Eithano lyomuhunganeki
1 Kalunga ketu ota ti:
“Hekelekeni, hekelekeni aantu yandje.
2 Aajerusalem ya tseni omukumo.
Ya lombweleni kutya ehepeko lyawo olya hulu,
noondjo dhawo ngashingeyi odha dhimwa po.
Onde ya geele egeelo lya gwana molwoondjo dhawo.”
3 Ewi tali kolomoka tali ti:
“Longekidhileni Omuwa ondjila mombuga!
Paleleni Kalunga ketu epola montale!
4 Omasilu agehe naga filwe po;
oondundu adhihe nadhi kumunwe po.
Iikulundundu nayi palwe,
niisilukutumba nayi yelekanithwe.
5 Eadhimo lyOmuwa otali iholola:
naana yaantu otaye ke li mona ko.
Omuwa oye mwene e shi uvaneke.”
6 Ewi olya ti: “Uvitha!”
Onda pula nda ti:
“Nandi uvithe shike?”
“Uvitha to ti: Aantu ayehe oya fa omwiidhi;
nesimano lyawo olya fa oongala dhokelundu.
7 Omwiidhi otagu kukuta,
noongala otadhi ganya, uuna Omuwa te dhi pepithile ombepo.
Aantu kaa vulathane nomwiidhi.
8 Eeno, omwiidhi otagu kukuta,
noongala otadhi ganya,
ihe oohapu dhaKalunga ketu
otadhi kala sigo aluhe.”
Ehunganeko lyeihololo lyaKalunga kaantu
9 Jerusalem, londa pombanda kondundu
nou uvithe elaka etoye!
Sion, igidha newi lyopombandambanda,
u tomone onkundana ombwanawa!
Kugagana shili ngoye ino tila!
Lombwela iilando yaJuda kutya Kalunga kawo ote ya!
10 Omuwa Omupangeliawike ote ya okulela,
oye omunankondoawike.
Ote etelele aantu mboka a mangulula,
11 ongomusita ta litha oshigunda she;
oonzigona ote dhi gongele pamwe
noku dhi humbata momaako ge;
oonyali ote dhi sisidha nawa.
Esimano lyaKalunga kali shi kuyelekwa
12 Oku na tuu ngoka ta vulu okuyeleka efuta neshambekela,
nenge a yeleke eyalelo nolundya lwe?
Oku na tuu ngoka ta pungula ontsi yevi montungwa,
nenge a vihe oondundu niikulundundu moshiviha?
13 Oku na tuu ngoka ta vulu okulombwela Omuwa shoka e na okuninga?
Olye ta vulu oku mu longa,
nenge e mu pe omayele?
14 Kalunga ota pula oondunge kulye,
opo a tseye ye uve ko
nokwiilonga kutya iinima ohayi ningwa ngiini?
15 KOmuwa iigwana kayi na po sha;
kuye oya faathana neta limwe lyomeya,
iipuupuka moshiviha ya fa ontsi.
Nge ta tumbu oontuntu,
odho oompu dha fa owala ontsi.
16 Iiyamakuti ayihe momakuti gaLibanon
inayi gwana okuyambelwa Kalunga ketu,
nomiti adhihe kadhi shi odhindji
dhi ninge iikuni yokutema omulilo.
17 Iigwana ayihe kayi shi sha koshipala she,
kayi na omwago gwasha kuye.
18 Kalunga ota yelekwa nalye?
Otamu mu faathanitha nashike?
19 Ita faathanitha noshimenka sha hongwa kiikaha yaantu,
oshilonga shiiyela ya kolongwa noshingoli
nosha tulwa mekota lyoshisiliveli.
20 Omuntu ngoka ita vulu okulanda oshisiliveli nenge oshingoli,
ota hogolola omuti gu na olute lwa kola.
Ota ka konga onkulungu, a honge oshiyelekelakalunga,
shi dhikwe itaashi tenguka.
21 Kamu shi shi?
Inamu shi lombwelwa nale?
