Uuyenda womukwaniilwa omukiintu gwaSheba
(2 Ondjal. 9:1-12)1 Omukwaniilwa omukiintu gwaSheba okwa kundana esimano lyaSalomo nokwa yi kuJerusalem e te mu pula omapulo gokanaku. 2 Okwe ya pamwe nongundu onene yaakalele noongamelo dha humbata omilongelo dhiizimba, uuwe noshingoli oshindjishindji. Sho ya tsakanene naSalomo, okwe mu pula omapulo agehe a li e ga na. 3 Salomo okwe ga yamukula agehe; kapwa li sha oshidhigu unene kuye okufatulula. 4 Omukwaniilwa omukiintu gwaSheba okwa uvu uunongo waSalomo e ta tala ombala ndjoka a tungu. 5 Okwa mono iikulya mbyoka tayi tentekwa koshitaafula, aambala ye mpoka ya kala nonkene ya yakula niizala ya zala, aayakuli yopiililo miituthi, iinuwa ye nomafikilondjambo ngoka ha yamba motempeli. Mbika ayihe oye mu mana oohapu e ta kumwa. 6 Okwa ti komukwaniilwa Salomo: “Shoka nde ku kundanene ngoye mwene nuunongo woye moshilongo shandje, owoshili! 7 Ihe kanda li te vulu oku shi itaala, sigo nde ya nonde shi mono ngame mwene. Ihe nani netatatata olyo ngaa inaandi uva; uunongo woye nuuyamba woye uunene u vule shoka nda lombwelwa. 8 Aanyekadhi yoye aanelago ngiini! Aapiya yoye aanelago ngiini, mboka taa kala aluhe koshipala shoye noye na ompolo okuuva, sho to popi uunongo woye! 9 Hambelela Omuwa, Kalunga koye! Okwa holola kutya okwe ku hokwa, sho e ku ningi omukwaniilwa gwaIsrael. Ohole ye yokuhola Israel oyaaluhe, nokwe ku ningi omukwaniilwa gwawo, opo u popile ompango nelandulathano.”
10 Okwa pe omukwaniilwa Salomo omulongelo ngoka e gu eta: oshingoli shondjundo yookilograma 4,000, iizimba oyindjiyindji nuuwe. Iizimba mbyoka a pe Salomo, oya li oyindjiyindji inee yi pewa nando onale.
11 (Oosikepa dhaHiram, ndhoka dhe eta oshingoli sha zi kuOfir, odhe eta wo iipilangi oyindjiyindji yondilo nuuwe. 12 Salomo okwa hongitha muyo iinima yomotempeli noyomuuwa we, niiketala nuuharpa waayimbi. Oya li iipilangi yo opala yi vule ayihe ye etelwe muIsrael, noinayi monika we.)
13 Omukwaniilwa Salomo okwa gandja komukwaniilwa omukiintu gwaSheba ashihe shoka a li a pula, nokombanda yaayihe mbika okwe mu pe wo omagano ogendji pasimano. Konima omukwaniilwa omukiintu naantu ye oya shuna kevi lyawo kuSheba.
Uuyamba waSalomo
(2 Ondjal. 9:13-29)14 Salomo okwa taamba omumvo kehe oshingoli shookilograma omayovi 23 000. 15 Okwa taamba wo oompale dha futwa kaahalithi, iihohela ya zi momapindiko nomaliko ga futwa kaakwaniilwa Aayarabia nokaaleli yiikandjo muIsrael.
16 Salomo okwi ihambulithile iikandekitho iinene omathele gaali nokwa kolongitha kehe shimwe noshingoli sha ngolongwa shookilograma konyala heyali. 17 Okwa hambulitha wo iikandekitho iishona omathele gatatu ya kolongithwa oshingoli shookilograma mbali kehe shimwe. Iikandekitho ayihe mbika okwe yi pungula moshinyanga shomiti dhokuLibanon.
18 Okwa pangelitha wo oshipangelapundi oshinene. Ombinga yimwe oya li yomayego goondjamba, nonkwawo oyoshingolilela. 19-20 Oshipangelapundi osha li shi na iilyatelelo ihamano. Kombanda yoshilyatelelo koluha kehe okwa li efano lyonime, oonime adhihe kumwe omulongo nambali. Konima yoshipangelapundi okwa li efano lyomutse gwontsezi, nopooha dhosheegameno kehe shokwaako okwa li efano lyonime. Miilongo ayihe kamwa li oshipangelapundi sha fa shika.
