Natan ta kumagidha David
(1 Ondjal. 17:1-15)1 Omukwaniilwa David okwa li a kala mombala ye, Omuwa nokwe mu gamene kaatondi ye ayehe. 2 Nena omukwaniilwa okwa ti komuhunganeki Natan: “Ondi li megumbo lya tungika komisedeli, ihe oshikethahangano shaKalunga otwe shi pungula motenda.”
3 Natan okwa yamukula a ti: “Ninga shoka to dhiladhila, oshoka Omuwa oku ku na.” 4 Ihe muusiku tuu mboka Omuwa okwa ti kuNatan: 5 “Inda, u ka lombwele omuntu gwandje David to ti: ‘Hangoye nguka to tungile ndje otempeli, ndi kale mo. 6 Okuza uuna ndwiyaka nda hupitha Aaisraeli muEgipiti sigo onena, ine kala motempeli; onda kala tandi endagula ndi li motenda. 7 Moondjenda dhandje adhihe pamwe nAaisraeli ine pula nando ogumwe gwomaawiliki mboka nda langeke okuwilika aantu yandje, ndi tye, omolwashike inaa tungila ndje otempeli ya tungithwa omisedeli!’
8 “Lombwela ano omuntu gwandje David kutya Omuwa Omunankondoawike ota ti kuye: ‘Onde ku kutha kuusita woonzi momalundu e tandi ku ningi omuleli gwaantu yandje Aaisraeli. 9 Onda kala nangoye shaa nkoka wa yile nonda sindi aatondi yoye ayehe mondjila yoye. Otii ke ku ninga omuntu omunene wa fa aawiliki aanenenene muuyuni. 10-11 Aaisraeli onde ya hogololele ehala e tandi ya tula mo, ya kale mo itaaya piyaganekwa we. Sigo onena sho ye ya mevi ndika, oya matukilwa kaageyentu, ihe shika itashi ka ningwa we. Otandi uvaneke oku ku hupitha miikaha yaatondi yoye ayehe noku ku pa oluvalo. 12 Uuna no si e to fumvikwa poohokulu, otii ka kwaniileka gumwe gwomaamwoyemati a ninge omukwaniilwa omunene omunankondo. 13 Ota ka tungila ndje otempeli, e tandi si oshimpwiyu, oluvalo lwe lu tsikile uukwaniilwa sigo osigo. 14 Otii ka ninga he noye ta ningi omumwandje. Ngele ta puka, otandi mu geele, ngaashi he ta geele omwana. 15 Ihe esilohenda lyandje itali mu thigi po, ngaashi nda ningi Saul ngoka nda shundula, opo u wape okuninga omukwaniilwa. 16 Oto kala u na oluvalo aluhe, notii ka kalekela po oshilongo shoye sigo aluhe. Ezimo lyoye itali hulu po.’ ”
17 Natan okwa lombwele David ashihe shoka Kalunga e mu hololele.
Egalikanohambelelo lyaDavid
(1 Ondjal. 17:16-27)18 Nena omukwaniilwa David okwa yi metsalihangano, i inyongamene pevi e ta galikana ta ti: “Omuwa Omupangeliawike, inandi gwanena ashihe shoka wa longele ndje nezimo lyandje sigo onena. 19 Ihe ngashingeyi, Omuwa Omupangeliawike, oto ningile ndje natango oshindji shi vule shonale; owa uvaneke omauvaneko taga popi oluvalo lwandje moomvula dhokomeho. Omuwa Omupangeliawike, owa pitika, omuntu a mone shika. 20 Ote vulu we, ndi tye shike kungoye! Ongoye wa tseya ndje, omuntu gwoye. 21 Omolwehalo lyoye nelalakano lyoye owa hololele ndje iinima mbika ayihe iinene. 22 Omuwa Omupangeliawike, ongoye omunene u thike peni! Kaku na ngoka e ku fa; otwa tseya aluhe kutya ongoye awike Kalunga. 23 Kaku na shigwana shilwe kombanda yevi sha fa Israel, shoka wa hupitha muupika, shi ninge oshigwana shoye mwene. Owe shi ningile iinima iinene niinyengandunge nowa taandelitha esimano lyoye nuuyuni auhe. Owa tidha mo iigwana yilwe niikalunga yawo mondjila yaantu yoye, mboka wa tembudha muEgipiti, ya ninge yoye mwene. 24 Owa ningi Aaisraeli aantu yoye mwene sigo aluhe, nangoye, Omuwa, Kalunga kawo.
