Jesus oye Omuwa gwEsabati
(Mat. 12:1-8Mrk. 2:23-28)1 MEsabati lyontumba Jesus okwa piti pokati komapya. Aalongwa ye oya polola omaha noye ga thengele pomake gawo e taa li. 2 Nena yamwe yomaafarisayi oya ti: “Omolwashike tamu longo shoka shi indikwa kompango mEsabati?”
3 Jesus okwe ya yamukula a ti: “Inamu lesha nani shoka David e shi ningi, sho a li a sa ondjala, oye mwene naantu ye? 4 Oye okwa yi mongulu yaKalunga e ta kutha mo iikwiila mbyoka ya yambelwa Kalunga nokwe yi li po e ta pe wo mboka ya li puye. Iikwiila ya tya ngaaka aayambi ayeke ya li ya pitikilwa oku yi lya.”
5 Opo Jesus okwa ti kuyo: “Omuna gwOmuntu oye Omuwa nogwEsabati.”
Omulumentu e na oshikaha sha lemana
(Mat. 12:9-14Mrk. 3:1-6)6 MEsabati ekwawo Jesus okwa yi mosinagoga nokwa longo aantu. Omo omwa li mu na omulumentu e na oshikaha shokolulyo sha lemana. 7 Nena aalongimpango naafarisayi oya kongo ompito yokutamaneka Jesus, onkee oye mu langele, ya tale, ngele ota aludha mEsabati. 8 Ihe Jesus okwa dhimbulula omadhiladhilo gawo nokwa ti komulumentu gwoshikaha sha lemana: “Thikama, u ye huka montaneho yaayehe.” Oye okwa thikama e te ya. 9 Jesus okwe ya pula e ta ti: “Oshike sha pitikwa okulongwa mEsabati: okulonga uuwanawa nenge okulonga uuwinayi, okuhupitha omwenyo nenge oku gu kanitha?” 10 Jesus okwa tala iipala yaayehe mboka ya kuutumba mpoka nokwa lombwele omulumentu ngoka a ti: “Utha oshikaha shoye.” Oye okwe shi utha, osho nosha aluka.
11 Ihe aatamaneki oye mu geele noonkondo noya pulathana kutya Jesus oye na oku mu ninga ngiini.
Jesus ta hogolola aayapostoli omulongo nayaali
(Mat. 10:1-4Mrk. 3:13-19)12 Pethimbo tuu ndyoka Jesus okwa londo kondundu, a ka galikane, nokwa kala ko uusiku auhe ta galikana Kalunga. 13 Ano ongula sho kwa shi, okwi ithana aalongwa ye, ye ye kuye nokwa hogolola mo muyo omulongo nayaali mboka e ya luku aayapostoli: 14 Simon, ngoka Jesus e mu luku wo Petrus, nomumwayina Andreas, Jakob naJohannes, Filippus naBartolomeus, 15 Mateus naTomas, Jakob yaAlfeus naSimon, ngoka i ithanwa omulaadhi, 16 Judas yaJakob naJudas Iskariot, ngoka a ningi omugwaaleki gwe.
Jesus ta longo nota aludha
(Mat. 4:23-25)17 Jesus okwa kuluka kondundu pamwe nayo nokwa thikama pelundu puuyelele pamwe nongundu onene yaalongwa ye. Okwa li wo ku na aantu oyendji ya zi kuJudea nokuJerusalem, nosho wo komunkulo gwefuta, popepi naTiro naSidon. 18 Oye ya oku mu pulakena nokupangwa omavu gawo. Naamboka ya li ya hepekwa koombepo dha nyata, oye ya kuye nokwe ya aludha. 19 Ayehe mboka oya kambadhala oku mu guma, oshoka oonkondo ndhoka dha zi muJesus odhe ya aludha.
Euvitho lyokondundu: Aanelago naanamupya
(Mat. 5:1-12)20 Jesus okwa tala kaalongwa ye e ta ti:
“Aanelago one mboka mwa hepa,
oshoka Oshilongo shaKalunga osheni.
21 Aanelago one mboka mwa sa ondjala ngashingeyi,
oshoka otamu ka kutithwa.
Aanelago one mboka tamu lili ngashingeyi,
oshoka otamu ka yola.
22 “One aanelago, aantu ngele taye mu tondo, taye mu tidha po, taye mu sheke, nenge taa ti kutya one aawinayi omolwOmuna gwOmuntu. 23 Uuna tashi ningwa, nyanyukweni e tamu tanta,
oshoka ondjambi yeni onene yi li megulu.
Oshoka noohe osho ya ningile wo aahunganeki.
24 Ihe yayee ne mbo aayamba ngashingeyi,
sho mu iwete mwa gwana.
25 Yayee one mboka mwa kuta ngashingeyi,
oshoka otamu ka sa ondjala.
