David ta hupitha ishewe omwenyo gwaSaul
1 Aantu yamwe oya zi muSif ye ya kuSaul muGibea noye mu lombwele kutya David okwa holama mondundu Hakila koongamba dhombuga yaJudea. 2 Saul okwa yi kombuga yaSif e na aakwiita Aaisraeli ya dheuka omayuvi gatatu, a ka konge David. 3 Okwa yungu ontanda pondjila yu uka kondundu Hakila. David okwa li natango mombuga. Sho a kundana kutya Saul okwe ya oku mu konga, 4 okwa tumu oondaadhi nodha koneke kutya Saul oko e li. 5 Nena David okwa yi ko wo nokwa koneke ehala mpoka Saul naAbner yaNer, ondjayi yiita yaSaul, ya kothela. Saul okwa lala meni lyontanda, naantu ye oye mu kunduka.
6 Nena David okwa pula Omuheti Ahimelek naAbisai, mumwayina gwaJoab (yina yawo oZeruia) ta ti: “Oguni gwomune yaali te ya, tu ye naye kontanda yaSaul?”
Abisai okwa ti: “Ongame.”
7 Uusiku mboka David naAbisai oya yi montanda yaSaul noya adha Saul a kotha pokati kontanda negonga lye lya ndjikwa mevi popepi nomutse gwe. Abner pamwe naakwiita oya kotha ye mu kunduka. 8 Abisai okwa ti kuDavid: “Kalunga okwa gandja omutondi gwoye miikaha yoye uusiku mbuka. Ngashingeyi nandi mu tse egonga, li tunukile mevi polumwe aluke — ite pumbwa oku mu umpila lwaali!”
9 Ihe David okwa ti: “Ino mu dhipaga, oshoka kape na ngoka ta gumitha oshikaha omukwaniilwa omugwayekwa kOmuwa ndee ta kala inaa geelwa.” 10 David okwa tsikile e ta ti: “Ondi shi shi kutya Omuwa oku na omwenyo, oye mwene ta ka dhipaga Saul, shampa tuu uuna ethimbo lye lya thiki okusa eso lyomwenyo ngu gwomomayulu, nenge ta ka sila miita. 11 Omuwa na keelele ndje, ndaa kambadhale okudhipaga omuntu ngoka a hogololwa kOmuwa, a ninge omukwaniilwa! Natu kuthe po egonga lye nombago ye, tu ye.” 12 Osho ngaaka David a kutha po egonga nombago ontega nomutse gwaSaul, noya yi yo naAbisai. Nokapwa li ngoka e shi mono nenge e shi tseya shoka sha ningwa po, nenge ando a penduke. Ayehe oya li taa kotha, oshoka Omuwa okwe ya umbu oomposi oondhigu.
13 Nena David okwa taagulukile handiyaka yolusilu e ta londo kondungu yondundu, nopokati kawo opwa li elala lya gwana nawa, pwaa ye oshiponga shasha. 14 Nena David okwi igidha aakwiita yaSaul naAbner ta ti: “Abner! Ou uvite ndje?”
Abner okwa pula a ti: “Olye ano ti igidha ta kudhile omukwaniilwa?”
15 David okwa yamukula: “Abner, ndishi ongoye ngaa sha muIsrael? Oshike ano inoo gamena mwene gwoye, omukwaniilwa? Oshoka montanda omwi ile omuntu, a dhipage mwene gwoye. 16 Wa ponyo miilonga yoye, Abner! Otandi gana kOmuwa omunamwenyo kutya ne amuhe omwi ilongela okusa, oshoka inamu gamena mwene gweni, ngoka a hogololwa kOmuwa. Taleni! Egonga lyomukwaniilwa oli li peni? Ombago ye oyi li peni, ndjoka ya li ontega nomutse gwe?”
