Jakob ta yi Laban ontuku
1 Jakob okwa kundana kutya aana yaLaban aamati otaa ti:
“Jakob okwa kutha po iinima yatate ayihe. Uuyamba we auhe owatate.” 2 Sho a tala oshipala shaLaban, kasha li sha fa ohela nuunambo, sho a li e na ombili. 3 Omuwa okwa lombwele Jakob a ti: “Shuna koshilongo shooho nokaakweni, otandi kala pamwe nangoye.”
4 Jakob okwa tumine Rakel naLea elaka, ya ye kuye kiimuna kelundu. 5 Okwa ti kuyo: “Sho nda tala ho, ke na ombili nangame, ngaashi ha kala shito, ihe Kalunga katate oku li pungame. 6 Ne amuhe omu shi shi, nkene nda longele ho noonkondo dhandje adhihe. 7 Ndele okwa kotokele ndje nokulundulula ondjambi yandje lwomulongo. Ihe Kalunga ine mu pitika, a monithe ndje oshiponga. 8 Shampa Laban a ti: ‘Iikombo yuutotono otayi ka ninga ondjambi yoye,’ likombo ayihe otayi vala owala uukombwena wuutotono. Uuna ta ti: ‘Iikombo yiiyala otayi ka ninga ondjambi yoye,’ iikombo ayihe otayi vala uukombwena wiiyala. 9 Kalunga okwa kutha ho iimuna e te yi pe ndje.
10 “Pethimbo lyeepepelo lyiimuna onda yaguma ndi wete iikombo iitsezi mbyoka ya li tayi epepele, ya li yi na iiyala, iimbathi nuutotono. 11 Omuyengeli gwaKalunga okwa lombwele ndje mondjodhi a ti: ‘Jakob!’ Onda yamukula: ‘Ee.’ 12 Okwa tsikile a ti: ‘Tala ko, iikombo ayihe iitsezi mbyoka tayi epepele, oyo oyi na iiyala, iimbathi nuutotono. Otandi ningi ngeyi, oshoka ondi wete Laban shoka te ku ningile. 13 Ongame Kalunga ngoka nde ku ihololele puBetel, hoka wa yapula emanya li ninge endhindhiliko, sho wa tilile ko omagadhi gooholivi nowa ganene ndje. Ngashingeyi thikama, u shune kevi lyaandjeni hoka wa valelwa.’ ”
14 Rakel naLea oya yamukula Jakob ya ti: “Tse katu na we uuthiga washa putate. 15 Ote tu ngwandjagula twa fa aayeni. Okwe tu landitha po nokwa hepitha owala iimaliwa mbyoka a futa molwetu. 16 Eliko alihe ndika Kalunga e li kutha tate, olyetu nolyaana yetu. Ninga ano shoka Kalunga e ku lombwele.”
17 Jakob okwa londeke oyana naakadhi koongamelo, 18 e ta faalele iimuna ye ayihe naashihe shoka a likola muMesopotamia. Osho a zi po, a ka shune kuhe Isak kevi lyaKaanan. 19 Laban okwa adhika a ka kulula oonzi dhe. Manga a li hoka, Rakel okwa yaka po iimenka yomegumbo lyahe. 20 Jakob okwa kotokele Laban Omuaramea, ine mu lombwela nando kutya ye ota yi. 21 Okwa gongele iinima ye ayihe e ta yi neulumo. Okwa tokola omulonga Eufrat e ta yi u uka koshilongo shokoondundu dhaGilead.
