1 Ontumwafo ndjika oya zi kuPaulus, onkwatwa molwaJesus Kristus, nokomumwatate Timoteus.
Oya nyolelwa kuume nomulongi pamwe natse Filemon, 2 nokuApia, omwiitaali mukwetu omukiintu nokomukwiita mukwetu Arkippus nokegongalo ndyoka hali gongala maandjeni:
3 Esilohenda nombili yaKalunga Tate noyOmuwa Jesus Kristus nayi kale nane.
Ohole neitaalo lyaFilemon
4 Kuume Filemon, kehe ethimbo tandi galikana, ohandi ku dhimbulukwa nohandi hambelele Kalunga. 5 Oshoka ondu uvu kutya ou hole aantu yaKalunga ayehe, nondu uvu wo eitaalo lyoye, sho wi itaala Omuwa Jesus. 6 Otandi galikana kutya eitaalo lyetu limwe li tu kwathe okutseya nawa omayambeko ngoka tu ga na mokukala kwetu muKristus. 7 Mumwameme omuholike, ohole yoye oya pe ndje enyanyu olindji nomukumo, oshoka owa nyanyudha wo aantu yaKalunga ayehe.
Eindilo omolwaOnesimus
8 Onkee ano ngame nguka omumwanyoko muKristus ondi na lela uupenda oku ku lombwela shoka shi na okuningwa. 9 Ihe shoka ondi ku hole, otandi ku indile owala sha, ngame Paulus, omutumwa gwaJesus Kristus, nongashingeyi ondi li onkwatwa omolwe. 10 Otandi ku indile omolwaOnesimus, omumwandjelela muKristus, ngoka nda ningi he gwopambepo mondholongo. 11 Nale okwa li kee na sho te ku kwatha, ihe ngashingeyi oku na oshilonga kungoye nokungame.
12 Ngashingeyi otandi mu shunitha kungoye, te ya pamwe nomutima gwandje. 13 Pethimbo ndika ndi li mondholongo omolwevaangeli, onda hala ando, ndi mu kaleke pungame, opo a kwathe ndje peha lyoye. 14 Ihe inandi hala, u kwathe ndje molwokuthiminika kwandje, ndele onda hala, u shi ninge kehalo lyoye mwene. Onkee itandi ningi sha, manga inoo zimina.
15 Onesimus pamwe okwa kala kee li pungoye okathimbo okafupi kowala, opo u mu galulilwe, u kale u mu na aluhe. 16 Oshoka ngashingeyi ke li po owala omupika, ihe oku vule omupika; oye omukriste mukwetu omuholike muKristus. Oye omuholike kungame, ihe unene kungoye, ongele omupika nenge omwiitaali gwOmuwa.
17 Onkee ano ngele owa tala ndje kutya ngame okuume koye, mu taamba ngaashi to taamba ndje. 18 Ngele okwe ku ningi nayi nenge e ku lila oongunga, ayihe mbika yi pula ndje. 19 Mpaka otandi nyola po noshikaha shandje mwene: ngame Paulus, otandi dhi futu. Itashi pumbiwa, ndi ku dhimbulukithe kutya omolwokukala kwoye akuhe ou na ongunga nangame. 20 Eeno, mwiitaali mukwetu, kwatha ndje omolwOmuwa; nyanyudha ndje nenyanyu lyomuKristus!
21 Otandi nyola ndi inekela kutya oto ka ninga shoka tandi ku indile, nonda tseya kutya oto ka ninga oshindji shi vule mpoka. 22 Otandi ku lombwele ishewe, u longekidhile ndje eha maandjeni, oshoka ondi na etegameno kutya Kalunga ota ka yamukula omagalikano geni amuhe nokugalulila ndje mokati keni.
Omakundo
23 Epafras, onkwatwa pamwe nangame molwaJesus Kristus, ote mu kundile po. 24 Osho wo aalongi pamwe nangame mbaka: Markus, Aristarkus, Demas naLukas.
25 Esilohenda lyOmuwa Jesus Kristus nali kale nane amuhe.
Epistoli laPaulus kuFilemon
1 Paulus, omukwatwa waKristus Jesus nomumwatate Timoteus.
OkuFilemon omuholike, omulongi pamwe nafye 2 nokomumwameme omukainhu Appia nokomukwaita mukwetu Arkippus nokeongalo olo hali ongala meumbo loye. 3 Efilonghenda kunye nombili yaKalunga Tate yetu noyOmwene Jesus Kristus!
Eitavelo nohole ye liholola
4 Ame ohandi pandula Kalunga kange alushe moku ku dimbulukwa momailikano ange, 5 osheshi onda uda ohole yoye neitavelo loye okwiitavela Omwene Jesus nokuhola ovayapuki aveshe, 6 ohandi ilikana, eitavelo loye, olo tuu olo tu li kwete atushe, li kale la pama mokushiiva ouwa aushe ou tu u na muKristus Jesus. 7 Osheshi onda pewa ehafo linene nehekeleko molwohole yoye, osheshi omitima dovayapuki oda hekelekwa kwoove, omumwatate.
Eindilo molwaOnesimus
8 Onghee hano nande ame onda wana, muKristus, oku ku lombwela u longe eshi shi nokulongwa, 9 ndele omolwohole ohandi ku indile shaashi ndi li ngaashi ndi li, aame Paulus nda kulupa, nopaife omukwatwa nokuli waKristus Jesus, 10 ohandi ku indile molwomumwange ou nde mu dala ndi li momalyenge aa, Onesimus ou, 11 nale okwa li ehe noshilonga oku ku kwafa, ndelenee paife e noshilonga kwoove nokwaame. Ame ohandi mu shunifa. 12 Ndelenee mu tambula ngaashi omutima wange. 13 Onda li nda hala a kale pwaame, a kwafe nge ponhele yoye meemhango edi devaengeli; 14 ndelenee inandi hala okuninga sha, ndihe neitavelelo loye, opo ouwa woye uha dje mokufininika, ndelenee omehalo liwa. 15 Kashiimba ye okwa li e nokukala mwe litukuka efimbo lixupi, opo u kale u mu kwete alushe, 16 hangaashi omupika vali, ndelenee e dule omupika, ongaashi omumwaxo omuholike e holike shili kwaame ndelenee unenenene kwoove, omombelela nomOmwene.
17 Hano ngee wa tala nge aame omukweni, mu tambula ngaashi ame mwene; 18 ndele ngee e na eshi a nyona kwoove, ile e ku lila eengunga, di valulile nge. 19 Aame Paulus nde shi shanga neke lange mwene: ame ohandi ka futa, ndiha tye: Futa ove mwene; osheshi owa lila nge eengunga ove mwene. 20 Heeno, omumwatate, ngeno u kwafe nge mOmwene. Hekeleka omutima wange muKristus.
21 Ohandi ku shangele nokulineekela eduliko loye, ndi shi shii nokutya, ove oto ka longa shi dule eshi nda tonga. 22 Ndele ohandi ku lombwele yo, longele nge onhele kombuleni, osheshi ondi na eteelelo, otamu pewa nge omolwomailikaneno eni.
Omalilekelo
23 Epafras, omukwatwa pamwe naame muKristus Jesus, ote mu kundile po, 24 naMarkus naAristarkus naDemas naLukas, ovalongi pamwe naame.
25 Efilonghenda lOmwene wetu Jesus Kristus nali kale nomhepo yeni. Amen.
