Omuhunganeki ta pangula uulunde waantu
1 Inamu dhiladhila kutya Omuwa ota nyengwa oku mu hupitha nenge a thita omakutsi kaa uve, sho tamu galikana. 2 Omolwomayono geni ite mu pulakene. Oondjo dheni odho dhe mu yoolola muKalunga keni, mwaa mone oshipala she. 3 Iikaha yeni oya tiligana ombinzi, noonyala dheni odha nika omayono. Omilungu dheni otadhi popi iifundja, nelaka lyeni otali nongona omagwaaleko.
4 Otamu yi koompangu, ihe kamu na uuyuuki. Otamu popile iifundja, opo mu kale nawa. Otamu ningi aasimba e tamu vala iihuna. 5 Otamu utumanene omayi goshikoko notamu tungu omawiiwili. Ngoka ta li omayi ngoka, ota si; nongele limwe tali tendulwa, otamu zi epili. 6 Omawiiwili kage shi kuzalwa, itamu vulu okwiisiikila nago. Iilonga yeni oyo iiwinayi, niikaha yeni oyu udha iikolokosha. 7 Aluhe otamu matukile okulonga uuwinayi notamu endelele okutilahi ombinzi yomukeenandjo. Omadhiladhilo geni oga goyoka; ehanagulo oli li momapola geni. 8 Itamu tseya ondjila yombili, nomoompadhi dheni kamu na uuyuuki. Omapola geni oga ngolyauka, nokape na ngoka e li mugo ta kala nombili.
Aantu taa hempulula oondjo dhawo
9 Aantu otaa ti: “Ngashingeyi otu shi shi kutya omolwashike Kalunga itee tu hupitha miikaha yaamboka taye tu hepeke. Otwa tegamena uuyelele, ihe otatu lyanga momilema thokothoko. 10 Otatu pwampwauka twa fa aaposi. Otatu lontauka omutenya twa fa tu li muusiku ongashika muuyuni womilema dheso. 11 Otatu gono ngomamwanka, tatu kululula ngoonguti. Otatu kongo uuyuuki, ihe itatu u mono. Otwa hala emanguluko, ihe olya kala kokule.
12 “Omuwa, omayono getu ngoka twa yono kungoye, ogendjigendji. Oondjo dhetu otadhi tu tamaneke. Omayono getu otage tu landula notwa tseya iilonga yetu iiwinayi. 13 Otwa tsu ondumbo nangoye, otwe ku idhimbike notwa tindi oku ku landula. Otwa hepeke yalwe notwe ku pilamene. Meni lyetu otwa dhiladhila iifundja, nomakana getu oga popi iilombo. 14 Okutokola kwomondjila otaku pegulwa po, nuuyuuki itau vulu okuhedha ko. Oshili otayi goyokithwa montaneho, nuuyuuki itau gwanithwa nando. 15 Oshili oya pumba, naangoka te etha uuwinayi, ota yugwa.”
Omuwa ta ka mangulula aantu ye
Omuwa okwe shi tala nokwa geye, sho kaku na uuyuuki. 16 Okwa tala nonkumwe kutya kakwa li nando oongoka ta kwatha aahepekwa. Omolwashoka ta longitha oonkondo dhe mwene, e ya mangulule noku ya pa esindano. 17 Ota zala uuyuuki wa fa ehuuyanza, nesindano lya fa egala lyosheela. Oti izaleke iikonene ya fa omutsuhu noti ikuwikile muulaadhi wa fa elwaakani. 18 Ota ka geela aatondi ye pailonga yawo, naamboka wo ya kala kokulekule. 19 Otaye ke mu tila okuza kuuzilo sigo okuuninginino. Shaa ngoka ota tila oonkondo dhe oonene. Ote ya a fa efundja lyomulonga, ta tsinuka ko a fa oshikungulu shombepo.
20 Omuwa ota lombwele aantu ye ta ti: “Otandi ke ya kuSion ndi mu popile nondi hupithe ayehe mboka yi itedhulula moondjo dhawo. 21 Otandi ka hangana nane. Onde mu tilile Ombepo yandje nonde mu pe oohapu dhandje, dhi kale pune sigo aluhe. Okuza mpaka otamu ka vulika kungame nokulonga aana yeni noluvalo lwawo lu vulike kungame aluhe sigo aluhe.”