Laban ta landula Jakob
22 Omasiku gatatu sho ga piti po, Laban okwa lombwelwa kutya Jakob a yi ontuku. 23 Laban okwa kutha aantu ye e ta landula Jakob. Konima yomasiku gaheyali okwe mu adha moshilongo shokoondunda dhaGilead. 24 Uusiku tuu mboka Kalunga okwe ya kuLaban mondjodhi e ta ti kuye: “Kotoka, waa ende Jakob nayi.” 25 Jakob okwa adhika a yungu ontanda ye kondundu, naLaban okwa yungu ontanda ye koshilongo shokoondundu dhaGilead pamwe naantu ye. 26 Laban okwa ti kuJakob: “Omolwashike wa kotokele ndje e to kutha po aamwandje ya fa aakiintu ya kwatwa po kiita? 27 Omolwashike wa kotokele ndje e to iyaka po inoo lombwela ndje? Ando owa li wa laleke ndje, ando nde ku thindikile mondjila yoye nondigolo nokwiimba nokuhika oontunda nuuharpa. 28 Inandi pitikwa ndi laleke aatekulu yandje naamwandje nethipo lyokomilungu. Owa ningi uugoya! 29 Ondi na oonkondo oku ku monitha oshiponga, ihe uusiku mbuka wonena Kalunga kaho okwa londodha ndje, ndaahe ku ninge nayi. 30 Ondi shi shi kutya owa zi po, oshoka owa yuulukwa kegumbo, ihe omolwashike wa yaka po iimenka yandje yomegumbo?”
31 Jakob okwa yamukula a ti: “Onda li nda tila, oshoka onda dhiladhila kutya oto kutha ndje aamwoye. 32 Ihe ngoka to adha e na iimenka yoye, na dhipagwe. Montaneho yaantu yetu noyoye konga ashihe shoka shoye, ngoye u shi kuthe po.” Jakob ina tseya kutya Rakel okwa yaka po iimenka yaLaban.
33 Laban okwa hadha metsali lyaJakob, nena okwa yi metsali lyaLea nometsali lyaakulukadhi aapika yaali, ihe ina mona mo iimenka ye. Nena okwa yi metsali lyaRakel. 34 Rakel okwa li a kutha po iimenka e te yi tula kohi yomutumba gwongamelo nokwa li a kuutumba kugwo. Laban okwa hadha etsali alihe, ihe ine yi mona. 35 Rakel okwa lombwele he a ti: “Tate, ino geela ndje, oshoka ite vulu okuthikama montaneho yoye; ondi li komwedhi.” Laban okwa hadha, ihe ina mona iimenka ye yomegumbo.
36 Nena Jakob okwa geye e ta ti: “Uuwinayi washike nda ninga?” Okwa nyenyetele Laban e ta ti: “Oshinima naanaa nda yona, oshishike, sho to thiminike ndje ngeyi? 37 Ngashingeyi sho wa hadha iinima yandje ayihe, owa mona tuu iinima yoye? Yi tula nduno mpaka puuyelele, opo tse naantu yoye tu yi mone, yo ya tokole kutya olye gwomutse e li mondjila. 38 Onda kala pungoye omimvo omilongo mbali. Oonzi dhoye niikombo inayi gwitha mo omala, nangame inandi lya po nando onzi yoye yimwe. 39 Onzi ndjoka ya lika po kiilikama, ondi ihepeke nayo. Inandi yi kutha, ndi yi ete kungoye ngaye ndi tye kandi na mbedhi. Owa li ho pula ndje, ndi fute oshimuna kehe sha yakwa, ongele omutenya nenge uusiku. 40 Omutenya onda li nda pi omutenya nuusika onda si uutalala, omulumentu nda londokwa koomposi. 41 Osho sha li omimvo ndhoka omilongo mbali, sho nda kalele pungoye. Omimvo omulongo nane onde ku longelele aakadhona yoye yaali, nomimvo hamano iimuna. Nando ongeyi, owa lundulula ondjambi yandje lwomulongo. 42 Ando Kalunga kootate, Kalunga kaAbraham naIsak, ina kala pungame, ando wa shunitha ndje iikaha yowala. Ihe Kalunga okwa mono uudhigu wandje niilonga mbyoka nda ningi, nuusiku wa zi ko okwa pangula shoka shu uka.”
Jakob ta hangana naLaban
43 Laban okwa yamukula Jakob a ti: “Aakiintu mbaka aamwandje, oyana wo aamwandje, iimuna mbika oyandje. Tashi ti, iinima ayihe to mono mpaka, oyandje. Ihe aamwandje noyana otandi ya ningi ngiini? 44 Ondi ilongekidha okuhangana nangoye. Natu ninge ondumba yomamanya, yi ninge onzapo yehangano lyetu.”
