Epangulo lyaBabilonia
1 Omuwa ota ti: “Otandi ka tukulutha ombepo yehanagulo, yi kondjithe Babilonia naLeb-Kamai. 2 Otandi ka tuma aakwiilongo ya hanagule po Babilonia ya fa ombepo tayi pepe po etutu. Esiku ndyoka lyehanagulo uuna nali thiki, otaye ke shi homona taa ziilile koombinga adhihe notaa mbugaleke oshilongo. 3 Inamu pa oondjumbeta dhasho ompito okulukila omatati gadho nenge dhi homate omahwahwa gadho. Inamu hupitha ko aagundjuka. Etangakwiita alihe okomupeshe! 4 Otaa ka ninga oomwahe nokusila momapandaanda giilando yawo. 5 Ngame, Omuwa, Kalunga Omunankondoawike, inandi etha Israel naJuda, nando oya yono kungame, Omuyapuki gwaIsrael. 6 Tembukii mo muBabilonia! Ka holekeni okafudho keni! Inamu dhipagelwa uulunde wAababilonia! Ongame mwene tandi ikwatele ko noku shi geela ngaashi shi ilongele. 7 Babilonia osha li sha fa oshitenga shoshingoli miikaha yandje; osha kolitha uuyuni auhe. Iigwana oya kolwa komaviinu gasho noya pwidhuka moondunge dhayo. 8 Babilonia osha teka po ohaluka nosha hanagulwa po. Shi lileni! Shi gwayekeni omuti piilalo yasho, pamwe tashi vulu okwaaludhwa. 9 Aakwiilongo mboka ya kala mo, oya ti: ‘Otwa kambadhala okukwatha Babilonia, ihe ethimbo olya pu po. Tu tembukii mo, tu shune kaandjetu. Kalunga okwa geela Babilonia noonkondo dhe adhihe nokwe shi hanagula po thiluthilu.’ ”
10 Omuwa ota ti: “Aantu yandje taa kugu taa ti: ‘Omuwa okwa holola kutya otu li mondjila. Tu yeni tu ka lombwele aantu muJerusalem shoka Omuwa Kalunga ketu a ningi.’ ”
11 Omuwa okwa sikumudha aakwaniilwa yaMedia, oshoka okwa dhiladhila a hanagule po Babilonia. Ota ka polithila ondjahi ye musho omolwehanagulo lyotempeli ye.
Oondjayi dhiita otadhi igidha: “Upikeni iikuti yeni, kutheni omahuuyanza! 12 Yelutheni epandela lyokuponokela omadhingililokuma gaBabilon! Indjipalekeni aatonateli! Langekeni aapekapeki! Tuleni aantu miilangela!”
Omuwa ota gwanitha shoka a tile, ote shi ningile Aababilonia. 13 Oshilongo shoka oshi na omilonga odhindji nomaliko ogendji, ihe ethimbo lyasho lya pu po, nongodhi yasho yomwenyo ya tokoka. 14 Omuwa Omunankondoawike okwa gana momwenyo gwe kutya ote eta aantu oyendji, ya ponokele Babilonia ya fa oshiluku shoombahu, oyo notaa kugilile kenyanyu lyekandanga.
Ondjimbo yokuhambelela
15 Omuwa okwa shiti evi koonkondo dhe;
nokuunongo we okwa umbu uuyuni nokwa alele omagulu.
16 Okoohapu dhe omeya gomeyalelo taga ndunduma;
ote eta iikogo okuza kooha dhevi.
Ota shelitha oombadhi miikogo,
nota tumu ombepo tayi zi moompungulo dhe.
17 Omuntu kehe omugoya noke na ontseyo;
mboka haa hongo iimenka, oya thethelekwa,
oshoka iimenka mbyoka ya hambula,
oyiifundja nokayi na omwenyo.
18 Oyo iinima yowala noyi na okudhinika;
otayi ka hanagulwa po,
Omuwa ngele te ya e yi pangule.
19 Kalunga kaJakob ine yi fa;
oye ngoka a shiti ayihe,
nokwa hogolola Israel a ninge oshigwana she mwene.
Omuwa Omunankondoawike olyo edhina lye.
Osilwa yOmuwa
20 Omuwa ota ti:
“Babilonia, ngoye osilwa yandje,
omatati gandje miita.
Onde ku teyitha po iigwana niilongo,
21 u tunte uukambe naakayili yawo,
u tunte omatembakwiita naahingi yago,
22 u dhipage aasamane naakulukadhi,
u tsele aakuluntu naanona,
u kombe po aamati naakadhona,
23 u kutule aasita niimuna yawo ominino,
u ndande aapululi noonani dhawo,
u mbandule omalenga naambala.”