Exupifo kali po pehe nelidilululo
1 Tala, eke lOmwene inali xupipala okukwafa, nomatwi aye inaa fita okuuda ko, 2 ndelenee omanyonauno eni e mu tukula muKalunga keni, nomatimba eni okwa tuvika oshipala shaye aha ude ko. 3 Osheshi omake eni okwa nyika ohonde, nominwe deni oda nyika oulunde, omilungu deni tadi popi oipupulu nelaka leni tali lundile. 4 Kape na umwe ta hokololifa mouyuki nopehe na ou ta twifa mukwao eemhata moshili. Vo ohave lineekele dongaho, ndele tava popi doipupulu, ova ninga ovafimba voupyakadi, ndele tava dala oixuna. 5 Ohava dala omai ekakala, ndele tava tungu eluviluvi; ndele ou ta li omai alo, ota fi, nongeenge la tatulwa otamu di efu. 6 Omaluviluvi avo itaa wana okuninga oshikutu, ngaashi itava dulu okulituvikila noilonga yavo, oilonga yavo oyo oilonga youlunde, ndele ve na oumhulu momake avo. 7 Eemhadi davo otadi tondokele okuninga owii noda endelela okutilashi ohonde ihe na etimba; omadiladilo avo oo oulunde, nomeendjila davo omu na ehanauno nomateyaulo. 8 Ondjila yombili kave i shii, nongaashi meendjila davo kamu nouyuki; otave liningile eendjila da penga, kape na ou ta ende mo a shiiva ombili.
9 Onghee hano eyukifo liyuki ole tu ama kokule nouyuki itau tu hange, fye ohatu teelele ouyelele, ndelenee tala, omilaulu di li po, etendo leluwa, ndelenee ohatu ende nomilaulu fokofoko. 10 Ohatu pamhadala ekuma ngaashi ovapofi, hatu pamhadala ngaashi tuhe na omesho; omutenya ohatu punduka ngaashi oufiku; mokati kovapami ngaashi ovanhu va fya. 11 Fye ohatu kumbu ngaashi onghoshi, nohatu shukushula ngaashi onghuti, hatu teelele eyukifo liyuki, kali ko; exupifo, ndele ola kala kokule nafye, 12 osheshi omatauluko etu koshipala shoye omahapu nomatimba etu otae tu hepaululile, osheshi omatauluko etu e li koshipala shetu noulunde wetu fye otu u shii: 13 otwe liteeka Omwene noku mu lidimbika, nokulikufa meshikulo laKalunga ketu, twa popya eendjovo domanyeko nodondubo, twe di humbatela meni letu nomomutima twa pitifa mo eendjovo doipupulu. 14 Eyukifo liyuki otali kandulwa po, nouyuki owa kala ofika kokule, osheshi oshili yovene oya pundukila momapandavanda naashi sha yuka itashi dulu okuuya mo. 15 Heeno, osho sha kala ngaha, oshili yovene ya kana; naau a efa owii, ote linyatekifa. Omwene okwe shi mona, nokwa ninga omwenyo mwii, osheshi inapa kala vali ouyuki nande.
Omukulili ta xunganekwa
16 Ndele ye okwa mona, kape na nande umwe, ndele okwa kumwa, osheshi kapa li nande omunghwandjila. Opo nee okwooko kwaye okwe mu kwafa nouyuki waye owe mu yambidida. 17 Ndele ouyuki okwe u djala ngaashi oshivela, nokwa djala embale loshivela olexupifo komutwe waye, okwa djala oshikutu shonghone, ngaashi omunhu a djala elwakani. 18 Ta futu ehandu pailonga yovatondadi vaye noupyuhandu kovanaita naye, eenhunhu ote di futu eshi de lilongela. 19 Ndele vo otava ka kala nokutila edina lOmwene kouninginino, nokepito letango oshinge shaye. Osheshi ota kungulula po ngaashi omulonga mudjuu pokati komutune nomutune, tau shingwa komufudo wOmwene. 20 “Ndelenee Ye ote uya kuSion ngaashi Omukulili nokwaava vomuJakob ve lidilulula koulunde wavo,” Omwene osho ta ti.
21 Ehangano lange navo ole li, Omwene ta ti: “Omhepo yange ei i li kombada yoye, neendjovo dange handi di tula mokanya koye, nomomakanya omaludalo oye nomokanya koludalo tali shikula komesho, nena nofiyo alushe,” Omwene osho ta ti.
