondjovo ei Omwene e i lombwela omuxunganeki Jeremia, tai popi euyo laNebukadnesar, ohamba yaBabilon, i ka te Egipiti. 14 Shi shiivifeni muEgipiti, nye mu udife muMigdol. Heeno, lombweleni muMemfis nomuTahpanhes, mu tye: Fikama! Lilongekida, osheshi eongamukonda otali dipaa keembinga doye adishe. 15 Omolwashike oshikalunga Apis sha shatwa poshi? Vo ova nyengwa, osheshi Omwene okwe shi denga poshi. 16 Heeno, vahapu ye okwe va shitifa poshi nova wilafana, opo vo ova popya tava ti: Tu fikameni, tu shuneni koshiwana shetu, nokedu letu omo twa dalelwa mo, tu ye onhapo yeongamukonda lidjuu. 17 Otapa ingidwa! Farao, ohamba yaEgipiti oya tewa! Efimbo la wapala e li hepifa! 18 Oshili, ngaashi ndi nomwenyo, ohamba tai ti, edina layo Omwene womatanga ovakwaita: ngaashi omhunda Tabor nongaashi Karmel pefuta osho ye te uya. 19 Lilongekidila ondjila, oove onakukalamo, oove omona okakadona kaEgipiti. Osheshi Memfis otashi ka shituka ofuka ndele tashi hanaunwa po, tashi kala shihe nomunhu.
20 Egipiti oli li ngaashi ondema iwa. Ewasha tali uya tali di koumbangalanhu. 21 Nosho yo ovakwaita vondjabi ve li mokati kavo ngaashi eenhana da ondoka, otava pilamene ko tava i onhapo avesheveshe, inava kanghama, osheshi efiku lavo lomupya nefimbo loku va handukila ole va hanga. 22 Nondaka yaye ya fa exwemo leyoka tali ende. Osheshi vo otave uya neenghono domatanga ovakwaita ndele tave uya kuye nomakuva ngaashi ovaki vomiti. 23 Vo otava komangele ofuka yaye, Omwene osho ta ti, heeno, ofuka inene, osheshi vo ovahapu ve dule oshipaxu, omuvalu wavo tau nyenge okuvalwa. 24 Omona okakadona Egipiti ota ka fifwa ohoni. Ye a yandjwa momake ovanhu vokoumbangalanhu. 25 Omwene womatanga ovakwaita, Kalunga kaIsrael, ota ti: “Tala, ohandi handukile Amon womuThebes, naFarao naEgipiti noikalunga yomusho neehamba dasho naFarao noonaku mu lineekela. 26 Nohandi va yandje momake aavo va nangela eemwenyo davo, nomomake aNebukadnesar, ohamba yaBabilon nomomake ovapiya vaye. Ndelenee momafiku okomesho Egipiti otali ka kala li novanhu ngaashi mefimbo lonale, Omwene ta ti.
Israel ta hepululwa
27 “Ndelenee oove omupiya wange Jakob, ino tila, naIsrael, ino kala wa haluka! Osheshi tala, Ame ohandi ku xupifa meenhele dokokule noludalo loye omoshilongo shoupika woye. Ndele Jakob ota ka alukila ndele ta kala nombili netulumuko, ehe na nande ombudi nokape na nande omunhu te mu halwifa. 28 Omupiya wange Jakob, ino tila, Omwene osho ta ti. Osheshi Ame ondi li pwoove. Osheshi oiwana aishe omo nde ku shingilile ko, ohandi i hanauna po. Ndelenee ove itandi ku hanauna po, ndelenee Ame ohandi ke ku denga nedengo la yeleka, ndele oshili, itandi ku efa inandi ku handukila.”