45 Jakob okwa kutha emanya e te li dhike, li ninge endhindhiliko. 46 Jakob okwa lombwele aantu ye, ya ndumbile omamanya ondumba. Sho ye shi ningi, oya lile po pondumba. 47 Laban okwe li luku Jegar Sahaduta, manga Jakob e li luka Galed. 48 Laban okwa lombwele Jakob a ti: “Ondumba ndjika yomamanya oyo edhimbulutho lyetu atuhe yaali.” Omolwashoka ehala ndyoka olya lukwa Galed. 49 Laban okwa ti ishewe: “Omuwa ne tu tonatele, sho tatu topoka.” Onkee ehala olya lukwa Mispa. 50 Laban okwa tsikile a ti: “Ngele oto ningi aamwandje nayi nenge to hokana aakiintu yalwe, manga ndaaye shi shi, dhimbulukwa kutya Kalunga okwe tu tonatela.” 51 Laban okwa ti natango kuJakob: “Mpaka ope na ondumba yomamanya naampaka ope na endhindhilikomanya nde li dhike pokati ketu nangoye. 52 Ondumba ndjika nendhindhilikomanya ndika nayi kale onzapo okudhimbulutha ndje, ndaa konde omamanya ngaka, ndi ku matukile. Onzapo ndjika nayi ku dhimbuluthe wo, waa konde omamanya ngaka, u matukile ndje. 53 Kalunga kaAbraham naKalunga kaNahor na tokole pokati ketu.” Jakob okwa gana medhina lyaKalunga ngoka he Isak ha tila, a gwanithe euvaneko ndika. 54 Okwa dhipaga oshimuna e te shi yamba omagandjelondjambo kondundu e ta hiya aantu ye kiikulya. Sho ya li, oya lala kondundu. 55 Laban okwa meneka ongula onene e ta laleke aatekulu ye noyana nethipo lyokomilungu nokwa shuna kaandjawo.
Jakob ta i onhapo yaLaban
1 Ndelenee Jakob okwa kundana eendjovo dovana ovamati vaLaban, nokutya, tava ti: “Jakob okwa kufa ashishe eshi sha li shatate. Noupuna waye aushe ou e u lilikolela mwaashi shatate.” 2 Jakob okwa koneka yo kutya oshipala shaLaban kashi li vali ngaashi ongheleinya. 3 Ndele Omwene okwa tya kuJakob: “Shuna koshilongo shooxo nokepata leni. Naame ohandi ka kala pamwe naave.” 4 Opo nee Jakob okwa tuma Rakel naLea, ve uye kofuka keedi daye, 5 ndele ta ti kuvo: “Ame onda koneka koshipala shaxo nokutya, ye ke li vali naame ngaashi onghela nongheleinya, ndelenee Kalunga katate okwa kala naame. 6 Nanye vene omu shi shii nokutya, ame onda longela xo neenghono dange adishe. 7 Ndelenee xo okwa kengelela nge. Lwomulongo ye a lundulula ondjabi yange. Ndelenee Kalunga ine shi itavela, ye a ningile nge owii. 8 Ye eshi a tile: ‘Odo doutotone nadi ninge ondjabi yoye,’ oshuunda ashishe osha dala odo doutotone. Ndele eshi a tya: ‘Odo domapolo nadi ninge ondjabi yoye,’ oshuunda ashishe osha dala omapolo. 9 Hano osho ngaha Kalunga a kufa xo oimuna nokwe i pa nge. 10 Fiku limwe, mefimbo leedi da dikula, onda twa ondjodi, nda tala eemhedi deedi da hala oluhambo, da li domavala nodoutotone nodomapolo. 11 Ndele omweengeli waKalunga okwa lombwela nge mondjodi ta ti: ‘Jakob!’ Ndele nda nyamukula: ‘Aame ou!’ 12 Ndele ye ta ti: ‘Yelula omesho oye, u tale: eemhedi adishe odo tadi hambe domavala nodoutotone nodomapolo. Osheshi ame onde i mona aishe ei Laban e ku ningila. 13 Aame Kalunga komuBetel, omo wa vaekela emanya ledimbulukifo nowa udanekela nge eudaneko. Hano fikama u dje mo moshilongo eshi, u shune koshilongo oko wa dalelwa.’ ” 14 Ndele Rakel naLea va nyamukula, tava ti: “Fye otu na vali oshitukulwa ile efyuululo latate? 15 Fye inatu ninga mbela ovanailongo momesho aye, ye eshi e tu landifa po, noupuna oo e tu landa po, okwe u lya po? 16 Osheshi oupuna aushe Kalunga e u kufa tate, otau ningi wetu nowovana vetu. Ninga ashike osho ashishe osho Kalunga e ku lombwela.” 17 Opo nee Jakob e lilongekida ndele a londeka keengamelo ovana vaye novalikadi vaye. 18 Ndele okwa kufa oimuna yaye aishe nomaliko aeshe aa e lilikolela, oimuna yaye, ei e lilikolela muPaddan-Aram a ye kuxe Isak medu laKaanan.
