Euvitho lyaJohannes Omushashi
(Mat. 3:1-12Luk. 3:1-18Joh. 1:18-28)1 Elaka etoye tali popi Jesus Kristus, Omuna gwaKalunga, otali tameke naanaa, 2 ngaashi kwa nyolwa membo lyomuhunganeki Jesaja:
“Onkee ano otandi tumu omutumwa gwandje,
e ku tetekele, opo e ku opalekele ondjila.
3 Ewi lyanakwiigidha mombuga tali ti:
‘Longekidhileni Omuwa ondjila,
yelekanitheni omapola ge!’ ”
4 Johannes Omushashi okwa holoka mombuga noku uvitha kutya aantu nayi itedhulule e taa shashwa, Kalunga nota dhimi po oondjo dhawo. 5 Kehe gumwe muJudea nomoshilando shaJerusalem okwe ya kuJohannes, oye okwe ya shashele momulonga gwaJordan, sho ya hempulula oondjo dhawo.
6 Johannes okwa li a zala onguwo yiifufu yongamelo nepaya lyoshipa mombunda ye. Iikulya ye oya li oombahu nomagadhi goonyushi. 7 Ye okwa uvitha ta ti: “Ngoka te ya konima yandje, oku vule ndje oonkondo. Ngame inandi gwana okunyongama, ndi dhitule omiya dhoongaku dhe. 8 Ngame otandi mu shasha nomeya, ihe ye ote mu shasha nOmbepo Ondjapuki.”
Jesus ta shashwa e ta makelwa
(Mat. 3:13—4:11Luk. 3:21-22Luk. 4:1-13)9 Pomasiku ngeyaka Jesus okwa zi kuNasaret shomuGalilea nokwa shashwa kuJohannes momulonga gwaJordan. 10 Opo tuu mpoka Jesus sho a zi momeya, okwa mono egulu lye eguluka, nOmbepo ya fa onguti oye mu lambele. 11 Megulu nomwa zi ewi lya ti: “ongoye Omumwandje omuholike, onde ku hokwa.”
12 Mbalambala Ombepo oya fala Jesus kombuga. 13 Okwa menekele mombuga omasiku omilongo ne, a makelwa kuSatana nokwa kala mokati kiilikama; naayengeli oye ya e taye mu yakula.
Jesus ti ithana aayuli yoohi yane
(Mat. 4:12-22Luk. 4:14-15Luk. 5:1-11)14 Johannes sho e edhililwa mondholongo, Jesus okwa yi kuGalilea nokuuvitha elaka ndika etoye lya zi kuKalunga 15 a ti: “Ethimbo lya thiki, Oshilongo shaKalunga she ya popepi. Itedhululeni, mu itaale elaka etoye.”
16 Manga Jesus a li ta kunkula nefuta lyaGalilea, okwa mono ko aamwayinathana, Simon naAndreas. Oya adhika taa umbile iiyulitho yawo mefuta, oshoka oya li aayuli yoohi. 17 Jesus okwa ti kuyo: “Landulii ndje, ngame notandi mu ningi aayuli yaantu.” 18 Mbalambala oye etha iiyulitho yawo e taye mu landula.
19 Sho a humu ko ishewe kashona, okwa mono ko aana yaSebedeus, Jakob naJohannes. Oya li mowato taa andeke iiyulitho yawo. 20 Jesus okwe ya ithana, ye mu landule, noya thigi po he Sebedeus mowato pamwe naamati yiilonga e taye mu landula.
Omulumentu e na ombepo ya nyata
(Luk. 4:31-37)21 Oyo ye ya moshilando shaKapernaum. Mesiku lyEsabati Jesus okwa yi mosinagoga nokwa tameke okulonga aantu. 22 Aantu oya kuminwa elongo lye, oshoka olya li li na oonkondo, hangaashi ndyoka lyaalongimpango.
23 Mosinagoga ndjoka omwa li mu na omulumentu e na ombepo ya nyata. Oye a popi mokule: 24 “Jesus Omunasareti, owe tu halela shike? Owe ya u tu yone po? Ondi ku shi kutya ongoye omuyapuki gwaKalunga.”
25 Jesus okwa ganda ombepo ya nyata a ti: “Mwena thilu, u ze mo muye!”
26 Ombepo ya nyata oye mu mbungambunga noonkondo noyi igidha newi enene e tayi zi mo muye. 27 Aantu ayehe oya kumwa noya tameke okupulathana taa ti: “Oshike shino? Elongo epe li na oonkondo? Oye ta ganda oombepo dha nyata, notadhi vulika kuye.”
28 Mbalambala oshiningwanima shika osha taandele muGalilea ashihe.
Jesus ta aludha yinamweno yaPetrus naavu yalwe
(Mat. 8:14-17Luk. 4:38-41)29 Ano sho ya zi mo mosinagoga, oya yi maandjawo yaSimon naAndreas pamwe naJakob naJohannes. 30 Ihe yinamweno yaSimon okwa li ta alukwa olwiidhi. Oyo ye mu popi nziya kuJesus. 31 Jesus okwe ya nokwe mu kwata koshikaha e te mu kuutumbike. Olwiidhi olwe mu etha nokwa tameke oku ya yakula.
