Aantu yOmuwa mwene
(Eks. 34:11-16)1 “Omuwa Kalunga koye ote ku fala mevi ndyoka to ke li lala, oye nota ka tidha mo iigwana. Ote ke ku tidhila mo iigwana iheyali iinene niinankondo yi ku vule: Aaheti, Aagirgashi, Aayamori, Aakaanana, Aaperesi, Aahevi nAayebusi. 2 Omuwa Kalunga koye shampa a tula aantu mbaka miikaha yoye e to ya sindi, ou na oku ya dhipaga po ayehe. Ino hangana nayo nenge u ya sile ohenda. 3 Ino hokanathana nayo, yo yaa hokane aamwoye, 4 oshoka otaa ka kutha aamwoye pOmuwa yo ya ka longele iikalunga. Ngele shika tashi ningwa, Omuwa ote ku geele e te ku dhimi po ohaluka. 5 Onkee ano kumuna po iiyambelo yawo, teyagula po oongundhimanya dhawo dhiidhila, ne mu keke po iiyelekela yoshikalungakiintu shawo Asheera, nokulungunitha po iimenka yawo. 6 Shi longa, oshoka ngoye oshigwana sha yapulilwa Omuwa Kalunga koye. Omuwa Kalunga koye okwe ku hogolola mokati kiigwana ayihe yomuuyuni, u ninge oshigwana she mwenelela.
7 “Omuwa ke ku hole ye ine ku hogolola ando molwashoka u vule iigwana yilwe muuwindji, aawe, owa li okagwana okashona miigwana ayihe yokombanda yevi. 8 Ihe Omuwa okwa li e ku hole nokwa hala okudhiginina euvaneko e li uvanekele oohokulu. Omolwashoka e ku tembudha mo noshikaha she shoonkondo e te ku mangulula muupika womukwaniilwa gwaEgipiti. 9 Kala u shi shi kutya Omuwa Kalunga koye oye awike Kalunga noye omudhiginini. Ota dhiginine ehangano lye nota hololele omapipi geyuvi esilohenda lye kumboka ye mu hole e taa vulika kiipango ye, 10 ihe iha lwedha okugeela mboka ye mu tonde. 11 Vulika ano kumbyoka we yi nongekwa; vulika kiipango nomautho noompango adhihe ndhoka nde dhi ku pe nena.”
Eyambeko lyaavuliki
(Deut. 28:1-14)12 “Ngele otamu pulakene iipango mbika e tamu yi dhiginine, nena Omuwa Kalunga keni ota ka dhiginina ehangano lye nane e te mu hololele esilohenda lye, ngaashika u uvanekele oohokulu nokugana. 13 Ota ka kala e mu hole e te mu yambeke noku mu indjipaleka. Ote ke mu pa aanona oyendji note ke mu yambeka noku mu pa eloolo lyiilya, omaviinu nomagadhi gooholivi; ote ke mu yambeka noku mu pa oongombe noonzi odhindji. Ote ke mu pa omayambeko agehe ngaka mevi ndyoka u uvanekele oohokulu nokugana kutya ote ke li mu pa. 14 Kaku na oshigwana muuyuni tashi ka kala shi na eyambeko she mu fa. Mokati keni itamu ka kala omulumentu nenge omukiintu ihaa vala nenge miimuna yeni. 15 Omuwa ote mu gamene koshivu kehe; ite mu ethele nando elega, ngaashi mwe shi koneke muEgipiti, ihe ote li undulile maatondi yeni. 16 Hanagulii po oshigwana kehe Omuwa Kalunga keni te shi gandja miikaha yeni; inamu shi sila nando ohenda. Inamu longela iikalunga yasho, otashi ka ninga omwigo gweni.