17 Saul okwa dhimbulula ewi lyaDavid e ta pula: “Ongoye ngaa David, omumwandje?”
David okwa yamukula a ti: “Eeno, Nkeyama.” 18 Okwa tsikile ta ti: “Ano oshike, tatekulu, to tidhagana ndje ngaa, omuntu gwoye? Onda ningi shike? Oshinima nda yona, oshishike ano? 19 Nkeyama, pulakena shoka te ti. Ngele Omuwa oye te ku tidhitha ndje, nena mu yambela omagano, opo a lundulule omadhiladhilo ge, ihe ngele aantu nena Omuwa ne ya tule omutima. Oshoka oya tidha ndje moshilongo shevi lyOmuwa, ndi ye kevi nkoka te vulu okulongela ashike iikalunga iikwiilongo. 20 Ino dhipagithila ndje mevi lyuundjendi, kokule nOmuwa. Omolwashike omukwaniilwa gwaIsrael te ya okudhipaga ndje ona ngaa yowala? Omolwashike ta kongo ndje nda fa ondhila yomokuti?”
21 Saul okwa yamukula: “Onda puka. Galuka, mumwandje David. Itandi ku dhipaga we, oshoka owa hupitha omwenyo gwandje uusiku mbuka. Onda ningi uugoya. Onda longo iihuna.”
22 David okwa yi mo: “Egonga lyoye olyo ndika, Nkeyama. Tuma gumwe gwomaantu yoye, e li ile ko. 23 Omuwa ota futu aayinekelwa naayuuki. Nena okwe ku gandja miikaha yandje, ihe inandi ku dhipaga, ngoye ngoka wa hogololwa kOmuwa, u ninge omukwaniilwa. 24 Ngaashi nda hupitha omwenyo gwoye, Omuwa osho na hupithe ndje e ta mangulula ndje muudhigu auhe.”
25 Saul okwa ti kuDavid: “Kalunga ne ku yambeke, mumwandje! Oto ka tompola ayihe mbyoka to longo.”
Opo ihe David okwa tsikile nondjila ye, manga Saul a shuna kaandjawo.
David ta xupifa vali omwenyo waSaul
1 NOvasifi ve uya kuSaul muGibea ndele tava ti: “David ta hondama tuu koshikulundu shomuHakila langhele kwinya koushilo wofuka yaJeshimon?” 2 Opo nee Saul a fikama nokwa ya kombuwa yaSif, ndele pamwe naye ovalumenhu omayovi atatu ovahoololwa vomuIsrael, va ka konge David mombuwa yaSif. 3 Ndele Saul okwa onga onhanda koshikulundu shaHakila koushilo waJeshimon pondjila, fimbo David a kala mombuwa. Ndelenee eshi a mona Saul te uya kombuwa te mu shikula, 4 osheshi David a tuma eendadi nokwa shiiva nokutya, Saul te uya shili, 5 David okwa fikama ndele ta i monhanda yaSaul. Ndele David okwa mona apa Saul nondjai yaye Abner yaNer hava nangala. Saul okwa nangala monhanda yomatemba, fimbo ovalumenhu vaye va nangala ve mu dingilila monhanda. 6 Ndele David okwa pula Ahimelek, Omuheti naAbisai yaSeruja, omumwaina waJoab ndele ta ti: “Olyelye ta i pamwe naame kuSaul monhanda?” Ndele Abisai okwa nyamukula ta ti: “Ame ohandi ka ya pamwe naave.” 7 David naAbisai eshi ve uya oufiku kovakwaita, Saul okwa nangala nokwa kofa monhanda yomatemba, neonga laye la twa medu la li pomutwe waye, fimbo Abner novakwaita va nangala ve mu dingilila. 8 Ndele Abisai ta ti kuDavid: Nena Kalunga a yandja omutondadi woye meke loye. Efe nge, ndi mu twe neonga laye, li shimbame medu ndi mu twe lumwe aluke, haluvali. 9 Ndelenee David ta ti kuAbisai: Ino mu dipaa, osheshi olyelye a efiwa ina handukilwa, eshi a kuma omuvaekwa wOmwene. 10 David ta ti vali: Oshili ngaashi Omwene e nomwenyo, Omwene te ke mu denga, ile efiku laye lefyo tali ke uya ile ta ka ya molwoodi ndele ta dipawa! 11 Omwene na amene nge, ame ndiha kume neke lange omuvaekwa wOmwene! Ndelenee kufa nee paife eonga laye olo li li pomutwe waye nombao yomeva, ndele hatu i. 12 Opo nee David a kufa eonga nombao yomeva ei ya li pomutwe waSaul ndele va ya. Kapa li nande umwe e shi mona ile e shi uda ile a pashuka. Osheshi vo aveshe va kofa, shaashi eemhofi didjuu da tumwa kOmwene de va kwata.
