David ta dhenge Aayammoni nAasiria
(1 Ondjal. 19:1-19)1 Konima yaambika omukwaniilwa gwAayammoni Nahash okwa si, nomwana Hanun okwa ningi omukwaniilwa. 2 Omukwaniilwa David okwa ti: “Onda hala okuninga nawa Hanun, ngaashi he Nahash a ningile ndje.” Onkee David okwa tumu aatumwa, a holole omauvito ge golukeno.
Aatumwa sho ya thiki muAmmon, 3 Aayammoni oya ti komukwaniilwa: “Oto dhiladhila kutya David okwa tumu aatumwa mbaka mokusimaneka ho, a holole omauvito ge golukeno kungoye? Hasho nando! Okwe ya tuma huka oondaadhi, dhi shilile oshilando, opo e tu sinde!”
4 Hanun okwa kwatitha aatumwa yaDavid e te ya kululitha omapalu koombenzi nokutetitha oonguwo dhawo poombwetelo e te ya shunitha. 5 Oya li ya sa ohoni okushuna kaandjawo. David sho u uvu shoka sha ningwa po, okwe ya tumine elaka, ya kale muJeriko yo yaaha ze mo, sigo oombenzi dhawo dha koko ishewe.
6 Aayammoni sho ya dhimbulula kutya oya geyitha nayi David, oya hehela aakwiita Aasiria omayuvi omilongo mbali ya za kuBetrehob nokuZoba, aalumentu omayuvi omulongo nagaali ya za kuTob nomukwaniilwa gwokuMaaka e na aalumentu eyuvi. 7 David okwe shi uvu e ta tumu Joab, e ya kondjithe netangakwiita alihe. 8 Aayammoni oya pupumuka ko e taa yungu ontanda ya langela komauta puupitilo yoshilandopangelo shawo Rabba, manga Aasiria naakwiita ya za kuTob naMaaka ya li meyalala lyelundu.
9 Joab okwa mono kutya omatanga gaatondi otaga vulu oku mu matukila taga zi komeho nokonima. Omolwaasho a hogolola aakwiitalela Aaisraeli nokwe ya langeke ya taalela Aasiria. 10 Oshihupe shetangakwiita lye okwe shi tula mewiliko lyomumwayina Abisai, ngoka e ya tula mehala ya taalela Aayammoni. 11 Joab okwa ti kuye: “Ngele wa mono Aasiria taa gwililile ndje po, ila u kwathe ndje, nongele Aayammoni taa ku gwililile po, otandi ya ndi ku kwathe. 12 Kaleni mu na omukumo ne mwi ikolelela! Natu kondjeleni aantu yetu oshilumentu nomolwiilando yaKalunga ketu. Ehalo lyOmuwa nali gwanithwe!”
13 Joab naantu ye oya humu ko, ya ka homone, nAasiria oya fadhuka po. 14 Aayammoni sho ya mono Aasiria taa yi ontuku, oya fadhuka po Abisai e taa shuna moshilando. Nena Joab okwa galuka kolugodhi nAayammoni e ta shuna kuJerusalem.
15 Aasiria oya dhimbulula kutya oya dhengwa kAaisraeli, onkee oya ka hiya omatanga gawo agehe. 16 Omukwaniilwa Hadadeser okwa hiya Aasiria mboka ya li kuuzilo womulonga Eufrat, noye ya kuHelam mewiliko lyaShobak, ondjayi yiita yomukwaniilwa gwaZoba Hadadeser. 17 David sho e shi uvu, okwa gongele omatanga gAaisraeli nokwa tokola omulonga Jordan yu uka kuHelam, nkoka Aasiria ye ya tegamena. Olugodhi olwa tameke, 18 nAaisraeli oya tidha Aasiria. David naantu ye oya dhipaga aahingi yomatembakwiita Aasiria omathele gaheyali naakawilinkambe omayuvi gomilongo ne, e taa yaha ondjayi yiita Shobak, ngoka a ka sila wo molugodhi. 19 Aakwaniilwa mboka ya li mepangelo lyaHadadeser, sho ya dhimbulula kutya oya dhengwa kAaisraeli, oya panga ombili nayo noya ningi aapangelwa yawo. NAasiria oya li ya tila noinaa kwatha we Aayammoni.