19 Fimbo Laban a ya a ka kulule eedi daye, Rakel okwa vaka mo oiketi yaxe. 20 Ndele Jakob okwa kengelela Laban, Omuaram, eshi ine mu shiivifila nokutya ye ta ka ya onhapo. 21 Osho hano a ya onhapo naashishe ye e kwete. Ye okwe lilongekida ndele ta tauluka Eufrat nokwa yukilila a taalela eemhunda daGilead.
Jakob naLaban tava paafana ombili
22 Ndele mefiku etitatu Laban okwa lombwelwa nokutya, Jakob okwa ya onhapo. 23 Opo nee ye okwa kufa ovalumenhu ovakwao vaye nokwa ya navo oku mu shikula, oule wondjila u fike pomafiku aheyali ndele okwe mu hanga keemhunda daGilead. 24 Ndelenee Kalunga okwe uya oufiku kuLaban Omuaram mondjodi ndele te mu lombwele: “Likelela uha popye naJakob nande ouwa ile owii.”
25 Ndele Laban okwa fika kuJakob. Jakob okwa li a onga onhanda yaye meemhunda naLaban pamwe novalumenhu vaye va onga onhanda meemhunda daGilead. 26 Opo nee Laban okwa lombwela Jakob ndele ta ti: “Oshike wa ninga eshi wa kengelela nge nowa twala ovana oukadona vange eenghwate domoita? 27 Oshike we livakela nowa kengelela nge ino lombwela nge sha, opo ndi ku findikile nokukuwilila nokwiimba nokushika enghuma nokaxumbafeta? 28 Navali ove ino efa nge ndi fipe komilungu dovatekulu vange nodovana vange oukadona. Heeno, owa ninga nai. 29 Ame ondi na eenghono oku mu monifa oixuna, ndelenee Kalunga kooxo okwa lombwela nge oufiku wonena ndele ta ti: ‘Likelela uha popye naJakob nande ouwa ile owii.’ 30 Heeno, hano ove ou li mondjila, eshi wa djuulukwa unene keumbo laxo. Ndelenee omolwashike mwa vaka po oiketi yange?”
31 Opo nee Jakob okwa nyamukula ndele ta ti kuLaban: “Osheshi nda tila, hai ti pamwe ove to ka kufa nge ovana voye oukadona keenghono. 32 Ndelenee ou ta monika e na oiketi yoye ke na okukala nomwenyo! Hadahada hano moipafi yovalumenhu voye, eshi shi li pwaame, ndele kufa mo ei yoye.” Ndelenee Jakob ina shiiva nokutya Rakel oye e i vaka po.
33 Opo nee Laban okwa ya mofaila yaJakob nomofaila yaLea nomofaila yovapika venya vavali, ndelenee ina mona mo sha. Ndele ye eshi a pita mo mofaila yaLea okwa ya mofaila yaRakel. 34 Ndelenee Rakel okwa li a kufa po oiketi nokwe i holeka momutumba wongamelo ndele ta kala omutumba kuwo. NaLaban okwa hadahada ofaila aishe, ndelenee ina mona mo sha. 35 Opo nee Rakel okwa lombwela xe: “Omwene wange, ino ninga omwenyo mwii, tala, ame itandi dulu okufikama.” Osheshi ondi na eshi shopakainhu! Ndele ye okwa konga, ndelenee ina mona oiketi yaye.