Babilonia tashi geelwa
24 Omuwa ota ti: “Otamu ka mona ndje tandi galulile Babilonia naantu yasho uuwinayi mboka ye u ningile Jerusalem. 25 Babilonia, owa fa ondundu tayi hanagula po uuyuni auhe, ihe ngame, Omuwa, ongame omutondi gwoye. Otandi ke ku kwata, noku ku yelekanitha nevi e tandi ku thigi momutoko. 26 Mungoye itamu kuthwa we emanya tali longithwa metungo. Oto ka mbugala sigo aluhe. Ongame, Omuwa, nda popi.
27 “Yelutheni epandela, mu homone! Hikeni enkuma, opo iigwana yi uve ko! Dheulileni iigwana iita yokukondjitha Babilonia! Lombweleni aakwaniilwa yaArarat, Minni naAshkenas, ya homone. Langekeni ondjayi yokuwilika eponokelo. Eteni po uukambe wa fa oshiluku shoombahu. 28 Dheulileni iigwana iita yokukondjitha Babilonia. Tumeni mu hiye aakwaniilwa yaMedia, aawiliki nomalenga gawo nomatangakwiita giilongo ayihe mbyoka taye yi pangele. 29 Evi otali kakama notali imanana, oshoka Omuwa ota gwanitha omadhiladhilo ge, a mbugaleke Babilonia, kaamu kale we nando omuntu. 30 Aakwiita Aababilonia oye etha okukondja, otaa kala momapopilongulu gawo. Oya kanitha omukumo; oya fa aakulukadhi. Omiyelo dhoshilando odha teywa po, nomagumbo ga tomekwa omulilo. 31 Aatumwa ya tsatsakana otaa matukile komukwaniilwa gwaBabilonia, ye mu lombwele kutya omiyelo dhoshilando odha teywa po koombinga adhihe. 32 Aatondi oya kwata po onkondo yomulonga noya tomeke omapopilongulu omulilo. Aakwiita Aababilonia oya haluka. 33 Ohaluka aatondi taye ya hata pevi e taye ya lyatagula ya fa iilya polupale. Ongame, Omuwa Omunankondoawike, Kalunga kaIsrael, nda popi.”
34 Omukwaniilwa gwaBabilonia okwa keke po Jerusalem
e te shi li po.
Okwa koona oshilando sha fa ombiga;
okwe shi ndhilagula po a fa evukule.
Okwa yugu po shoka a hala
e te ekelehi iihupe.
35 Aasioni naa tye:
“Babilonia nashi geelwe
molwiikolokosha she yi tu ningile.”
Aajerusalem naa tye:
“Babilonia nashi geelwe
molwashoka she tu hepeke.”
Omuwa ota kwatha Israel
36 Omuwa okwa lombwele Aajerusalem ta ti: “Otandi ke mu popila moontamanana dheni e tandi ka galulila aatondi yeni shoka ye mu ningile. Otandi ka pwinika oonza dhomeya gaBabilonia, omilonga dhasho otadhi ka kukuta. 37 Oshilongo shoka otashi ka ninga ondumba yomakulukuma, moka tamu kala iithitukuti. Otashi ka ninga ehaluthitho; kamu na omuntu ta ka kala mo, noshaa ngoka te shi mono, ota ka haluka. 38 Aababilonia ayehe otaa ndunduma ya fa oonime notaa gono ya fa uunkoshigona. 39 Aafukedhi ano? Otandi ke ya hangela oshituthi e tandi ya kolitha ya nyanyukwe. Otaa ka kotha e taa kothelele. 40 Otandi ke ya fala koshidhipagelo, ya ka kutulwe ominino ya fa oonzigona, iikombo noonzi. Ongame, Omuwa, nda popi.”
Oshiponga shaBabilon
41 Omuwa ota popi Babilon ta ti: “Oshilando shoka sha li hashi tangwa kuuyuni, otashi kwatwa po! Babilon otashi ningi emoniko lyehalutho momeho giigwana. 42 Efuta otali kungulukile Babilon e tali shi siikile nomakuthikuthi taga pupu. 43 Iilando otayi ningi ontale, ombuga ya kalanda yaa na omeya. Kaku na we aantu taa kala mo nenge taa pitile mo. 44 Otandi ka pangula Bel muBabilonia noku mu ethitha iinima e yi yugu po; iigwana itayi ke mu longela we.
