1 Ontumwafo ndjika oya zi kuJudas, omumati gwaJesus Kristus, noye omumwayina gwaJakob.
Oya nyolelwa mboka yi ithanwa kuKalunga, oomboka ye li kohi yohole yaKalunga Tate nomegameno lyaJesus Kristus.
2 Esilohenda, ombili nohole nayi mu indjipalele.
Aalongi aafundja
3 Ookuume kandje aaholike, sho shene onda li nda hala oku mu nyolela kombinga yehupitho lyetweni atuheni, sho nda dhimbulula ompumbwe yoku mu nyolela, opo ndi mu tse omukumo, mu vule okukondjela eitaalo ndyoka Kalunga e li pe aantu ye polumwe aluke. 4 Oshoka mokati keni omwi iyakela aakeenakonashanakalunga yamwe mboka taa goyokitha elaka lyesilohenda lyaKalunga ketu nokwaaneidhiliko kwawo. Otaa dhini Jesus Kristus, Omulongi omunene nOmuwa awike gwetu. Omanyolo oga hunganeke nale nokuli egeelo ndyoka ya pewa.
5 Nonando omwa tseya iinima mbika ayihe, onda hala oku mu dhimbulutha, Omuwa nkene a hupitha Aaisraeli noku ya tembudha muEgipiti, ihe konima okwa ka yona po mboka ya tindi okwiitaala. 6 Dhiladhileni aayengeli mbeyaka ya kondo omautho ngoka ye ga pewa e taa thigi po ehala lyawo yene; oye li momalyenge gaaluhe momilema dhomuule. Omo moka Kalunga e ya edhilile sigo omesiku enene moka taa ka pangulwa. 7 Dhiladhileni Sodom naGomorra niilando yopuushiinda wayo. Aantu yamo oya yono ngaashi aayengeli mbeyaka noya hondele e taa lundulula omikalo dhopantu. Onkee ano oya geelwa nomulilo gwaaluhe, shi ninge elondodho kaantu ayehe!
8 Osho wo aayagumi mbaka ohaa yaguma oondjodhi ndhoka tadhi ya fala okunyateka omalutu gawo. Ohaa dhini oonkondo nepangelo lyaKalunga nohaa sheke iikwayadhimo yomegulu. 9 Nomuyengelimukuluntu Mikael ine shi ninga. Molugodhi lwawo naSatana sho ya li taa ludhikithathana kutya olye e na okukutha po omudhimba gwaMoses, Mikael ina pangula nando Satana nenge e mu sheke, ihe okwe mu lombwele owala a ti: “Omuwa ne ku geele!” 10 Ihe aantu ya tya ngeyi otaa sheke iinima yaa yi shi naambyoka ye yi shi paunshitwe ngaashi iiyamakuti, oyo mbyoka tayi ya yono po. 11 Egeelo lyawo otali ka kala edhigu. Oyo oya landula ondjila yaKain. Omolwiimaliwa oyi iyethele mepuko lyaBileam. Oya ningi onakwaavulika ngaashi Kora noya yonwa po ngaashi ye. 12 Oyo oya fa iifakufaku piililo yeni yuukumwe yo ihaa si ohoni okugongalela iikolitha. Aantu ya tya ngeyi ihaa sile yakwawo oshimpwiyu. Oyo oya fa iikogo tayi matukithwa kombepo noitayi eta omvula. Oya fa omiti dhopokufu, ihaadhi imi iiyimati, ongomiti dha vudhwa mo nomidhi dhadho e tadhi si. 13 Oyo oya fa omakuthikuthi ga pindjala gomefuta. Iilonga yawo yohoni otayi itumbu pombanda ya fa ondutu. Oyo oya fa oonyothi hadhi telauka. Kalunga okwe ya pungulila ehala lyaaluhe momilema dhomuule.
14 Enok, omutiheyali gwoluvalo lwaAdam, okwa hunganeke nalenale kombinga yaantu ya tya ngeyi: “Tala! Omuwa ote ke ya pamwe naayengeli ye aayapuki yomayuvi ogendji 15 okupangula ayehe nokugeela aakeenakonashanakalunga ayehe omolwiilonga yawo ayihe yokudhina Kalunga, sho haa popi oohapu dhomatukano dha tsa ondumbo naKalunga.”
16 Aantu ya tya ngeyi ohaa kala aluhe nokungungutula nokupa yakwawo uusama. Oyo ohaa landula uuhalu wawo; ohaa popi oohapu dhuuntsa nohaa fundjaleke aantu, opo ye ya likole.
Omakumagidho nomapukululo
17 Ookuume kandje, dhimbulukweni oohapu ndhoka mwe dhi lombwelwa nale kaayapostoli yOmuwa gwetu Jesus Kristus. 18 Oyo oye mu lombwelele ya ti: “Pomasiku gahugunina otaku ke ya aakeenakonashanakalunga haa landula uuhalu wawo yene e taye mu sheke.” 19 Oyo oonakweeta omatopoko, haa pangelwa kuuhalu wawo wopanshitwe yo kaye na Ombepo Ondjapuki. 20 Ihe ne, ookuume kandje, itungileni kekankameno lyeitaalo lyeni eyapuki. Galikaneni moonkondo dhOmbepo Ondjapuki, 21 ne mwi ikaleke mohole yaKalunga mokutegelela kweni, Omuwa gwetu Jesus Kristus pasilohenda lye e mu pe omwenyo gwaaluhe.
22 Kwatheni nohenda mboka ya limbililwa; ya hupitheni, mu ya nakule momulilo. 23 Kwatheni wo yalwe nokutila, ihe nyanyaleni oonguwo dhawo dhokohi ndhoka dha nyatekwa kuuhalu wawo.