25 “Nongashingeyi, Omuwa Kalunga, gwanitha aluhe euvaneko ndyoka u uvanekele ndje noluvalo lwandje, u ninge shoka wa popi. 26 Esimano lyoye otali ningi enene, naantu otaa ka tya aluhe: ‘Omuwa Omunankondoawike oye Kalunga kaIsrael.’ Oluvalo lwezimo lyandje oto ke lu dhiginina sigo aluhe. 27 Omuwa Omunankondoawike, Kalunga kaIsrael! Ondi na omukumo okugalikana egalikano ndika, oshoka owa hololele ndje ayihe mbika, ngame omuntu gwoye, nowa lombwele ndje kutya oluvalo lwandje oto ke lu ninga olukwaniilwa.
28 “Nongashingeyi, Omuwa Omupangeliawike, ongoye Kalunga; aluhe oho dhiginine omauvaneko goye nowa uvanekele ndje euvaneko ndika ekumithi. 29 Otandi ku indile, u yambeke oluvalo lwandje, opo lu nyanyukilwe okukala mesilohenda lyoye. Ngoye, Omuwa Omupangeliawike, wa uvaneke shika, noluvalo lwandje otalu ka kala lu na eyambeko lyoye aluhe.”
Kalunga ina hala David e mu tungile otembeli
1 Ndele fimbo ohamba i li mongulu yayo, Omwene eshi e i pa etulumuko kovatondadi vayo aveshe va dingilila, 2 ohamba oya tya komuxunganeki Natan: “Tala, ame ohandi kala mongulu yomiti domisederi, ndelenee oshikefa shaKalunga oshi li mofaila.” 3 Opo nee Natan ta ti kohamba: “Inda u ka ninge ashishe shi li momutima woye, osheshi Omwene oku li pamwe naave. 4 Ndelenee oufiku tuu winya ondjovo yOmwene ye uya kuNatan ndele tai ti: 5 Inda u ka lombwele omupiya wange David, u tye: ‘Haave to ka tungila nge ongulu, ndi kale mo. 6 Ame inandi kala mongulu okudja kefiku tuu linya nda pitifa ovana vaIsrael muEgipiti fiyo onena eli. Ndelenee Ame nda tembuka mofaila nofaila nokonhele nonhele. 7 Keshe apa nda endaenda mokati kovana vaIsrael, inandi lombwela tuu nande epata limwe lomomapata ovana vaIsrael, olo nde li pa okulifa oshiwana shange Israel ndi tye: Omolwashike nye inamu tungila nge ongulu yomiti domisederi?’ 8 Onghee hano, lombwela omupiya wange David u tye: Omwene womatanga ovakwaita ta ti ngaha: Aame mwene nde ku kufa moufita wokulifa eedi, u ninge omukomesho woshiwana shange Israel, 9 ndele Ame nda li pamwe naave apeshe apa wa enda, ndele nda halakanifa ovatondadi voye aveshe moipafi yoye. Nohandi ke ku ningila edina linene ngaashi edina lovanenenhu vokombada yedu, 10 ndele Ame ohandi ka longekidila oshiwana shange Israel onhele noku shi twika mo, opo shi shiive okukala monhele yasho shiha tile vali, novanhu ovakolokoshi vehe shi hepeke vali 11 ngaashi shito, okudja kefiku tuu linya Ame nda pa oshiwana shange Israel ovatokolipangeli. Ndelenee Ame ohandi ke ku pa etulumuko kovatondadi voye aveshe. NOmwene ote ku shiivifile nokutya Ye ote ke ku tungila eumbo. 