Inamu kundana, uuyuni nkene wa tameka po?
22 Owa shitwa kungoka a kuutumba koshipangelapundi
mookathele mwi handiyaka yeyalelo;
aantu kombanda yevi oya fa uudhidhi.
Egulu ote li yala lya fa onguwo,
ote li alele ngetsali lyokukala mo.
23 Aawa ote ya kutha ko kiipundi,
aapangeli yomuuyuni ote ya shundula.
24 Oya fa iimeno opo ya tsikwa,
opo tayi tsapuka omidhi.
Omuwa nge a pepitha ombepo,
otaa pepuka po,
taa yi ombepo ya fa etutu.
25 Kalunga omuyapuki ota vulu okuyelekwa nalye?
Oku na tuu ngoka e mu fa?
26 Tala owala utale kegulu!
Olye a shiti oonyothi ndhoka wa tala?
Oye ngoka te dhi enditha dha fa etangakwiita.
Adhihe okwe dhi tseya nawa,
nokehe yimwe ote yi tumbula kedhina lyayo!
Oonkondo dhe oonenenene,
odha kolelela nokape na ndjoka e yi hunutha po.
Esiloshimpwiyu lya mana mo
27 Israel, omolwashike to ngungutula to ti,
Omuwa ina tseya uudhigu woye
nenge e ku kwathe, sho to hepekelwa uuyuuki?
28 Ku shi shi nani?
Nani ino shi uva kutya Omuwa oye Kalunga kaaluhe?
Oye a shiti omakankameno gevi.
Oye iha vulwa ye iha loloka.
Owino ye oya nyengana okutseyika.
29 Oye ta tsu omukumo oonakuvulwa
naamboka yaa na oonkondo,
oonkondo dhawo ote dhi indjipaleke odhindji.
30 Aagundjuka ohaa vulwa nohaa adhika kuutongwe,
aalumentu aagundjuka otaa punduka e taa ihata po,
31 ihe mboka taa inekele Omuwa,
ohaa mono oonkondo oompe.
Oya fa oontsa tadhi yelutha omawawa pombanda;
ohaa matuka yo itaa vulwa;
otaye ende noitaa loloka.
Ondjovo yehekeleko yaKalunga kaIsrael
1 Kalunga keni osho ta ti: “Hekelekeni, hekelekeni oshiwana shange. 2 Popyeni nombili naJerusalem, nye mu mu lalekidile, nokutya olwoodi laye ola kuka, noshikolo shaye osha futwa, osheshi ye okwa pewa luvali keke lOmwene omolwomanyonauno aye.”
3 Ondaka yomwiingidi tai udika: “Longekidileni Omwene ondjila mombuwa, yelakanifileni Kalunga ketu elila la yukilila mofuka. 4 Omalufilu aeshe naa fufilwe, eemhunda noitunhu aishe nai xupipalekwe, omangolyo naa yukifwe nomamanya naa yelakanifwe. 5 Ndele oshinge shOmwene otashi ke liholola, nombelela aishe otai ke shi mona, osheshi okanya kOmwene osho ka popya.”
6 Ondaka otai ti: “Lalekida!” Ndele ame nda pula: “Ondi nokulalekida shike?” Lalekida kutya ombelela aishe ngaashi omwiidi, newapalo layo alishe ngaashi onhemo yomoixwa; 7 Omwiidi otau kukuta, nonhemo yao otai kate, ngeenge omufudo wOmwene tau pepe po. Heeno shili, oshiwana osho omwiidi. 8 Omwiidi otau kukuta, nonhemo yao otai kate; ndelenee ondjovo yaKalunga ketu otai kala po fiyo alushe.
9 Akutu Sion, omuudifi weenghundana diwa! Londa komhunda ile! Akutu Jerusalem, yelula pombada ondaka yoye, oove omuudifi weenghundana diwa, heeno, i yelula pombada, ino tila, lombwela ava ve li moilando yaJuda u tye: Kalunga keni Oye ou! 10 Tala, Omwene Kalunga ote uya ngaashi omunaenghono, nokwooko kwaye otaku pangele. Tala, ondjabi yaye oku kwete meke laye, nofuto yaye otai mu tetekelele. 11 Ngaashi omufita ta lifa oimuna yaye, ta ongele oudjona momaoko aye ndele te va papatele ponhulo yaye, neenyali ote di findaeke nawa.