32 Pethimbo lyongulohi, etango lya ningina, aantu oye eta kuJesus aavu ayehe naanampwidhuli ayehe. 33 Aantu ayehe yomoshilando oya gongalele posheelo shegumbo. 34 Jesus okwa aludha ayehe mboka ya li ye na omavu gi ili nogi ili nokwa tidha mo oompwidhuli adhihe. Oompwidhuli ine dhi pitika, dhi popye, oshoka odha li dhi mu shi kutya oye olye.
Jesus ta uvitha muGalilea
(Luk. 4:42-44)35 Ongulangula manga inaaku sha, Jesus okwa penduka nokwa yi muuwike, a galikane. 36 Simon nosho wo mboka ya li pamwe naye, oya yi, ye ke mu konge. 37 Sho ye mu mono, oya ti: “Ayehe otaye ku kongo.”
38 Jesus okwe ya yamukula a ti: “Tu yeni momikunda dhopuushiinda, opo ndi uvithile mo wo, oshoka osho tuu shika nde shi endela.”
39 Onkee okwe ende muGalilea ashihe nokwa uvitha moosinagoga dhawo e ta tidha mo oompwidhuli.
Jesus ta aludha omunashilundu
(Mat. 8:1-4Luk. 5:12-16)40 Omulumentu omunashilundu okwe ya kuJesus, okwa tsu oongolo nokwe mu hehela a ti: “Ngele owa hala okwaaludha ndje, oto shi vulu.”
41 Jesus okwe mu uvitile olukeno, okwa ganeke oshikaha she nokwe mu gumu e ta ti: “Onda hala, yela!” 42 Mbalambala oshilundu oshe mu etha nokwa yele. 43 Jesus okwe mu kumagidha noonkondo nokwe mu laleke mbala 44 e ta ti kuye: “Pulakena! Ino shi popya nando okulye, inda owala, u ki iyulike komuyambi, ngoye u gandje omagano gealuko ngoka gu uthwa kuMoses, opo ge ya ningile onzapo kutya owa aluka.”
45 Ihe omunashilundu sho a yi pondje, okwa tameke okuuvitha nokuhokolola oshinima shika akuhe. Onkee Jesus ina vula we okweenda puuyelele miilando, okwa yi komahala gaa na aantu. Nando ongawo, aantu yokoombinga adhihe oye ya kuye.
Johannes ta udifa ndele ta shashe
1 Ehovelo levaengeli laJesus Kristus, Omona waKalunga.
2 Ngaashi pa shangwa momushangwa womuxunganeki Jesaja:
“Tala, ohandi ku tetekelifile omutumwa wange,
oye te ku longekidile ondjila.
3 Ondaka yomwiingidi tai udika mombuwa:
‘Longekidileni Omwene ondjila,
mu yelakanifileni omalila.’ ”
4 Johannes Omushashi okwa holoka mombuwa nokwa udifa kutya, ovanhu nave lidilulule nava shashwe, opo omatimba avo a dimwe po. 5 Noshilongo ashishe shaJudea nOvajerusalem aveshe ova ya kuye, ndele ova shashelwa kuye momulonga waJordan, eshi va hepaulula omatimba avo. 6 Ndele Johannes okwa li a djala oshikutu sholududi longamelo nekwamo loshipa moshiya shaye, ndele okwa li ha li oshipaxu nomaadi eenyiki. 7 Ndele okwa udifa ndele ta ti: “Konima yange otaku di ou e dule nge eenghono, naame inandi wapala nande okupetama nokuditula omiya deenghaku daye. 8 Ame onde mu shasha nomeva, ndelenee Ye ote ke mu shasha nOmhepo Iyapuki.”
Jesus ta shashwa ndele ta yelekwa
(Mat. 3:13Mat. 4:17Luk. 3:21-22Luk. 4:1-13Joh. 1:31-34)9 Ndele opa ningwa omafiku enya, Jesus okwa dja kuNasaret shomuGalilea, ndele okwa shashelwa kuJohannes momulonga waJordan. 10 Ndele eshi a dja momeva, oku wete eulu la yeuluka nOmhepo ya fa onghuti ye mu kulukila; 11 ndele meulu omwa dja ondaka tai ti: “Oove Omona wange omuholike, onde ku hokwa.”
12 Ndele diva Omhepo Oye mu twala mombuwa. 13 Ndele oye okwa menekela mombuwa omafiku omilongo ine, ndele okwa hongaulwa kuSatana, ndele okwa kala poifitukuti, novaengeli ove mu yakula.
