Etalelopo lyomukwaniilwa omukiintu gwaSheba
(1 Aak. 10:1-13)1 Omukwaniilwa omukiintu gwaSheba okwa kundana esimano lyaSalomo nokwa yi kuJerusalem e te mu pula omapulo gokanaku. Okwe ya pamwe nongundu onene yaakalele noongamelo dha humbata omilongelo dhiizimba, uuwe noshingoli oshindjishindji. Sho ya tsakanene naSalomo, okwe mu pula omapulo agehe kwa li e ga dhiladhila. 2 Salomo okwe ga yamukula agehe; kapwa li sha oshidhigu unene kuye okufatulula. 3 Omukwaniilwa omukiintu gwaSheba okwa uvu uunongo waSalomo e ta tala ombala ndjoka a tungu. 4 Okwa mono iikulya mbyoka tayi tentekwa koshitaafula, aambala ye mpoka ya kala nonkene ya yakula niizala ya zala, aayakuli yopiililo miituthi, iinuwa ye nomafikilondjambo ngoka ha yamba motempeli. Mbika ayihe oye mu mana oohapu e ta kumwa.
5 Okwa ti komukwaniilwa Salomo: “Shoka nde ku kundana moshilongo shandje, ngoye mwene nuunongo woye, oshoshili! 6 Ihe kanda li te vulu oku shi itaala, sigo nde ya nonde shi mono ngame mwene. Nani netatatata olyo ngaa inaandi uva kombinga yuunongo woye. Uunongo woye uunene u vule aantu sho taa ti. 7 Aantu mboka taye ku yakula, aanelago ngiini, mboka taa kala aluhe koshipala shoye noye na elago okuuva, sho to popi uunongo woye! 8 Hambelela Omuwa, Kalunga koye! Okwa holola kutya okwe ku hokwa, sho e ku ningi omukwaniilwa gwaIsrael, u lele medhina lye. Oshoka oku hole aantu ye Aaisraeli nokwa hala oku ya gamena sigo aluhe, okwe ku ningi omukwaniilwa gwawo, opo u popile ompango nelandulathano.”
9 Okwa pe omukwaniilwa Salomo omulongelo ngoka e gu eta: oshingoli shookilograma dhi vule omayuvi gane, niizimba oyindjiyindji nuuwe. Inaku etwa nale iizimba yilwe iiwanawa ngambyoka omukwaniilwa omukiintu gwaSheba e yi pele omukwaniilwa Salomo.
10 (Aantu yomukwaniilwa Hiram noyomukwaniilwa Salomo mboka ye eta oshingoli sha za kuOfir, oye etelele wo omiti dhomisandeli nuuwe. 11 Salomo okwa hongitha muyo iikolo yomotempeli noyomuuwa we, osho wo iiketala nuuharpa waayimbi. Iinima ya tya ngeyi inayi monika nale mevi lyaJuda.)
12 Omukwaniilwa Salomo okwa gandja komukwaniilwa omukiintu gwaSheba ashihe shoka a li e mu pula. Okwa gwedha ko ishewe omulongelo. Omukwaniilwa omukiintu naantu ye oya shuna ihe kevi lyawo kuSheba.
Uuyamba waSalomo
(1 Aak. 10:14-25)13 Salomo okwa taamba omumvo kehe oshingoli shookilograma konyala omayuvi omilongo mbali nagatatu. 14 Okwa taamba wo oompale dha futwa kaalandithi naahalithi. Aakwaniilwa Aayarabia naaleli yiikandjo yomuIsrael oye mu etele oshisiliveli noshingoli. 15 Salomo okwi ihambulithile iikandekitho iinene omathele gaali nokwa kolongitha kehe shimwe noshingoli sha ngolongwa shookilograma konyala heyali, 16 niikandekitho iishona omathele gatatu ya kolongithwa oshingoli shookilograma konyala ndatu kehe shimwe. Okwe yi pungula ayihe moshinyanga shomiti dhokuLibanon.
17 Omukwaniilwa okwa pangelitha wo oshipangelapundi oshinene. Ombinga yimwe oya li yomayego goondjamba, nonkwawo oyoshingolilela. 18 Oshipangelapundi osha li shi na iilyatelelo ihamano, nokalyatelelo koompadhi koshingoli. Osha li shi na iiyegameneno koombinga adhihe mbali nopooha dhosheegameno kehe shokwaako okwa li efano lyonime. 19 Piilyatelelo opwa li pu na omafano goonime omulongo nambali, yimwe koluha kehe lwoshilyatelelo kehe. Miilongo ayihe kamwa li oshipangelapundi sha fa shika.
