1 Pitikilii ndje, ndi mu hokololele uudhigu mboka ndi u na mokulonga kwandje omolweni nomolwaantu yomuLaodikea nosho wo mboka inaa tseya ndje moshipala. 2 Otandi shi ningi, opo ohole yi ya kwatakanithe kumwe, noya mone omukumo okutseya iinima ayihe. Oyo otaa ka tseya ihe kutya Kristus oye oshiholekwa shaKalunga. 3 Oye oshipatululo shoka tashi patulula omaliko agehe gaKalunga guunongo nogowino, ngoka ga holekwa.
4 Shika otandi shi mu lombwele, mwaa pukithwe nando okomuntu gumwe noohapu dhomuheka. 5 Oshoka ngame nando ndaa po pune palutu, onkee tuu ondi li pamwe nane pambepo. Nonda nyanyukwa okumona uukolele weitaalo lyeni mokwiitaala Kristus.
Eudhililo lyomwenyo muKristus
6 Ano sho mwa taamba Jesus Kristus, a kale Omuwa gweni, kaleni ihe muukumwe naye. 7 Dhameni muye ne mu itungile muye. Kaleni meitaalo shi vulithe shito, ngashika mwa longwa. Ihe kaleni mu udhilila omahambelelo.
8 Kotokeni ano, mwaa yulwe nando okomuntu nomalongo guunongo wopantu nomafundjaleko gaa fele. Ogo ogi ikwatelela komithigululwakalo dhaantu noga za moombepo ndhoka tadhi pangele mewangandjo, ihe ne kaleni muKristus. 9 Oshoka muKristus nokutya muuntu we, omu na egwanopo lyondjelo yuukalunga auhe. 10 Onkee muukumwe naye one omwa pewa egwanopo alihe lyomwenyo. Kristus oku vule aapangeli ayehe yomombepo naanankondo ayehe.
11 Muukumwe naKristus one omwa fukalekwa, hanefukaleko ndyoka hali ningwa niikaha kaantu, aawe, ihe onefukaleko lyaKristus mwene. Mefukaleko ndika one omwa mangululwa mo moonkondo dhomolutu nduka luulunde. 12 Oshoka mokushashwa omwa fumvikwa pamwe naKristus. Meshasho tuu ndyoka omwa yumudhwa wo pamwe naKristus kuusi omolweitaalo lyeni okwiitaala oonkondo dhaKalunga, ngoka a yumudha Kristus. 13 One omwa kala nale mwa sa pambepo omolwoondjo dheni nomolwaashoka omwa li aapagani mwaa na ompango yaKalunga. Ihe ngashingeyi Kalunga okwe mu tula omwenyo pamwe naKristus nokwa dhimi po oondjo dhetu adhihe. 14 Oye okwa dhimi po enyolo hali tu tamaneke pamwe niipango yalyo nokwe li hanagula po thiluthilu, sho e li alele komushigakano. 15 Komushigakano hoka Kristus okwa yugu aaleli yomombepo naapangeli oonkondo dhawo. Oye oku ulike uukatalume wawo montaneho yaayehe, sho e ya kwatele komeho mosheendo she shesindano, ngashika omuntu te ende noonkwatwa dhe.
16 Ano inamu etha, mu pewe uusama kombinga yaashoka hamu li nohamu nu, nokombinga wo yomasiku omanene nenge yoshituthi shomwedhi omupe nenge kombinga yEsabati. 17 Mbika ayihe oyo omuzizimba gwowala gwiinima yokomeho, ihe oshinima sho shene oKristus. 18 Inamu zimina, mu pangulwe nando okomuntu ngoka ti iningi e vule yalwe omolwomamoniko gontumba noti isimanekele eifupipiko lyiifundja nesimaneko lyaayengeli. Omuntu a tya ngaaka okwa tuwalalekwa komadhiladhilo ge gopantu. 19 Nokuli oye okwe etha okutala kuKristus, ngoka e li omutse. Oshoka meutho lyaKristus olutu aluhe otalu paluthwa notalu kwatelwa kumwe koongolo nokoothipa e talu koko, ngashika Kalunga a hala.