Yayee one mboka tamu yolo ngashingeyi,
oshoka otamu ka sa oluhodhi notamu ka lila.
26 “Yayee, aantu ayehe ngele taye mu popile muuwanawa,
oshoka noohe osho ya ningile aahunganeki aafundja.”
Hola wo naangoka e ku tonde
(Mat. 5:38-48Mat. 7:12a)27 “Ihe ne mboka tamu pulakene, otandi mu lombwele: Holeni aatondi yeni, mboka ye mu huge, ya ningileni uuwanawa. 28 Yambekeni mboka taye mu thingi, galikaneneni mboka taye mu sheke. 29 Oongoka te ku dhenge kolupanda lumwe, mu etha, a dhenge nolukwawo. Ngoka te ku kutha ohema yoye, mu pa nombaikitha yoye wo. 30 Kehe ngoka te ku indile sha, mu pa. Ngoka te ku yugu iinima yoye, ino yi mu pula we. 31 Shoka mwa hala aantu ye mu ningile, osho ya ningileni wo.
32 “Ngele ne omu hole owala aantu mboka ye mu hole, otamu tegelele tuu epandulo lyasha? Oshoka naalunde wo oye hole aantu mboka ye ya hole. 33 Ngele ohamu ningile owala uuwanawa aantu mboka haye mu ningile uuwanawa, otamu tegelele tuu epandulo lyasha? Oshoka naalunde wo osho haa ningi. 34 Ngele ohamu pe owala mboka taye ke mu pa komeho, otamu tegelele tuu epandulo lyasha? Oshoka naalunde ohaa paathana, opo ya ka galulilwe shi thike pushoka ye shi gandja. 35 Holeni aatondi yeni e tamu ya ningile uuwanawa. Gandjeni, ne inamu tegelela, mu galulilwe. Oshoka ondjambi yeni onene, notamu ningi aana yaKalunga gwokombandambanda. Oshoka Kalunga oye omwaanawa kumboka ihaa pandula naamboka oonakwiihola. 36 Kaleni mu na ohenda ngashika Ho yeni e na ohenda.”
Okupangulathana
(Mat. 7:1-5)37 “Inamu pangula yakweni, opo Kalunga kee mu pangule; inamu tokola, opo Kalunga kee mu tokole. Dhiminathaneni po oondjo, Kalunga ote mu dhimine po wo. 38 Gandjeni, Kalunga ote mu pe oshiyelekitho shoka tashi holola iilonga yeni iiwanawa, shu udha, sha thindwa, sha huwa, tashi tika e tashi tulwa mekolo lyeni. Oshoka oshiyelekitho shoka tamu shi yelekitha yakweni, osho Kalunga te ke mu yelekitha.”
39 Jesus okwe ya lombwele eyele a ti: “Omuposi ota vulu tuu okukwata omuposi mukwawo keti? Ayehe yaali itaa gwile moshilambo? 40 Omulongwa ke vule ndishi omulongi gwe. Ihe omulongwa kehe ngoka a pwa okulongwa, oku thike pomulongi gwe.”
41 “Omolwashike wa tala okahwandu okashona ke li meho lyamukweni, ihe endangalati li li meho lyoye ku li wete? 42 Nenge oto vulu ngiini okulombwela mukweni: ‘Kuume, andiya, ndi kuthe mo okahwandu ke li meho lyoye,’ ihe endangalati ndyoka li li meho lyoye mwene ku li wete? Mufudhime ngoye, kutha mo tango endangalati meho lyoye mwene, nena oto vulu okumona ko e to kutha mo okahwandu ke li meho lyamukweni.”
Omuti niiyimati yagwo
(Mat. 7:16-20Mat. 12:33-35)43 “Omuti omwaanawa kagu wapa okwiima iiyimati iiwinayi, nomuti omwiinayi kagu wapa okwiima iiyimati iiwanawa. 44 Oshoka kehe omuti ohagu dhimbululwa kiiyimati yagwo. Ndishi oonkwiyu ihadhi likolwa komano nenge oomviinu komankono? 45 Omuntu omwaanawa ota holola mompungulo ombwanawa yomutima gwe uuwanawa. Osho wo omuntu omwiinayi ota holola mo uuwinayi mompungulo ye ombwinayi. Oshoka shoka shu udhilila momutima, okana ohake shi piitha mo.”