17 “Inamu ilombwela ne yene kutya iigwana mbika oyindji yi mu vule noitamu vulu oku yi tidha po. 18 Inamu yi tila; dhimbulukweni shoka Omuwa Kalunga keni e shi ningile omukwaniilwa gwaEgipiti naantu ye ayehe. 19 Dhimbulukweni omageelo giihuna ngoka mwa tala nomeho geni yene, iilongandhindhiliko niinyengandunge, oshikaha shoka shoonkondo nokwooko kwa taganana nkoka Omuwa Kalunga keni e mu mangulula nakwo. Pahedhi tuu ndjika otamu ka hanagula po iigwana ayihe mbyoka hamu yi tila ngashingeyi. 20 Omuwa Kalunga keni ota ka tuma omambonzi mokati kawo, sigo ayehe ya pu po mboka ye mu hunuka ya ka holama. 21 Osho ano inamu tila aantu mboka. Omuwa Kalunga keni oku li pamwe nane; oye Kalunga omunene nomutilithilela. 22 Kashona nakashona ote mu tidhile po iigwana mbika. Inamu yi hanagula po polumwe; ngele tamu shi ningi, iithitukuti otayi indjipala e tayi mu gwililile po. 23 Omuwa Kalunga keni ota ka gandja aatondi yeni miikaha yeni e te ya piyaganeke nayi, sigo ya dhimwa po. 24 Ota ka gandja aakwaniilwa yawo miikaha yeni. Otamu ke ya dhipaga po, e taa dhimbiwa. Kape na ngoka ta ka vula oku mu kankeka; otamu ka hanagula po ayehe. 25 Lungunithii po iimenka yawo. Inamu haluka iisiliveli nenge iingoli mbyoka yi li kuyo noinamu yi ikuthila. Ngele tamu shi ningi, otashi mu ningile omwigo, oshoka oyo iihunalela kOmuwa Kalunga keni. 26 Iimenka mbika inamu yi eta nando okuli momagumbo geni, opo ethingano tuu ndyoka lyawo lyaaye mu kwate. Omu na okutonda nokudhina iimenka mbyoka, oshoka oya thingwa kOmuwa.”
Omapukululo mokukalafana kwOvaisraeli noonakukala muKaanan
1 “Omwene Kalunga koye ngeenge te ku twala medu omo to i u ke li nangele ndele Ye ota taataa komesho yoye oiwana ihapu: Ovaheti nOvagirgasi nOvaamori nOvakaanan nOvaperesi nOvahevi nOvajebusi, oiwana iheyali, i ku dule mouhapu nomeenghono, 2 nOmwene Kalunga koye ngeenge te i ku pe ndele ove to i taataa, opo nee ove u noku i hanauna po aishe shekesheke. Inamu ninga ehangano nayo, ndele inamu i fila onghenda. 3 Inamu lihombolelafana haukwe nahaukwe. Inamu yandja ovana veni oukadona kovana vavo ovamati, ndele inamu kufila ovana vavo ovamati ovana veni oukadona, 4 osheshi ye ote ke liteekifa omona woye omumati kwaame, opo a longele oikalunga imwe, nehandu lOmwene tali mu xwamene ndele Ye ote mu halakanifa po diva. 5 Ndelenee nye mu noku va ninga ngaha: eealtari davo mu noku di ngumauna po neengudimanya davo mu noku di teyaula po nokuka po omiti davo daAsera nokuxwika po nomundilo oihongwafano yavo. 6 Osheshi ove oshiwana sha yapulilwa Omwene Kalunga koye. Omwene Kalunga koye e ku hoolola mo moiwana aishe yokombada yedu, opo u kale oshiwana shaye mwene.