Okusa nokukala nomwenyo pamwe naKristus
20 One omwa sa pamwe naKristus nomwa mangululwa mo moonkondo dhoombepo ndhoka tadhi pangele mewangandjo. Ongiini ano, sho mu li po natango mwa fa aantu yomuuyuni mbuka mokukala kweni? Omolwashike tamu vulika kiipango yiidhila ngashika mbika: 21 “Ino shi kwata,” “Ino shi lola,” “Ino shi guma?” 22 Mbika ayihe otayi longithwa e tayi hulu po. Iipango mbyoka ayihe nomalongo ngoka agehe oya ningwa kaantu. 23 Eeno, pakutala oya fa yi na uunongo mesimaneko lyawo lyaayengeli kethiminiko, meifupipiko lyiifundja nomeihepeko lyawo edhigu okuhepeka omalutu gawo. Ihe kaayi na nando oshilonga shasha kombinga yokupangela uuhalu womolutu.
Yepeni omapukifo ounongo wovanhu
1 Osheshi ame onda hala mu shiive olwoodi linene apa li fike ndi li kwete molweni nomolwaava ve li muLaodikea nomolwaaveshe ava inava mona oshipala shange shopalutu, 2 opo omitima davo da kwatafana mumwe mohole, di tuwe ouladi okutambula oupuna aushe weendunge da wana, nova longwe okushiiva oshiholekwa shaKalunga, osho oKristus. 3 Oye tuu ou muye mwa holekwa omamona aeshe ounongo neshiivo.
4 Edi ohandi di popi opo muha pukifwe nande okomunhu e neendjovo domaheko, 5 osheshi nande nghi li punye palutu, ondi li punye pamhepo, ndele nda hafa mokutala eenghedi deni nepamo leitavelo leni muKristus.
6 Hano ngaashi mwa tambula Kristus Jesus Omwene, osho kaleni nokweenda muye, 7 nokutwama nokulitungila muye nokulipamekela meitavelo, ngaashi mwa longwa, nye mu kale mwa yada omapandulo.
8 Lungameni, paha kale umwe te mu yulifa ounongo wovanhu nomapukifo ongaho, te likwatelele meenghedinghulu nomoihovelanghono younyuni, hamuKristus. 9 Osheshi muye mwa kala ouyadi aushe woukalunga palutu. 10 Nanye yo mwa yada muye, Oye tuu ou omutwe womapangelo aeshe neenghonopangelo adishe. 11 Muye mwa pitifwa etanda, hapitotanda eli hali ningwa nomake, ndelenee oleli lokulidula olutu lombelela, olo epitotanda laKristus, 12 eshi mwa pakwa pamwe naye meshasho, mulo mwa nyumuka yo pamwe naye keitavelo okwiitavela eenghono daKalunga, ou e mu nyumuna movafi. 13 Nanye ava mwa li mwa fila momatauluko nomokuhapitatanda kwombelela yeni, Oye e mu tula omwenyo pamwe naye, eshi e tu dimina po omatauluko aeshe, 14 nokwa dima po eshangelo loipango la li li nondubo nafye, okwe li kufa po nokwe li valela komushiyakano. 15 Ndele komushiyakano Kristus okwe limangulula momapangelo eenghono novapangeli aveshe vopamhepo okwe va kaleka poluhaela noku va endifa molweendo laye lefindano.
Inamu kanyatela keenghedi dovanhu
16 Inamu itavela mu tokolwe hano nande okomunhu omolwokulya nokunwa, ile omolwoshivilo ile omolwohani ipe ile omolwEshabata, 17 osheshi oyo omudidimbe woinima tai uya, ndele olutu olo laKristus. 18 Ondjabi yeni yefindano muhe i nyekwe nande okomunhu a hokwa elininipiko nokulongela ovaengeli note litumbalekele omamoniko nokwa fulalala keendunge daye dopambelela, 19 ndele ite likwatele kOmutwe mwaau olutu alishe la kwatelwa kumwe keengolo nokomifipa, notali kulu opakulifo laKalunga.
20 Onye ngeenge mwa fya mo pamwe naKristus moihovelifonghono younyuni, oshike hano tamu itavele okutwikwa eenghedi ngaashi oonakukala mounyuni nokutya: 21 “Ino shi kwata, ino shi lavela, ino shi kuma!” 22 Nande aishe ei oi li po i longifwe noi xule po paipango nopamalongo ovanhu, 23 ei aishe oi na ngaho efimano lounongo omolwelongelokalunga nelininipiko ve li lihoololela voovene naashi kai na onghenda nolutu; ndelenee oyo kai na nande oshilonga noi li po i hafife ombelela.
