Natu opalele yakwetu, inatu iyopalela tse yene
1 Tse mboka twa kola meitaalo, otu na okukwatha yakwetu mboka aankundi mokuhumbata omitenge dhawo, tse twaa iyopalele tse yene. 2 Kehe gumwe gwomutse no opalele mukwawo omoluuwanawa wamukwawo ngoka noku mu kokitha meitaalo. 3 Oshoka Kristus ini iyopalela ye mwene, ihe ongaashi enyolo tali ti: “Omasheko gaamboka ye ku sheke, oga gwile ndje.” 4 Oshoka ashihe shoka sha nyolwa mOmanyolo, osha nyolwa, shi tu longe, opo tu kale tu na etegameno tali zi mokwiidhidhimika notu mone omukumo, ngele tatu lesha oohapu dhaKalunga. 5 Kalunga, ngoka oluthithiya lweidhidhimiko nolwomukumo, ne mu pe oonkondo, mu kale mu na euvathano mokati keni mokulandula oshiholelwa shaJesus Kristus, 6 opo ne amuhe kumwe mu hambelele Kalunga, He yOmuwa gwetu Jesus Kristus, nomawi inaaga topoka.
Evaangeli mokati kaapagani
7 Taambathaneni ano, ngaashi Kristus e mu taamba, opo mu simaneke Kalunga. 8 Onkee ano otandi mu lombwele ngeyi kutya Kristus okwa ningi omuyakuli gwAajuda, shi holole kutya Kalunga oye omwiinekelwa. Oshoka muKristus omwa tsakanithwa omauvaneko ngoka ga pewa ootate. 9 Onkee aapagani kombinga yawo otaa hambelele Kalunga, sho e ya sile ohenda. Ngaashi enyolo tali ti:
“Onkee ano otandi ku hambelele mokati kaapagani,
ongame otandi imbile edhina lyoye.”
10 Natango enyolo tali ti:
“Nyanyukweni, ne aapagani, pamwe naahogololwa yaKalunga!”
11 Natango otaku tiwa:
“Hambeleleni Omuwa, ne aapagani amuhe.
Iigwana ayihe nayi mu imbile ehambelelo!”
12 Natango Jesaja ota ti:
“Otaku ya ngoka ta zi moluvalo lwaIsai;
Oye ta thikama, a pangele aapagani.
Oyo notaa ka kala ye mu inekela.”
13 Onkee ano Kalunga, ngoka oluthithiya lwetegameno, ne mu udhithe enyanyu alihe nombili tayi zi meitaalo lyeni, opo mu vule okukoka mokutegamena kweni koonkondo dhOmbepo Ondjapuki.
Uupenda waPaulus
14 Aamwameme, ngame mwene ondi shi shi nawa kutya mokati keni omu na uuwanawa owindji, ne omu udha oondunge notamu vulu okulongathana. 15 Ihe montumwafo ndjika ondi na uupenda oku mu nyolela, opo ndi mu dhimbuluthe kombinga yiinima yimwe. Shika onde shi ningi omolwompito ndjoka nde yi pewa kuKalunga molwesilohenda lye, 16 ndi kale omuyakuli gwaJesus Kristus mokati kaapagani. Otandi longele Kalunga mokuuvitha elaka etoye lya zi kuye, opo aapagani ya ninge eyambo lya hokiwa kuKalunga nolya yapulwa kOmbepo Ondjapuki. 17 OmolwaJesus Kristus otandi vulu ihe okwiisimanekela oshilonga shaKalunga.
18 Oshoka otandi kala owala ndi na omukumo okupopya kombinga yaashoka Kristus e shi longo moohapu nomiilonga yandje. 19 Oye okwa longo iikumithalonga niinyengandunge koonkondo dhOmbepo Ondjapuki, opo aapagani ya vulike kuKalunga. Onkee ano okuza kuJerusalem nomuushiinda sigo okuIlliriko ondu uvitha nda mana mo elaka etoye tali popi Kristus. 20 Aluhe onda kala ndi na elalakano, ndi uvithe elaka etoye pomahala mpoka apeke Kristus inaa tumbulwa po nale, opo ndaa tungile kekankameno lya fulilwa mo komuntu gulwe i ili. 21 Ngaashi enyolo tali ti:
“Mboka inaaye mu lombwelwa, otaa ka mona,
naamboka inaa uva, otaa ka uva ko.”
