Jeremia ta nyenyeta
1 Omuwa, ngoye omuyuuki aluhe;
ote vulu tuu okutamanana nangoye?
Onkene tuu ote popi nangoye kombinga yuuyuuki.
Omolwashike aalunde ye na elago?
Omolwashike aanandumbo taa kala nombili?
2 Oto ya tsike e taa tsama;
otaa koko notaa imi iiyimati.
Otaye ku popi aluhe nawa momakana,
ihe itaa ku longele.
3 Ihe, Omuwa, ngoye owa tseya ndje;
ou wete shoka te ningi,
nonkene ndi ku hole.
Pwedhulula po aawinayi mbaka
ngashika oonzi tadhi falwa koshidhipagelo;
ya tonatela,
sigo ethimbo lyokudhipagwa kwawo lya thiki.
4 Evi lyetu otali kala lya kalanda sigo uunake,
nomwiidhi gwa ganya momalundu agehe?
Iinamwenyo noondhila otadhi si moluulunde waantu yetu,
oshoka otaa ti: “Kalunga ke wete shoka tatu longo.”
5 Omuwa okwa ti:
“Jeremia, ngele owa loloka okuthigathana naantu,
oto vulu ngiini okuthigathana nuukambe?
Ngele ito vulu okuthikama mokati koshilongo,
oto ke shi vula ngiini mongoya yaJordan?
6 Nokuli aamwanyoko, yomaandjeni, oye ku gwaaleke;
oya pangele ye ku ponokele.
Ino ya inekela, nando taa popi oohapu oontalala.”
Omuwa a sile aantu ye oluhodhi
7 Omuwa ota ti:
“Onde etha Israel, onda thigi po oshigwana shandje.
Onda gandja mboka ndi hole miikaha yaatondi yawo.
8 Aahogololwa yandje oya pilukile ndje.
Oya fa onime momugulu, otaa vavele ndje,
nosho ngaaka onde ya tondo.
9 Aahogololwa yandje oya fa ondhila
ya kondekwa koombinga noombinga komakodhi.
Hiyeni iithitukuti ayihe, yi ye koshituthi!
10 Aaleli oyendji aakwiilongo
oya hanagula po oshitsambe shandje shomiviinu;
oya lyatagula po epya lyandje;
evi lyandje eholike ye li mbugaleke.
11 Oye li ningi omaputu;
oli li po lya mbugala koshipala shandje.
Oshilongo ashihe osha mbugala,
nokamu na ngoka te shi sile oshimpwiyu.
12 Aahanaguli oye ya ya taakana omalondo gomombuga.
Onda tumu egongamwele okudhipaga oshilongo ashihe;
kape na ngoka ta kala e na ombili.
13 Aantu yandje oya kunu osiima,
ihe oya teya oshinkumbwe;
oya longo noonkondo, ihe inaa mona sha.
Moluupyundjahi wandje iilya yawo oya theta.”
Omauvaneko gOmuwa kaashiinda yaIsrael
14 Omuwa ota ti: “Otandi popi sha kombinga yaashiinda yaIsrael mboka ya teya po oshilongo nde shi pe Aaisraeli. Aawinayi mboka otandi ke ya kutha mo miilonga yawo, ngaashi oshimeno tashi vudhwa mevi notandi mangulula Aajuda miikaha yawo. 15 Sho nde ya kutha mo, otandi ya sile ohenda. Otandi ka galulila oshigwana kehe kevi lyasho nokoshilongo shasho. 16 Nando oya longele aantu yandje okugana medhina lyaBaal, otaya ka ninga oshitopolwa shomaantu yandje noye na elago, ngele otaya ilongo omikalo dhaantu yandje notaya gana medhina lyandje taa ti: ‘Oshili, ngaashi Omuwa e na omwenyo.’ 17 Ihe ngele oku na oshigwana itaashi vulika, otandi ke shi dhakula mo thilu noku shi hanagula po. Ongame Omuwa nda popi.”