Egalikano lyehambelelo
24 Kalunga nguka ta vulu oku mu gamena, mwaa punduke, noku mu kaleka mwaa na oshipo, mu udha enyanyu montaneho yeadhimo lye, 25 oye awike Kalunga nOmuhupithi gwetu molwaJesus Kristus, Omuwa gwetu. Oye e na eadhimo, uunenesimano, oonkondo nepangelo okuza komathimbo gonale nongashingeyi nosigo aluhe. Amen.
1 Judas, omupiya waJesus Kristus, omumwaina waJakob, kwaava va ifanwa ndele va yapulwa muKalunga Tate ndele va amenenwa Jesus Kristus. 2 Onghenda nombili nohole nai mu hapupalele.
Eitavelo nali kondjelwe
3 Ovaholike, eshi nda li nda hala nokuhalelela oku mu shangela molwexupifo letweni atusheni, ame onda li ndi udite ndi noku mu shangela noku mu kumaida, nye mu kondjele eitavelo eli la pewa ovayapuki polumwe aluke. 4 Osheshi oku novanhu vamwe ve livakela mo meongalo leni, ava va shangelwa nale etokolo eli, ovahenakalunga, efilonghenda laKalunga ketu otave li pilike pailonga yavo youhalu ndele tave likale Jesus Kristus, ou Omupangeli nOmwene wetu umwe aeke.
Ovalunde tava handukilwa
5 Nande aishe omwe i shiivifilwa nale, onda hala oku mu dimbulukifa vali nokutya, Omwene ou a xupifa tete oshiwana medu laEgipiti, konima okwa nyona po aveshe venya va anya oku mu itavela. 6 Novaengeli venya, ava va li inava diinina oulenga wavo, ndele va fiya po omitumba davo vene, okwe va idilila nomulaulu, omomapando alushe, va diininwe ngaha fiyo okefiku olo linene letokolo. 7 Ngaashi Sodom naGomorra nomikunda domoushiinda wayo, eshi va li moluhaelo panghedi yavo nova puka nokushikula ouhalu wombelela, paenghedi dihe fi dopaushitwe, ova ninga edidiliko eshi va hepekwa nehepeko lomundilo waalushe.
8 Osho yo ovatwi veendjodi ava otava nyateke ombelela ndele tava dini ouhamba notava sheke ovo vomoshinge. 9 Omweengeli omukulunhu Mikael nande a twa eemhata naSatana omolwoshimhu shaMoses okwa tila oku mu ula ondjovo yetokolo noku mu sheka. Okwa tya ashike: “Omwene ne ku handukile!” 10 Ndelenee ovanhu ava hava sheke osho kave shi shii. Ndele otave linyonaunine mwaayo ve i shii konghedi youshitwe ngaashi oinamwenyo ihe neendunge. 11 Woo kuvo, osheshi va enda nondjila yaKain, nomokulikongela ondjabi ve liundulila mepuko laBileam ndele tava ka nyonaukila mokulundakana kwavo ongaashi kwinya kwaKora.
Ovalundakani ava vomeongalo
12 Moivilo yeni yohole ovo omalopyolopyo ohoni vehe na ouxwenge mokulya nanye nokuxwaka. Ovo va fa oilemo ihe nomeva tai tewatewa komhepo, ovo va fa omiti dopokufu da yaumuka, dihe noiimati, ya fya luvali, va dudwa mo nomidi. 13 Ovo omakufikufi omefuta tava tutumike onhutu yohoni yavo vene. Ovo eenyofi da pukilila, ovo va teelelifwa omulaulu womilaulu fokofoko fiyo alushe.
14 Naave yo Henok, omutiheyali kokudja kuAdam okwe va xunganeka, a tya: “Tala, Omwene ote uya novayapuki vaye omayovi omilongo, 15 okutokola aveshe nokuhandukila ovahenakalunga aveshe omolwoilonga yavo aishe youhenakalunga, ve i longa mouhenakalunga wavo, neendjovo davo adishe dikukutu, ovalunde ovo vehe na Kalunga ve di popya va twa ondubo naye.” 16 Ovo tuu ava ovanaenyamukudi alushe nohava ngongotele oipewa yavo ei ve i na, ndele tava kala nokushikula omauhalu avo, nomakanya avo taa popi eendjovo dounhwa ndele tava heke ovanhu nokukonga shavo vene.
Omakumaido nepandulo
17 Ndelenee nye ovaholike, dimbulukweni eendjovo mwe di lombwelwa nale kovayapostoli vOmwene wetu Jesus Kristus, 18 eshi va tile kunye: “Momafiku ahauxuuninwa otape uya ovasheki, hava endifwa komauhalu avo ouhenakalunga.” 19 Ovo tuu ovo tava eta omatukauko, ovo ovanhu vopashitwe, ndele kave nOmhepo. 20 Ndelenee nye, ovaholike, litungileni kekanghameno leitavelo leni liyapuki, nye mu ilikane mOmhepo Iyapuki, 21 opo mu likaleke mohole yaKalunga nokuteelela onghenda yOmwene wetu Jesus Kristus komwenyo waalushe. 22 Fileni onghenda ovo ve na omalimbililo. 23 Va xupifeni noku va vakula momundilo. Vamwe va fileni onghenda nokutila nokutonda oshikutu shavo sha nyatekwa kombelela.
24 Ndelenee Oye ou ta dulu oku mu amena, muha punduke note mu kaleke mehafo koshipala shoshinge shaye, muhe noshipo, 25 Oye aeke Kalunga nOmuxupifi wetu omolwOmwene wetu Jesus Kristus, Oye na pewe efimano nounene neenghono nepangelo manga omafimbo a li ehe ko nena nofiyo alushe! Amen.