Edhiladhilo lyaPaulus lyokutalela po Roma
22 Iinima ya tya ngeyi oyo yi imbi ndje olwindji okuya kune. 23 Ano ngashingeyi sho itaandi imbwa we kiilonga mbyoka nde yi longo momahala ngano, naunene sho nda kala oomvula odhindji ndi na ehalo okuya, ndi mu talele po, otandi shi ningi. 24 Ondi na edhiladhilo oku mu talela po, opo ndi pite pune mondjila yandje yokuya kuSpania, nongele nde mu talele po, otamu vulu ihe okuthindikila ndje nkwiyaka. 25 Ngashingeyi otandi ka pita kuJerusalem, ndi fale omagano ngoka ga pewa aantu yaKalunga yaankoka. 26 Oshoka omagongalo agehe gomuMakedonia nogomuGreka oga tokola, ga umbe ongalo yokukwatha oohepele dhomaantu yaKalunga muJerusalem. 27 Oyo oya tokola oku shi ninga pahalo lyawo yene, oshoka oyu uvite kutya oye na oku ya kwatha. Oshoka Aajuda oya topolele aapagani omagano gopambepo, onkee naapagani wo oye na okupa Aajuda momagano gawo gopalutu. 28 Ngele nda mana okugongela ongalo ndjika, otandi ke ya faalela ekwatho ndyoka lya zi mo e tandi mu talele po ihe mondjila yandje yokuSpania. 29 Ondi shi shi kutya ngele tandi ya kune, otandi mu etele eyambeko alihe tali zi kuKristus.
30 Aamwameme, otandi mu indile omolwOmuwa gwetu Jesus Kristus nomolwohole tayi zi mOmbepo Ondjapuki: galikaneni mwa mana mo pamwe nangame koshipala shaKalunga omolwandje. 31 Galikaneni, ndi hupithwe miikaha yaantu mboka inayi itaala yomuJudea, opo wo omagano geyakulo ngoka tandi ga fala kuJerusalem, ga taambwe nawa kaantu yaKalunga yaankoka. 32 Ngele Kalunga okwe shi hala, otandi ya kune ndu udha enyanyu, ndi mone evululuko moku mu talela po. 33 Kalunga, ngoka oluthithiya lwombili yetu, na kale nane amuhe. Amen.
Elididimikilafano neudafano
1 Ndelenee fye ava twa pama, otwa pewa tu humbate oungone waava inava pama, fye tuha kale nokuliwapalela fye vene. 2 Keshe umwe womufye na wapalele mukwao oku mu yakula mouwa opo a tungwe. 3 Osheshi naKristus yo ine liwapalela Ye mwene, ndelenee ongaashi pa shangwa: “Omasheko aava have ku sheke a wila nge.” 4 Osheshi keshe eshi sha shangwa nale, osha shangelwa elongo letu, opo tu kale tu neteelelo hali di melididimiko nomehekeleko lomomishangwa. 5 Ndele Kalunga kelididimiko nokehekeleko ne mu kwafe mu kale hamu udafana pamadiladilo aKristus Jesus, 6 opo mu hambelele Kalunga, Xe yOmwene wetu Jesus Kristus, mwa twa omhango imwe nokanya kamwe akeke.
7 Tambulafaneni hano, ngaashi Kristus e mu tambula okufimanekifa Kalunga. 8 Ndele ohandi ti: Kristus okwa ninga omuyakuli waava va pita etanda omolwoshili yaKalunga, a pameke omaudaneko ootatekulu ve a pewa, 9 ndelenee oiwana yovapaani otai fimaneke Kalunga omolwefilonghenda laye, ngaashi pa shangwa:
“Ohandi ku fimaneke mokati koiwana yovapaani
nedina loye ohandi li imbile.”
