Evi ndyoka li na okukuthwa ko natango
1 Josua okwa li a kulupa nokuli. Omuwa okwa ti kuye: “Ngoye owa kulupa nokuli, ihe oku na natango ombinga onene yevi ndyoka li na okukuthwa ko: 2 oshilongo ashihe shAafilisti noshAageshur, 3 osho wo shoka shAayavvim kuumbugantu. (Evi okuza kokalonga Shihor pongamba yaEgipiti, sigo okoshitopolwa shaEkron, olya talwa lyAakaanana; aakwaniilwa yAafilisti oya kala muGaza, Ashdod, Ashkelon, Gat naEkron.) 4 Nkoka oku na natango oshilongo ashihe shAakaanana, naMeara (shoka oshAasidoni), sigo Afek pongamba yAayamori; 5 evi lyAagebali; Libanon ashihe kuuzilo okuza kuBaal Gad kuumbugantu wondundu Hermon, sigo eelo lyaHamat. 6 Shika osha kwatelele mo oshilongo ashihe shAasidoni, mboka ya kala mevi lyokoondundu pokati koondundu dhaLibanon naMisrefot Majim. Otandi ka tidha mo iigwana mbika ayihe mokuhuma komeho kwoshigwana shaIsrael. Ou na okutopolela Aaisraeli evi, naanaa ngaashi nde ku lombwela. 7 Ngashingeyi evi ndika li topolela omazimo omulongo netatazimo lyaManasse, li ninge eliko lyago.”
Okutopolwa kwevi kuuzilo waJordan
8 Ezimo lyaRuben nolyaGad netatazimo lyaManasse oga taamba nale nokuli evi ndyoka Moses, omumati gwOmuwa, e li ga pe; olya li kuuzilo womulonga Jordan. 9 Oshitopolwa shago osha li sha taandela sigo Aroer (kooha dholusilu lwaArnon) nokoshilando shopondinga yolusilu ndoka nosha kwatelele mo etumbalalovi okuza Medeba, sigo oDibon. 10 Osha adha kongamba yaAmmon notashi kwatelele mo iilando ayihe mbyoka ya li ya pangelwa komukwaniilwa gwAayamori Sihon, ngoka a pangele muHeshbon. 11 Osha kwatelele mo Gilead, oshitopolwa shaGeshur noshaMaaka, ondundu Hermon ayihe naBaasha ashihe, sigo oSalka. 12 Osha kwatelele mo oshilongo shaOg, Omurafa omuhugunini, ngoka a pangele muAshtarot naEdrei. Moses okwa sindile aantu mbaka e te ya tidha po. 13 Onkene tuu Aaisraeli inaa tidha po Aageshuri nAamaaka; oya kala mAaisraeli sigo onena.
14 Moses ina gandja nando evi kAalevi. Ngaashi Omuwa a lombwelele Moses, oya li ye na okupewa oshitopolwa moondjambo ndhoka dha lungunithilwa Omuwa Kalunga kaIsrael.
Oshitopolwa sha pewa Ruben
15 Moses okwa adhika a gandja oshitopolwa shimwe shevi komaludhi gomezimo lyaRuben. 16 Oshitopolwa shago osha li sha taandela sigo Aroer (kooha dholusilu lwaArnon) nokoshilando shopondinga yolusilu ndoka nosha kwatelele mo etumbalalovi alihe momudhingoloko gwaMedeba. 17 Osha kwatelele mo Heshbon niilando ayihe yoketumbalalovi: Dibon, Bamot Baal, Bet Baal Meron, 18 Jahas, Kedemot, Mefaat, 19 Kirjatajim, Sibma, Zeret Shakar koshikulundundu shomolusilu, 20 Betpeor, omasilukila goondundu Pisga naBet Jeshimot. 21 Osha kwatelele mo iilando ayihe yoketumbalalovi noshilongo ashihe shomukwaniilwa Omuamori Sihon, ngoka a li a pangele kuHeshbon. Moses okwe mu sindi, osho wo aapangeli yaMidian: Evi, Rekem, Sur, Hur naReba. Ayehe mbaka oya li aaniikandjo moshilongo shomukwaniilwa Sihon. 22 Mokati kaamboka ya dhipagwa kAaisraeli, omwa li wo omwaanekeli Bileam yaBeor. 23 Jordan ogwa li ongamba yokuuninginino yezimo lyaRuben. Mbika oyo iilando nomikunda dha pewa omaludhi gomezimo lyaRuben, dhi ninge eliko lyawo.