12 Omafiku oye ngeenge a pu ko, nowa fya, ndele wa pakwa pooxokulu, Ame ohandi ka lenga oludalo lomolutu loye ndele handi pameke ouhamba walo. 13 Ye ota ka tungila edina lange ongulu ndele Ame ohandi ka pameka olukalwapangelo louhamba waye fiyo alushe. 14 Ame ohandi ka kala xe, ndele ye ota ka kala omumwange omumati. Ye ngeenge ta nyono, Ame ohandi ke mu handukila noshimwati shopanhu, ngaashi ovanhu tava dengwa. 15 Ndele ouwanghenda wange itau ka dja po puye, ngaashi nde u kufa puSaul, ou nda kandula po koshipala shoye. 16 Nepata loye nouhamba woye otau ka kala po koshipala shoye fiyo alushe. Olukalwapangelo loye tali ka kala la pama fiyo alushe. 17 Paendjovo adishe edi nopamoniko eli Natan okwa popya naDavid.”
Eilikano laDavid
18 Opo nee ohamba David ya ya mo ndele tai kala koshipala shOmwene ndele tai ti: “Omwene Kalunga, aame lyelye, nepata lange eshike, Ove eshi wa fikifa nge fiyo opapa? 19 Ndelenee eshi oshinima shinini natango momesho oye, Omwene Kalunga, onghee wa popya nomupiya woye oinima tai ka ningilwa epata laye komesho. 20 Ndelenee omupiya woye David ote ke ku lombwela vali shike ngeno? Osheshi, Omwene Kalunga, omupiya woye ou mu shii. 21 Omolwondjovo yoye nopamutima woye Ove wa ninga oshinima eshi ashishe shinene, opo u shi shiivifile omupiya woye. 22 Onghee hano Oove omunene Omwene Kalunga! Osheshi pwaashishe twe shi uda nomatwi etu, kape na umwe ngaashi Ove, ndele kape naKalunga umwe ponho yoye. 23 Ndele oshiwana shilipipo kombada yedu sha fa oshiwana shaIsrael, osho sha xupifwa kuKalunga shi ninge oshiwana shaye, opo e liningile edina linene, eshi e shi ningila oinima inene noitilifa mounyuni, moipafi yovanhu vaye, eshi e shi xupifa mo muEgipiti, movapaani nomoikalunga yavo? 24 Ndele Ove we lilongekidila oshiwana Israel shi ninge oshiwana shoye fiyo alushe. Ndele Ove, Omwene, wa ninga Kalunga kavo. 25 Paife hano Omwene Kalunga, wanifa fiyo alushe ondjovo we i tongela omupiya woye nepata laye ndele ninga ngaashi wa popya. 26 Opo edina loye li ninge linene fiyo alushe, vo eshi tava ti: Omwene womatanga ovakwaita, Oye Kalunga kaIsrael. Nepata lomupiya woye David tali ka kala nokukalelela koshipala shoye. 27 Osheshi Oove Omwene womatanga ovakwaita, Kalunga kaIsrael, wa shiivifila omupiya woye ndele wa tya: Ame ohandi ke ku tungila ongulu. Onghee hano omupiya woye a nyatipalekwa oku ku ilikana eilikano eli. 28 Ndele paife Omwene Kalunga, Oove Kalunga neendjovo doye odoshili. Ndele Ove wa udanekela omupiya woye oshinima eshi shiwa. 29 Onghee hano, nashi ku wapalele u nangeke noupuna epata lomupiya woye, opo li kale fiyo alushe koshipala shoye. Osheshi Oove Omwene Kalunga, we shi popya, nomolwenangeko noupuna loye epata lomupiya woye tali ka kala fiyo alushe.”