“Omadhingililokuma gaBabilon oga kumuka po. 45 Aaisraeli, zii mo musho. Fadhukii po, mu ka holeke oomwenyo dheni kuupyundjahi wandje. 46 Inamu tyololoka nenge mu tile molwomitoto ndhoka tamu kundana. Omumvo kehe omutoto ogwi ili tagu taandelithwa — omitoto dhiikolokosha moshilongo, aakwaniilwa sho taa kondjithathana. 47 Onkee ano tandi ti, ethimbo otali ya, uuna tandi ka geela iimenka yaBabilonia. Oshilongo ashihe otashi ka sithwa ohoni, naantu yasho ayehe otaa ka dhipagwa. 48 Shaa shoka kombanda yevi nomegulu otashi ka ligola, uuna Babilonia tashi hanagulwa po kaantu mboka taa ziilile kuumbangalantu. 49 Babilonia osha dhipagitha aantu akuhe muuyuni. Ngashingeyi Babilonia otashi teka po, oshoka osha dhipagitha Aaisraeli oyendji. Ongame, Omuwa, nda popi.”
Elaka lyOmuwa kAaisraeli muBabilonia
50 Omuwa ota lombwele aantu ye muBabilonia ta ti: “Omwa hunuka meso! Indeni! Inamu dhikala! Nando omu li kokule negumbo, dhimbulukwii ndje, Omuwa gweni, ne mu tedhe Jerusalem. 51 Otamu ti: ‘Otwa sithwa ohoni notwa gugwa; otu uvite twaa na omwago, oshoka aakwiilongo oya kwata po omahala omayapuki motempeli.’ 52 Onkee ano tandi ti, ethimbo otali ya, uuna tandi ka geela iimenka yaBabilon, noomwahe otadhi ka tongagana noshilongo ashihe. 53 Babilon nando oshi vule okulonda kegulu e tashi itungile ko epopilongulu, otandi ka tuma ko aantu ye shi hanagule po. Ongame, Omuwa, nda popi.”
Babilon ta yonwa po
54 Omuwa ota ti:
“Pulakena, oku na onkugo tayi zi muBabilon,
elilagano omolwehanagulo moshilongo.
55 Otandi hanagula po Babilon,
otandi shi mweneke thiluthilu.
Omatangakwiita otage shi ulumine
ga fa omakuthikuthi taga pupu,
notage shi nukile noshihomo sheigidho.
56 Oye ya okuhanagula po Babilon;
aakwiita yasho otaa kwatwa po,
nomatati gawo taga teywa po.
Ongame Kalunga tandi geele uuwinayi,
notandi ningi Babilon, ngaashi shi ilongele.
57 Aaleli yasho otandi ya kolitha —
aanongo, aawiliki naakwiita.
Otaa ka kotha e taa kothelele.
Ngame, omukwaniilwa, nde shi popi,
ongame Omuwa Omunankondoawike.
58 Omadhingililokuma gaBabilon oshinankondo otaga ka kumunwa po,
nomiyelo dhasho dhoondungululu tadhi ka fikwa po.
Iigwana otayi ivulitha miilonga yaa na omupondo;
oonkambadhala dhayo otadhi yi momulilo.
Ongame, Omuwa, Omunankondoawike, nda popi.”
Elaka lyaJeremia tali tumwa kuBabilon
59 Seraia yaNerija, omutekulu gwaMakseja, okwa li elenga lyomekolo lyomukwaniilwa Sedekia. Momumvo omutine Sedekia sho a li omukwaniilwa gwaJuda, Seraia okwa yi kuBabilonia pamwe naye, nonde mu pe omakumagidho gamwe. 60 Onda nyolele membo ehokololo alihe tali ka adha Babilonia naayihe ya pamba Babilonia. 61 Onda lombwele Seraia nda ti: “Nge wa thiki kuBabilon, dhimbulukwa okuleshela aantu mokule ashihe nde shi nyola. 62 Galikana ihe u tye: ‘Omuwa, owa ti, oto yono po ehala ndika, opo mulyo mwaa kale nando oshishitwa, omuntu nenge oshinamwenyo, notali ningi ombuga sigo aluhe.’ 63 Seraia, nge wa hulitha okuleshela aantu embo ndika, li mangela kemanya e to li umbile momulonga Eufrat 64 e to ti: ‘Babilonia osho tashi ka ningwa ngeyi — otashi ka kopita noitashi anduka ko we, omolwehanagulo ndyoka Omuwa te li shi undulile.’ ”
Oohapu dhaJeremia odha hulile mpaka ihe.