20 Iitenga yaSalomo ayihe oya li yoshingoli, niiyuma ayihe moshinyanga shomiti dhokuLibanon oya li yoshingolilela. Oshisiliveli osha li kaashi na mwago muuyuni waSalomo. 21 Okwa li e na oosikepa mefuta dhe ende pamwe noosikepa dhaHiram. Momumvo omutitatu kehe odha galuka dhe etelele oshingoli, oshisiliveli, omayego goondjamba, oondjima noondhila dhoonankwe.
22 Omukwaniilwa Salomo okwa li omuyambalela nomunandunge e vule aakwaniilwa ayehe muuyuni. 23 Ayehe oye ya okupula omayele kuye, yu uve uunongo mboka Kalunga e u mu pa. 24 Shaa ngoka okwe mu etele oombalagelo — iisiliveli, oshingoli, oonguwo, omatati, iizimba, uukambe nomamulutiya. Shika osha ningwa omumvo nomumvo.
25 Omukwaniilwa Salomo okwa li e na omatala omayuvi gane gomatembakwiita noguukambe, naakawilinkambe omayuvi omulongo nagaali. Ongundu yimwe yomuyo oya kala muJerusalem, manga ombinga onene ya kala miilando yilwe. 26 Okwa li a pangele aakwaniilwa ayehe muuyuni okuza komulonga Eufrat sigo oFilistia nokongamba yaEgipiti. 27 Muuyuni we oshisiliveli osha li oshindjishindji muJerusalem sha fa evi, nomisendeli odha li wo odhindji dha fa omikwiyu muShefela. 28 Salomo okwe eta mo uukambe wa zi kuMusri nokiilongo yilwe wo.
Epangelo lyaSalomo
(1 Aak. 11:41-43)29 Iinima yilwe mondjokonona yaSalomo okuza ketameko sigo okehulilo oya nyolelwa membo lyondjokonona lyomuhunganeki Natan, momahunganeko gaAhija gwomuShilo nomomamoniko gomuhunganeki Iddo a hunganekele Jeroboam yaNebat. 30 Salomo okwa lele Israel alihe muJerusalem omimvo omilongo ne. 31 Okwa si nokwa fumvikwa moshilando shaDavid, nomwana Rehoboam okwe mu landula muukwaniilwa.
Ohamba omukainhu yaSheba tai uya okutalela po Salomo
1 Nohamba omukainhu yaSheba eshi ya kundana efimano laSalomo oye uya kuJerusalem i mu yeleke nomapulo madjuu, pamwe nongudu inene, pamwe neengamelo da humbata oinima yedimba liwa noshingoldo shihapu nomamanya mawa. Ndele yo eshi ye uya kuSalomo, oya popya naye oinima aishe ya li momutima wayo. 2 Ndele Salomo okwe mu fatululila eendjovo daye adishe. Kape na nande ondjovo imwe ya nyenga Salomo okufatulula. 3 Ohamba omukainhu Omusheba eshi a uda ounongo aushe waSalomo, ndele eshi a mona ombala oyo a tunga, 4 neendja dokoshililo shaye, naapa hapa kala omalenga aye, nonhumbi ovayakuli vomombala va unganekwa, nomidjalo davo, novapindi vaye, nomaxwikiloyambo, aa a yambela motembeli yOmwene, ye okwa kumwa shili, a kanghwa. 5 Opo nee ta ti kuSalomo: “Keshe osho nde shi ku udila koshilongo shange, oinima yoye nounongo woye, oshoshili. 6 Ndele eendjovo davo inandi di itavela, fiyo nde uya oku ndi tala nomesho ange; ndele tala, etata lomounongo woye inandi li lombwelwa. Etumbalo loye li dule osho nde shi kundana. 7 Ovanyekadi voye ovanelao, naava have ku yakula ovanelao, naaveshe hava udu ounongo wokanya koye. 8 Omwene Kalunga koye na hambelelwe, eshi e ku hokwa nokwe ku kaleka omutumba kolukalwapangelo laye ngaashi ohamba okefimano lOmwene Kalunga koye! Kalunga koye, eshi e hole Israel fiyo alushe, Ye e ku ninga ohamba u longe ouyuki naasho sha yuka.” 9 Nokwa yandja vali kohamba eekilograma omayovi ane doshingoldo noinima ihapu unene yedimba liwa nomamanya mawa. Ouhapu woinima yedimba liwa, u fike pwaayo ya etelwa ohamba Salomo kohamba omukainhu Omusheba, inai etwa vali nande efiku limwe.