10 Ndele vali omushangwa otau ti:
“Hafeni, onye oiwana yovapaani pamwe
novanhu vaye.”
11 Navali:
“Hambeleleni Omwene, onye ovapaani
amushe,
noiwana aishe nai mu hambelele.”
12 Navali Jesaja ota ti:
“Otaku di oshitutumine shaIsai,
naau ta fikama a pangele oiwana yovapaani,
ndele omuye oiwana yovapaani tai tula mo eteelelo lavo.”
13 Ndele Kalunga keteelelo ne mu yadife nehafo alishe nombili meitavelo, opo mu kale mu neteelelo linene okeenghono dOmhepo Iyapuki.
Epuniko levaengeli la etwa koshilonga shomuyapostoli
14 Ovamwatate, naame ondi shi wete shili kutya omu li po mu yadi ouwa neshiivo alishe, opo tamu dulu okupukululafana. 15 Nande ongaha onde mu shangela meenhele dimwe ndi nouladi ndi mu dimbulukife oinima ei, omolwonghenda nde i pewa kuKalunga, 16 opo ndi kale omupiya waKristus Jesus mokati kovapaani, omoilonga iyapuki yopaupristeli yokuudifa evaengeli laKalunga, opo ovapaani va ninge eyambo la wapala, la yapulwa kOmhepo Iyapuki. 17 Hano ame ondi nelitango muKristus Jesus omoshilonga shaKalunga; 18 osheshi nghi na omukumo okutonga oinima imwe oyo aike Kristus e i longa mokulongifa nge, opo a dulikife ovapaani neendjovo nonoilonga, 19 okeenghono domadidiliko nodoinyengandunge, omeenghono dOmhepo yaKalunga, ngaashi ame nda wanifa eudifo levaengeli laKristus okudja kuJerusalem nomoushiinda fiyo okuIlliriko. 20 Ndele elalakano lange mwaashi ashishe ola li: ndiha udifile evaengeli opo edina laKristus la tongwa nale, opo ndiha tungile kekanghameno lomunhu umwe e lili, 21 ndelenee ngaashi pa shangwa:
“Ava inave mu udifilwa, otave ke mu mona,
naava inava uda ko, otava ka uda ko.”
22 Onghee onda mona luhapu omaimbo okuuya kunye. 23 Ndelenee paife eshi nda mana oilonga yange koilongo inya, naashi nda ninga omido dihapu nde mu djuulukwa onde uya kunye, 24 hano ngeenge handi i kuSpania, ohandi uya kunye, osheshi nda hala ndi mu mone mokupitila punye opo ndi kwafwe kunye okufika kwinya, eshi nda hekelekwa tete mokukala mokati keni. 25 Ndelenee paife ohandi ka enda kuJerusalem omolweyakulo lovayapuki. 26 Osheshi Makedonia naAkaia ova tala sha wapala okwoongela oikwafa yeehepele dovayapuki vomuJerusalem. 27 Ovo ove shi tala sha yuka, heeno, ove shi va lile yo oikolo; osheshi ngeenge ovapaani ova tukulilwa oinima yavo yopamhepo, ovo ovanashikolo oku va kwafa oinima yokolutu. 28 Hano eshi nda wanifa oshilonga eshi, ndele nda twala kuvo oiimati ei, opo ohandi i kuSpania nokutokola punye; 29 ndele ondi shi shii, ngeenge handi uya kunye, ohandi uya nepuniko laKristus la wana pombada.
30 Ndele ohandi mu kumaida, ovamwatate, molwOmwene wetu Jesus Kristus nomolwohole yOmhepo, mu kondje pamwe naame nokwiilikanena nge kuKalunga, 31 ndi xupifwe movahenaduliko vomuJudea, neyakulo lange kuJerusalem li tambulwe nawa kovayapuki, 32 opo Kalunga ngeenge e shi hala ndi fike kunye nehafo, nondi hekelekwe pamwe nanye. 33 Ndele Kalunga kombili na kale nanye amushe. Amen.