13 Ndelenee David okwa tauluka nokwa ya kombinga ikwao nokwa kala ofika kokule koxulo yomhunda. Pokati kavo pa li onhele inene. 14 Ndele David okwa ingida ta pula ovakwaita naAbner yaNer: “Abner, omolwashike ito nyamukula?” Opo nee Abner ta nyamukula ta ti: “Oove olyelye to ingida ohamba ngaha?” 15 Ndele David ta pula Abner: “Oove omulumenhu ndishi? Olyelye e ku fa muIsrael? Omolwashike hano ino nangela omwene woye ohamba? Osheshi umwe womovanhu a ya mo a dipae ohamba, omwene woye. 16 Oshilonga eshi we shi ninga, inashi ku wapalela. Oshili ngaashi Omwene e nomwenyo, nye mwe lilongela efyo, shaashi inamu nangela omwene weni, omuvaekwa wOmwene. Ndele tala hano paife, eonga lohamba nombao yomeva ei ya li pomutwe waye, oi li peni?”
17 Opo nee Saul okwa dimbulukwa ondaka yaDavid ndele ta ti: “Ondaka oyoye, omumwange David.” David okwa nyamukula: “Heeno, omwene wange ohamba!” 18 Ye ta ti vali: “Omolwashike omwene wange ta taataa omupiya waye? Ame onda ninga shike? Ile owii washike ngeno u li mwaame? 19 Omwene wange ohamba na pwilikine eendjovo domupiya waye: Omwene ngeenge e ku twifa ondubo naame, mu yambela hano eendjayambo. Ndelenee ovanhu ngeenge ve shi ninga, nava tulwe omutima koshipala shOmwene, vo eshi tava taataa nge mo moshitukulwafyuululwa shOmwene ndele tava ti: Inda u ka longele oikalunga imwe! 20 Ohonde yange iha tilwe poshi kokule noshipala shOmwene, osheshi ohamba yaIsrael ya fikama i ka konge ona imwe, ngaashi onghanga tai kongwa meemhunda.” 21 Opo nee Saul ta ti: “Ame onda nyona. Aluka, omumwange David, osheshi itandi ku ningile vali owii, shaashi omwenyo wange wa li u nondilo momesho oye nena. Tala, ame onda ninga nai ndele nda puka unene.” 22 Ndele David okwa nyamukula ta ti: “Eonga lohamba oleli. Naku dje omumati umwe e li tambule. 23 Omwene ta alulile keshe umwe ouyuki noudiinini waye; Omwene e ku yandja meke lange nena, ndelenee ame inandi hala okunana eke lange komuvaekwa wOmwene. 24 Ndele tala, ngaashi omwenyo woye wa li u nondilo nena momesho ange, nosho yo omwenyo wange nau kale u nondilo momesho Omwene. Ye na xupife nge moudjuu keshe.” 25 Opo nee Saul ta ti kuDavid: “Omumwange David, nangekwa noupuna! Ove oto ka ninga oinima inene ndele to ka kalelela.” Opo nee David a ya nondjila yaye ndele Saul okwa shuna keumbo laye.
