Oluvalo lwaSaul talu dhipagwa
1 Muuyuni waDavid okwa li ondjala yekomba ya kala omimvo ndatu. David okwa pula Omuwa molwayo, Omuwa nokwa ti: “Saul nezimo lye oyo ye na oshipwe shedhipago; okwa dhipagele Aagibeon.” 2 (Aagibeon kaya li Aaisraeli; oya li okangundu okashona kAayamori mboka ya li yu uvanekelwa kAaisraeli, ye ya hupithe, ihe Saul okwa kambadhala oku ya komba po molwokuladhipalela Israel naJuda.) 3 David okwi ithana Aagibeon nokwe ya pula ta ti: “Nandi mu ninge ngiini? Onda hala okwoopaleka epuko ndyoka mwe li ningilwa, opo mu yambeke oshigwana shOmuwa.”
4 Oya yamukula ya ti: “Oontamanana dhetu naSaul nezimo lye itadhi vulu okwoopalekwa noshisiliveli nenge noshingoli, tse inatu hala wo okudhipaga Omuisraeli nando gumwe.”
David okwa pula a ti: “Nena nduno otamu dhiladhila, ndi mu ningile shike?”
5 Oya yamukula ya ti: “Saul okwa li a hala e tu hanagule po, pwaa kale nando ogumwe gwetu e na omwenyo shaa mpoka muIsrael. 6 Onkee tu pa mo aalumentu yaheyali yomoluvalo lwe, notatu ke ya endjeleleka montaneho yOmuwa puGibea, omukunda gwaSaul, omukwaniilwa a hogololwa kOmuwa.”
Omukwaniilwa David okwa yamukula a ti: “Otandi ye mu pe.”
7 Ihe molweuvaneko eyapuki ndyoka yu uvanekelathana naJonatan, David okwa hupitha omuna gwaJonatan Mefiboshet, omutekulu gwaSaul.
8 Ihe okwa kutha Armoni naMefiboshet, aamati yaali mboka Rizpa yaAja e ya valele Saul; okwa kutha wo aamati yatano yomuna gwaSaul Merab, mboka a valele Adriel yaBarsillai gwokuMehola. 9 David okwe ya gandja kAagibeon, mboka ye ya endjeleleke kondundu koshipala shOmuwa; ayehe yaheyali oya sile pamwe. Oya dhipagwa petameko lyomasiku gotango gokuteya, petameko lyeteyo lyiishokelya.
10 Nena ohonda yaSaul Rizpa yaAja oya yala iinguma yomahahi pemanya mpoka pwa li omidhimba; oya kala hoka okuza ketameko lyokuteya, sigo omvula ya loko iipongo. Inayi pitika oondhila dhi lambele puyo omutenya nenge iilyani yi yi gume uusiku.
11 David sho u uvu shoka Rizpa yaAja a ningi, 12 okwa yi e ta kutha ko iipongo yaSaul noyomwana Jonatan kAajabesh muGilead. (Oye yi yakele kekuma lyoshilando muBetshan, nkoka Aafilisti ya li ya tsilika omidhimba, uuna ya dhipagele Saul kondundu Gilboa.) 13 David okwa kutha iipongo yaSaul naJonatan nokwa gongele wo iipongo yaalumentu yaheyali mboka ya li ye endjelelekwa. 14 Nena oya fumvike iipongo yaSaul noyaJonatan mombila yaKish, he yaSaul, muZela moshilongo shaBenjamin, ya gwanitha ayihe mbyoka omukwaniilwa a popi. Konima yaambika Kalunga okwa yamukula omagalikano gawo e ta sile evi ohenda.
Olugodhi naalefule yAafilisti
(1 Ondjal. 20:4-8)15 Okwa li wo ku na iita yilwe pokati kAafilisti naIsrael. David okwa yi naantu ye, ya kondjithe Aafilisti. Metifa lyolugodhi David okwe etwa mo komvulwe. 16 Omulefule, edhina lye Ishbibenob, ngoka a li a humbata egonga lyoshikushu lyuudhigu wookilohalama ndatu netata nokwa li a zala egongamwele epe, okwa dhiladhila kutya ota dhipaga David. 17 Ihe Abisai, omuna gwaZeruia, okwe ya a popile David. Okwa ponokele omulefule e te mu dhipaga. Nena aantu yaDavid oyu uvaneke kutya ita lyata we kiita. Oya ti: “Ongoye etegameno lyaIsrael; tse inatu hala, tu ku kanithe.”
18 Konima yaambika opwa li olugodhi nAafilisti puGob; molugodhi nduka Sibbekai Omuhusha okwa dhipaga omulefule edhina lye Saf.
19 Okwa li ishewe olugodhi olukwawo nAafilisti puGob. Nena Elhanan yaJair gwokuBetlehem okwa dhipaga Goliat Omugat, ngoka a li e na egonga li na oshikwatelo shi thike pondisimbumu.
20 Okwa li ishewe olugodhi olukwawo muGat, moka mwa li omulefule e hole okukondja. Okwa li e na ominwe oohamano kiikaha nokoompadhi. 21 Sho a sheke Israel, Jonatan, omuna gwamumwayina gwaDavid, edhina lye Shamma, okwe mu dhipaga.