21 Iitenga yaSalomo ayihe yokunwina oya li yoshingoli, niiyuma ayihe moshinyanga shomiti dhokuLibanon oya li yoshingolilela. Inaa longitha oshisiliveli, oshoka sha li kaashi na mwago muuyuni waSalomo. 22 Okwa li e na oosikepa mefuta, ndhoka dhe ende pamwe noosikepa dhaHiram. Momumvo omutitatu kehe odha galuka dhe etelele oshingoli, oshisiliveli, omayego goondjamba, oondjima noondhila dhoonankwe.
23 Omukwaniilwa Salomo okwa li omuyambalela nomunandunge e vule aakwaniilwa ayehe, 24 nuuyuni auhe owa halele okuya, u pulakene uunongo mboka Kalunga e u mu pa. 25 Shaa ngoka e ya ko, okwe mu etele oombalagelo — iisiliveli, oshingoli, oonguwo, omatati, iizimba, uukambe nomamulutiya. Shika osha ningwa omumvo nomumvo.
26 Salomo okwi iningile omatembakwiita eyuvi limwe nomathele gane, naakawilinkambe omayuvi omulongo nagaali. Ongundu yimwe yomuyo oya kala muJerusalem, manga ombinga onene ya kala miilando yilwe. 27 Muuyuni we oshisiliveli osha li oshindjishindji muJerusalem sha fa evi, nomisedeli odha li wo odhindji dha fa omikwiyu muShefela. 28 Aalongeli yomukwaniilwa oye ke mu landela uukambe kuMusri naKilikia 29 nomatembakwiita okuEgipiti. Oya landa uukambe nomatembakwiita kaakwaniilwa Aaheti nAasiria. Omatembakwiita oga gu iimaliwa iisiliveli 600 kehe limwe nuukambe owa gu 150 kukehe.
Ohamba omukainhu yokuSheba tai uya kuSalomo
1 Ohamba omukainhu yokuSheba eshi ya kundana efimano laSalomo oye uya kuJerusalem, i mu yeleke nomapulo madjuu. 2 Ndele ye uya kuJerusalem pamwe nongudu inene, pamwe neengamelo da humbata oinima yedimba liwa noshingoldo shihapu nomamanya mawa. Ndele yo eshi ye uya kuSalomo, okwa popya nayo oinima aishe ya li momutima wayo. 3 Ndele Salomo okwe mu fatululila eendjovo daye adishe. Kape na nande ondjovo imwe ya nyenga Salomo okufatulula. 4 Ohamba omukainhu Omusheba eshi a uda ounongo aushe waSalomo, ndele eshi a mona ombala oyo a tunga, 5 neendja dokoshililo shaye, naapa hapa kala omalenga aye, nonhumbi ovayakuli vombala va unganekwa, nomidjalo davo, novapindi vaye, nomaxwikiloyambo, aa a yambela motembeli yOmwene, ye okwa kumwa shili, a kanghwa. 6 Opo nee ta ti kuSalomo: “Keshe osho nde shi ku udila koshilongo shange, oinima yoye nounongo woye, oshoshili. 7 Ndelenee inandi itavela eendjovo odo, fiyo nde uya, nomesho ange e shi tala; ndele tala, etata lomusho inandi li lombwelwa. Ove u dule mounongo nomoupuna osho nde shi kundana. 8 Ovanyekadi voye ovanelao, naava have ku yakula ovanelao, naaveshe hava udu ounongo wokanya koye. 9 Omwene Kalunga koye na hambelelwe, eshi e ku hokwa nokwe ku kaleka omutumba kolukalwapangelo laIsrael! Omwene eshi e hole Israel fiyo alushe, Ye okwe ku ninga ohamba u longe ouyuki naasho sha yuka.” 10 Ye okwa yandja vali kohamba oshingoldo sheekilograma omayovi ane, noidimba ihapu iwa nomamanya mawa. Ouhapu woidimba iwa u fike pwooyo ya etelwa ohamba Salomo kohamba omukainhu Omusheba, inai etwa vali nande efiku limwe.
