Emanya li na omwenyo noshigwana oshiyapuki
1 Etheni ano uuwinayi auhe niifundja, uufudhime, efupa noohapu adhihe dhomahokolo. 2 Ihe kaleni onguuhanona mwa sa enota aluhe lyomahinihini gopambepo. Ngele tamu ga nu, otamu koko e tamu hupithwa. 3 Ongaashi enyolo tali ti: “One omwa makela uuwanawa wOmuwa.”
4 Ileni kOmuwa, okemanya li na omwenyo, lye ekelwahi kaantu ongolyaa na oshilonga, ihe Kalunga okwe li hogolola nokwe li tala li na oshilonga. 5 Ileni ongomamanya ge na omwenyo, mu igandje e tamu ningi iitungitha yotempeli yopambepo. Muka otamu ka ninga aayambi aayapuki yokuyamba omayambo gopambepo noga hokiwa kuKalunga molwaJesus Kristus. 6 Oshoka enyolo otali ti:
“Onda hogolola emanya lya simana,
ndyoka tandi li ningi ngashingeyi emanya lyokolonela muSion.
Nakehe ngoka te mu itaale,
ita sithwa ohoni.”
7 Emanya ndika oli na oshilonga oshinene kune mboka mwi itaala; ihe kumboka inaa itaala:
“Emanya tuu ndyoka aatungi ye li ekelehi,
olya ningi emanya li na oshilonga li vule agehe.”
8 Enyolo ekwawo otali ti:
“Emanya ndika otali pundukitha aantu.
Emanya ndyoka tali ya gwilitha po.”
Oyo otaa punduka, oshoka inaa itaala ohapu ndjika. Shika osho Kalunga a li e ya halela.
9 Ihe one ezimo lya hogololwa, aayambi yOmukwaniilwa, oshigwana oshiyapuki, aantu yaKalunga mwene mwa hogololwa, mu hokolole iilonga ye iinene. Kalunga okwe mu ithana mo momilema, mu ye muuyelele we uukumithi. 10 Nale kamwa li aantu yaKalunga, ihe ngashingeyi omwa ningi aantu ye. Nale omwa li inaamu tseya esilohenda lyaKalunga, ihe ngashingeyi omu li shi.
Aapiya yaKalunga
11 Aaholike, one oondjendi naakwiilongo muuyuni mbuka. Onkee otandi mu kumagidha, inamu etha, mu pangelwe kuuhalu wopantu mboka tau hindi aluhe omwenyo. 12 Kaleni wo mu na omikalo omiwanawa mokati kaapagani, opo uuna taye mu lundile kutya one aayoni, ya dhimbulule iilonga yeni iiwanawa noya ka hambelele Kalunga mesiku ndyoka te ke ya.
13 OmolwOmuwa vulikeni kepangelo kehe lyokombanda yevi: Komupangeli, ngoka e li kombanda yaayehe, 14 nokaaleli mboka ye li kohi yepangelo lye, oomboka ya tumwa okugeela aayoni nokupandula mboka haa longo uuwanawa. 15 Oshoka Kalunga okwa hala, mu mweneke okupopya kwaagoya niilonga iiwanawa. 16 Kaleni mu na emanguluko, ndele emanguluko lyeni inamu li longitha okusiikila uukolokoshi, ihe kaleni ongaapiya yaKalunga. 17 Simanekeni aantu ayehe, holeni ooitaali ooyakweni, tileni Kalunga ne mu simaneke omupangeli.
Taleni oshiholelwa shokuhepekwa kwaKristus
18 Aalelwa, vulikeni kooyene yeni ne mu ya simaneke. Inamu vulika owala kwaamboka aawanawa naanambili, ihe nokumboka wo ye na onyanya. 19 Kalunga ote ke mu yambeka, ngele tamu idhidhimikile omahepeko, naasho mwa tseya kutya shika osho ehalo lye. 20 Oshoka otashi mu kwatha shike, ngele tamu idhidhimikile omadhengo, ihe nani omwa yona? Ihe ngele tamu idhidhimikile omahepeko nuuna inaamu yona sha, nena Kalunga ote shi mu yambekele. 21 Oshoka oshinima sha tya ngeyi osho Kalunga e mu ithanene. Oshoka Kristus wo okwa hepekwa omolweni nokwe mu thigile oshiholelwa, opo mu landule ondjila ndjoka a li e yi ende. 22 Oye ina yona nando; kaku na omuntu gumwe u uvu iifundja yasha tayi zi mokana ke. 23 Ina tuka mboka ye mu tuku; naasho a hepekwa, ina sa ondjahi, ihe okwi inekele Kalunga, omupanguli omuyuuki. 24 Kristus okwa humbata oondjo dhetu komapepe ge sigo okomushigakano, opo tu vule okumanguluka muulunde, tu ninge aayuuki. One omwa aludhwa kiilalo ye. 25 Omwa li mwa fa oonzi dha kana, ihe ngashingeyi omwa galulilwa kegumbo, opo mu landule omusita nomutekuli gwoomwenyo dheni.