22 Ayehe mbaka yane oya li oluvalo lwaalefule yokuGat, noya li ya dhipagwa po kaantu yaDavid.
Omatimba aSaul a eta ondjala idjuu
1 Ndele pomafiku aDavid eshi pa li omido nhatu dondjala, omudo nomudo, David okwa konga oshipala shOmwene. NOmwene e mu lombwela: “OmolwaSaul nomolwepata laye li netimba lohonde, ye eshi a dipaa Ovagibeon.” 2 Opo nee ohamba ya ifana Ovagibeon ndele tai ti kuvo osheshi Ovagibeon kava li Ovaisraeli, ndelenee oshixupe shOvaamori. Ndele ovana vaIsrael nande ve va anena, Saul a hetekela oku va mana po mouladi waye omolwOvaisraeli nOvajuda. 3 Opo nee David ta ti hano kOvagibeon: “Ndi noku mu ningila shike, ndele ndi noku mu kwatakanifa nashike, opo mu nangeke noupuna oshitukulwafyuululwa shOmwene?” 4 Opo nee Ovagibeon ve mu nyamukula: “Fye itatu pula oshisiliveli noshingoldo shaSaul noshepata laye, ndele katu nepangelo okudipaa umwe womuIsrael.” Ndele ye ta pula: “Nye tamu pula nge shike hano ndi shi mu ningile?” 5 Ndele vo ova nyamukula ohamba: “Omulumenhu ou e tu mana po nokwa li e nomhangela oku tu hanauna po tuha kale po vali nande moshitukulwalongo shimwe shomuIsrael, 6 moludalo laawinya natu pewe mo ovalumenhu vaheyali, tu va endjelelife koshipala shOmwene muGibea shaSaul, omuhoololwa wOmwene!” Nohamba tai ti: “Ame ohandi ke ve mu pa.” 7 Ndelenee ohamba ya fila onghenda Mefiboset yaJonatan yaSaul, omolweano kOmwene, la li pokati kaDavid naJonatan yaSaul. 8 Opo nee ohamba ya kufa Armoni naMefiboset, ovana vavali ovamati, Rispa omona waAja e va dalela Saul, novana ovamati vatano vaMerab, omona waSaul, ye e va dalela Adriel yaBarsillai Omumeholati. 9 Ndele okwe va yandja momake Ovagibeon, vo ve va endjelelifa komhunda koshipala shOmwene, opo aveshe vaheyali va fya. Ndele ova fya pomafiku otete eteyo, nokutya pehovelo leteyo loilya. 10 Ndele Rispa, omona waAja, okwa kufa ekutu loshako nokwe li liyalela kemanya okudja kehovelo leteyo fiyo odula yokeulu ye va loka. Nomutenya okwa taataa eedila dokeulu diha wile kuvo noifitukuti ihe uye kuvo oufiku. 11 David eshi a shiivifilwa osho Rispa omona waAja, omwalikadi waSaul wopomunghulo a ninga, 12 David okwa ya a ka tale omakipa aSaul nomakipa omona waye Jonatan koonakukalamo muJabes shomuGilead, ava ve a vaka monhele ya lalakana muBet-San, oko Ovafilisti ve va endjelelifa mefiku linya Ovafilisti va dipaa Saul muGilboa. 13 Nokwa kufa ko omakipa aSaul nomakipa omona waye Jonatan. Ova kufa po yo omakipa aava va endjelelifwa, 14 nomakipa aSaul nomakipa omona waye Jonatan ve a paka moshilongo shaBenjamin muShela mombila yaxe Kis. Ndele va ninga ashishe palombwelo lohamba, opo nee Kalunga a fila oshilongo onghenda.
Ovatongolume vOvafilisti tava tewa
15 Ndele Ovafilisti eshi va homona vali Israel, David okwa ya pamwe novapiya vaye, ndele vo va lwifa Ovafilisti ndele David okwa loloka. 16 Omutongolumefule Jisbi-Benob, oudjuu weonga laye owa li eekilograma nhatu netata doshikushu, nokwa li e neongamukonda lipe moshiya, okwa diladila okudipaa David. 17 Ndelenee Abisai yaSeruja okwe mu kwafa, nokwa denga Omufilisti nokwe mu dipaa. Opo nee ovalumenhu vaDavid ve mu anifa ndele tava ti: “Ino ya vali pamwe nafye koita, uha dime po olamba yomuIsrael.”
18 Ndele omafiku okomesho pa li vali oita nOvafilisti muGob. Opo nee Sibbegai, Omuhusai, a dipaa Saf womovana vaRefaim. 19 Ndele pa li vali oita nOvafilisti muGob. Ndele Elhanan yaJair womuBetlehem okwa dipaa omumwaina waGoliat, ou Omugat, ou oshiti sheonga laye sha li shi fike pongala yomushi. 20 Ndele pa li vali oita muGat. Noko kwa li omulumenhu mule unene, e nominwe hamano meke keshe nominwe hamano omhadi keshe, omuvalu wado kumwe omilongo mbali nanhee. Naye yo okwa li womovana vaRefaim. 21 Eshi a sheka Israel, Jonatan yaSimei, omumwaina waDavid, okwe mu dipaa. 22 Ava vane va li vomoludalo lOvarefai vomuGat, ndele va dipawa keke laDavid nokomake ovapiya vaye.
