Aayakuli yaKalunga
1 Aamwameme, inandi vula oku mu popitha, ngaashi tandi popitha aantu mboka ye na Ombepo yaKalunga. Onde mu popitha, ngaashi te popitha aantu yopauyuni mbuka, ongaamboka uunona natango meitaalo. 2 Onde mu palutha nomahini, haniikulya ya kola, oshoka kaya li ye mu opalela. Nongashingeyi inamu adha oku yi lya, 3 oshoka natango omwa faathana naantu yopauyuni mbuka. Mokati keni omu na efupa noontamanana. Shika hasho nani tashi holola kutya omwa faathana naantu yopauyuni mbuka nomu li pankalo yawo? 4 Ngele gumwe gwomune ota ti kutya ye okwa gama kuPaulus nagumwe ota ti, okwa gama kuApollos, kamu li ngaashi aantu yopauyuni mbuno?
5 Ano Apollos olye? NaPaulus olye? Tse aayakuli ashike yaKalunga mboka ye mu wilike, sigo mwi itaale. Kehe gumwe gwomutse ota longo oshilonga she shoka e shi pewa kOmuwa. 6 Ngame onda kunu, Apollos e ta tekele, ihe Kalunga oye a menitha e ta kokitha oshimeno. 7 Ngoka ta kunu naangoka ta tekele, itaa vulu okuyelekwa naKalunga, ngoka ta kokitha. 8 Kape na eyooloko pokati komukuni nomutekeli. Kalunga ota ka futa kehe gumwe shi thike piilonga ye. 9 Oshoka otse aalongi pamwe naKalunga moshilonga she, nane omu li po epya lyaKalunga.
One wo etungo lyaKalunga. 10 Onda longo ngaashi omutungi enyakwa mokulongitha uunkulungu mboka Kalunga e u pa ndje. Onda tungu ekankameno, nagulwe okwa tungile ko. Ihe kehe gumwe oku na okukotoka, nkene e na okutunga. 11 Oshoka Kalunga oku utha kutya Jesus Kristus oye awike e na okukala ekankameno; itaku ningwa we ekankameno lilwe. 12 Aantu yamwe otaa tungitha oshingoli, yamwe oshisiliveli nayamwe omamanya ge na ondilo. Yamwe otaa tungitha iiti, yamwe omwiidhi nenge iihenguti. 13 Ndele uukolele wetungo lyomuntu kehe otau ka hololwa mesiku lyaKristus. Oshoka esiku lya tya ngaaka otali ya li na omulilo ngoka tagu ka yeleka notagu ka holola uukolele wiilonga yomuntu kehe. 14 Ngele oku na oshilonga shomuntu gwontumba sha tungilwa kekankameno ndika e tashi zi mo momulilo, nena ota ka mona ondjambi. 15 Ihe omuntu ngoka oshilonga she tashi ka pya po, ita ka mona ondjambi yasha. Omuntu a tya ngaaka ye mwene ota ka hupithwa a fa a nakulwa momulilo.
16 Kamu shi shi kutya one otempeli yaKalunga, nOmbepo yaKalunga oyi li mune? 17 Ngele oku na omuntu ta yono po otempeli yaKalunga, Kalunga ote mu yono po wo. Oshoka otempeli yaKalunga oyo ondjapuki, nane wo otempeli ye.
18 Inaku kala nando omuntu ti ifundjaleke. Ngele oku na omuntu gumwe mokati keni ta dhiladhila kutya ye oku na oondunge dhopantu, na ninge omunandungelela. 19 Oshoka shoka sha talwa kuuyuni mbuka kutya osho oondunge, osho uugoya koshipala shaKalunga. Ongashika enyolo tali ti: “Kalunga okwa kwata aanongo, manga yi iwete ya kotoka.” 20 Enyolo ekwawo otali ti: “Omuwa okwa tseya kutya omadhiladhilo gaanandunge kage na oshilonga.” 21 Inaku kala nando ogumwe ti itangele sha sha longwa kaantu; oshoka iinima ayihe oyeni: 22 Paulus, Apollos naPetrus; uuyuni mbuka, omwenyo neso, mbika yongashingeyi naambyoka yokomeho, ayihe mbika oyeni. 23 Ne oyaKristus naKristus ogwaKalunga.