11 Ndelenee eeskepa daHiram odo da ka tala oshingoldo kuOfir, oda eta yo omiti dihapu domisandeli nomamanya mawa. 12 Omiti domisandeli ohamba ye di hongifa oinima yomongulu yOmwene noyomombala yohamba, nomaxumbafeta neenyalilo dovaimbi. Omiti domisandeli, ouhapu wado, inadi ya mo vali, di fike pwaado, ndele inadi monika vali fiyo onena eli. 13 Nohamba Salomo ya yandja kohamba omukainhu Omusheba ashishe osho ye shi hala ndele ye shi indila, nokwa wedela ko vali pauhapu wouhamba waSalomo. Opo nee inya ya fikama ndele tai i koshilongo shayo, novapiya vayo pamwe nayo.
Oupuna nepangelonghono netumbalo laSalomo
14 Ondjele yoshingoldo, Salomo kwe shi etelwa momudo umwe ya li oshingoldo sheekilograma omayovi omilongo mbali naatatu, 15 ponho yaayo ye mu etelwa kovashingifi hava endaenda, nomeliko lovalandifi nokeehamba daArabia nokomalenga edu. 16 Nohamba Salomo ya ninga oikelelifo omafele avali inene yoshingoldo sha hambulwa. Keshe oshikelelifo sha hambulwa, osha li shi noshingoldo shi fike peekilograma heyali doshingoldoelela. 17 Noikelelifo omafele atatu inini yoshingoldo sha hambulwa. Keshe oshikelelifo okwe shi hambulififila oshingoldo eekilograma mbali, nohamba ye i tula kongulu yomufitu waLibanon.
18 Ohamba ya ninga vali olukalwapangelo linene lomayoo eendjaba nokwe li vaeka noshingoldoelela. 19 Olukalwapangelo la li li neendodo hamano nola li li noshiyaameno shombuda la hongelwa ekoto konhele yalo. Ndele kombinga nombinga yolukalwapangelo kwa li oikwatelelo yomake, neenghoshi mbali da kala ofika kominghulo doikwatelelo yomake. 20 Neenghoshi omulongo nambali da li ofika keendodo hamano kombinga nombinga. Oinima ya tya ngaha inai ningwa moshilongo nande shimwe. 21 Nomaholo aeshe ohamba Salomo a li oshingoldo, Noikwatelwa aishe yOngulu yOmufitu waLibanon oyoshingoldoelela. Oshisiliveli sha talwa shihe nongushu pomafiku aSalomo. 22 Osheshi ohamba ya li i neeskepa daTarsis mefuta pamwe neeskepa daHiram. Lumwe momido nhatu eeskepa dokuTarsis de uya da li di noshingoldo noshisiliveli nomayoo eendjaba neenghima nomakondombolo e nomishindi da xwanana.
23 Osho ngaha hano ohamba Salomo ya ninga inene i dule eehamba adishe kombada yedu moupuna nomounongo. 24 Nounyuni aushe wa li wa hala okumona oshipala shaSalomo va pwilikine ounongo waye, Kalunga e mu pa momutima waye. 25 Ndele keshe umwe okwa etela Salomo oshali: oinima yoisiliveli noyoshingoldo noikutu nomaadi omirha, noinyenyepeki, neenghambe nomamula. Osho sha ningwa omudo keshe.
26 Salomo okwa ongela omatemba oita novalondi veenghambe, onghee okwa li e nomatemba eyovi nomafele ane oita novalondi omayovi omulongo naavali veenghambe. Okwe va nangeka muJerusalem nomoilando ikwao. 27 Nohamba ya longa ngaha fiyo muJerusalem mwa li oshisiliveli ngaashi omamanya, nomiti domisederi dihapu ngaashi omikwiyu moshilongo sha lalakana. 28 Ovakalelipo vaSalomo va pashukila euyemo leenghambe okudja kuMusri nokuKuve 29 nolomatemba oita okudja kuEgipiti. Vo ova landifa eenghambe nomatemba oita keehamba dOvaheti nodOvaarami eesekeli doshisiliveli omafele ahamano metemba nefele nomilongo nhano monghambe.