7 “Omwene ine mu hokwa ndele ine mu hoolola omuvalu weni ngeno u dule woiwana ikwao aishe, osheshi omuvalu weni wa li munini, u dulike koiwana aishe. 8 Ndelenee Omwene eshi e mu hole nokwa li a hala okudiinina eano Ye e li anenene ooxo, onghee hano Omwene e mu pitifa mo neke li neenghono meumbo loupika, meke laFarao, ohamba yaEgipiti. 9 Kala u shi shii hano nokutya, Omwene Kalunga, Oye Kalunga koye, Kalunga omudiinini, ou ta diinine ehangano laye nouwanghenda kwaava ve mu hole ndele tava diinine oipango yaye, komaludalo eyovi. 10 Ndelenee ava tave mu tondo, keshe umwe, Ye ote mu handukile e mu hanaune po. Ye ita ka ongaonga, ndelenee ta handukile keshe umwe, ou te mu tondo.
11 “Diinina hano oipango neenghedimhango nomalombwelo aa ame ohandi mu lombwele nena eli, opo u a wanife.
12 “Ndele nye ngeenge tamu udu eenghedimhango edi ndele tamu di wanifa, Omwene Kalunga keni ote ke mu diininina ehangano nouwanghenda ou, Ye e u anenene ooxo, 13 ndele Ye ote ke ku hola noku ku nangeka noupuna noku ku hapupalifa; Ye ota ka nangeka noupuna oludalo lomolutu loye, noiimati yomepya loye, noilya yoye nomaviinyu oye nomaadi oye olumono loye, oludalo leengobe doye noludalo leedi doye medu tuu olo Ye e li udanekela nokwaana oku li pa ooxo. 14 Ove to ka kala omunangekwa noupuna kombada yoiwana aishe. Mokati keni itamu ka kala nande omulumenhu umwe ile omukainhu umwe ita dala, nosho yo mokati koimuna yeni. 15 NOmwene ota ka kufa mwoove oudu keshe, ndele ite ku twike omikifi adishe dii daEgipiti odo u di shii. Ndelenee Ye te di twike aveshe ava have ku tondo. 16 Ndele ove oto ka mana po oiwana aishe oyo Omwene Kalunga koye ta yandje momake oye. Eisho loye itali ke i fila onghenda, ndele ino longela oikalunga yayo, osheshi otashi ka ninga omwiyo woye.
17 “Ngeenge ho diladila momutima woye nokutya oiwana oyo oya kula i ku dule nge mouhapu, ame ohandi dulu ngahelipi oku i taataa? 18 Ino kala to i tila. Dimbulukwa alushe osho Omwene Kalunga koye a ningila Farao naEgipiti alishe, 19 nomahalwifoyeleko manene omesho oye a mona, nomadidiliko noikumwifa neke li neenghono nokwooko kwa yeluka Omwene Kalunga koye e ku pitifa mo. Osho ngaha Omwene Kalunga koye ota ka ningila oiwana aishe oyo ove ho tila. 20 NOmwene Kalunga koye ota ka tuma mokati kavo omawashe fiyo ava va xupa po naavo ve ku hondama, va pwa po. 21 Ino va haluka, osheshi Omwene Kalunga koye oku li pwoove, Oye Kalunga omunene noha tilika. 22 NOmwene Kalunga koye ota ka taataa po oiwana omafiku nomafiku komesho yoye. Ino i mana po diva, oilyani yomofuka ihe ku hapupalele unene. 23 Ndelenee Omwene Kalunga koye ote ke i yandja momake oye ndele te i dundakanifa unene fiyo tai ka pwa po. 24 Ye ota ka yandja meke loye eehamba davo yo, opo u shiive okudima po omadina avo koshi yeulu. Nande umwe ta ka dula oku ku kangheka fiyo ove we va mana po. 25 Oihongwafano yoikalunga yavo ove u noku i xwika po nomundilo. Ino hokwa oshisiliveli noshingoldo shayo, she i djalekwa, ino kufa mo nande sha, opo uha kwatwe komwiyo. Osheshi osho oixuna koshipala shOmwene Kalunga koye. 26 Ndele meumbo loye ino eta mo oixuna, opo uha dimwe po ngaashi yo, nokutulwa omutima, ngaashi yo u noku shi tonda unene, osheshi osha fingwa.