Babilon tashi ka teywa po
1 Omwene ota ti ngaha: Ame ohandi ka pendulila Babilon noonakukalamo muLeeb-Kaamai omhepo yomuhanauni. 2 Ndele handi ka tumina Babilon ovayeli tave shi yele. Noshilongo shasho otave shi pupula, osheshi tave ke shi totela noku shi dingilila keembinga adishe mefiku lomupya. 3 Omulukili wouta na lukilile outa waye omulukili, naau ta tuwalala moshikutu shaye shoshivela. Inamu xupifa ovamati vavo. Oita yavo aishe i maneni po sheke.
4 Eendjashe tadi ka wila moshilongo shOvakaldea naava va tuwa omomapandavanda asho. 5 Osheshi Israel naJuda inava efiwa kuKalunga, Omwene womatanga ovakwaita, ndelenee oshilongo shavo shi yadi omatimba koshipala shOmuyapuki waIsrael.
6 Djeni mo onhapo muBabilon! Keshe umwe na xupife omwenyo waye, muha nyonauninwe oulunde washo. Osheshi efimbo eli olo efimbo longhone yOmwene, ote shi alulile pailonga yasho. 7 Babilon osha li eholo loshingoldo meke lOmwene, olo la kolwifa edu alishe. Oiwana aishe ya nwa omaviinyu asho, onghee hano oiwana aishe ya pwiduka. 8 Ohaluka Babilon osha teka po nosha hanauka po. Shi lilileni! Ouyehame washo u kongeleni omuti womaadi abalsam. Kashiimba tashi veluka. 9 Fye otwa hetekela okuvelula Babilon, ndelenee inashi veluka. Shi efeni, tu yeni, keshe umwe koshilongo shavo. Osheshi epangulo lasho tali fiki fiyo okeulu notali hange fiyo okoilemo. 10 Ouyuki wetu Omwene e u eta poluhaela. Ileni, tu ka udifile muSion oilonga yOmwene, Kalunga ketu!
11 Upikeni oikuti! Kwateni oikelelifo! Omwene okwa pendula omhepo yeehamba domuMedia. Osheshi Ye okwa diladila a hanaune po Babilon. Osheshi eshi onghone yOmwene, e shi handukilila otembeli yaye. 12 Eehotekuma daBabilon di dikileni epandela! Hapupalifeni ovanangeli. Pamekeni ovanangeli, longekideni oikulo! Osheshi eshi Omwene e shi diladila ote shi ningi yo, ashishe osho e shi tongela oonakukala muBabilon, ote shi wanifa. 13 Woo oove, u li pomeva manene, oshipuna shomamona, exulilo loye ola fika. Okunyeka kwoye kwa xula po. 14 Omwene womatanga ovakwaita okwa ana muye mwene: Oshili, Ame onda hala oku ku yadifa ovanhu vahapu ve fike poshipaxu. Vo otave ke ku yelulila eingido lehafo.
15 Oye ou a shita edu neenghono daye nokwa pameka ounyuni nounongo waye, eulu e li valela nomayele aye. 16 Nge ta ndunduma, oshihomo shomeva otashi udika keulu, ndele Ye ota menifa oilemo yokominghulo dedu, ta shelifa omaluvadi, ndele ta eta po odula, ndele ta pepifa mo omhepo momalimba ayo. 17 Keshe omunhu a ninga elai ke neshiivo. Keshe omuhambwidi woshingoldo ta lengaifwa molwoshitelekwafano shaye. Oshitelekwafano shaye oipupulu ndele shihe nomwenyo. 18 Ovo oikalunga yongaho, oihongwanima yoiyolifa mefimbo lokuhandukilwa kwavo otai pepuka po. 19 Ndelenee oshitukulwa shaJakob inashi fa ei. Osheshi Omwene Oye Omushiti waaishe, naIsrael oye epata lefyuululifwa laye, Omwene womatanga ovakwaita olo edina laye.
20 Oove ohamala yange noshilwifo shange.
Ohandi ku nyanyaulifa oiwana,
ohandi ku tokekifa omauhamba.
21 Ndele ohandi ku nyanyaulifa eenghambe novalondi vado
ndele ohandi ku nyanyaulifa etemba loita nomushingi walo.
22 Ndele ohandi ku nyanyaulifa omulumenhu nomukainhu.
Ohandi ku nyanyaulifa omukulupe nomunyasha.
