Aahokololi yaali
1 Ngame onda pewa oshiti shokuyelekitha, sha fa olwoondje, nonda lombwelwa kwa tiwa: “Thikama, u yeleke otempeli yaKalunga noshiyambelo wo. Yalula aantu mboka taa galikana motempeli. 2 Ihe ehale lyotempeli ino li yeleka, oshoka olya pewa aapagani, mboka taa ka lyatagula oshilando oshiyapuki ethimbo li thike poomwedhi omilongo ne nambali. 3 Ngame otandi ka tuma aahokololi yandje yaali ya zala omahahi. Oyo otaa ka popya elaka lyaKalunga momasiku ngoka geyovi limwe nomathele gaali nomilongo hamano.”
4 Aahokololi mbaka yaali oyo oomono mbali noolamba mbali dhi li koshipala shOmuwa, mwene gwevi. 5 Ngele oku na ngoka ta kambadhala oku ya ehameka, nena momakana gawo otamu zi omulilo e tagu lungunitha po aatondi yawo. Osho ngeyi kehe ngoka ta ka kambadhala oku ya ehameka, ota ka dhipagwa. 6 Oyo oye na oonkondo dhokupata egulu, opo omvula kaayi loke nando pethimbo ndyoka taa uvitha elaka lyaKalunga. Oyo oye na wo oonkondo okupangela oothithiya dhomeya nokushitukitha omeya gadho, ga ninge ombinzi, okugeela evi olwindji niiponga yoludhi kehe, ngaashi ya hala.
7 Ngele ya mana okupopya elaka ndyoka, nena oshilikama shoka tashi zi molumbogo lwomuule, otashi ke ya kondjitha. Osho otashi ke ya sinda e tashi ya dhipaga. 8 Omidhimba dhawo otadhi ka kala dha lala momapandaanda goshilando oshinene, moka mwa alelwa Omuwa gwawo komushigakano. Edhina lyoshilando shika pamayele oSodom nenge Egipiti. 9 Aantu yomiigwana ayihe yomomaludhi, yomomalaka noyomihoko adhihe otaa ka tala omidhimba ndhika uule womasiku gatatu netata noitaa ka pitika nando, dhi fumvikwe. 10 Aantu yokombanda yevi otaa ka kala ya nyanyukilwa eso lyaalumentu mbaka yaali. Oyo otaa ka ninga iituthi notaa ka tuminathana omagano, oshoka aahunganeki mbaka yaali oya li taa hepeke noonkondo aantu yokombanda yevi. 11 Ihe konima yomasiku gatatu netata ombepo yomwenyo oya zi kuKalunga e tayi ya muyo, oyo noya yumuka e taa thikama. Aantu ayehe mboka ye ya mono, oya tila noonkondo. 12 Nena aahunganeki mbaka yaali oyu uvu ewi enene tali ya popitha lya zi megulu lya ti: “Ileni huka pombanda!” Aatondi yawo oye ya tala, sho taa yi megulu taa ende moshikogo. 13 Pethimbo tuu ndyoka evi olya kakama noonkondo, oshitimulongo shoshilando osha hanagulwa po, naantu omayuvi gaheyali oya sile mekakamo lyevi. Aantu yalwe oya haluka noonkondo noya simaneke uunene waKalunga komegulu.
14 Oshiponga oshitiyali osha piti. Ihe tala, oshiponga oshititatu otashi ya mbala.
Enkuma etiheyali
15 Nena omuyengeli omutiheyali okwa hiki enkuma lye. Opo mpoka megulu omwi igidhwa kwa tiwa: “Ngashingeyi oonkondo dhokupangela uuyuni odhOmuwa Kalunga ketu nodhaKristus gwe. Oye ota ka pangela aluhe sigo aluhe!” 16 Nena aakuluntu mbeyaka omilongo mbali nayane ya kuutumba kiipangelapundi yawo koshipala shaKalunga, oya tsu oongolo e taa galikana Kalunga 17 taa ti:
“Omuwa Kalunga Omunankondoadhihe,
ngoka u li ko nowa li ko!
Otatu ku hambelele,
sho wa holola oonkondo dhoye nowa tameke okupangela!
18 Aapagani oya geya noonkondo,
oshoka ethimbo lyondjahi yoye nolyokupangula aasi olye ya,
ethimbo lyokufuta aapiya yoye aahunganeki
naantu yoye ayehe, oomboka haye ku tila,
aanenentu naadhinwa.