Okukula kwOmukriste
1 Hano liduleni owii aushe noipupulu aishe noihelele nefupa nomalwaambo, 2 nye mu hale shili ongaashi ouhanana omashini aa omeendjovo inamu ya sha, opo mu kule keenghono dao, mu xupifwe, 3 ngeenge mwa makela kutya, Omwene Oye omuwa.
4 Ileni kuye, okemanya li nomwenyo, la ekelwashi kovanhu, ndelenee la hoololwa kuKalunga, li nondilo, 5 nanye yo tungweni ngaashi omamanya e nomwenyo, mu ninge eumbo lopamhepo nongudu youpristeli ouyapuki okuyamba omayambo opamhepo a wapalela Kalunga omolwaJesus Kristus. 6 Osheshi opa shangwa momishangwa:
“Tala, Ame ohandi dikile muSion emanya la hoololwa,
omutwe u nondilo wokolonela,
nokeshe ou te mu itavele, ita ka fifwa ohoni.”
7 Hano kunye, ava mwa itavela, Oye e nondilo, ndelenee kwaavo va anya okwiitavela,
“emanya olo la ekelwashi kovatungi,
olo la ninga omutwe wokolonela,”
8 ndele:
“Emanya lepunduko
nemanya lokupundula kwaavo,”
tave lipumu kondjovo mokuhadulika, osho ve shi tulilwa po nokuli.
9 Ndelenee nye epata la hoololwa nongudu youpristeli pauhamba noshiwana shiyapuki novana vaye mwene, mu hepaulule oilonga ya fimana yaau e mu ifana mo momulaulu, mu ye mouyelele waye tau kumwifa. 10 Onye kamwa li oshiwana nale, ndelenee paife omwa ninga oshiwana shaKalunga nomwa li inamu filwa onghenda, ndele paife mwa filwa onghenda.
Likeleleni kouhalu wopambelela
11 Ovaholike, ohandi mu kumaida ngaashi ovaenda novanailongo, mu lidilike okahalu kombelela haka lwifa omwenyo, 12 ndele kaleni nokweenda muhe noshipo mokati kovapaani, opo nee eshi tave mu popile mowii ngaashi ovalongi vowii, mokutala oilonga yeni iwa va hambelele Kalunga mefiku lekongo.
Dulikeni kovapangeli
13 Dulikeni kukeshe epangelo lopanhu omolwOmwene, nge kohamba, omukulunhu waaveshe, 14 ile komalenga a tumwa kuye okuhandukila ovanyoni nokupanda ava hava wanifa ouwa. 15 Osheshi ehalo laKalunga oleli, onye mokulonga ouwa mu mweneke ovanhu omalai vehe neendunge, 16 ongaashi ovamangululwa, ndelenee hamanguluko lokulituvika nalo oulunde, ndelenee ongaashi ovapiya vaKalunga. 17 Fimanekeni aveshe, holeni ovamwatate, tileni Kalunga, fimanekeni ohamba.
Ovapiya, dulikeni pashihopaelelwa shaKristus
18 Ovapiya, kaleni nokudulika koovene veni mokutila shili, hakwaava aveke vawa ve nombili, ndelenee nokwaava ovananyanya. 19 Osheshi osho efilonghenda, ngeenge pe na ou ta humbata oudjuu omolweliudo laye la dama Kalunga, eshi ta hepekwa ina ninga sha. 20 Osheshi ope nefimano lashike, ngeenge tamu lididimike eshi hamu dengelwa omanyonauno? Ndele ngeenge tamu lididimike eshi tamu hepekelwa oilonga yeni iwa, osho onghenda koshipala shaKalunga. 21 Osheshi osho tuu eshi mwe shi ifanenwa, osheshi naKristus yo okwe mu hepekelwa nokwe mu fiila oshihopaelelwa mu shikule oshikoti shaye. 22 Oye ou ina longa oulunde washa nokwa li ehe na nande oipupulu mokanya kaye. 23 Ye ina tuka eshi a tukwa noina handuka, eshi a hepekwa, ndelenee e liyandja kwaau ta tokola sha yuka. 24 Oye ou a humbata Ye mwene omatimba etu molutu laye noku a londeka komushiyakano, opo tu longe ouyuki, eshi twa fya mo moulunde; Oye ou mwa velulwa koipute yaye. 25 Osheshi nale mwa li omwa kana mwa fa eedi, ndelenee paife omwa alukila kOmufita nokOmutekuli weemwenyo deni.