36 Opo nee Jakob okwa handuka ndele okwa twa eemhata naLaban. NaJakob okwa nyamukula ndele ta ti kuLaban: “Etauluko lange olilipipo, etimba lange lilipi, eshi ove wa shikula nge ngaha mehandu? 37 Paife eshi wa hadahada moinima yange aishe, oshike shoye wa mona mo? Shi tula apa moipafi yovalumenhu vange noyovalumenhu voye, nava tokole pokati ketu naave. 38 Omido omilongo mbali ame nda kala pwoove. Eedi doye eenghadi noikombo yoye oikadi inandi i wifa omadimo, needi doye eendume inandi di lya po. 39 Odo da lika koilyani, inandi di ku etela, nda li ndi na oku di futa. Ove owe di fininika meke lange, ngeenge da vakwa po omutenya ile oufiku. 40 Omutenya onda fya omutenya, noufiku onda fya outalala weandu, nomomesho ange inamu ya nande eemhofi. 41 Omido omilongo mbali nda kala meumbo loye. Omido omulongo nanhee nde ku longelela ovana voye vavali oukadona, nomido hamano molweedi. Ndele ove owa lundulula ondjabi yange lwomulongo. 42 Ngeno Kalunga katate, Kalunga kaAbraham netilo laIsak ina kala kombinga yange, heeno, ngeno owa lekela nge hamakasha. Kalunga okwa mona oluhepo lange noshilonga shange shidjuu shomake ange, Ye okwa tokola oshinima oufiku wonena.”
43 Opo nee Laban ta nyamukula ta ti kuJakob: “Oukadona ovo ovana vange, novamati ovo ovana vange, eedi odo eedi dange, heeno, ashishe eshi to shi tale, oshange. Ndelenee ame ohandi dulu shike novana vange oukadona novana vavo? 44 Ila hano, tu ninge ehangano, fye naave, opo li kale ondobwedi pokati ketu naave.” 45 Opo nee Jakob okwa kufa emanya nokwe li dika edimbulukifomanya. 46 Ndele Jakob okwa lombwela ovanhu vaye: “Eteni omamanya!” Ndele vo va ya va ka tale omamanya. Ndele a ninga onduba ndele va lila popepi nayo. 47 Ndele Laban okwe i ifana Jegar-Sahaduta, ndelenee Jakob e i luka Galed. 48 Opo nee Laban ta ti: “Onduba ei oyo ondobwedi pokati ketu naave.” Onghee ove i luka Galed. 49 Ndele onduba ei yomamanya ove i luka Mispa, osheshi ye okwa ti: “Omwene na ninge Omunangeli pokati ketu naave, eshi hatu tukauka. 50 Ngeenge to hepeke ovana vange oukadona, ndele to hombola ovalikadi ponhele yovana vange, kape nomunhu nande e li po, tala, Kalunga Oye ondobwedi pokati ketu naave.”
51 Laban okwa tya vali kuJakob: “Tala onduba yomamanya opo i li apa, nosho yo edimbulukifomanya nde li dika pokati ketu naave. 52 Onduba ei yomamanya oyo ondobwedi, nedimbulukifomanya olo ondobwedi nokutya, ame itandi ke uya kwoove nokutauluka onduba ei, naave ito uya kwaame nokutauluka onduba ei nedimbulukifomanya nomauko mai. 53 Kalunga kaAbraham naKalunga kaNahor, Kalunga kooxo, ye na kale omutokoli pokati ketu.” Ndele Jakob okwa anena etilo laxe Isak. 54 Opo nee Jakob okwa yambela komhunda etomenoyambo, nokwa ifana ovalumenhu vaye keendja. Ndele vo va lya ndele va kala komhunda oufiku ou.
55 Ndelenee ongula inene Laban okwa penduka ndele okwa fipa ovana vaye ovamati novana vaye oukadona komilungu ndee okwe va nangeka noupuna. Opo nee Laban okwa fikama ndele okwa shuna konhele yaye.