14 Ndele Johannes eshi a kwatwa, opo nee Jesus okwa ya kuGalilea, ndele okwa udifa evaengeli laKalunga, 15 ndele ta ti: “Efimbo ola fika, ouhamba waKalunga wa ehena popepi, lidilululeni nye mu itavele evaengeli.”
Jesus ta ifana ovalongwa
(Mat. 4:12-22Luk. 4:14-15Luk. 5:1-11)16 Ndele mokweenda komunghulo wefuta laGalilea okwa mona ko Simon naAndreas, ondenge yaye, tava ekele oshiyulifo mefuta, osheshi ova li ovayuli veeshi. 17 Opo Jesus okwa tya kuvo: “Shikuleni nge, ndele handi mu ningi ovayuli vovanhu.” 18 Opo tuu opo ova fiya po oiyulifo yavo, ndele ove mu shikula. 19 Ndelenee eshi a ehena ko kanini, okwa mona Jakob yaSebedeus nondenge Johannes, va hangika mowato, tava tangulula oiyulifo yavo. 20 Ndele okwe va ifana diva; vo ova fiya po xe Sebedeus mowato pamwe novamati ovafutwa, ndele ove mu shikula.
Jesus ta longo ovanhu ndele ta velula
(Luk. 4:31-37)21 Ndele ova ya kuKapernaum; ndele diva efiku lEshabata okwa ya moshinagoga, ndele ta longo. 22 Ovo ova kuminwa elongo laye, osheshi Oye okwe va longa ngaashi omunaenghonopangelo, hangaashi ovanongo vomishangwa.
23 Ndele moshinagoga yavo omwa hangika omunhu e nomhepo ya nyata, ndele ya ingida 24 tai ti: “Owa hala shike mufye, Jesus Omunasareti? Owe uya u tu hanaune po? Ondi ku shii, kutya Oove lyelye, Oove Omuyapuki waKalunga.”
25 Jesus okwe mu hanyena ndele ta ti: “Mwena, ove u dje mo muye.” 26 Omhepo ya nyata oye mu kama, ndele oya dja mo muye nokwiingida pombada. 27 Aveshe ova kumwa, ova pulafana va tya: “Oshike eshi? Elongo lipe li neenghono! Ye ota hanyene eemhepo da nyata, ndele do tadi dulika kuye.” 28 Ndele etumbalo laye la udika diva momikunda adishe domuGalilea.
29 Eshi va dja mo moshinagoga, ova ya diva meumbo laSimon naAndreas, pamwe naJakob naJohannes. 30 Ndele inamweno yaSimon okwa hangika ta vele olwiidi, ndele ve mu tonga diva kuJesus. 31 Ye okwa ya kuye, ndele okwe mu yambula keke, nolwiidi ole mu efa, ndele ye te va yakula.
32 Ndele eshi onguloshi ye uya, netango la ningina, vo ova eta kuye ovanaudu aveshe, naava ve kwetiwe keendemoni. 33 Noshilando ashishe sha ongala poshivelo. 34 Ye okwa velula vahapu ava va vela omaudu e lili noku lili, ndele okwa ta mo eendemoni dihapu, Ye ina efa eendemoni di popye, osheshi odi mu shii.
Jesus ta udifa nota velula omunaudu woshilundu
(Mat. 8:2-4Luk. 4:42-44Luk. 5:12-16)35 Nongula inene, fimbo eluwa inali tenda, Ye okwa penduka a dja mo, ndele okwa ya koima kwe likalela, ndele ta ilikana. 36 Ndele Simon naava va li naye, ove mu shikula. 37 Ndele eshi ve mu mona, ova tya kuye: “Aveshe otave ku kongo.”
38 Ndele okwa tya kuvo: “Tu yeni komikunda dopoushiinda, opo ndi ka udifile ko yo, osheshi osho tuu osho nde shi endela.” 39 Ye okwa ya ndele ta udifa meeshinagoga davo domuGalilea ashishe, ndele ta te mo eendemoni.
40 Ndele kuye okwe uya omunaudu woshilundu, ndele te mu indile a twa eengolo ndele ta ti: “Oove ngeenge wa hala, oto dulu okuyelifa nge.” 41 Jesus okwe mu fila onghenda, okwa nana eke laye, ndele okwe mu kuma, ndele ta ti: “Onda hala, yela.” 42 Oshilundu osha dja mo muye diva, ndele ye okwa yela. 43 Okwe mu kumaida nomahanyeno, okwe mu lekela diva. 44 Ndele okwa tya kuye: “Tala, ino shi lombwela nande olyelye, ndele inda u ke liulikile komupristeli, ove u ka yandjele eveluko loye oshali osho sha tongwa kuMoses, shi va ningile ondobwedi.” 45 Ndele eshi a ya pondje, okwa hovela oku shi hepaulula shili nokuudifa oshinima osho, onghee hano Jesus ina dula vali okuya moilando moipafi, ndele okwa kala koxulo poima pe likalela novanhu vokeembinga adishe ove uya kuye.