Ohandi ku nyanyaulifa omumati nokakadona.
23 Ndele ohandi ku nyanyaulifa omufita noimuna yaye.
Ohandi ku nyanyaulifa omunamapya neenani daye mbali.
Ohandi ku nyanyaulifa ovapangeli novakulunhu.
24 Ndelenee omoipafi yeni ohandi ka alulila Babilon noonakukalamo aveshe muKaldea owii oo aushe ve u longa muSion, Omwene osho ta ti.
25 Tala, Ame ohandi ku totele, oove omhunda ohanauni, Omwene osho ta ti, ove ou ho hanauna edu alishe. Ndele Ame ohandi ke ku yelulila eke lange, ndele handi ku undula ko komhunda, ndele handi ku ningi omhunda ya lungwina po. 26 Ndele mwoove itamu ka kufwa nande emanya lomutwe wokolonela ile emanya lekanghameno. Osheshi ove oto ka kala ofuka fiyo alushe, Omwene osho ta ti. 27 Yeluleni epandela medu! Shikeni enghuma mokati koiwana! Oiwana nai yapulwe oku shi kondjifa. Ifaneni omauhamba aArarat naMinni naAskenas. Hoololeni ondjai oku shi kondjifa. Eenghambe nadi fikame ngaashi oshipaxu shomalududi! 28 Shiveni oiwana, eehamba domuMedia, omalenga novakulunhu aveshe vomusho, nedu alishe li nepangelo alishe noku shi kondjifa. 29 Opo nee edu otali ka kakama ndele tali linyenge kouyehame, osheshi omadiladilo Omwene, e a diladilila Babilon taa wanifwa, Babilon opo te shi ningi ofuka, shihe novanhu. 30 Ovaladi vaBabilon ova efa okulwa va fyaala meehotemanya. Eenghono davo da pwa po, va ninga ovakainhu. Eengulu dasho ve di xwika po noiyedelifo yasho ya teywa po. 31 Omutondoki ota shakeneke omutondoki mukwao. Omutumwa ota shakeneke omutumwa mukwao. Vo va ka shiivifile ohamba yaBabilon, oshilando shaye ashishe sha teywa po keembinga adishe. 32 Oiyau ya nangalwa, omadiva a xwikwa po, ovakwaita va haluka ashike.
33 Osheshi Omwene womatanga ovakwaita, Kalunga kaIsrael ta ti: Omona okakadona Babilon okwa foshipale mefiku olo tashi palwa. Okafimbo kongaho natango, efimbo leteyo laye otali fiki kuye. 34 Oonakukala muSion osho nava tye: “Nebukadnesar, ohamba yaBabilon, okwa lya nge po, okwa hanauna nge po, okwa efa nge ngaashi oshiyuma shihe nasha. Ye okwa pona nge ngaashi ongadu, nokwa kutifa edimo laye neendja dange dinyenye nokwa kandula nge po. 35 Okuhepekwa kwange nonhumba yange ya tosholwa, nai kale kombada yaBabilon.” Jerusalem ta ti: “Nohonde yange nai uye kombada yaava ve li muKaldea.”
36 Onghee nee Omwene ta popi ngaha: Tala, Ame ohandi ku yukifile eendjovo doye, ndele handi va handukile ponhele yoye. Omulonga waye ohandi u pwininike nofifiya yaye ohandi i kukutike. 37 Ndele Babilon otashi ka ninga onduba yomamanya, onhele youvandje noshinima shoixuna yongaho noshodino shihe noonakukalamo.