Aatungingulu yaali
(Mat. 7:24-27)46 “Omolwashike hamu ithana ndje: ‘Omuwa, Omuwa’, ihe ihamu longo shono tandi shi mu lombwele? 47 Kehe ngoka te ya kungame nota pulakene oohapu dhandje e ta vulika kudho, otandi mu ulukile nkene a tya. 48 Oye okwa fa omulumentu ta tungu ongulu. Oye okwa fulu nokwa tungile ekankameno kemanya. Opo eyelu olye ya, nefundja olya panuka ko e tali itsu mongulu ndjoka, ihe inayi teka po, oshoka oya li ya tungwa ya kola. 49 Ihe ngoka tu uvu oohapu ndhika dhandje, ye ita vulika kudho, okwa fa omulumentu a tungile ongulu pehekevi, ye ina fula omukanka. Ano efundja sho lya panuka ko e tali itsu mongulu ndjoka, oya kumuka po, nekumukopo lyayo olya li enene.”
Jesus novalongwa vaye mepya
1 Ndele opa ningwa mEshabata limwe, Ye okwa tokola momapya, ndele ovalongwa vaye ova polola omasha ndele tava li noku a fengela pomake. 2 Ovafarisai vamwe ova tya: “Oshike tamu longo eshi sha dilikwa mefiku lEshabata?” 3 Ndele Jesus okwe va nyamukula ta ti: “Hamba, inamu lesha, David nhumbi a ningile novanhu vaye, Ye eshi a fya ondjala, 4 nhumbi a ya mongulu yaKalunga, ndele okwa kufa mo omingome detaliko, ye a lya ndele ta pe ovanhu vaye, nande oda li da dilikwa okuliwa kovanhu vehe fi ovapristeli?” 5 Ye okwe va lombwela: “Omona wOmunhu Oye omwene wEshabata.”
Jesus nEshabata
6 Ndele mefiku limwe lEshabata opa ningwa, Ye okwe ya moshinagoga ndele okwa longa ovanhu, nomo mwa li mu nomulumenhu e nokwooko kwokolulyo kwa kukuta. 7 Ndele opo ovanongo vomishangwa nOvafarisai ove mu nangela va mone ngeenge ta velula mEshabata, va mone omhito oku mu vela ombedi. 8 Ndele ye okwa li e shii omadiladilo avo, ndele ta ti komulumenhu, ou e neke la fya: “Fikama u ehene oku.” Ou okwa fikama ndele te uya po. 9 Jesus okwe va lombwela: “Ohandi mu pula, oshilipipo sha wapalela Eshabata, okulonga ouwa ile okulonga owii, okuxupifa omwenyo ile oku u nyona po?” 10 Ndele okwe va keuka aveshe nehandu, ndele okwa tya kuye: “Nana eke loye. Ndele ye okwe shi ninga, neke laye ola veluka.” 11 Ndele vo ova handuka, va kundafana nhumbi tava ningi Jesus.
Jesus ta hoolola ovayapostoli
12 Ndele momafiku aa opa ningwa, Ye eshi a londa komhunda a ka ilikane, okwa kala ko oufiku aushe nokwiilikana Kalunga. 13 Ndele eshi kwa sha, okwa ifana ovalongwa vaye ndele okwa hoolola mo omulongo navavali, ndele okwe va luka ovayapostoli: 14 Simon, ou e mu luka yo Petrus, naAndreas ondenge yaye, Jakob naJohannes, Filippus naBartolomeus, 15 Mateus naTomas, Jakob yaAlfeus, Simon ou a ifanwa omuladi, 16 Judas yaJakob naJudas Iskariot, ou a ninga omukengeleli waye.
Jesus ta velula
17 Ndele eshi a londoloka ko pamwe navo, okwa kala ofika pehenene ndele oko kwa li ku nongudu inene yovalongwa vaye, novanhu vahapu vomuJudea ashishe novomuJerusalem novomomikunda daTirus nodaSidon di li pefuta, ava ve uya oku mu pwilikina nokuvelulwa komaudu avo, 18 nosho yo ava va li va hepekwa keemhepo da nyata ova velulwa. 19 Novanhu aveshe ova hala oku mu kuma, osheshi eenghono da dja muye da velula aveshe.
Eudifo laJesus lokomhunda
20 Ndelenee Ye okwa yelula omesho aye, a tala ovalongwa vaye ndele ta ti:
“Ovanelao nye eehepele, osheshi ouhamba waKalunga oweni.
21 “Ovanelao nye ovo mwa fya ondjala paife, osheshi nye otamu ka kutifwa. Ovanelao nye ava tamu lili paife, osheshi otamu ka yola.
22 “Ovanelao nye ovanhu ngeenge tave mu tondo molwedina lOmona wOmunhu ndele have mu kondo mo nohave mu sheke, nedina leni have li dini la fa lii. 23 Hafeni efiku olo nye mu nhuke nokunyakukwa pombada, osheshi ondjabi yeni oinene meulu, osheshi osho ngaha ooxe va ningila ovaxunganeki.
24 “Ndelenee woo nye oipuna, osheshi ehekeleko leni omwe li mona nokuli.
25 “Woo nye, ava mu nekuta paife, osheshi tamu ka fya ondjala.
