Omasindano gaDavid
(1 Ondjal. 18:1-17)1 Konima yaambika omukwaniilwa David okwa matukile ishewe Aafilisti, okwe ya dhenge e ta hulitha po epangelo lyawo lyokulela evi.
2 Nena David okwa dhenge Aamoabi. Oonkwatwa okwe dhi langeke pevi noonkwatwa mbali dhomoonkwatwa ndatu kehe okwe dhi dhipaga. Onkene Aamoabi ya ningi aapiya ye nohaa fendele kuye.
3 Nena okwa dhenge Hadadezer yaRehob, omukwaniilwa gwaZoba, ombinga yimwe yaSiria. Hadadeser okwa li mondjila oku ka lala evi sigo okomulonga Eufrat. 4 David okwa kwata po aakawilinkambe ye eyuvi limwe nomathele gaheyali naakwiita yokolupadhi omayuvi omilongo mbali. Okwa hupitha ko uukambe ethele wokomatembakwiita nokwa lemaneke auhe ulwe.
5 Aasiria yokuDamaskus sho ya tumu etangakwiita lyokukwatha omukwaniilwa Hadadeser, David okwe li matukile e ta dhipaga aalumentu omayuvi omilongo mbali nagaali. 6 Nena okwa yungile ko oontanda dhuukwiita koshilongo shawo noya ningi aantu ye haye mu pe oompale. Omuwa okwa ningi David omusindani kehe nkoka a yile ko. 7 David okwa hakana ko omahuuyanza giingoli ga li haga humbatwa kaambala yaHadadeser e te ga fala kuJerusalem. 8 Okwa yugu ko ishewe iikushu oyindji kuBeta naBerotai, iilando ya lelwa kuHadadeser.
9 Omukwaniilwa Toi gwokuHamat okwa kundana kutya David a dhenga etangakwiita alihe lyaHadadeser. 10 Toi okwa tumu omwana Joram, a kunde omukwaniilwa David te mu halele elago molwesindano lye, sho a sindi Hadadeser, oshoka Hadadeser okwa adhika a kondjitha Toi olule. Joram okwa faalele David omagano goshingoli noshisiliveli noshikushu. 11 Omukwaniilwa David okwe yi yoololele elongelokalunga pamwe niisiliveli niingoli mbyoka a yugu kiigwana mbyoka a sindi: 12 Edom, Moab, Ammon, Filistia naAmalek, osho wo ombinga yimwe yoshihakanwa shoka a yugu kuHadadeser.
13 David okwa kala a simana unene, sho a galuka kedhipago lyAaedom omayuvi omulongo nagahetatu mEkango lyomongwa. 14 Okwa tula oontanda dhuukwiita muEdom alihe, naantu oya ningi aapiya ye. Omuwa okwa sinditha David shaa nkoka a yile ko.
15 David okwa lele Israel alihe nokwa kala a kotoka, aantu ye ya ningwe nawa noya kalwe nayo nuuyuuki. 16 Joab, omuna gwomukulukadhi Zeruia, okwa li ondjayi yaakwiita; Jehosafat yaAhilud okwa li amushangandjayi. 17 Sadok yaAhitub naAhimelek yaAbiatar oya li aayambi; Seraia okwa li amushangampangu. 18 Benaia yaJehoiada okwa li omukuluntu gwaalangeli yaDavid, naana yaDavid, ya li aayambi.
Omafindano aDavid nomalenga aye
1 Ndele konima yoinima ei David okwa ta Ovafilisti ndele e va tula koshi yepangelo laye. Ndele David okwa kufa oshilandopangelo momake Ovafilisti. 2 Ye okwa ta yo Ovamoab. Eenghwate okwe di nangeka momikweyo nhatu. Omikweyo mbali okwe di dipaa, naumwe okwe u xupifa. NOvamoab va ninga ovapiya vaDavid ndele ve mu yandjela oifendela. 3 David okwa taataa vali Hadadeser yaRehob, ohamba yaSoba, yo eshi ya ya i ka tandavelife epangelo layo fiyo okomulonga waEufrat. 4 Ndele David okwa kwata kuye eenghwate ovalondi veenghambe eyovi nomafele aheyali novakwaita vokolupadi omayovi omilongo mbali. David okwa teta omifipa deemhando deenghambe adishe dokomatemba, ndelenee a xupifa po eenghambe efele limwe dokomatemba. 5 NOvaarami vomuDamaskus ve uya okupopila Hadadeser, ohamba yaSoba. Ndelenee David okwa ta ovalumenhu omayovi omilongo mbali naavali vomOvaarami. 6 Ndele David okwa nangeka omatanga ovakwaita muAram shaDamaskus, onghee Ovaarami va ninga ovapangelwa vaye tava yandje oifendela. NOmwene okwa yandja kuDavid omafindano keshe apa a homona. 7 Ndele David okwa kufa oikelelifo yoshingoldo, oyo ya li hai longifwa kovapiya vaHadadeser, nokwe i twala kuJerusalem. 8 Ndelenee muBetah naBerotai, omoilando yaHadadeser, David okwa kufa oshikushu shihapu unene.
9 Tou, ohamba yaHamat, eshi a uda nokutya, David a taataa omatanga aeshe ovakwaita vaHadadeser, 10 okwa tuma omona waye omumati Joram kohamba David oku mu kunda noku mu halela elao, shaashi ye a lwa naHadadeser nokwe mu taataa, osheshi Hadadeser okwa li a homona alushe Tou. Ye okwe uya kuye noinima yoshingoldo noyoshisiliveli noyoshikushu. 11 Oyo David okwe i yapulila Omwene, pamwe noshisiliveli noshingoldo osho ye a kufa koiwana aishe e i tula mepangelo laye, 12 nokutya kOvaedom nokOvamoab nokovana vaAmmoni nokOvafilisti nokOvaamaleki nomoixuulwa yokuHadadeser yaRehob, ohamba yaSoba.
13 Ndele David okwa tumbalekifa edina laye, eshi a aluka ketaatao lOvaaramea nokwa taataa Ovaedom omayovi omulongo naahetatu mefilu lomongwa. 14 Ndele David okwa tula omatanga ovakwaita muEdom ashishe. NOvaedom aveshe va ninga ovapangelwa vaDavid. NOmwene okwa yandja kuDavid omafindano keshe apa a homona.
15 Ndele David okwa pangela Israel alishe, nokwa ningila oshiwana shaye ashishe osho sha yuka nosha wapala. 16 Ndele Joab yaSeruja okwa li ondjai yomatanga ovakwaita. Ndele Josafat yaAhilud okwa li elenga ekulunhu. 17 Ndele Sadok yaAhitub naAhimelek yaAbjatar ova li ovapristeli, ndele Seraja okwa li omushangi. 18 Ndele Benaja yaJehoiada okwa li omukulunhu wOvakereti nowOvapleti, novana ovamati vaDavid va li ovapristeli.
