Omatidhagano taga tsikile
1 Pomasiku ngeyaka omukwaniilwa Herodes okwa tameke okutidhagana yamwe yomaakwanegongalo. 2 Oye okwa dhipagitha Jakob, omumwayina gwaJohannes, negongamwele. 3 Nokuli oye sho a dhimbulula kutya Aajuda oya panda oshinima shoka, okwa tsikile ko nokwa kwatitha wo naPetrus. Shika osha ningwa pethimbo lyoshituthi shiikwiila inaayi fulikwa. 4 Petrus sho a kwatwa, okwa tulwa mondholongo nokwa gandjwa miikaha yuutanga une waantu ooyane, ye mu langele pamalufo. Herodes okwa li a dhiladhila oku mu eta mepangulo montaneho yaantu ayehe, Opaasa ngele ya piti. 5 Osho ngeyi Petrus okwa kala e edhililwa mondholongo, ihe aakwanegongalo oya galikana Kalunga nuudhiginini omolwe.
Petrus ta pitithwa mo mondholongo
6 Uusiku mboka wa tetekele esiku ndyoka Herodes a li a dhiladhila oku mu eta montaneho yaantu ayehe, Petrus okwa li a kothela pokati kaakwiita yaali. Oye okwa li a mangwa nomalyenge gaali, noposheelo shondholongo opwa li pu na aakwiita.
7 Ohaluka yowala omuyengeli gwOmuwa okwe ya e ta thikama puye, nuuyelele we owa yelele mokandjugo hoka. Omuyengeli okwa pupula Petrus kepepe nokwe mu pendutha e ta ti: “Thikama, endelela!” Mbalambala omalyenge oga gu ko komaako gaPetrus. 8 Nena omuyengeli okwe mu lombwele a ti: “Pameka epaya lyoye, ngoye u izaleke oongaku dhoye.” Petrus okwa ningi, ngashika a lombwelwa. Opo ihe omuyengeli okwe mu lombwele a ti: “Zala ihe ombaikitha yoye e to landula ndje.”
9 Petrus okwe mu landula nokwa piti mo mondholongo. Ihe oye okwa li kee shi wo kutya shoka sha ningwa komuyengeli, oshoshili; nenge pamwe okwa mono ashike emoniko. 10 Oyo oya pitilile aakwiita yotango mboka ya li ye mu langela nosho wo aatiyali, sigo ya thiki kosheelo shiitenda shokuya moshilando. Omweelo nguka ogwi iyegulula gwo gwene, oyo noya piti mo ihe moshilando. Oyo oye ende pamwe ya landula epandaanda, opo ihe omuyengeli okwa henuka po puPetrus ombaadhilila e ta yi.
11 Nena Petrus okwa dhimbulula kutya shoka e shi ningilwa, nani oshoshili, nokwa popi a ti: “Ngashingeyi ondi shi shi nawa kutya Omuwa okwa tumine ndje omuyengeli gwe, a hupithe ndje mo miikaha yaHerodes, opo ndaa mone iihuna mbyoka Aajuda ya li ya dhiladhilila ndje.”
12 Petrus sho a dhimbulula, iinima nkene yi li, okwa yi kaandjaMaria, yina yaJohannes, ngoka ha ithanwa wo Markus. Megumbo ndyoka omwa adhika mwa gongala aantu oyendji taa galikana Kalunga. 13 Petrus sho a konkola komweelo gwokondje, omuyakulikadhona Rode okwe ya, a tale kutya olye ngoka ta konkola. 14 Ihe oye sho a dhimbulula kutya ewi ndyoka tali popi olyaPetrus, enyanyu olye mu kola nokwa matuka e ta shuna kumbeyaka ye li megumbo, ye ina egulula omweelo, e te ya lombwele kutya ngoka ta konkola pondje, oPetrus. 15 Aantu oye mu yamukula ya ti: “Oto yadhuuka.” Ihe oye okwa dhiginine okutumbula nomukumo kutya Petrus opo e li pondje. Nena oyo oye mu yamukula ya ti: “Shila omuyengeli gwe.”
16 Manga taa ludhike ngeyi, Petrus okwa dhiginine okukonkola. Hugunina oye egulula omweelo noya kumwa noonkondo, sho ye mu mono. 17 Nena Petrus okwe ya anda noshikaha she, ya mwene, nokwe ya hokololele, nkene Omuwa e mu piitha mo mondholongo. Oye okwe ya lombwele a ti: “Shika shi hokololeleni Jakob nooitaali ooyakwetu ayehe.” Opo ihe okwa piti mo e ta yi kulwe.
18 Ongula sho kwa shi, aalangeli oya li ya tila noya piyagana noonkondo, oshoka inaa tseya Petrus mpoka u uka. 19 Nena Herodes okwa gandja elombwelo kutya, Petrus na kongwe, ihe ina monika. Onkee okwa fala aalangeli mompangu nokwe ya gandja, ya dhipagwe.
Konima yaashika Herodes okwa zi mo muJudea nokwa yi kuKesarea e ta kala ko omasiku gamwe.
Eso lyaHerodes
20 Herodes okwa li a geele noonkondo aantu yomuTiro naSidon, onkee ongundu onene yaantu mbaka oya thikama e taa yi kuHerodes. Tangotango oya panga uukuume naBlastus, elenga ekuluntu lyomuuwa womukwaniilwa Herodes, opo ihe oya yi kuHerodes noye mu indile ombili, oshoka oshilongo shawo osha li hashi kutha iipalutha yasho koshilongo shomukwaniilwa.