Israel ta pangele Ovaammoni nOvaarami
1 Ndele konima yoinima ei Nahas, ohamba yOvaammoni, okwa fya, nomona waye omumati Hanun okwa ninga ohamba ponhele yaxe. 2 Opo nee David ta ti: “Ame nda hala okufila Hanun yaNahas onghenda ngaashi xe a fila nge onghenda.” Onghee hano David a tuma ovatumwa kuye oku mu pendula omolwefyo laxe. Ovatumwa vaDavid eshi ve uya moshilongo shOvaammoni, 3 omalenga Ovaammoni a lombwela Hanun: “David ota fimaneke ngaho mbela xo momesho oye, eshi e ku tumina ovapenduli? David pamwe okwa tuma ovatumwa vaye okupanapana oshilongo noku shi lava e shi hanaune po?” 4 Opo nee Hanun a kwata ovatumwa vaDavid nokwa kululifa eendjedi davo kombinga imwe ndele ta tete oikutu yavo pokati fiyo omoshiya, nokwe va lekela va ye. 5 Ndele David eshi e shi shiivifilwa, okwe va shakenekifa ovatumwa osheshi ovalumenhu va fifwa ohoni unene. Nohamba ya tya: “Kaleni muJeriko fiyo eendjedi deni tadi kulu. Opo nee tamu uya.” 6 Ovana vaAmmoni eshi va mona nokutya, ve litondifa kuDavid, ovana vaAmmoni va tuma kOvaarami vomuBet-Rehob nOvaarami vomuSoba va futa ovakwaita vokolupadi omayovi omilongo mbali, ndele kohamba yaMaaka ovalumenhu eyovi limwe, novalumenhu vaTob omayovi omulongo naavali. 7 Ndele David okwe shi uda nokwa tuma ko Joab nomatanga aeshe ovakwaita ovaladi. 8 Novana vaAmmoni va fikama ndele va tanda ko ombinga moshipala sholuvanda, fimbo Ovaarami vokuSoba novokuRehob novalumenhu vaTob novaMaaka va li eengudu neengudu poluhaela. 9 Joab, eshi a mona nokutya, ta ka ponokelwa komesho nokonima, okwa hoolola mo movahoololwa aveshe vOvaisraeli nokwe va tula moipafi yOvaarami va tanda ko ombinga. 10 Ndelenee omatanga ovakwaita aa a xupa po, e a tula mepangelo lomumwaina Abisai ndele vo e va tandifa ombinga kOvaammoni. 11 Nokwa tya: “Ovaarami ngeenge tava dulu nge eenghono, ove u nokuuya u kwafe nge, ndele Ovaammoni ngeenge tave ku dulu eenghono, ame ohandi ke uya ndi ku kwafe. 12 Kala wa pama, ndele atushe tu kaleni twa nyatipala omolwoshiwana shetu nomolwoilando yaKalunga ketu. Omwene na ninge osho tashi mu wapalele momesho aye.” 13 Opo nee Joab nomatanga ovakwaita ava va li puye va tota va lwife Ovaarami, ndele venya ova faduka po. 14 NOvaammoni eshi va mona kutya Ovaarami va faduka po, navo yo va ya onhapo omumwaina Abisai, ndele va ya moshilando. Ndele Joab okwa efa ovana vaAmmoni nokwe uya kuJerusalem. 15 Ovaarami eshi va mona nokutya, Ovaisraeli e va taataa, ova ongala aveshe kumwe. 16 Heeno, Hadadeser okwa tuma kOvaarami venya va kala kombada yaEufrat va fikama, ndele ove uya kuHelam. Sobag, ondjai yovakwaita vaHadadeser okwe va kwatela komesho. 17 Osho eshi sha shiivifilwa David, ye okwa shiva Ovaisraeli aveshe nokwa taulula Jordan ndele te uya kuHelam. NOvaarami va tanda ombinga va ka lwe naye. 18 Ndelenee Ovaarami va yaIsrael onhapo, ndele David okwa dipaa eenghambe dOvaarami omafele aheyali novalondi veenghambe omayovi omilongo nhee, naSobag, ondjai yovakwaita ya tuwa kuye, opo nee ya fila ko. 19 Ndele eehamba odo da li mepangelo laHadadeser, eshi da mona kutya, va tewa kuIsrael, do oda panga ombili nOvaisraeli ndele de va longela. NOvaarami va li va tila okukwafa vali ovana vaAmmoni.
