1 Paulus, omuyapostoli gwaJesus Kristus pahalo lyaKalunga nomutumwa okuhokolola omwenyo ngoka twe gu uvanekelwa muukumwe naKristus Jesus, 2 ota nyolele omwana omuholike Timoteus.
Esilohenda, ontalanteni nombili yaKalunga Tate noyOmuwa gwetu Jesus Kristus nayi kale nangoye.
Ehambelelo nomukumo
3 Otandi hambelele Kalunga ngoka handi mu longele neiyuvo lya yela ongaashi ootate wo. Otandi hambelele, sho handi ku dhimbulukwa aluhe uusiku nomutenya momagalikano gandje. 4 Otandi dhimbulukwa oluhodhi lwoye nonda hala oku ku talela po, opo ndi nyanyukwe. 5 Itandi dhimbwa, nkene eitaalo lyoye lya kola, ongaandyoka lyanyokokulu Loide nolyanyoko Eunike. 6 Onkee ano otandi ku dhimbulutha, u longithe omagano ngoka we ga pewa kuKalunga, sho nde ku tenteke iikaha. 7 Oshoka Kalunga ine tu pa Ombepo yoku tu ninga aambanda, ihe okwe tu pe Ombepo ye yoku tu pa oonkondo, ohole neikwatonawa.
8 Ino sa ohoni okuhokolola Omuwa gwetu nangame wo, ngoka nda kwatwa omolwe. Onkee ano nangoye wo ou na ompito yokukala momahepeko omolwevaangeli, oshoka Kalunga ote ku pe oonkondo dhoku ga idhidhimikila. 9 Kalunga okwe tu hupitha nokwe tu ithana, tu ninge aantu ye, hamolwiilonga yetu, ihe opahalo nopasilohenda lye. Esilohenda ndyoka e li tu pe nale petameko lyomathimbo omolwaJesus Kristus, 10 okwe li tu hololele ngashingeyi nokuya kwOmuhupithi gwetu Jesus Kristus. Kristus okwa shundula oonkondo dheso nokwa holola mevaangeli omwenyo gwaaluhe.
11 Kalunga okwa hogolola ndje, ndi kale omuyapostoli nomulongi gwokuuvitha elaka etoye. 12 Onkee omolwevaangeli onda adhika komahepeko ngoka. Ihe inandi li sa ohoni, oshoka ondi mu shi ngoka nde mu inekela. Ondi inekela lela kutya oye ota vulu okugamena oshilonga she shoka e shi inekelela ndje, sigo esiku ndyoka te ke ya. 13 Dhiginina oohapu dhoshili ndhoka nde dhi ku longo, dhi kale oshiholelwa shoye. Kala meitaalo nomohole ndjoka tatu yi adha muukumwe naKristus Jesus. 14 Dhiginina omagano omawanawa ngoka we ga pewa koonkondo dhOmbepo Ondjapuki, ngoka e li mutse.
15 Owa tseya kutya ayehe yomoshitopolwa shaAsia, ngaashi Figelus naHermogenes, oya thigi ndje po. 16 Omuwa na sile ohenda egumbo lyaOnesiforus, oshoka oye okwa hekeleke ndje olwindji. Oye ina sa ndje ohoni, sho ndi li mondholongo, 17 ihe sho a thiki muRoma, okwa tameke okukonga ndje mbala, sigo a mono ndje. 18 Omuwa ne mu kwathe, a ka mone esilohenda koshipala shOmuwa esiku ndyoka te ke ya. Ngoye owa tseya nawalela ashihe shoka e shi ningile ndje muEfeso.
1 Paulus omuyapostoli waJesus Kristus kehalo laKalunga, paudaneko lomwenyo womuKristus Jesus, 2 okuTimoteus, omona wange omuholike.
Efilonghenda nonghenda nombili kuKalunga Tate nokuKristus Jesus, Omwene wetu!
Olupandu molweitavelo laye
3 Ame ohandi pandula Kalunga, ou handi mu longele, nghee sha dja kootatekulu neliudo la yela, ngaashi ihandi efa oku ku dimbulukwa momailikano ange oufiku nomutenya 4 mokudimbulukwa omahodi oye ondi nodjuulufi oku ku mona, opo ame ndi yadifwe ehafo, 5 eshi nda dimbulukwa eitavelo yo lomwoove lihe noihelele, olo la kala tete munyokokulu Loide nomunyoko Eunike, ndele ondi shi shii shili, oli li yo mwoove. 6 Onghee hano ohandi ku dimbulukifa u xwameke oshalinghenda yaKalunga, ei we i pewa, eshi nde ku tenheka omake ange. 7 Osheshi Kalunga ine tu pa omhepo youmbada, ndelenee oyeenghono noyohole noyelididimiko.
8 Hano ino fya ohoni okuhepaulula Omwene wetu, naame omumangwa waye, ino fya nge ohoni, ndelenee tu humbate kumwe oudjuu omolwevaengeli paenghono daKalunga, 9 ou e tu xupifa nokwe tu ifana neifano liyapuki hamolwoilonga yetu, ndelenee opamhangela yaye mwene nopafilonghenda eli fye twe li pewa oshali muKristus Jesus manga ounyuni inau hovela, 10 ndelenee ola hololwa paife okeholoko lOmukulili wetu Kristus Jesus, ou a hanauna po efyo nokwa eta pouyelele omwenyo nokuhaxulapo, okevaengeli, 11 omolwalo nda tulwa po omuudifi nomuyapostoli nomulongi. 12 Olo tuu eli handi hepekelwa ngaha, ndelenee itandi fi ohoni, osheshi ame ondi mu shii ou nde mu lineekela, ndele ondi shi shii shili, Oye oku neenghono dokutuvikilila nge oshipewa shange fiyo okefiku linya. 13 Diinina oshihopaelelwa sheendjovo odo diwa we di uda kwaame meitavelo nomohole, oyo i li muKristus Jesus. 14 Oshipewa osho shiwa we shi pewa shi diinina mOmhepo Iyapuki, tai kala mufye.
15 Ove ou shi shii nokutya, aveshe ava ve li muAsia ova fiya nge po, ngaashi Figelus naHermogenes. 16 Omwene na file eumbo laOnesiforus onghenda, osheshi luhapu a hekeleka nge, ye ina fya ohoni omalyenge ange. 17 Ndelenee eshi e uya kuRoma, okwa konga nge unene nokwa mona nge. 18 Omwene ne mu kwafe, ye na mone onghenda kOmwene mefiku linya. Oove mwene u shi shii nawa, nhumbi ye a yakula nge shili muEfeso.