“Woo nye, tamu yolo, osheshi otamu ka nyika oluhodi nokulila.
26 “Woo nye, ava ovanhu aveshe tave mu popile mouwa, osheshi osho tuu ngaha ooxe va ningila ovaxunganeki ovanaipupulu.
Holeni ovatondi veni
27 “Ndelenee nye ava tamu pwilikine ohandi mu lombwele: Holeni ovatondi veni, ovo have mu tondo va ningileni ouwa, 28 nangekeni noupuna ovo have mu fingi, ilikaneneni ava have mu sheke. 29 Ou te ku denge kolupanda, mu pa yo likwao, ndele ou te ku nyeka oshikutu shokombada, ino mu anyena naashi shokoshi. 30 Keshe ou te ku indile, mu pa, naau te ku kufa oshinima, ino shi mu pula nefininiko. 31 Ndelenee ngaashi mwa hala ovanhu ve mu ningile, osho va ningileni yo. 32 Ndele onye ngeenge mu hole ava ve mu hole, otamu mono epandulo lashike? Osheshi novalunde yo ove hole ava ve va hole. 33 Ndele ngeenge hamu ningile ouwa ovo have mu ningile ouwa, otamu mono epandulo lashike? Osheshi novalunde yo osho hava ningi. 34 Ndele ngeenge tamu yandje sha kwaava tamu teelele, ve shi mu alulile, otamu mono epandulo lashike? Novalunde yo otava yandje kovalunde, vo va pewe vali ngaashi va yandjele. 35 Ndelenee holeni ovatondi veni, nye mu va ningile ouwa, yandjeni nye muha teelele okwaalulilwa sha, opo ondjabi yeni tai ningi inene, ndele nye otamu ningi ovana vaau wOkombadambada, osheshi naye yo oku na onheni naava vehe shii okupandula naava vai. 36 Kaleni mu nonghenda, ngaashi Xo yeni e nonghenda.
37 “Ndele inamu tokola, nanye yo itamu tokolwa, inamu va tokolela ekano, nanye yo itamu tokolelwa ekano. Diminafaneni po omatimba, nanye yo tamu ke a diminwa po. 38 Yandjeni, nanye yo otamu ka pewa, oshiyelekifo shiwa sha fendwa, sha hekeshelwa, sha hekeshelekeka, tave shi tula mekolo leni. Osheshi oshiyelekifo eshi tamu shi yelekifa, nanye yo tamu ke shi yelekifwa.”
Endangalati nokambodi meisho
39 Ndele Ye okwe va lombwela efaneko: “Omupofi ota dulu ngahelipi okukwata omupofi mukwao komhango? Itava wile melambo aveshe vavali? 40 Omulongwa ke dule omulongi waye; keshe ou a pwa okulongwa oye e fike pomulongi waye.
41 “Ndele oto mono ngahelipi okambodi ke li meisho lamukweni, ove uhe wete endangalati li li meisho loye mwene? 42 To dulu ngahelipi okulombwela omumwanyoko: ‘Omumwameme, handi uya ndi kufe mo okambodi ke li meisho loye,’ fimbo uhe wete endangalati li li meisho loye mwene? Omunaihelele ove, kufa mo tete endangalati meisho loye mwene, opo to mono nawa, nhumbi to kufa mo okambodi ke li meisho lamukweni.
Omuti ohau konekwa koiimati yao
43 “Osheshi kape na omuti muwa hau ima oiimati ii, ndele kape na omuti mwii hau ima oiimati iwa. 44 Osheshi keshe omuti ohau konekwa koiimati yao. Eenghwiyu ihadi likolwa komano, nomashila eeviinyu ihaa likolwa koshixwa sheno. 45 Omunhu muwa oha pitifa mo memona liwa lomutima waye ouwa, ndele ou mwii oha pitifa mo owii memona laye lowii, osheshi osho shi yadi omutima, okanya ohake shi popi. 46 Ndele oshike hamu ifana nge: ‘Omwene, Omwene,’ nye ihamu longo osho handi shi mu lombwele.
Ovatungi vavali
47 “Okeshe tuu ou te uya kwaame ndele ota udu eendjovo dange ndele te di wanifa, ohandi mu ulikile kutya okwa fa lyelye. 48 Ye okwa fomunhu ta tungu ongulu, ta fe mokule nomakanghameno e a tula kemanya, nefundja eshi le uya, omatondokelo omeva okwe litwa mongulu ei, ndele inaa dula oku i teya po, osheshi oyo ya li ya tungwa nawa. 49 Ndelenee ou te di udu, ndele ite shi ningi, ye okwa fomunhu a tungila pehekedu longaho puhe nomakanghameno, eyelu eshi la kungulukila kuyo, oya teka po, nengumauko layo la ninga linene.”