21 Esiku lyontumba lya hogololwa, Herodes okwa zala onguwo ye yuukwaniilwa nokwa kuutumba koshipangelapundi she e ta popitha aantu. 22 Nena aantu oyi igidha ya ti: “Ewi ndyoka tali popi, kali shi lyomuntu, ihe olyakalunga.” 23 Mbalambala omuyengeli gwOmuwa okwa dhenge Herodes nuuvu uudhigu, oshoka oye okwa zimine, aantu ye mu pe esimano li thike pesimano lyaKalunga. Oye okwa tukwa komazinyo e ta si.
24 Nena oohapu dhaKalunga odha tsikile okutaandela, naantu oyendji oya ningi ooitaali.
25 Barnabas naSaulus oya shuna kuAntiokia, sho ya adhika ya tsakanitha oshilongayakulo shawo muJerusalem noya yi naJohannes, ngoka hi ithanwa wo Markus.
Petrus ta xupifwa
1 Ndele momafiku enya ohamba Herodes okwa kwatifa ovakwaneongalo vamwe, e va hepeke. 2 Ndele okwa dipaifa Jakob, omumwaina waJohannes, neongamukonda. 3 Naashi a mona nokutya, Ovajuda ove shi panda, okwa kwatifa vali Petrus momafiku omingome dinyenye. 4 Ye eshi e mu kwata, okwe mu tula modolongo, nokwe mu yandja a diininwe keengudu nhee dovakwaita, mongudu keshe ovakwaita vane oku mu kelela, ndele okwa li a hala oku mu eta koshipala shoshiwana, Opaasa ngeenge ya piti. 5 Osho ngaha Petrus fimbo a nangelwa modolongo, eongalo le mu ilikanena kuKalunga, inali dimbuka.
6 Ndele moufiku winya, wa tetekela efiku olo Herodes a hala oku mu eta moipafi, Petrus okwa li a kofa pokati kovakwaita vavali, a mangwa nomalyenge avali, novakeleli va li va kelela poshivelo shodolongo. 7 Ndele tala, omweengeli wOmwene okwa kala ofika puye, nouyelele wa minikila modolongo, omweengeli okwa twa Petrus molupati, e mu pendula, ta ti: “Fikama diva!” Omalyenge a wa ko komaoko aye. 8 Ndele omweengeli okwe mu lombwela: “Lidika, ove u lidjaleke eenghaku; ye okwe shi ninga.” Omweengeli okwa tya kuye: “Djala elwakani ove u shikule nge!” 9 Ndele ye okwa dja mo ndele te mu shikula, ndele okwa li ehe shii ngeenge osho sha ningwa komweengeli oshoshili, ile pamwe okwa mona ashike emoniko. 10 Ndele eshi va koyelela etanganangelo lotete netivali, ove uya koshivelo shoshivela shokuya moshilando. Eshi oshe liyeulula shoovene, nova ya pondje tava ende nondjila imwe. Ohaluka, omweengeli okwa dja po puye. 11 Opo nee Petrus eshi a pukuluka okwa tya: “Paife onde shi shiiva shili, Omwene okwa tumina nge omweengeli waye, nokwa xupifa nge meke laHerodes nokwaaishe ei oshiwana shOvajuda she i teelela.”
12 Ndele ye eshi a pukuluka okwa ya keumbo laMaria, ina yaJohannes, ou ta ifanwa yo Markus, omo mwa ongala vahapu tava ilikana. 13 Ndele Petrus eshi a konghola koshivelo shokomukala, omupiya okakadona, edina laye Rode, okwe uya po a ka pule kutya olyelye e li ko. 14 Ndele eshi a koneka ondaka yaPetrus, omolwehafo ina patulula oshivelo, okwa tondokela mo, a ka tye: oPetrus e li poshivelo. 15 Ndelenee vo ova tya kuye: “Ove oto yadauka.” Ye okwa diinina odo tuu odo. Vo ova tya: “Shapu omweengeli waye.” 16 Ndele Petrus okwa twikila okukonghola, hano eshi va yeulula, ove mu mona, nova kumwa. 17 Ndelenee ye okwe va anda ko neke laye, va mwene, nokwe va hepaululila nhumbi Omwene e mu pitifa mo modolongo ndele ta ti: “Eshi shi lombweleni Jakob novamwatate.” Ndele okwa pita mo ndele ta i kumwe ku lili.
18 Ndele eshi kwa sha movakwaita omwa kala epiyaano lihe fi linini, nova li vehe shii Petrus nhumbi a ninga. 19 Ndele Herodes eshi a tuma ko, e mu etelwe ye ine mu mona, okwa hokololifa ovakeleli ndele e va yandja va handukilwe. Ye mwene okwa dja mo muJudea ndele ta i kuKesarea ndele ta kala ko.
20 Ndele Herodes okwa li a handukila Ovatirus nOvasidoni, ndele vo ova pangela omhangela ve uye kuye, ndele tava pange oukaume naBlastus, elenga lakula lohamba, ndele tava indile ombili, osheshi oshilongo shavo osha li sha mona oipalwifa koshilongo shohamba. 21 Ndele mefiku la ufwa Herodes okwa djala oshikutu shouhamba ndele ta kala omutumba kolukalwapangelo ndele te va popifa. 22 Opo nee ovanhu ova ingida pombada tava ti: “Ondaka ei oyaKalunga, kai fi yomunhu.” 23 Ndele opo tuu opo omweengeli wOmwene e mu denga, osheshi ye ina fimaneka Kalunga, omainyo e mu tuka ndele ye ta fi. 24 Ndele eendjovo dOmwene oda tana noda tandavela. 25 Barnabas naSaulus ova aluka kuJerusalem, ndele tava fikifa oikwafa, ndele tava di ko naJohannes, ou ha ifanwa yo Markus.