Oshitopolwa sha pewa Gad
24 Moses okwa li a gandja wo oshitopolwa shimwe shevi komaludhi gomezimo lyaGad. 25 Oshitopolwa shago osha kwatelele mo Jaser niilando ayihe yomuGilead, etata lyevi lyaAmmon sigo Aroer, shoka shi li kuuzilo waRabba; 26 evi lyago olya li lya taandela okuza Heshbon, sigo oRamat Mispe naBetonim, okuza Mahanaim, sigo ongamba yaDebir. 27 Molusilu lwaJordan osha kwatelele mo Bet Haram, Bet Nimra, Sukkot naZafon, oshihupe shoshilongo shomukwaniilwa Sihon gwaHeshbon. Ongamba yasho yokuuninginino oya li omulonga Jordan, sigo Efuta lyaGalilea. 28 Mbika oyo iilando nomikunda dha pewa omaludhi gomezimo lyaGad, dhi ninge eliko lyawo.
Oshitopolwa sha pewa Manasse kuuzilo
29 Moses okwa li a gandja oshitopolwa shimwe shevi komaludhi gometatazimo lyaManasse. 30 Oshitopolwa shago osha li sha taandela sigo oMahanaim nosha kwatelele mo Baasha ashihe — oshilongo ashihe shaOg, omukwaniilwa gwaBaasha, osho wo omikunda adhihe omilongo hamano dhaJair muBaasha. 31 Osha kwatelele mo etata lyaGilead, osho wo Ashtarot naEdrei, iilandopangelo yoshilongo shaOg muBaasha. Ayihe mbika oya pewa omaludhi ga za muMakir yaManasse.
32 Osho Moses a topola evi lyokuuzilo waJeriko naJordan, sho a li kolushandja lwaMoab. 33 Ihe Moses ina gandja evi lyasha kezimo lyaLevi. Okwe ya lombwele kutya oshitopolwa shawo otashi zi moondjambo tadhi yambelwa Omuwa Kalunga kaIsrael.
Etukulo ledu kombinga yokoushilo waJordan
1 Ndele Josua eshi a kulupa nomafiku aye a ninga mahapu, Omwene okwe mu lombwela ndele ta ti: Ove wa kulupa nomafiku oye a ninga mahapu, ndele natango onhele inene yomedu ya fyaala inai nangalwa. 2 Edu olo la fyaala po oleli: Eenhele adishe dedu lOvafilisti nedu alishe lOvagesuri, 3 nedu alishe laAvvim koumbuwanhu. (Edu alishe okudja kuSihor i li koushilo waEgipiti fiyo okongaba yaEkron langhele koumbangalanhu, olo tali valelwa kedu lOvakaanan nokutya, eehamba nhano dOvafilisti: oyo yaGasa naayo yaAsdod, oyo yaAskelon, oyo yaGat naayo yaEkron) nosho yo Ovaavvim 4 vokoumbuwanhu. Edu alishe lOvakaanan naMeara yOvasidoni fiyo okuAfek, fiyo okongaba yOvaamori. 5 Nedu lOvagebali naLibanon alishe kombinga yokoushilo okudja kuBaal-Gad shi li pefina lomhunda yaHermon fiyo okonhele oko taku iwa kuHamat. 6 Oonakukalamo aveshe vokeemhunda okudja kuLibanon fiyo okuMisrefot-Maim, Ovasidoni aveshe, Ame mwene ohandi ke va taataa komesho yovana vaIsrael. Edu lavo li tukulila Israel ngaashi efyuululo, ngaashi Ame nde ku lombwela. 7 Edu olo li tukulila hano paife omapata omugoi netata lepata laManasse ngaashi oshitukulwafyuululwa. 8 Pamwe nOvamanasse nOvarubeni nOvagad ova tambula oshitukulwafyuululwa shavo, osho Moses e shi yandja kuvo kombinga inya yokoushilo waJordan, ngaashi Moses, omupiya wOmwene, e va pa: 9 okudja kuAroer, shi li komunghulo womulonga waArnon, oshilando shopokati kefilu nedu la tumba la lalakana okudja kuMedeba fiyo okuDibon. 10 Noilando aishe yaSihon, ohamba yOvaamori, ei ya li ya pangela muHesbon, fiyo okongaba yovana vaAmmoni; 11 naGilead noshikandjo shOvagesuri noshOvamaakati nomhunda aishe yaHermon naBasan ashishe fiyo okuSalka. 12 Nouhamba aushe waOg muBasan, ohamba yomuAstarot noyomuEdrei, yo ya li imwe yomOvarefai ava va xupa. Ndele Moses okwe va taataa nokwe va halakanifa. 13 Ndelenee ovana vaIsrael inava taataa Ovagesuri nOvamaakati, onghee Ovagesuri nOvamaakati va kala mokati kOvaisraeli fiyo onena eli. 14 Epata laLevi alike Moses ine li pa oshitukulwafyuululwa: omindiloyambo dOmwene Kalunga kaIsrael, oye oshitukulwafyuululwa shalo, ngaashi Ye e li udanekela.