Elao lovadinikalunga tali ka xula po
1 Omwene, Oove omuyuki, ame ohandi dulu tuu mbela oku ku twifa eemhata? Ndele onda hala ndi ku pule oshili i li peni moinima ei: omolwashike mondjila yovalunde omu nelao? Nomolwashike ovaliteeki aveshe ve li nombili? 2 Ove oto va twike, ndele vo otava twama. Ohava kulu ndele tava imike oiimati. Ove ho kala popepi momakanya avo, ndelenee kokule meemwenyo davo. 3 Ndelenee Omwene u shi nge, Ove u wete nge noto konakona omutima wange koshipala shoye. Va nakula po ngaashi eedi tadi twalwa koshidipaelo, Ove u va yapulile efiku ledipao. 4 Oshilongo otashi kala fiyo onaini sha nyika oluhodi nomwiidi aushe womoixwa wa kukuta? Noinamwenyo needila otadi xulu po omolwowii woonakukalamo musho, osheshi ohava ti: Exulilo letu ye ite ke li mona.
5 Ove oho loloka ngeenge to ende naava hava ende kolupadi, hano oto ka fiyafana po ngahelipi neenghambe? Nongeenge u udite ombili nelineekelo medu kali noitilifa, oto ka ningwa ngahelipi momufitu waJordan? 6 Osheshi novamwaxo neumbo laxo navo yo otava ende nomakoto naave, navo yo otave ku ingida pombada konima yoye. Ino ve lineekela nande nave ku popife noukaume.
7 Ongulu yange onde i fiya po nonda ekelashi efyuululo lange, naashi omwenyo wange we shi hokwa onde shi yandja momake ovatondadi vasho. 8 Oshitukulwa shefyuululo lange osha fonghoshi yomofuka kwaame. Osha ndundumina nge pombada, onghee onde shi tonda. 9 Efyuululo lange inali ninga tuu odila yomavala, ya kondekwa keenhwa? Fikameni ka shiveni oifitukuti aishe nai uye keendja. 10 Ovafita vahapu ova hanauna po oshikokola shange shomiviinyu, nepya lange la wapala ove li lyataula, la ninga eputu longaho. 11 Ove li ninga ombuwa yongaho ndele tali kala la nyika oluhodi koshipala shange, ola hanaunwa po, osheshi kape nomunhu te shi file onghenda komutima waye. 12 Ovahanauni ve uya va dile koikulundudu aishe yokombuwa, osheshi eongamukonda lOmwene tali li oshilongo komunghulo fiyo okomunghulo mukwao; ndele kape na nande ombelela i nombili. 13 Ova kuna oilya, ndele va teya eeshosholo. Vo ove lihepeka fiyo okeloloko, ndelenee inava mona sha. Kaleni mwa fifwa ohoni keteyo leni omolwoupyuhandu wOmwene.
Oiwana yomoushiinda tai xunganekwa
14 Omwene osho ota ti mokupopya ovashiinda vange aveshe vai, ava hava kumu efyuululo lovanhu vange Israel nde li va tukulila: Tala, Ame ohandi va duda mo medu lavo vene, neumbo laJuda ohandi ke li duda mo mokati kavo. 15 Ndelenee ngeenge nde va duda mo mokati kavo, ohandi va file onghenda vali, ndele handi va alulile, keshe umwe kefyuululo laye, nakeshe umwe kedu laye. 16 Ndele ngeenge otave lilongo noudiinini okushiiva eendjila doshiwana shange ndele tava ane medina lange: Oshili, ngaashi Omwene e nomwenyo, ngaashi va longa oshiwana shange okwaana kuBaal, nena tava nangekwa moshiwana shange. 17 Ndelenee ngeenge ihava udu ko, oshiwana sha tya ngaha ohandi shi duda mo nohandi shi hanauna po, Omwene osho ta ti.