Ndika olyo ethimbo lyokuhanagula po
mboka taa yonagula po evi!”
19 Otempeli yaKalunga megulu oye eguluka noshiketha moka mu na oohapu dhehangano, osha monika motempeli ye. Nena okwa ningi ihe oombadhi nomawi nomityalakato, ekakamo lyevi nomvula onene yoompawe.
Eendobwedi mbali daKalunga
1 Ndele onda pewa olumbungu la fa onhaili, ndele tapa tiwa: “Fikama, ove u yeleke otembeli yaKalunga noaltari, naava ve li mo, tava ilikana nokulinyongamena. 2 Ndele olupale lopondje yotembeli nali kale, ino li yeleka, osheshi lo ola efelwa oiwana, ndele yo otai ka lyataula oshilando eshi shiyapuki oule weehani omilongo nhee nambali. 3 Ndele ame ohandi pe eendobwedi dange mbali okuxunganeka omafiku eyovi limwe nomafele avali nomilongo hamano, va djala eeshako.”
4 Ava ovo omalumono avali noixwekelwashela ivali, i li ofika koshipala shOmwene wedu. 5 Ndele ngeenge ku na ou a hala oku va nyona po, opo nee omundilo otau di mokanya kavo, ndele tau lungwinifa po ovatondi vavo; heeno, ngeenge pe na ou a hala oku va nyona po, e nokudipawa panghedi ei. 6 Vo ove neenghonopangelo okwiidila po eulu, opo odula iha loke momafiku okuxunganeka kwavo, ndele ve neenghonopangelo okushitukifa omeva ohonde nokweetela edu oiponga i lili nai lili, shamha tuu va hala.
7 Ndele eshi va wanifa ehepaululo lavo, opo oshilyani eshi tashi di mombwili otashi va lwifa, ndele tashi va te, ndele tashi va dipaa po; 8 noimhu yavo otai ka nangala momapandavanda oshilando shinene sha ifanwa pamhepo Sodom naEgipiti, omo tuu Omwene wetu a valelwa yo. 9 Novanhu vomoiwana novomapata novomomalaka novomomaludi otava ka kala nokutala oimhu yavo omafiku atatu netata, ndele vo itava itavele oimhu yavo i tulwe mombila. 10 Oonakukala kombada yedu otava hafele nokunyakukilwa osho she va hanga ndele tava tuminafana eeshali, osheshi ovaxunganeki ovo vavali okwa li va hepeka oonakukala kombada yedu. 11 Ndele konima yomafiku atatu netata, omhepo yomwenyo ya dja muKalunga, oya ya muvo, ndele ova fikama po, naaveshe ava ve va mona, ova kwatwa kehaluko linene. 12 Ndele vo ova uda ondaka inene ya dja meulu ya tya kuvo: “Ileni oku pombada!” Ndele vo ova londa meulu moshilemo, novatondi vavo ove va tala. 13 Ndele mokafimbo tuu aka opa ningwa ekakamo linene ledu. Noshitimulongo shoshilando osha teka po, novanhu omayovi aheyali va fila mekakamo eli ledu, ndelenee vakwao ova haluka ndele tava fimaneke Kalunga komeulu.
14 Owoo onhivali ya pita po, ndele tala, owoo onhinhatu tai uya diva.
Eshiko lenghuma etiheyali
15 Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.” 16 Novakulunhu venya omilongo mbali navane ava va kala omutumba komalukalwapangelo avo koshipala shaKalunga, ova wila po ndele tave linyongamene Kalunga, 17 tava ti:
“Ohatu ku pandula, Omwene Kalunga Omunaenghono,
ou u li ko nowa li ko,
osheshi ove wa longifa eenghono doye dinene,
ndele wa hovela okupangela.
18 Oiwana yovapaani oya handuka,
shaashi ehandu loye ole uya,
nefimbo ola fika, ovafi va tokolwe
novapiya voye ovaxunganeki novayapuki
naava hava tila edina loye, ovanini novanene,
va pewa ondjabi naava hava nyono edu,
va nyonaunwe po.”
19 Ndele otembeli yaKalunga yomeulu ya yeuluka, noshikefa shaye shehangano osha monika motembeli yaye, nokwa li omaluvadi neendaka nomangungumo nekakamo ledu neemhawe dinene.
