Ondjahi yaJona nesilohenda lyaKalunga
1 Jona okwa yematele shika nokwa geye. 2 Okwa galikana ngeyi: “Omuwa, inandi shi popya nale nani, manga inaandi za paandjetu, kutya oto ningi shino? Omolwashika onda li nda hala okuya ontuku kuSpania. Onda li ndi shi shi kutya ongoye Kalunga kohole nokesilohenda, aluhe omutalanteni, aluhe omunambili nowi ilongekidha aluhe okwiigaluluka noito geye. 3 Ngashingeyi, Omuwa, etha ndi se. Okusa oku vulile ndje okukala nomwenyo.”
4 Omuwa okwa yamukula: “Okugeya kwoye oku li tuu mondjila?”
5 Jona okwa piti mo a yi kuuzilo woshilando e ta kuutumba. Okwi idhikile etsali e ta gondjo momuzile gwalyo a tegelela, a mone Ninive sho tashi ningwa. 6 Nena Omuwa Kalunga okwa menitha olumono lwa koko edhelele nolwa siikile Jona, opo a kale u uvite hwepo momuzile gwalwo. Jona okwa li a nyanyukilwa olumono nokunyanyukililwa. 7 Ihe pokutenda kweluwa esiku lya landula ko Kalunga okwa tula ko epuka li thekeke po olumono nolwa si. 8 Etango sho lya piti, Kalunga okwa pepitha ombepo ompyuumpyuu yokuuzilo. Jona okwa li a lulilwa kuupyu woonte dhetango, sho dhe mu yaha momutse. Okwi ihalele okusa. Okwa ti: “Eso oli vulile ndje omwenyo.”
9 Kalunga okwa ti kuye: “Oshi li tuu mondjila okugeya omolwolumono?”
Jona okwa yamukula: “Eeno, oshi li mondjila, ndi kale nda geya nokwiihalela eso.”
10 Omuwa okwa ti kuye: “Olumono nduka olwa koko muusiku umwe nolwa si po muukwawo wa landula ko. 11 Ngoye ino lu kuna noino lu kokitha, ndele ngame ote kala ngiini, ndaa uvitile Ninive, oshilando oshinene, olukeno? Oshi na aanona ye vule 120 000, osho wo iimuna oyindji.”
Ehandu laJona nokupukululwa kwaye
1 Ndele Jona okwa ninga omwenyo mwii unene, ndele ta handuka. 2 Opo ye a ilikana Kalunga ndele ta ti: “Akutu Omwene! Hasho nda diladila, fimbo nda li moshilongo shetu? Onghee hano nda li nda hala okuya onhapo kuTarsis. Osheshi ondi shi shii, Oove Kalunga omunanghenda nomunalukeno nomutalanheni, nouwanghenda woye munene, ndele Ove ou ku kwete okulialuluka. 3 Akutu Omwene, paife, kufe nge omwenyo wange, osheshi okufya kwange ku dule okukala ndi nomwenyo.” 4 Opo Omwene ta ti: “Ou shii okuhanduka kwoye okwa yuka?” 5 Ndele Jona okwa dja mo moshilando, ndele ta i kombinga yokoushilo woshilando. Oko ye e lidikila etwali ndele ta kala omutumba momudile walo, opo a mone nhumbi oshilando tashi ningilwa. 6 Opo Omwene Kalunga okwa menifa omuti warisin tau kulilile kombada yaJona, nomudile wao wa tuvikila omutwe waJona, opo a mangululwe mokutikuka kwomwenyo waye. Jona okwa hafela shili omuti warisin. 7 Ndelenee mefiku lomongula, eluwa opo la tende, Omwene okwa eta eshila, ndele tali li omuti warisin, ndele tau fi. 8 Ndele etango eshi la pita Omwene okwa pepifa omhepo ipyu yokoushilo. Netango tali xwike omutwe waJona, ndele ye okwa alama. Ndele ye e lihalela efyo ndele ta ti: “Okufya kwange ku dule okukala ndi nomwenyo.” 9 Opo nee Kalunga ta ti kuJona: “Okuhanduka kwoye okwa yuka tuu, eshi wa handukila omuti warisin ou?” Ndele ye okwa nyamukula: “Heeno, okuhanduka kwange okwa yuka fiyo okufya.” 10 Omwene ota ti natango: “Ove wa yehamenwa omuti warisin ou, ove ino u kuna noino u menifa, ou wakula oufiku umwe auke nowa fya oufiku umwe.” 11 Ndelenee Ame ohandi kala ngahelipi ngeno, ndiha yehamene Ninive, oshilando shinene shi novanhu ve dule omayovi efele nomafele omilongo mbali vehe shii okutongola eke lolulyo nolumosho, nomu na yo oimuna ihapu?