Kalunga omunene nomunaenghono aeke
12 Olyelye a yeleka omeva neshambekela? Olyelye a yeleka evalelwa neke laye? Olyelye ta dulu okuwanifa eheke ledu alishe mekopi? Olyelye a yeleka eemhunda noikulundudu noshivixa? 13 Olyelye a pukulula Omhepo yOmwene, nokwe lininga omupukululi waye woku mu longa? 14 Kalunga okwa kundafana nalyelye, a pewe eendunge noku mu pukulula mondjila ya yuka, noku mu longa a shiive, noku mu ulikila ondjila yomayele a wana? 15 Tala, oiwana aishe i li ngaashi eta limwe melila lehemele nongaashi okandwi moshiyelekifo. Tala, ota yelula eenhunhu aishe ngaashi okandwi. 16 Ndele Libanon inai wana oikuni, noifitukuti yayo inai wanena omaxwikiloyambo. 17 Oiwana aishe kai noshilonga kuye. Ye ote i tale oyo yongaho noi he na oshilonga.
18 Omwa hala okuyeleka Kalunga nalyelye, nomwa hala mu mu faafanife nalyelye? 19 Omuhambwidi ota teleke efanokalunga, nomuhambwidi woshingoldo ote li vaeke noshingoldo, note li hambulile okalyenge koshisiliveli. 20 Ndele ou ta nyengwa okulilandela efanokalunga la tya ngaha, oye ta ka konga omuti wolute wa pama, ndele ta kongo omuhongi onghulungu, a dike efanokalunga itali tengauka. 21 Kamu shi shii? Itamu udu ko? Inamu shi lombwelwa pehovelo? Inamu ninga eendunge dokushiiva, eshi tamu longwa komalikwatelelo edu? 22 Ye oku li omutumba kombada yongonga yedu noonakukalamo ove li ngaashi oshipaxu. Ota yale eulu ngaashi oshiyata shipu nongaashi etwali te li nyanununa okukala mo. 23 Omalenga ote a ningi okaulapepo kongaho novapangeli vopedu ngaashi oinima yongaho. 24 Opo va twikwa, opo va kunwa, opo va ninga omidi medu, ndele Ye ote va pepele omhepo, ndele tava kukuta, ndele tava twalwa kokafudaela, ngaashi olungu. 25 Omwa hala mu faafanife nge nalyelye, ndi mu fe ngeno? Omuyapuki osho ta ti. 26 Yeluleni omesho eni pombada, nye mu tale: Olyelye a shita oinima ei? Oye tuu ou ta pitifa mo eengudu dayo da wana komuvalu wado. Oye te i ifana aishe komadina ayo; eenghono daye odinene, nokudula kwaye okuhapu, kape na nande shimwe, tashi mu koyelele po. 27 Akutu Jakob, oshike hano to popi, naIsrael, eshi to ti: Ondjila yange oya holekwa Omwene, neyukifo lange kali po puKalunga? 28 Ove ku shi shii ile ino shi uda? Omwene Oye Kalunga kaalushe Omushiti wominghulo dedu? Ye iha loloka, ndele iha kenyanana, ounongo waye ohau nyenge okukonakonwa. 29 Oye ota pe ava va loloka ouladi, ndele ta hapupalifa eenghono daau ehe na eenghono. 30 Ovanyasha ohava loloka, ovalumenhu ovanyasha ohava loloka ndele hava punduka nokuwila po; 31 ndelenee ovo hava teelele Omwene, otava pewa eenghono dipe, otava yelula omavava pombada ngaashi eenhwa. Otava tondoka, ndele itava loloka, tava ende, ndele itava wile po.