10 Ndelenee ovapiya vaHiram novaSalomo, ava va eta oshingoldo sha dja kuOfir, ova eta yo omiti dihapu domisandeli nomamanya mawa. 11 Omiti domisandeli ohamba ye di hongifa oinima yomongulu yOmwene noyomombala yohamba, nouxumbafeta neenyalilo dovaimbi. Ouhapu wado inau monika nale moshilongo shaJuda.
12 Nohamba Salomo ya yandja kohamba omukainhu Omusheba ashishe osho yo ye shi hala ndele yo ye shi indila, kombada yasho ohamba Salomo ye i pa. Opo nee inya ya fikama ndele tai shuna koshilongo shayo, novapiya vayo pamwe nayo.
Oupuna netumbalo nefimano laSalomo
13 Nondjele yoshingoldo, Salomo kwe shi etelwa momudo umwe, ya li oshingoldo sheekilograma omayovi omilongo mbali nomayovi atatu, 14 ponho yaayo, Salomo a etelwa oshingoldo noshisiliveli kovashingifi hava endaenda nomeliko lovalandifi noleehamba adishe domuArabia nolomalenga omoshilongo.
15 Nohamba Salomo ya ninga oikelelifo omafele avali inene yoshingoldo sha hambulwa. Keshe oshikelelifo shinene sha hambulwa, ye shi hambulififila neekilograma heyali doshingoldo, 16 noikelelifo omafele atatu inini yoshingoldo sha hambulwa. Keshe oshikelelifo shinini ye shi hambulififila oshingoldo eekilograma nhatu. Nohamba ye i tula kongulu yomomufitu wokuLibanon.
17 Ohamba ya ninga vali olukalwapangelo linene lomayoo eendjaba nokwe li nateka noshingoldoelela. 18 Nolukalwapangelo la li li neendodo hamano nola li noshipundi shoshingoldo sheemhadi, sha pangelwa kumwe nolukalwapangelo. Ndele kombinga nombinga yolukalwapangelo kwa li oikwatelelo yomake, neenghoshi mbali da kala ofika kominghulo doikwatelelo yomake. 19 Neenghoshi omulongo nambali da li ofika keendodo hamano kombinga nombinga. Oinima ya tya ngaha inai ningwa moshilongo nande shimwe. 20 Nomaholo aeshe ohamba Salomo a li oshingoldo. Noikwatelwa aishe yOngulu yOmufitu waLibanon oyoshingoldoelela. Oshisiliveli sha talwa shihe nongushu pomafiku aSalomo. 21 Osheshi ohamba ya li i neeskepa hadi i kuTarsis pamwe novapiya vaHiram. Lumwe momido nhatu eeskepa daTarsis de uya, da li di noshingoldo noshisiliveli, omayoo eendjaba neenghima needila hadi xwaananeke omishindi.
22 Osho ngaha hano ohamba Salomo ya tumbala i dule eehamba adishe kombada yedu moupuna nomounongo. 23 Neehamba adishe domounyuni da li da hala okumona oshipala shaSalomo, di ude ounongo waye, Kalunga e u mu pa momutima waye, 24 keshe ohamba ya etela Salomo oshali: oinima yoisiliveli noyoshingoldo noikutu nomaadi omirha noinyenyepeki, neenghambe nomamula. Osho sha ningwa omudo keshe.
25 Salomo okwa li e neespana deenghambe omayovi ane nomatemba oita novalondi omayovi omulongo naavali veenghambe, nokwe va nangeka moilando yomatemba nopohamba muJerusalem. 26 Ndele ye okwa li omupangeli weehamba adishe okudja kuEufrat fiyo okoshilongo shOvafilisti nofiyo okongaba yaEgipiti. 27 Nohamba ya longa ngaha fiyo muJerusalem mwa li oshisiliveli shihapu ngaashi omamanya nomiti domisederi dihapu ngaashi omikwiyu moshilongo sha lalakana. 28 Ndele va etela Salomo eenghambe da dja kuEgipiti nomoilongo aishe.
Efyo laSalomo
29 Noinima imwe tai hepaulula Salomo, oyo yotete nayo yaxuuninwa, inai shangelwa mbela mehepaululo lomuxunganeki Natan nomexunganeko laAhia, Omusilo, nomemoniko lomumonikokule Iddo, ta popi Jerobeam yaNebat? 30 Ndele Salomo okwa pangela Ovaisraeli aveshe muJerusalem omido omilongo nhee. 31 Ndele Salomo okwa fya nokwa pakwa moshilando shaxe David. Nomona Rehabeam okwa ninga ohamba ponhele yaye.