15 Ndele Moses okwa yandja kepata lovana vaRuben pamaludi avo: 16 va pewa omukunda okudja kuAroer shi li komunghulo womulonga waArnon, oshilando shopokati kefilu nedu alishe la tumba la lalakana fiyo okuMedeba. 17 Hesbon noilando yasho aishe ei i li medu la tumba la lalakana, Dibon naBamot-Baal, naBet-Baal-Meon, 18 naJahas naKedemot naMefat, 19 naKiriataim naSibma naSeret-Hassahar, komhunda yomefilu, 20 naBet-Peor nomafina eemhunda daPisga naBet-Jesimot, 21 noilando aishe yomedu la tumba la lalakana noshilongo ashishe shaSihon, ohamba yOvaamori, ei ya pangela muHesbon, oyo ya dipawa pamwe nomalenga aMidian kuMoses: Evi naRekem naSur naHur naReba, omalenga aSihon, aa a kala moshilongo. 22 Pamwe naava va dipawa, ovana vaIsrael va dipaa yo neongamukonda Bileam yaBeor, omumonikokule. 23 Osho hano ongaba yovana vaRuben oya enda ngaha: Jordan, sho oshitukulwafyuululwa shovana vaRuben pamaludi avo, noilando pamwe nomikunda dayo.
24 Ndele Moses okwa yandja kepata laGad, ovana vaGad pamaludi avo: 25 va pewa ngaashi omukunda wavo Jaeser noilando aishe yaGilead netata loshilongo shovana vaAmmoni fiyo okuAroer sha ama koushilo waRabba, 26 okudja kuHesbon fiyo okuRamat-Mispa naBetonim. Nokudja kuMahanaim fiyo okongaba yaLidbir. 27 Ndele mefilu: Bet-Haram naBet-Nimra naSukkot naSafon eshi sha xupa koshilongo shaSihon, ohamba yaHesbon, naJordan nomunghulo wao fiyo tau xulile mefuta laKinneret, kombinga yokoushilo waJordan. 28 Osho hano oshitukulwafyuululwa shovana vaGad pamaludi avo, noilando nomikunda dayo.
29 Moses okwa yandja vali ketata lepata laManasse; osho hano etata lepata lovana vaManasse la pewa pamaludi alo oshitukulwa. 30 Omukunda wavo oyou: okudja kuMahanaim, Basan ashishe, oshilongo ashishe shaOg, ohamba yaBasan nomikunda adishe daJair muBasan, oilando omilongo hamano. 31 Netata laGilead naAstarot naEdrei, oilando yomoshilongo shaOg muBasan kovana vaMakir yaManasse ketata lovana vaMakir pamaludi avo.
32 Olo hano Moses e li tukula ngaashi efyuululo momaluhaela aMoab koushilo waJordan yaJeriko langhele lwokoushilo. 33 Ndelenee kepata laLevi Moses ina yandja oshitukulwafyuululwa. Omwene Kalunga kaIsrael, Ye oshitukulwafyuululwa shavo, ngaashi Ye e va udanekela.