Ovanaimhanga tava hanyenwa
Jesus omukangha wexupifo
1 Ndelenee ovamwatate, ame inandi dula okupopya nanye ngaashi naava vopamhepo, ndele ongaashi ovo vopambelela nongaashi ouhanana muKristus. 2 Omashinishini nde mu nwefa, haikulya ya pama, osheshi omwa li itamu i dulu, natango itamu i dulu; 3 osheshi natango nye ovopambelela. Eshi mokati keni mu nefupa neemhata, kamu fi vopambelela noitamu ende paunhu? 4 Ngeenge umwe ota ti: Ame owaPaulus, naumwe: Ame owaApollos, kamu fi vopambelela?
5 Apollos olyelye? NaPaulus olyelye? Ovo ovapiya vOmwene mwa itavelifwa kuvo, ongaashi vo va pewa kOmwene, ou oshaye naau oshaye. 6 Ame onda twika, Apollos okwa tekela, ndele Kalunga a kulika. 7 Onghee hano nakutwika nanakutekela vo kave shi sha, ndelenee oKalunga tuu ou ta kulike. 8 Ndelenee omutwiki nomutekeli ove fike pamwe; ndele keshe umwe ota pewa ondjabi yaye mwene i fike poshilonga shaye mwene. 9 Osheshi ofye ovalongi pamwe naKalunga; onye epya laKalunga, etungo laKalunga.
10 Pafilonghenda eli laKalunga nde li pewa, ngaashi omutungingulu onghulungu onda tunga ekanghameno, ndele umwe e lili ta tungile mo, ndele keshe tuu na tale nhumbi ta tungile mo. 11 Osheshi kaku na ou ta dulu okudika ekanghameno limwe olo tuu olo la dikwa, olo Jesus Kristus. 12 Hano ngeenge pe na ou ta tungile kekanghameno eli moshingoldo noshisiliveli, nokawe nomiti, nomwiidi noihati, 13 oshilonga shakeshe otashi ka holoka, osheshi efiku linya otali ke shi holola, eshi tali holoka momundilo, nomundilo otau yeleke oshilonga shakeshe umwe nhumbi sha tya. 14 Oshilonga shaau a tungila kekanghameno eli ngeenge tashi kala po, ota ka pewa ondjabi; 15 ngeenge ope na ou oshilonga shaye tashi pile mo, ota kala e nomupya; ndele ye mwene ota ka xupifwa, ndelenee ngaashi tuu okupitila momundilo.
16 Kamu shi shii nokutya, onye otembeli yaKalunga, nOmhepo yaKalunga tai kala munye? 17 Ngeenge ope na ou ta nyono po otembeli yaKalunga, oye ota nyonwa po kuKalunga, osheshi otembeli yaKalunga oiyapuki, nye otembeli ei.
18 Inapa kala nande umwe te lipukifa ye mwene. Ngeenge mokati keni omu na umwe e shi oye omunaendunge mounyuni ou, oye na ninge elai, opo a ninge omunaendunge. 19 Osheshi ounongo wounyuni ou oo oulai koshipala shaKalunga. Osheshi opa shangwa: “Ovanongo ote va yulu momakoto avo,” navali: 20 “Omadiladilo ovanongo Omwene oku a shii oo ongaho.” 21 Inapa kala hano ou te litangele ovanhu; osheshi oinima aishe oyeni, 22 nande oPaulus naApollos naKefas, ile ounyuni nomwenyo nefyo, naai yopaife ile inya yokomesho, aishe oyeni. 23 Ndelenee onye ovaKristus, naKristus owaKalunga.