38 Aveshe kumwe ohava kumbu ngaashi onghoshi yonyasha, tava ono ngaashi eenghoshona. 39 Eshi va duka molwisho lwavo, ohandi va telekele oitendele nohandi va kolwifa, opo va hafe ndele tava ka kofelela, itava penduka vali fiyofiyo, Omwene osho ta ti. 40 Ame ohandi ke va undulila koshidipaelo ngaashi eedjona, ngaashi eedi pamwe noikombo. 41 Sesak, oshifimanekwa shounyuni aushe osha teywa ngahelipi! Babilon osha ninga ngahelipi oshinima oshikumwifa mokati koiwana aishe! 42 Efuta le litumba kombada yaBabilon, omakufikufi alo e shi tuvika. 43 Oilando yasho ya ninga ofuka, ya ninga edu la kukuta, ya ninga omuulu, edu omu muhe novanhu, ndele itapa endwa komona womunhu nande umwe. 44 Bel yomuBabilon ohandi mu handukile ndele handi ka shila mokanya kaye osho e shi pona, ndele oiwana itai ka tondokela vali kuye. Neehotekuma daBabilon tadi ngumauka po yo. 45 Djeni mo musho, onye ovanhu vange! Keshe umwe na xupife omwenyo waye kehanyo lehandu lOmwene. 46 Ndelenee omitima deni inadi kala da tyololoka, nye muha tilifwe komutoto tau ka udika moshilongo, eshi momudo umwe omutoto ou tau uya, ndele momudo mukwao taku uya vali umwe, ndele oukolokoshi u li moshilongo, nondubo pokati kovapangeli. 47 Onghee hano tala, omafiku otae uya, eshi ohandi ka handukila oihongwafano yomuBabilon nedu lasho alishe tali ka fifwa ohoni novadipawa valo tava ka wila mokati kalo. 48 Opo nee eulu nedu naashishe eshi shi li mo otashi ka hafela osho tashi hange Babilon, osheshi koumbangalanhu taku di ovanyonauni vasho, Omwene osho ta ti. 49 Ndele Babilon yo oshi nokuteka po, onye ovadipawa vaIsrael, ngaashi ovo va dipawa omolwaBabilon va wila nedu alishe. 50 Onye ava mwa xupa keongamukonda, djeni po, inamu kanghama! Dimbulukweni Omwene medu lokokule! Kaleni nokudiladila Jerusalem momitima deni. 51 Fye otwa fifwa shili ohoni, osheshi otwa li tu nokupwilikina omasheko; ohoni ya tuvika oshipala shetu, osheshi ovanailongo ova nangala eenhele diyapuki dongulu yOmwene.
52 Onghee hano, omafiku tae uya, Omwene osho ta ti, oihongwafano yasho ohandi ke i handukila. Ndele oshilongo shasho tashi ka yada okukema kweendjashe. 53 Babilon nande na londe keulu, nonande na lepeke nokupameka ohotengulu yaye, mwaame otamu di ovahanauni vasho, Omwene osho ta ti. 54 Pwilikina, onghuwo tai kuu muBabilon! Eweelelo linene lomahanauno moshilongo shOvakaldea! 55 Osheshi Omwene ota hanauna po Babilon, ndele ta pupula mo eweelelo linene. Omakufikufi avo taa ngungumana ngaashi omeva manene, oshihomo sheendaka davo oshinene unene. 56 Osheshi omuhanauni ote shi totele, ota totele Babilon. Novaladi vasho otava ningi eenghwate, omauta avo otaa teyaulwa po, osheshi Omwene Oye Kalunga kehandu. Heeno oshili, Oye ota ka handuka nokuhandukilila. 57 Ndele omalenga novanongo novapangeli novakulunhu novakwanyati vasho ohandi ke va kolwifa, ndele otava ka kofelela fiyofiyo, itava penduka vali, ohamba osho tai ti, edina layo Omwene womatanga ovakwaita.
58 Omwene womatanga ovakwaita ota ti ngaha: Ohotekuma inene yaBabilon otai ngumunwa po fiyo okomakanghameno, omivelo dasho dile otadi ka xwikwa po nomundilo. Osho ovanhu tava longo oshimha noiwana tai longele omundilo, ndele tai lilolola.
59 Ondjovo oyo tuu ei omuxunganeki Jeremia e i lombwela Seraja yaNeria yaMaasea, ou a dja po pamwe naSedekia, ohamba yaJuda, momudo omutine wepangelo laye a ya kuBabilon. Seraja okwa li omwene weenhanda. 60 Ndele Jeremia okwa shanga momushangwatonywa oiponga aishe tai ka hanga Babilon, eendjovo adishe odo da shangelwa Babilon. 61 Ndele Jeremia okwa lombwela Seraja ndele ta ti: “Ove ngeenge to fiki kuBabilon, kala u shi shii kutya, eendjovo odo adishe ou noku di lesha, 62 ove u tye: ‘Omwene, Ove wa popya onhele ei, u i nyone po, muha kale nande onakukalamo, omunhu ile oshimuna, ndelenee shi nokukala ombuwa yongaho fiyo alushe.’ 63 Ndele eshi wa mana okulesha omushangwatonywa ou, u mangela emanya ndele to u ekele momulonga waEufrat, 64 ove u tye: ‘Osho ngaha naBabilon yo tashi ka ningina mo, ndele itashi ka djuuka mo vali moshiponga omo Ame ohandi ke shi undulila.’ ”
Eendjovo daJeremia opo da xulila opo.
